2023-ല്‍ ഗ്രൗണ്ടിന്റെ അഭാവം മൂലം പ്രവര്‍ത്തനം നിലച്ചുപോയ അത്‌ലറ്റിക്‌സ് സ്‌പോര്‍ട്‌സ് ഹോസ്റ്റലിന്റെ തുടര്‍ പ്രവര്‍ത്തനങ്ങള്‍ക്ക് അനുമതി ലഭിച്ചു. 

2025 ജൂലൈ 20 ന് നടന്ന പ്രത്യേക സ്‌പോര്‍ട്‌സ് ഹോസ്റ്റല്‍ സെലക്ഷനിലുടെയാണ് കുട്ടികളെ തിരഞ്ഞെടുത്തിരിക്കുന്നത്. സംസ്ഥാന സ്‌പോര്‍ട്‌സ് കൗണ്‍സിലിന്റെ സ്റ്റാന്റിംഗ് കമ്മറ്റി നിശ്ചയിച്ച മാര്‍ക്കിന്റെ അടിസ്ഥാനത്തില്‍ 5 ആണ്‍കുട്ടികള്‍ക്കും 3 പെണ്‍കുട്ടികള്‍ക്കുമാണ് ഹോസ്റ്റലിലേയ്ക്ക് സെലക്ഷന്‍ ലഭിച്ചിരിക്കുന്നത്. 

ഉന്നത വിദ്യാഭ്യാസവകുപ്പ്'വിജ്ഞാന കേരളം' പദ്ധതിയുടെ ഭാഗമായി അസാപ് കേരളയുടെ പാമ്പാടി കമ്മ്യൂണിറ്റി സ്‌കിൽ പാർക്കിൽ സെപ്റ്റ്ംബർ 21 ന് ജോബ് ഫെയർ നടത്തും. എസ്.എസ്.എൽ.സി, പ്ലസ് ടൂ, ഡിഗ്രി യോഗ്യതകളുള്ളവർക്ക് പങ്കെടുക്കാം. ഉദ്യോഗാർഥികൾ 21 ന് രാവിലെ 9.30 ന് ബയോഡേറ്റയും സർട്ടിഫിക്കറ്റുകളുമായി പാമ്പാടി അസാപ് കമ്മ്യൂണിറ്റി സ്‌കിൽ പാർക്കിൽ എത്തണം്. മുൻകൂട്ടി രജിസ്റ്റർ ചെയ്യുന്നതിന് 7025535172 എന്ന ഫോൺനമ്പരിൽ ബന്ധപ്പെടണം.
 

ടൂറിസം ഭൂപടത്തിലേക്ക് മറ്റൊരു കേന്ദ്രം കൂടി

കാഞ്ഞിരപ്പള്ളി മുൻസിഫ് കോടതി പരിസരത്ത് നിൽക്കുന്ന പാല(1), പ്ലാവ്(2),അക്ക്വേഷ്യ(2), മഹാഗണി(3), തേക്ക്(1), ചൂള(1) എന്നീ മരങ്ങൾ സെപ്റ്റംബർ 26ന് രാവിലെ 11.30ന് പൊതുമരാമത്ത് വകുപ്പ് കെട്ടിട ഉപവിഭാഗം കാഞ്ഞിരപ്പള്ളി ഓഫീസിൽ വച്ച് ലേലം ചെയ്യും. സെപ്റ്റംബർ 25ന് വൈകുന്നേരം നാലുവരെ ക്വട്ടേഷൻ നൽകാം. വിശദവിവരത്തിന് ഫോൺ: 8086395152.  

കുടുംബശ്രീയുടെ ആഭിമുഖ്യത്തിൽ അയൽക്കൂട്ട, ഓക്സിലറി ഗ്രൂപ്പ് അംഗങ്ങൾക്കായി  'സർഗം-2025' സംസ്ഥാനതല കഥാരചനാ മത്സരത്തിലേക്ക് രചനകൾ ക്ഷണിച്ചു. സമ്മാനാർഹമാകുന്ന ആദ്യ മൂന്ന് രചനകൾക്ക് 20,000, 15,000, 10,000 എന്നിങ്ങനെ ക്യാഷ് അവാർഡ് ലഭിക്കും. 2500 രൂപ വീതം മൂന്നുപേർക്ക് പ്രോത്സാഹന സമ്മാനവും നൽകും. മികച്ച രചനകൾ അയക്കുന്ന 40 പേർക്ക്  കുടുംബശ്രീ സംഘടിപ്പിക്കുന്ന ത്രിദിന സാഹിത്യ ശില്പശാലയിൽ പങ്കെടുക്കാനുള്ള അവസരം ലഭിക്കും.

യുവജനങ്ങള്‍ നേരിടുന്ന പ്രശ്‌നങ്ങള്‍ക്ക് കൃത്യമായ പരിഹാരം ലഭ്യമാക്കുന്നതിന് ഇടപെടുമെന്ന് യുവജന കമ്മീഷന്‍ അധ്യക്ഷന്‍ എം.ഷാജര്‍. യുവജനങ്ങളുടെ മാനസികാരോഗ്യം ഉറപ്പാക്കാന്‍ വിവിധ പദ്ധതികളും ലഹരിക്കെതിരായി യുവജനങ്ങള്‍ക്ക് പ്രാധാന്യമുള്ള ഇടങ്ങള്‍ കേന്ദ്രീകരിച്ച് നിരവധി ക്യാമ്പയിനുകളും നടപ്പിലാക്കി വരുകയാണെന്നും അദ്ദേഹം പറഞ്ഞു.

 ഹരിതകേരളം മിഷന്റെ നേതൃത്വത്തിൽ സ്ഥാപിച്ച പച്ചത്തുരുത്തുകൾക്കുള്ള സംസ്ഥാന പുരസ്‌കാരത്തിൽ നേട്ടവുമായി കോട്ടയം ജില്ല. ജില്ലയിലെ മൂന്ന് പച്ചത്തുരുത്തുകൾക്ക് സംസ്ഥാനതല അംഗീകാരം ലഭിച്ചു. തദ്ദേശ സ്വയംഭരണ വിഭാഗത്തിൽ കല്ലറ ഗ്രാമപഞ്ചായത്തിന് അഞ്ചാം സ്ഥാനവും ഇതേ വിഭാഗത്തിൽ കടനാട് ഗ്രാമപഞ്ചായത്തിന് പ്രത്യേക ജൂറി പുരസ്‌കാരവും ലഭിച്ചു. വാഴൂർ ഗ്രാമപഞ്ചായത്ത് പ്രത്യേക ബഹുമതിയും നേടി. തിരുവനന്തപുരം ടാഗോർ തിയേറ്ററിൽ നടന്ന ചടങ്ങിൽ മുഖ്യമന്ത്രി പിണറായി വിജയൻ പുരസ്‌കാരവും ബഹുമതിപത്രവും നൽകി. .

 കുടുംബശ്രീയുടെ മാ കെയർ പദ്ധതി ജില്ലയിൽ എട്ടു സ്‌കൂളുകളിൽകൂടി ആരംഭിക്കുന്നു. ഏറ്റുമാനൂർ, പള്ളം, മാടപ്പള്ളി, പാമ്പാടി, ഈരാറ്റുപേട്ട ബ്ലോക്കുകൾക്ക് കീഴിലെ സ്‌കൂളുകളിലാണ് പുതിയ കേന്ദ്രങ്ങൾ തുറക്കുകയെന്ന് കുടുംബശ്രീ ജില്ലാമിഷൻ കോ ഓർഡിനേറ്റർ അഭിലാഷ് കെ. ദിവാകർ അറിയിച്ചു.

സംസ്ഥാനത്ത് വിദ്യാഭ്യാസവകുപ്പിനു കീഴിലുള്ള  സ്‌കൂളുകളിൽ വിദ്യാർഥികൾക്ക് ആരോഗ്യകരവും പോഷക സമ്പുഷ്ടവുമായ ലഘുഭക്ഷണങ്ങൾ, പാനീയങ്ങൾ, സ്‌കൂൾ സ്റ്റേഷനറി ഐറ്റങ്ങൾ, സാനിറ്ററി നാപ്കിനുകൾ എന്നിവ ലഭ്യമാക്കുന്നതാണ് മാ കെയർ പദ്ധതി.

പാമ്പാടി ശിശുവികസന  ഓഫീസിൽ  ഒരുവർഷ കാലയളവിലേക്ക് കരാർ അടിസ്ഥാനത്തിൽ വാഹനം വാടകയ്ക്ക് നൽകുന്നതിന് വാഹന ഉടമകളിൽ നിന്ന് ടെൻഡർ ക്ഷണിച്ചു. സെപ്റ്റംബർ 27ന് ഉച്ചകഴിഞ്ഞ് രണ്ടുവരെ ടെൻഡർ നൽകാം. അന്നേദിവസം ഉച്ചകഴിഞ്ഞ് മൂന്നിന് ടെൻഡർ തുറക്കും. വിശദവിവരത്തിന് ഫോൺ: 9446195958.

കേന്ദ്ര സർക്കാർ സംരംഭമായ ബിസിൽ ട്രെയിനിംഗ്
ഡിവിഷൻ നടത്തുന്ന ഒരു വർഷം ദൈർഘ്യമുള്ള പി.ജി
ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ(യോഗ്യത ഡിഗ്രി), പ്രൊഫഷണൽ ഡിപ്ലോമ ഇൻ ഹോസ്പിറ്റൽ
അഡ്മിനിസ്ട്രേഷൻ(യോഗ്യത പ്ലസ് ടു), ആറു മാസം ദൈർഘ്യമുള്ള ഡിപ്ലോമ ഇൻ ഹോസ്പിറ്റൽ
അഡ്മിനിസ്ട്രേഷൻ(യോഗ്യത എസ്.എസ്.എൽ.സി)കോഴ്സുകളിലേക്ക് അപേക്ഷ ക്ഷണിച്ചു. വിശദവിവരത്തിന്് ഫോൺ: 7994449314.