2020-21 അക്കാദമിക് വർഷം ഭിന്നശേഷി, ന്യൂനപക്ഷ മതവിഭാഗത്തിലെ വിദ്യാർത്ഥികൾക്കുളള പോസ്റ്റ്‌മെട്രിക് സ്‌കോളർഷിപ്പിന് (ഫ്രഷ്/റിന്യൂവൽ) നവംബർ 30 വരെ അപേക്ഷിക്കാം. www.scholarships.gov.in  ലെ നാഷണൽ സ്‌കോളർഷിപ്പ് പോർട്ടൽ മുഖാന്തിരം ഓൺലൈനായി അപേക്ഷകൾ സമർപ്പിക്കാം. വിശദവിവരങ്ങൾക്ക് www.collegiateedu.kerala.gov.in, www.dcescholarship.kerala.gov.in  എന്നീ വെബ്‌സൈറ്റുകളിൽ ലഭിക്കും. ഫോൺ: 0471-2306580, 9446780308, 9446096580.

നവംബര്‍ 13-ാം തീയതിയില്‍ നടക്കുന്ന പോസ്റ്റ് ബേസിക് ബി.എസ്.സി, നേഴ്‌സിംഗ്, ഡിഗ്രി കോഴ്‌സുകളിലെ പ്രവേശനപരീക്ഷക്കുളള ഹാള്‍ ടിക്കറ്റ് www.lbscentre.kerala.gov.in എന്ന വെബ്‌സൈറ്റില്‍ നിന്നും ഡൗണ്‍ലോഡ് ചെയ്യാം.

പേയാട് ഇലക്ട്രിക്കല്‍ സെക്ഷന്റെ പരിധിയില്‍ അറ്റകുറ്റപണികള്‍ നടക്കുന്നതിനാല്‍ പേയാട് ജംഗ്ഷനും പരിസരപ്രദേശങ്ങളിലും ചീലപ്പാറ, പള്ളിമുക്ക്, ഭജനമഠം, ചിറക്കോണം എന്നിവിടങ്ങളിലും പൂജപ്പുര ഇലക്ട്രിക്കല്‍ സെക്ഷന്റെ പരിധിയില്‍ വരുന്ന ജഗതി, കൊച്ചാര്‍ റോഡ്  എന്നീ   ട്രാന്‍സ്‌ഫോര്‍മറില്‍  അറ്റകുറ്റപണികള്‍ നടക്കുന്നതിനാല്‍, ഈ ട്രാന്‍സ്‌ഫോര്‍മറിന്റെ പരിധിയില്‍ വരുന്ന  പ്രദേശങ്ങളിലും  ഇന്ന് (07.11.2020) രാവിലെ  9.30 മുതല്‍ വൈകുന്നേരം 5.30  വരെ വൈദ്യുതി മുടങ്ങുമെന്ന് കെ.എസ്.ഇ.ബി അറിയിച്ചു.

കെ.ടെറ്റ് സര്‍ട്ടിഫിക്കറ്റ് വിതരണം

മലയിന്‍കീഴ് എം.എം.എസ് ഗവണ്‍മെന്റ് ആര്‍ട്‌സ് ആന്‍ഡ് സയന്‍സ് കോളേജിലെ സ്‌പോര്‍ട്‌സ് കൗണ്‍സില്‍ ലിസ്റ്റ് പ്രകാരമുളള ഡിഗ്രി അഡ്മിഷനുളള അഭിമുഖം നവംബര്‍ 11 രാവിലെ 10 ന് ഓഫിസില്‍ വച്ച് നടത്തുമെന്ന് പ്രിന്‍സിപ്പാള്‍ അറിയിച്ചു.  ലിസ്റ്റില്‍ ഉള്‍പ്പെട്ടിട്ടുളളവര്‍ എല്ലാ അസ്സല്‍ സര്‍ട്ടിഫിക്കറ്റുകളും സഹിതം ഹാജരാകണമെന്നും അറിയിപ്പില്‍ പറയുന്നു.

ഈ മാസത്തെ പത്രപ്രവര്‍ത്തക, പത്രപ്രവര്‍ത്തകേതര പെന്‍ഷന്‍ നവംബര്‍ ഒമ്പത് മുതല്‍ 13 വരെ പബ്ലിക് ഓഫിസില്‍ സ്വീകരിക്കുന്നതാണ്.  രാവിലെ 11 മുതല്‍ ഒരു മണിവരെയും ഉച്ചയ്ക്കു രണ്ടു മുതല്‍ നാലു വരെയുമാകും അംശദായം സ്വീകരിക്കുക - 

                                                                                      ജില്ലാ ഇന്‍ഫര്‍മേഷന്‍ ഓഫിസര്‍, തിരുവനന്തപുരം.

കണ്ണൂര്‍ പറശ്ശിനിക്കടവുള്ള എം.വി.ആര്‍ ആയുര്‍വേദ കോളേജില്‍ നഴ്‌സിംഗ് (ആയുര്‍വേദം), ബി. ഫാം(ആയുര്‍വേദം) എന്നീ കോഴ്സുകളിലേക്ക് അപേക്ഷ ക്ഷണിച്ചു.  എല്‍.ബി.എസ് സെന്റര്‍ ഡയറക്ടറുടെ www.lbscentre.kerala.gov.in എന്ന വെബ്‌സൈറ്റ് വഴി ഓണ്‍ലൈന്‍ ആയി അപേക്ഷിക്കാം. പൊതുവിഭാഗത്തിന് 600 രൂപയും പട്ടികജാതി/പട്ടികവര്‍ഗ വിഭാഗത്തില്‍ 300 രൂപയുമാണ് അപേക്ഷാ ഫീസ്. ഓണ്‍ലൈന്‍ വഴിയോ സൈറ്റില്‍ നിന്നും ഡൗണ്‍ലോഡ് ചെയ്ത ചെലാന്‍ ഉപയോഗിച്ചോ ഫെഡറല്‍ ബാങ്കിന്റെ ഏതെങ്കിലും ശാഖ വഴിയോ ഫീസ് അടയ്ക്കാം.  കൂടുതല്‍ വിവരങ്ങള്‍ക്ക് 0471-2560363, 2560364.

തിരുവനന്തപുരം, കോട്ടയം, കണ്ണൂര്‍ സര്‍ക്കാര്‍ നഴ്‌സിംഗ് കോളേജുകളില്‍ പോസ്റ്റ് ബേസിക് ഡിപ്ലോമ ഇന്‍ സ്‌പെഷ്യാലിറ്റി നഴ്‌സിംഗ് കോഴ്സുകളിലേക്ക് അപേക്ഷ ക്ഷണിച്ചു.  എല്‍.ബി.എസ് സെന്റര്‍ ഡയറക്ടറുടെ www.lbscentre.kerala.gov.in എന്ന വെബ്‌സൈറ്റ് വഴി ഓണ്‍ലൈന്‍ ആയി അപേക്ഷിക്കാം.

കഴക്കൂട്ടം ഗവണ്‍മെന്റ് ഐ.ടി.ഐയില്‍ 2020 -ലേക്കുളള രണ്ടാംഘട്ട അലോട്ട്‌മെന്റ് www.itikzkm@gmail.com എന്ന വെബ്‌സൈറ്റില്‍ പ്രസിദ്ധീകരിച്ചു.  ലിസ്റ്റില്‍ ഉള്‍പ്പെട്ടവര്‍ നവംബര്‍ 09, 10 തീയതികളില്‍ ഐ.ടി.ഐയില്‍ ഹാജരായി പ്രവേശനം നേടണം എന്ന് പ്രിന്‍സിപ്പാള്‍ അറിയിച്ചു.  കൂടുതല്‍ വിവരങ്ങള്‍ക്ക് 9446183579, 9495485166.

സംസ്ഥാനത്തെ സ്റ്റേജ് കാര്യേജ് ബസ്സുകളുടെയും കോൺട്രാക്റ്റ് കാര്യേജ് ബസ്സുകളുടെയും ഒക്‌ടോബർ ഒന്നിന് തുടങ്ങിയ ക്വാർട്ടറിലെ വാഹന നികുതി അൻപത് ശതമാനം ഒഴിവാക്കി സർക്കാർ തീരുമാനമായതായി ഗതാഗത വകുപ്പ്മന്ത്രി എ.കെ.ശശീന്ദ്രൻ അറിയിച്ചു. ബാക്കി വരുന്ന അൻപത് ശതമാനം നികുതി അടയ്ക്കുന്നതിനുളള സമയപരിധി സ്റ്റേജ് കാര്യേജുകൾക്ക് 2020 ഡിസംബർ 31 വരെയും കോൺട്രാക്റ്റ് കാര്യേജുകൾക്ക് 2020 നവംബർ 30 വരെയും നീട്ടി ഉത്തരവായിട്ടുണ്ട്.
പി.എൻ.എക്‌സ്. 3932/2020