കോഴിക്കോട് ജില്ലാപഞ്ചായത്ത് ജനകീയാസൂത്രണം 2020-21 പദ്ധതിയിൽ ഉൾപ്പെടുത്തി ചങ്ങരോത്ത് പഞ്ചായത്തിൽ നിർമ്മിക്കുന്ന കന്നാട്ടി കുളത്തിന്റെ പ്രവൃത്തി ഉദ്‌ഘാടനം തൊഴിൽ എക്സൈസ് വകുപ്പ് മന്ത്രി ടി.പി.രാമകൃഷ്ണൻ നിർവഹിച്ചു.
തെരുവത്ത് അബ്ദുൾ മജീദ് സംഭാവനയായി നൽകിയ 22.63 സെന്റ് സ്ഥലത്താണ് കുളം നിർമ്മിക്കുന്നത്. 

രോഗമുക്തി 844

റീബിൾഡ് കേരള ഡെവലപ്മെന്റ് പ്രോഗ്രാമിൽ ഉൾപ്പെടുത്തി  നടത്തുന്ന കണക്ട് ടു വർക്ക് പദ്ധതിയുടെ ഭാഗമായി ജില്ലയിൽ വിവിധ സ്ഥലങ്ങളിൽ പരിശീലന കേന്ദ്രങ്ങൾ ഉദ്ഘാടനം ചെയ്തു.

ആര്‍ദ്രം പദ്ധതിയിലുള്‍പ്പെടുത്തി ചെക്യാട് പ്രാഥമികാരോഗ്യകേന്ദ്രത്തെ കുടുംബാരോഗ്യ കേന്ദമായി ഉയര്‍ത്തി.   പ്രഖ്യാപനം ആരോഗ്യ വകുപ്പ് മന്ത്രി കെ.കെ.ശൈലജ ടീച്ചര്‍  ഓണ്‍ലൈനില്‍ നിര്‍വ്വഹിച്ചു. ഇ.കെ.വിജയന്‍ എം.എല്‍.എ. അദ്ധ്യക്ഷത വഹിച്ചു. കുടുംബാരോഗ്യ കേന്ദ്രമായി മാറുന്നതോടെ മൂന്ന് ഡോക്ടര്‍മാരുടെ സേവനം ലഭിക്കും.  ലാബ് രാവിലെ 9 മണി മുതല്‍ വൈകുന്നേരം 6 മണി വരെ പ്രവര്‍ത്തിക്കും. എം.എല്‍.എ ഫണ്ടില്‍ നിന്ന് 40 ലക്ഷം രൂപ ചെലവില്‍ പുതിയ ബ്ലോക്ക് നിര്‍മ്മിച്ചിട്ടുണ്ട്.

രാമനാട്ടുകര നഗരസഭ പുതുതായി നിര്‍മ്മിക്കുന്ന കെട്ടിടത്തിന്റെ പ്രവൃത്തി ഉദ്ഘാടനം വീഡിയോ കോണ്‍ഫറന്‍സിലൂടെ തൊഴില്‍ വകുപ്പ് മന്ത്രി ടി പി രാമകൃഷ്ണന്‍ നിര്‍വഹിച്ചു. വി.കെ.സി മമ്മദ് കോയ എം.എല്‍.എ അധ്യക്ഷത വഹിച്ചു.രാമനാട്ടുകരയില്‍ ഒരു ഏക്കര്‍ രണ്ട് സെന്റ് സ്ഥലത്താണ് എല്ലാ സൗകര്യങ്ങളോടും കൂടിയ കെട്ടിടം നിര്‍മ്മിക്കുന്നത്. കിഫ് ബി 12 കോടി 40 ലക്ഷം രൂപ അനുവദിച്ചിട്ടുണ്ട്. 

കാരശ്ശേരി - ചെറുവാടി - കാവിലട റോഡില്‍ കോട്ടമുഴി പാലത്തിന്റെ പുനരുദ്ധാരണ പ്രവൃത്തി നടക്കുന്നതിനാല്‍ ഇന്ന് (നവംബര്‍ ആറ്) മുതല്‍ പ്രവൃത്തി തീരുന്നതു വരെ ഇതു വഴിയുളള വാഹന ഗതാഗതം നിരോധിച്ചു. ഇതു വഴി വരുന്ന വാഹനങ്ങള്‍ കാരക്കുറ്റി വഴിയും ചേന്ദമംഗലൂര്‍ വഴിയും കടന്നു പോകണമെന്ന് എക്സിക്യൂട്ടീവ് എഞ്ചിനീയര്‍ അറിയിച്ചു.

നെല്‍വയല്‍ സംരക്ഷണത്തിന്റെ ഭാഗമായി നെല്‍വയല്‍ ഉടമകള്‍ക്ക് കേരള സര്‍ക്കാര്‍ പ്രഖ്യാപിച്ച നെല്‍കൃഷി റോയല്‍റ്റി സാമ്പത്തിക ആനുകൂല്യത്തിന് ഓണ്‍ ലൈന്‍ വഴി അപേക്ഷ സമര്‍പ്പിക്കുന്നതിന്  ബാലുശ്ശേരി കൃഷിഭവന്‍ സൗജന്യ രജിസ്‌ടേഷന്‍ ക്യാമ്പ് സംഘടിപ്പിച്ചു.  ക്യാമ്പ് പഞ്ചായത്ത് പ്രസിഡന്റ്  രൂപലേഖ കൊമ്പിലാട് ഉദ്ഘാടനം ചെയ്തു. ക്യാമ്പില്‍ ഇന്നും  (നവംബര്‍ ആറ്) കര്‍ഷകര്‍ക്ക് അപേക്ഷ സമര്‍പ്പിക്കാം.

ഏഴംകുളം ഗ്രാമപഞ്ചായത്തിലെ വാര്‍ഡ് 7 (കുലശ്ശേരി കോളനി ഉള്‍പ്പെടുന്ന പ്രദേശം), കുന്നന്താനം ഗ്രാമപഞ്ചായത്തിലെ വാര്‍ഡ് 2 (മറ്റയ്ക്കാട്ടുകുഴി കോളനി, കനകകുന്ന് - പുളിന്താനം, മഠത്തിക്കാവ് ജംഗ്ഷന്‍ - കനകകുന്ന് പ്രദേശം) എന്നീ പ്രദേശങ്ങളെ നവംബര്‍ 6 മുതല്‍ കണ്ടെയ്ന്‍മെന്റ് സോണ്‍ നിയന്ത്രണത്തില്‍ നിന്നും ഒഴിവാക്കി ജില്ലാ കളക്ടര്‍ പി.ബി നൂഹ് ഉത്തരവ് പുറപ്പെടുവിച്ചു.