പരീക്ഷാഭവൻ നടത്തുന്ന അറബിക് ഭാഷാധ്യാപക സപ്ലിമെൻററി പരീക്ഷ (2020) യുടെ ടൈംടേബിൾ www.keralapareekshabhavan.in ൽ ലഭ്യമാണ്. 

പി.എൻ.എക്‌സ്.3998/2020

2020-21 അദ്ധ്യായന വർഷത്തെ ബി.ടെക് സായാഹ്ന കോഴ്‌സ് പ്രവേശനത്തിന് 17 വരെ www.admissions.dtekerala.in, www.dtekerala.gov.in എന്നിവയിൽ ഓൺലൈനായി അപേക്ഷിക്കാം.  വിശദാംശങ്ങളും പ്രോസ്‌പെക്ടസും വെബ്‌സൈറ്റിൽ ലഭിക്കും.
പി.എൻ.എക്‌സ്.3997/2020

ജില്ലാ ശിശുക്ഷേമ സമതിയുടെ ശിശുദിനാഘോഷ പരിപാടികള്‍ക്ക് നേതൃത്വം നല്‍കാന്‍ കുട്ടികളുടെ പ്രധാനമന്ത്രിയായി മരുതോങ്കര ജിഎല്‍പി സ്‌ക്കൂള്‍ മൂന്നാം ക്ലാസ് വിദ്യാര്‍ത്ഥിനി നിയ സുരേന്ദ്രനെയും പ്രസിഡണ്ടായി സെന്റ് ജോസഫ് ആഗ്ലോ ഇന്ത്യന്‍ ഗേള്‍സ് ഹയര്‍ സെക്കന്ററി സ്‌കൂള്‍ ഏഴാം ക്ലാസ് വിദ്യാര്‍ത്ഥിനി ശ്വേത എസ.് നായരെയും സ്പീക്കറായി വടയം നടുപ്പൊയില്‍ യുപി സ്‌ക്കൂള്‍ വിദ്യാര്‍ത്ഥിനി നിവേദ്യയെയും തെരഞ്ഞെടുത്തു. എല്‍ പി, യു പി വിഭാഗം പ്രസംഗ മത്സരത്തിലൂടെയാണ് തെരഞ്ഞെടുപ്പ് നടത്തിയത്.  

ഗവൺമെന്റ്/ ഗവൺമെന്റ്-എയ്ഡഡ്/ ഐ.എച്ച്.ആർ.ഡി/ സ്വാശ്രയ  പോളിടെക്‌നിക് കോളേജിലേക്കു ഡിപ്ലോമ പ്രവേശനത്തിനുള്ള മൂന്നാമത് (അവസാന) അലോട്ട്‌മെന്റ് ലിസ്റ്റ് ഇന്ന് (നവംബർ 13) പ്രസിദ്ധീകരിക്കും. അഡ്മിഷൻ ലഭിച്ചിരിക്കുന്നവർ അലോട്ട്‌മെന്റ് ലഭിച്ച സ്ഥാപനങ്ങളിൽ മുഴുവൻ ഫീസടച്ച് പ്രവേശനം നേടണം. നേരത്തെ ഉയർന്ന ഓപ്ഷനു വേണ്ടി രജിസ്റ്റർ ചെയ്തവരും ഈ ലിസ്റ്റ് പ്രകാരം അലോട്ട്‌മെന്റ് ലഭിച്ച സ്ഥാപനങ്ങളിൽ 19ന് വൈകിട്ട് നാലിന് മുമ്പ് പ്രവേശനം നേടണം. ഇതുവരെ 6829 പേർ പ്രവേശനം നേടുകയും 8854 പേർ താൽക്കാലികമായി പ്രവേശനം  നേടുകയും ചെയ്തു.
പി.എൻ.എക്‌സ്.3996/2020

തിരുവനന്തപുരം സർക്കാർ ആർട്‌സ് കോളേജിലെ ഡിഗ്രി കോഴ്‌സുകളിലേക്ക് സ്‌പോർട്‌സ് ക്വാട്ടയിൽ പ്രവേശനത്തിന് സ്‌പോർട്‌സ് കൗൺസിൽ പ്രസിദ്ധീകരിച്ച റാങ്ക് ലിസ്റ്റിൽ ഉൾപ്പെട്ടവർ 18ന് രാവിലെ 10.30ന് ബന്ധപ്പെട്ട രേഖകളുടെ അസ്സലും പകർപ്പുകളും സഹിതം കോളേജ് പ്രിൻസിപ്പൽ മുമ്പാകെ ഹാജരാകണം.
പി.എൻ.എക്‌സ്.3995/2020

ജില്ലയിലെ ബീച്ചുകളില്‍ ഇന്നു (നവംബര്‍ 12) മുതല്‍ നിയന്ത്രണങ്ങളോടെ പ്രവേശനം അനുവദിക്കാന്‍ ജില്ലാ കലക്ടര്‍ അനുമതി നല്‍കി. പ്രവേശന കവാടത്തില്‍ സഞ്ചാരികളുടെ ശരീരോഷ്മാവ് പരിശോധിക്കുന്നതിനും കൈകള്‍ സോപ്പിട്ട് കഴുകുന്നതിനും ആരോഗ്യവകുപ്പ് നിര്‍ദ്ദേശിച്ചിട്ടുള്ള മറ്റ് എല്ലാ മുന്‍കരുതലുകളും സ്വീകരിക്കുന്നതിനുള്ള സംവിധാനം ഉണ്ടാകണം. കോവിഡ് മാനദണ്ഡപ്രകാരം പാലിക്കേണ്ടതും ചെയ്യാന്‍ പാടില്ലാത്തതുമായ കാര്യങ്ങള്‍ പ്രത്യേകം പ്രദര്‍ശിപ്പിക്കണം.

കേരള സംസ്ഥാന വൈദ്യുതി റഗുലേറ്ററി കമ്മീഷൻ മുമ്പാകെ കെ.എസ്.ഇ.ബി സമർപ്പിച്ച ട്രൂയിംഗ് അപ്പ് പെറ്റീഷനിലുള്ള പൊതുതെളിവെടുപ്പ്, വീഡിയോ കോൺഫറൻസ് മുഖേന ഡിസംബർ 15നും 22നും നടക്കും.  2017-18, 2018-19 കാലയളവുകളിലെ വരവുചെലവു കണക്കുകൾ ട്രൂയിംഗ് അപ്പ് ചെയ്യുന്നതിനുള്ള പരാതികളാണ് കമ്മീഷനു മുമ്പാകെ സമർപ്പിച്ചിട്ടുള്ളത്.  കമ്മീഷന്റെ വെബ്‌സൈറ്റിൽ വിശദാംശങ്ങളുണ്ട്.  ഇതിൻമേലുള്ള പൊതുജനങ്ങളുടെ അഭിപ്രായങ്ങളും നിർദ്ദേശങ്ങളും തപാൽ മാർഗ്ഗമോ kserc@erckerala.org യിലോ ഡിസംബർ പത്തിനു മുമ്പ് സമർപ്പിക്കണം.

കേരള നിയമസഭയുടെ ഭാഗമായ സഭാ ടിവി തയ്യാറാക്കിയ പ്രത്യേക പരിപാടികൾ വിവിധ ചാനലുകളിൽ നവംബർ 15 മുതൽ  21 വരെ  സംപ്രേഷണം ചെയ്യും.  സെൻട്രൽ ഹാൾ, സഭയും സമൂഹവും  എന്നീ പരിപാടികളുടെ സമയക്രമം പ്രസിദ്ധീകരിച്ചു. സെൻട്രൽ ഹാൾ പരിപാടിയിൽ സുഗതകുമാരിയുമായി മുല്ലക്കര രത്നാകരൻ എം.എൽ.എയും കെ. എ ബീനയും നടത്തുന്ന അഭിമുഖമാണ് സംപ്രേഷണം ചെയ്യുന്നത്.

തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിനുള്ള നാമനിർദേശ പത്രിക സമർപ്പണം ആരംഭിച്ചു. ജില്ലയിൽ ആദ്യദിവസമായ വ്യാഴാഴ്ച നാല് നാമനിർദ്ദേശ പത്രികകളാണ് ലഭിച്ചത്. തെക്കുംകര, വാടാനപ്പള്ളി, വലപ്പാട്, വേളൂക്കര എന്നീ നാല് ഗ്രാമപഞ്ചായത്തുകളിലാണ് ഓരോ നാമനിർദ്ദേശ പത്രികവീതം ലഭിച്ചത്.