വെള്ളാവൂർ വില്ലേജ് ഓഫീസിന് പുതിയ കെട്ടിടം നിർമിക്കുന്നതിന്റെ ഭാഗമായി മുറിച്ചു നീക്കേണ്ട മരങ്ങൾ സെപ്റ്റംബർ 26ന് രാവിലെ 11 ന് ലേലം ചെയ്യും. വിശദവിവരങ്ങൾ കോട്ടയം റവന്യൂ ഡിവിഷണൽ ഓഫീസ്, കോട്ടയം താലൂക്ക് ഓഫീസ് എന്നിവിടങ്ങളിൽ നിന്ന് ലഭിക്കും.

 തിരുവാർപ്പ് ഗവൺമെന്റ് ഐ.ടി.ഐയിൽ  ഇലക്ട്രീഷ്യൻ,  പ്ലംബർ
ട്രേഡുകളിൽ ഒഴിവ്. ഇലക്ട്രീഷ്യൻ ട്രേഡിൽ
എസ്.ടി. വിഭാഗത്തിൽ ഒന്നും പ്ലംബർ ട്രേഡിൽ എസ്.സി, എസ്.ടി. വിഭാഗത്തിലുള്ളവരുൾപ്പെടെ 34  ഒഴിവുകളും ഉണ്ട്. താല്പര്യമുള്ളവർ എസ്.എസ്.എൽ.സി, പ്ലസ് ടു സർട്ടിഫിക്കറ്റുകളുമായി ഐ.ടി. ഐയിൽ സെപ്റ്റംബർ 30 ന് മുൻപായി നേരിട്ട് എത്തണം. വിശദവിവരത്തിന് ഫോൺ: 0481 2380404, 7736615767, 9809014047.

പള്ളിക്കത്തോട് പി.ടി.സി.എം. ഗവൺമെന്റ് ഐ.ടി.ഐയിൽ വിവിധ ട്രേഡുകളിൽ ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ നടത്തുന്നു. ഇതുവരെ അപേക്ഷിക്കാൻ കഴിയാത്തവർക്ക് അസൽ സർട്ടിഫിക്കറ്റുകൾ സഹിതം ഐ.ടി.ഐയിൽ നേരിട്ടെത്തി സെപ്റ്റംബർ 27 വരെ അപേക്ഷ നൽകാം. അപേക്ഷാ ഫീസ് 100/-രൂപ. വിശദവിവരങ്ങൾക്ക് ഫോൺ: 6238139057, 9495321698, 8281732516, 9747482771, 9846205050, 9188181302.

 ജില്ലാ പഞ്ചായത്ത് 2025-26 വാർഷിക പദ്ധതിയുടെ ഭാഗമായി  വനിതാ ശിശു വികസന വകുപ്പുമായി ചേർന്ന് സ്ത്രീപക്ഷ നവകേരളം എന്ന പേരിൽ സംഘടിപ്പിക്കുന്ന പരിപാടി ഇന്ന് (സെപ്റ്റംബർ 18, വ്യാഴം) കോട്ടയം മാമ്മൻ മാപ്പിള ഹാളിൽ ആരംഭിക്കും. ലിംഗസമത്വ കാഴ്ച്ചപ്പാടിൽ അധിഷ്ഠിതമായ  നവകേരള സൃഷ്ടി ലക്ഷ്യമിടുന്ന പ്രവർത്തനങ്ങളുടെ ഭാഗമായാണിതെന്ന് ജില്ലാ പഞ്ചായത്ത് പ്രസിഡൻറ് ഹേമലത പ്രേംസാഗർ വാർത്താസമ്മേളനത്തിൽ പറഞ്ഞു.

 സാമൂഹിക പരിഷ്‌കർത്താവും വൈക്കം സത്യഗ്രഹ സമരത്തിൻറെ മുന്നണി പോരാളിയുമായിരുന്ന പെരിയാർ ഇ.വി രാമസ്വാമി നായ്ക്കറുടെ (തന്തൈ പെരിയാർ) 147-ാം ജന്മദിനം വൈക്കത്ത് ആഘോഷിച്ചു.  

തന്തൈ പെരിയാറിന്റെ ജന്മദിനം  സാമൂഹികനീതി ദിനമായി ആഘോഷിക്കുന്നതിന്റെ ഭാഗമായി തമിഴ്‌നാട് സർക്കാർ വൈക്കം വലിയകവലയിലുള്ള തന്തൈ പെരിയാർ സ്മാരകത്തിൽ സംഘടിപ്പിച്ച ചടങ്ങിൽ സംസ്ഥാന സർക്കാരിനെ പ്രതിനിധീകരിച്ച് ജില്ലാ കളക്ടർ ചേതൻ കുമാർ മീണ പെരിയാർ പ്രതിമയിൽ ഹാരാർപ്പണവും പുഷ്പാർച്ചനയും നടത്തി.

സോഷ്യൽ മീഡിയയിലൂടെ തെറ്റിദ്ധരിപ്പിക്കുന്ന പരസ്യം നൽകി കബിളിപ്പിച്ചെന്ന പരാതിയിൽ സ്വർണക്കടയ്ക്ക് പിഴ ചുമത്തി ജില്ലാ ഉപഭോക്തൃ തർക്കപരിഹാര കമ്മീഷൻ.
കൂരോപ്പട സ്വദേശി ലിൻസി ജോസഫിന്റെ  പരാതിയിൽ ഇടപ്പള്ളി നക്ഷത്ര ഗോൾഡ് ആൻഡ് ഡയമണ്ട്സിനെതിരെയാണ് നടപടി '

  കോട്ടയം ജില്ലയിൽ ആരോഗ്യവകുപ്പിന് കീഴിലുള്ള ആദ്യ റേഡിയേഷൻ ഓങ്കോളജി കേന്ദ്രത്തിന്റെ നിർമാണോദ്ഘാടനം ബുധനാഴ്ച (17/09/2025) പാലാ ജനറൽ ആശുപത്രിയിൽ നടക്കും.

ഉച്ചകഴിഞ്ഞ് മൂന്നിന് ജോസ് കെ. മാണി എംപി തറക്കല്ലിടും. ജോസ് കെ. മാണി എംപിയുടെ പ്രാദേശിക വികസന ഫണ്ടിൽനിന്നും  2.45 കോടി രൂപ ചെലവിട്ട് 4996 ചതുരശ്ര അടി വിസ്തീർണത്തിലാണ് റേഡിയേഷൻ ഓങ്കോളജി ബ്ലോക്ക് നിർമിക്കുന്നത്. ഇവിടേയ്ക്ക് ആവശ്യമായ യന്ത്രങ്ങൾ വാങ്ങുന്നതിന് കോട്ടയം ജില്ലാ പഞ്ചായത്ത് 1.05 കോടി രൂപയും പാലാ നഗരസഭ 1.67 കോടി രൂപയും അനുവദിച്ചിട്ടുണ്ട്.

 സെപ്റ്റംബർ 17 ന് നടത്താനിരുന്ന ഇ- ചെല്ലാൻ അദാലത്ത് മാറ്റിവെച്ചതായി ഉഴവൂർ ജോയിന്റ് റീജിയണൽ ട്രാൻസ്പോർട്ട് ഓഫീസർ അറിയിച്ചു.

സാമൂഹികനീതി വകുപ്പ് ജില്ലാ പ്രൊബേഷൻ ഓഫീസിന്റെ ഔദ്യോഗികാവശ്യത്തിലേക്ക് കരാർ അടിസ്ഥാനത്തിൽ എ.സി. കാർ / ജീപ്പ് ലഭ്യമാക്കുന്നതിന് ടെൻഡർ ക്ഷണിച്ചു.  ടെൻഡറുകൾ ഒക്‌ടോബർ മൂന്ന് ഉച്ചയ്ക്ക് രണ്ടുവരെ സ്വീകരിക്കും. ഫോൺ: 0481 2300548.

കേരള നീറ്റ്-പി.ജി സംവരണ സീറ്റിലേക്ക് അപേക്ഷിക്കുന്ന വിമുക്തഭടന്മാരുടെ അവിവാഹിതരും തൊഴിൽരഹിതരുമായ മക്കൾക്ക് ആശ്രിത സർട്ടിഫിക്കറ്റ് ജില്ലാ സൈനികക്ഷേമ ഓഫീസിൽനിന്ന് സാക്ഷ്യപ്പെടുത്താം. സർട്ടിഫിക്കറ്റിനായി അപേക്ഷിക്കുമ്പോൾ 25 വയസ് എന്ന പ്രായപരിധി ബാധകമല്ലെന്നു ജില്ലാ സൈനികക്ഷേമ ഓഫീസർ അറിയിച്ചു. ഫോൺ: 0481 2371187.