നാഷണൽ യൂത്ത് ഫെസ്റ്റിവലിന്റെ ഭാഗമായി കേന്ദ്രയുവജനകാര്യ കായിക മന്ത്രാലയം നടത്തുന്ന വികസിത് ഭാരത് യങ് ലീഡേഴ്സ് ഡയലോഗിന്റെ ഭാഗമായി പ്രധാനമന്ത്രിയുമായി നേരിട്ട് സംവദിക്കാൻ യുവാക്കൾക്ക് അവസരം. പരിപാടിയുടെ ആദ്യഘട്ടമായി വികസിത് ഭാരത് ഓൺലൈൻ ക്വിസ് സെപ്റ്റംബർ 12 മുതൽ ഒക്ടോബർ 15 വരെ നടത്തും. https://mybharat.gov.in/ പോർട്ടൽ വഴിയാണ് ക്വിസ്. പങ്കെടുക്കാൻ താത്പര്യമുള്ളവർക്ക് https://mybharat.gov.in/quiz/quiz_dashboard/UzZIZmhEeWt6bmtzcGg1ZHQ1dWc3QT09 എന്ന ലിങ്കുവഴി പങ്കെടുക്കാം. ഫോൺ: 9526855487,9945038684,8547628819.

അഡ്വാൻസ്ഡ് ജേർണലിസം ആൻഡ് മീഡിയ സ്ട്രാറ്റജീസ്, ജേർണലിസം ആൻഡ് മീഡിയ സ്ട്രാറ്റജീസ് എന്നിവയിൽ പി.ജി. ഡിപ്‌ളോമ, ഡിപ്ലോമ ഇൻ അഡ്വാൻസ്ഡ് ജേർണലിസം ആൻഡ് മീഡിയ സ്ട്രാറ്റജീസ് എന്നീ കോഴ്സുകളിൽ പ്രവേശനത്തിന് കെൽട്രോൺ അപേക്ഷ ക്ഷണിച്ചു. യോഗ്യത: പ്ലസ്ടു, ബിരുദം. പത്രപ്രവർത്തനം, ടെലിവിഷൻ ജേർണലിസം, ഓൺലൈൻ ജേർണലിസം, ആർട്ടിഫിഷ്യൽ ഇന്റലിജൻസ് അധിഷ്ഠിത മാധ്യമപ്രവർത്തനം, വാർത്താ അവതരണം, ആങ്കറിങ്ങ്, വീഡിയോഗ്രാഫി, വീഡിയോ എഡിറ്റിംഗ്, പി.ആർ, അഡ്വർടൈസിംഗ് എന്നിവയിലാണ് പരിശീലനം. തിരുവനന്തപുരം കെൽട്രോൺ സെന്ററിലാണ് അപേക്ഷ നൽകേണ്ടത്. അവസാന തീയതി സെപ്റ്റംബർ 25.

പാമ്പാടി അസാപ്പ് കമ്മ്യൂണിറ്റി സ്‌കിൽ പാർക്കും ജില്ലാ വനിതാ ശിശുവികസന വകുപ്പും ചേർന്ന് അസാപ് കമ്മ്യൂണിറ്റി സ്‌കിൽ പാർക്കിൽ വച്ച് സൗജന്യ തൊഴിൽ നൈപുണ്യ പരിശീലനം നൽകുന്നു. വി.ആർ. ഡെവലപ്പർ വിത്ത് യൂണിറ്റി കോഴ്സിലാണ് പരിശീലനം. യോഗ്യത: പ്ലസ് ടു. പ്ലേസ്മെന്റ് അസിസ്റ്റൻസും ലഭിക്കും. വിശദവിവരത്തിന് ഫോൺ: 9495999731. രജിസ്ട്രേഷൻ ഫോം Https://forms.gle/HBBKNDHsin3p26jp9 എന്ന വെബ്സൈറ്റിൽ ലഭിക്കും.

സംസ്ഥാന യുവജന ക്ഷേമ ബോർഡ് 2024-ലെ സ്വാമി വിവേകാനന്ദൻ യുവപ്രതിഭാ പുരസ്‌കാരത്തിനുള്ള നാമനിർദേശം സ്വീകരിക്കുന്നതിനും മികച്ച ക്ലബ്ബുകൾക്കുള്ള പുരസ്‌കാരത്തിന് അപേക്ഷിക്കുന്നതിനുമുള്ള തീയതി സെപ്റ്റംബർ 25 വരെ നീട്ടി. ബോർഡിൽ അഫിലിയേറ്റ് ചെയ്തിട്ടുള്ള യൂത്ത്/ യുവ/ അവളിടം ക്ലബ്ബുകളിൽ നിന്ന് പുരസ്‌കാരത്തിന് അപേക്ഷ ക്ഷണിച്ചിട്ടുണ്ട്.  ജില്ലയിൽ നിന്ന് തെരഞ്ഞെടുക്കുന്ന മികച്ച ക്ലബ്ബിന് 30,000 രൂപയും പ്രശസ്തിപത്രവും പുരസ്‌കാരവും നൽകും. ജില്ലാതലത്തിൽ പുരസ്‌കാരത്തിന് അർഹത നേടിയ ക്ലബ്ബുകളെയാണ് സംസ്ഥാനതലത്തിൽ പരിഗണിക്കുന്നത്. ഇതിന് 50,000 രൂപയും പ്രശസ്തിപത്രവും പുരസ്‌കാരവും ലഭിക്കും.

  മാന്നാനം പാലത്തിന്റെ നിർമാണം ആരംഭിച്ചതിനാൽ മാന്നാനം-കൈപ്പുഴ റോഡിലൂടെയുള്ള വാഹനഗതാഗതം സെപ്റ്റംബർ 18 മുതൽ പണി പൂർത്തിയാകുന്നതുവരെ നിരോധിച്ചതായി കെ.എസ്.ടി.പി. എക്സിക്യൂട്ടീവ് എൻജിനീയർ അറിയിച്ചു. കുട്ടോമ്പുറം ഭാഗത്തുനിന്നുള്ള വാഹനങ്ങൾ വില്ലൂന്നിയിലെത്തി മാന്നാനം ഭാഗത്തേക്ക് പോകണം. മാന്നാനും ഭാഗത്തുനിന്നുള്ള വാഹനങ്ങൾ മറ്റപ്പള്ളി വഴി വില്ലൂന്നിയിലെത്തി കൈപ്പുഴ വഴിയും പോകണം.

പനച്ചിക്കാട് ദക്ഷിണ മൂകാംബി ക്ഷേത്രത്തിലെ നവരാത്രി ഉത്സവത്തിനോടനുബന്ധിച്ച് സെപ്റ്റംബർ 18 മുതൽ ഒക്ടോബർ രണ്ടുവരെ ക്ഷേത്രവും മൂന്നുകിലോമീറ്റർ ചുറ്റളവിലുള്ള പ്രദേശങ്ങളും ഉത്സവ മേഖലയായി പ്രഖ്യാപിച്ചുകൊണ്ട് ജില്ലാ കളക്ടർ ഉത്തരവായി.

 കേരള സർക്കാർ ആയുഷ് വകുപ്പും നാഷണൽ ആയുഷ് മിഷൻ കേരളയും ചേർന്ന് സെപ്റ്റംബർ 18,19 തീയതികളിൽ ആയുഷ് മേഖലയിലെ ഐ.ടി. അധിഷ്ഠിത സേവനങ്ങളേക്കുറിച്ച് ശിൽപശാല നടത്തും. കുമരകം കെ.ടി.ഡി.സി. വാട്ടർ സ്‌കേപ്സിൽ 18ന് രാവിലെ 9ന് ആരംഭിക്കുന്ന ശിൽപശാല ആരോഗ്യം- വനിതാ ശിശുവികസനവകുപ്പു മന്ത്രി വീണാ ജോർജ് ഓൺലൈനായി ഉദ്ഘാടനം ചെയ്യും.

പ്രോസിക്യൂഷന്‍ ഡെപ്യൂട്ടി ഡയറക്ടറുടെ ഓഫീസിലേക്ക്  2022 മോഡലോ അതിന് മുകളിലോ ഉള്ള കാര്‍ പ്രതിമാസ നിരക്കില്‍ വാടകയ്ക്ക് നല്‍കുന്നതിന് ക്വട്ടേഷന്‍ ക്ഷണിച്ചു. അവസാന തീയതി സെപ്റ്റംബര്‍ 25 വൈകിട്ട് അഞ്ച് വരെ.
 

പറക്കോട് അഡീഷണല്‍ ശിശു വികസന പദ്ധതി ഓഫീസ് ഉപയോഗത്തിന് കരാര്‍ വ്യവസ്ഥയില്‍ വാഹനം വാടകയക്ക് നല്‍കുന്നതിന് ടാക്‌സി പെര്‍മിറ്റുളള ഏഴ്  വര്‍ഷത്തിലധികം പഴക്കമില്ലാത്ത വാഹന ഉടമകളില്‍/സ്ഥാപനങ്ങളില്‍ നിന്ന് ടെന്‍ഡര്‍ ക്ഷണിച്ചു. അവസാന തീയതി ഒക്ടോബര്‍ ആറ് ഉച്ചയ്ക്ക് ഒന്നുവരെ. ഫോണ്‍ : 04734 216444.

ഏനാദിമംഗലം ഗ്രാമപഞ്ചായത്തിലെ കേരളോത്സവം സെപ്റ്റംബര്‍  27,28,29 തീയതികളില്‍ നടക്കും.  മത്സാരാര്‍ഥികള്‍ 25 പകല്‍ മൂന്നിന് മുമ്പ് https://keralotsavam.com ലൂടെ രജിസ്റ്റര്‍ ചെയ്യണം. ഫോണ്‍ 04734 246031.