ചെങ്ങന്നൂര്‍: ആരോഗ്യമേഖലയില്‍ വലിയ  രീതിയിലുള്ള പരിഷ്‌കാരങ്ങള്‍ കൊണ്ടുവരാന്‍ സര്‍ക്കാരിന് സാധിച്ചുവെന്ന്  ആരോഗ്യ വകുപ്പ് മന്ത്രി കെ. കെ ശൈലജ  പറഞ്ഞു ചെങ്ങന്നൂര്‍ ജില്ലാ ആശുപത്രി അത്യാധുനിക നിലവാരത്തിലേക്ക് ഉയര്‍ത്തുന്നതിന്റെ  ഭാഗമായി നിര്‍മ്മിക്കുന്ന പുതിയ കെട്ടിടത്തിന്റെ  നിര്‍മ്മാണ ഉദ്ഘാടനം നിര്‍വ്വഹിച്ചു കൊണ്ട് സംസാരിക്കുകയായിരുന്നു മന്ത്രി. 

നാടന്‍ മാവിനങ്ങളെ സംരക്ഷിക്കുന്നതിനായുള്ള ഒരു ഗവേഷണപദ്ധതി  കേരള കാര്‍ഷിക സര്‍വകലാശാലയുടെ സദാനന്ദപുരതത്തുള്ള കൃഷി സമ്പ്രദായഗവേഷണകേന്ദ്രത്തില്‍ നടപ്പിലാക്കുന്നുണ്ട്. ഈ പദ്ധതിയുടെ ഭാഗാവാന്‍ താത്പര്യമുള്ള നാടന്‍മാവിനങ്ങള്‍ വീട്ടുവളപ്പിലുള്ള കര്‍ഷകര്‍ 8137840196 എന്ന ഫോണ്‍ നമ്പരില്‍ ബന്ധപ്പെടുക

ആലപ്പുഴ: ആലപ്പുഴ ഗവണ്‍മെന്റ് റ്റി.ഡി മെഡിക്കല്‍ കോളജിലെ  വാഹനത്തിന്   (കെ.എല്‍-01-ബി.എ 5119)   സ്‌പെയര്‍ പാര്‍ട്ട്‌സ് വാങ്ങുന്നതിന്  ക്വട്ടേഷന്‍ ക്ഷണിച്ചു. ക്വട്ടേഷന്‍ നവംബര്‍ 19 ഉച്ചയ്ക്ക് 12 വരെ സ്വീകരിക്കും. അന്നേദിവസം രണ്ടിന് തുറക്കും. ക്വട്ടേഷന്‍ പ്രിന്‍സിപ്പല്‍, ഗവ.റ്റി.ഡി. മെഡിക്കല്‍ കോളജ്, ആലപ്പുഴ -അഞ്ച് എന്ന വിലാസത്തില്‍ ലഭിക്കണം. ഫോണ്‍ 0477 2282015

ആലപ്പുഴ: ആലപ്പുഴ ഗവണ്‍മെന്റ് റ്റി.ഡി മെഡിക്കല്‍ കോളജിലെ  വാഹനങ്ങള്‍ക്ക്   (കെ.എല്‍-04-എ.എം-1953 ആന്‍ഡ് കെ.എല്‍-04 -എ.എ-1234)  ജി.പി.എസ് (രണ്ടെണ്ണം)  വാങ്ങുന്നതിന്  ക്വട്ടേഷന്‍ ക്ഷണിച്ചു. ക്വട്ടേഷന്‍ നവംബര്‍ 20 ഉച്ചയ്ക്ക് ഒന്നു വരെ സ്വീകരിക്കും. അന്നേദിവസം രണ്ടിന് തുറക്കും. ക്വട്ടേഷന്‍ പ്രിന്‍സിപ്പല്‍, ഗവ.റ്റി.ഡി. മെഡിക്കല്‍ കോളജ്, ആലപ്പുഴ -അഞ്ച് എന്ന വിലാസത്തില്‍ ലഭിക്കണം. ഫോണ്‍ 0477 2282015
 

ആലപ്പുഴ : കുതിരപ്പന്തി ഉദയാ ലൈബ്രറിയുടെ നവീകരിച്ച മന്ദിരം പൊതുമരാമത്തു -രെജിസ്ട്രേഷൻ വകുപ്പ് മന്ത്രി ജി. സുധാകരൻ ഉദ്ഘാടനം ചെയ്തു. ആലപ്പുഴ നഗരസഭയുടെ ജനകീയാസൂത്രണ ഫണ്ടിൽ നിന്നും അനുവദിച്ച പത്തുലക്ഷം രൂപ ഉപയോഗിച്ചാണ് ഉദയാ ലൈബ്രറി ആൻഡ് റീഡിംഗ് റൂമിന്റെ കെട്ടിടം നവീകരിച്ചത്.

ആലപ്പുഴ: ആലപ്പുഴ തിരുവമ്പാടി ഹൈ  സ്കൂളിലെ പുതുതായി നിർമിക്കുന്ന കെട്ടിടത്തിന്റെ നിർമാണ ഉദ്ഘാടനം പൊതുമരാമത്തു വകുപ്പ് മന്ത്രി ജി സുധാകരൻ നിർവഹിച്ചു. 3 കോടി രൂപ മുടക്കിൽ 3 നിലകളിലായാണ് കെട്ടിടം നിർമിച്ചിരിക്കുന്നത്. ചടങ്ങിൽ മുനിസിപ്പൽ ചെയർമാൻ ഇല്ലിക്കൽ കുഞ്ഞുമോൻ അധ്യക്ഷത വഹിച്ചു. വൈസ് ചെയർപേഴ്സൺ സി ജ്യോതിമോൾ, ഡി ഇ ഓ ഭാരതി ഷേണായി, ഹൈ സ്കൂൾ, ഹയർ സെക്കൻഡറി സ്കൂൾ പ്രിൻസിപ്പൽമാർ, അധ്യാപകർ, പി ടി എ അംഗങ്ങൾ തുടങ്ങിയവർ ചടങ്ങിൽ പങ്കെടുത്തു.

ആലപ്പുഴ : ആലപ്പുഴക്കാരുടെ ചിരകാല സ്വപ്നമായ ബൈ പാസ്സ് ഡിസംബർ അവസാനത്തോടുകൂടി എല്ലാ ജോലികളും പൂർത്തീകരിച്ചുകൊണ്ട് തുറന്നു കൊടുക്കാൻ ആകുമെന്ന് പൊതുമരാമത്തു -രെജിസ്ട്രേഷൻ വകുപ്പ് മന്ത്രി ജി. സുധാകരൻ പറഞ്ഞു. അവസാന വട്ട പണികളായ സൈഡ് വാൾ പെയിന്റിംഗ് അടക്കമുള്ളവയാണ് ഇപ്പോൾ നടന്നുകൊണ്ടിരിക്കുന്നത്. പ്ലാസ്റ്റിക് മിശ്രിതം ഉപയോഗിച്ചു റോഡിന്റെ ഉള്ളിലേക്ക് വെള്ളം കയറാത്ത രീതിയിലാണ് നിർമ്മിച്ചിരിക്കുന്നത്. 2021 ന്റെ പുതുവർഷത്തിൽ ആലപ്പുഴക്ക് ലഭിക്കുന്ന സമ്മാനമായി ബൈപാസ്സ് മാറുമെന്നും മന്ത്രി കൂട്ടിച്ചേർത്തു. ബൈപാസ്സ് സന്ദർശിച്ചു നിർമ്മാണ പുരോഗതി വിലയിരുത്തുകയായിരുന്നു അദ്ദേഹം.

റീബിൽഡ് കേരള ഡവലപ്മെന്റ് പ്രോഗ്രാമിൽ ഉൾപ്പെടുത്തി അതിജീവനം കേരളീയം പദ്ധതി പ്രകാരം ഉള്ളിയേരിയിൽ ആരംഭിച്ച  കണക്ട് ടു വർക്ക് ട്രെയിനിങ്ങ് സെന്ററിന്റെ ഉദ്ഘാടനം ഗ്രാമപഞ്ചായത്ത് പ്രസിഡണ്ട്  ഷാജു ചെറുക്കാവിൽ നിർവ്വഹിച്ചു. സി.ഡി.എസ്സ് ചെയർ പേഴ്സൺ എ.ദേവി അദ്ധ്യക്ഷത വഹിച്ചു. അസിസ്റ്റന്റ് സെക്രട്ടറി എ രമേശൻ റിപ്പോർട്ട് അവതരിപ്പിച്ചു.

കേരള സർക്കാർ മാതൃകാ പദ്ധതിയായ വിശപ്പുരഹിത ജനകീയ ഹോട്ടൽ ഉള്ളിയേരി പഞ്ചായത്തിൽ പ്രവർത്തനമാരംഭിച്ചു. ഗ്രാമ പഞ്ചായത്ത് പ്രസിഡന്റ് ഷാജു ചെറുക്കാവിൽ ഉദ്ഘാടനം ചെയ്തു. വൈസ് പ്രസിഡന്റ് ചന്ദിക പൂമഠത്തിൽ അദ്ധ്യക്ഷത വഹിച്ചു.

പഞ്ചായത്ത് കുടുംബശ്രീയുടെ നേതൃത്വത്തിലാണ് 20 രൂപയ്ക്ക് ഊൺ തയ്യാറാക്കി നൽകുന്നത്. ചടങ്ങിൽ പി.ഷാജി, സി.കെ രാമൻകുട്ടി, അനീഷ് എം.സി, കെ. അനിത, എ. ദേവി തുടങ്ങിയവർ പങ്കെടുത്തു.