മുദ്രാ വിദ്യാഭ്യാസ സമിതിയുടെ ഭാഗമായി മുണ്ടേരി ഗവ ഹയര്‍ സെക്കന്ററി സ്‌കൂളില്‍ വാച്ച്മാന്‍, ഗാര്‍ഡ്‌നര്‍ തസ്തികയില്‍ താല്‍കാലിക ഒഴിവ്. രാത്രി കാലങ്ങളിലും സേവനം വേണ്ടി വരും. വ്യവസ്ഥകള്‍ക്ക് വിധേയമായി 14,000 രൂപ വരെ വേതനം ലഭിക്കും. ഹെഡ് ക്വാര്‍ട്ടേഴ്‌സില്‍ നിന്ന് എട്ട് കിലോമീറ്റര്‍ പരിധിയില്‍ സ്ഥിരതാമസക്കാര്‍ക്ക് അപേക്ഷിക്കാം. സ്വന്തമായി ടു വീലര്‍ സൗകര്യം ഉണ്ടായിരിക്കണം. അപേക്ഷ സെപ്റ്റംബര്‍ 20 ന് വൈകിട്ട് അഞ്ചിനകം സ്‌കൂളിലെ മുദ്രാ വിദ്യാഭ്യാസ സമിതി ഓഫീസില്‍ നിശ്ചിത ഫോര്‍മാറ്റില്‍ നല്‍കണം. ഫോണ്‍- 9447647340, 9496184234
 

വന്യജീവി വാരാഘോഷത്തിന്റെ ഭാഗമായി സാമൂഹിക വനവല്‍ക്കരണ വിഭാഗം ജില്ലയിലെ സ്‌കൂള്‍, കോളേജ് വിദ്യാര്‍ഥികള്‍ക്കായി മത്സരങ്ങള്‍ സംഘടിപ്പിക്കുന്നു. ഒക്ടോബര്‍ രണ്ട്, മൂന്ന് തീയതികളിലായി രാവിലെ ഒന്‍പത് മണി മുതല്‍ കണ്ണൂര്‍ ഗവ.ടീച്ചേഴ്‌സ് ട്രെയിനിങ് ഇന്‍സ്റ്റിറ്റ്യൂട്ട് (മെന്‍) ലാണ്  മത്സരങ്ങള്‍. എല്‍.പി, യു.പി വിഭാഗത്തിന് പെന്‍സില്‍ ഡ്രോയിങ്, വാട്ടര്‍ കളര്‍ പെയിന്റിങ് എന്നിവയാണ് മത്സരം. ഹൈസ്‌കൂള്‍, കോളേജ് വിഭാഗത്തിന്  പെന്‍സില്‍ ഡ്രോയിങ്, വാട്ടര്‍ കളര്‍, ക്വിസ്, ഉപന്യാസം, പ്രസംഗം എന്നിവയാണ് മത്സരങ്ങള്‍.

മത്സ്യബന്ധന മേഖലയിലെ സുസ്ഥിരത ഉറപ്പാക്കാന്‍ സംസ്ഥാന സര്‍ക്കാര്‍ സംഘടിപ്പിക്കുന്ന ബ്ലൂ ടൈഡ്സ് കേരള- യൂറോപ്യന്‍ യൂണിയന്‍ കോണ്‍ക്ലേവിന്റെ പ്രചാരണാര്‍ഥം സ്‌പോര്‍ട്‌സ് കേരള ഫൗണ്ടേഷനും ഫിഷറീസ് വകുപ്പും ചേര്‍ന്ന് മിനി മാരത്തോണ്‍ സംഘടിപ്പിച്ചു. 

ജില്ലയുടെ ലഹരിവിരുദ്ധ പ്രവര്‍ത്തനത്തില്‍ പുതിയ അധ്യായം രചിച്ച് ജില്ലാ പഞ്ചായത്തിന്റെ നേതൃത്വത്തില്‍ നടന്ന ലഹരിവിരുദ്ധ ജനകീയ പ്രതിരോധം '2 മില്യണ്‍ പ്ലഡ്ജി'ന്റെ ഭാഗമായി പ്രവര്‍ത്തിച്ച ക്യാമ്പയിന്‍ കോഓഡിനേറ്റര്‍മാര്‍ക്കുള്ള സര്‍ട്ടിഫിക്കറ്റ് വിതരണം ജില്ലാ പഞ്ചായത്ത് ഓഡിറ്റോറിയത്തില്‍ നടന്നു. ചടങ്ങ് ജില്ലാ പഞ്ചായത്ത് പ്രസിഡന്റ് ഷീജ ശശി ഉദ്ഘാടനം ചെയ്തു. വൈസ് പ്രസിഡന്റ് അഡ്വ. പി ഗവാസ് അധ്യക്ഷനായി.

കൊയിലാണ്ടി ഗവ. വൊക്കേഷണൽ ഹയർ സെക്കൻഡറി സ്കൂൾ വിദ്യാർത്ഥികൾക്കായി ത്രിദിന തീരദേശ ലഹരി വിരുദ്ധ ക്യാമ്പയിൻ ആരംഭിച്ചു. കൊയിലാണ്ടി നഗരസഭ കുടുംബശ്രീ സിഡിഎസ് ജിആർസിയും കുടുംബശ്രീ ജില്ലാ മിഷനും എക്സൈസ് വിമുക്തി മിഷനും സംയുക്തമായാണ് ക്യാമ്പയിൻ സംഘടിപ്പിക്കുന്നത്.

വടകര ബ്ലോക്ക് പഞ്ചായത്തിന്റെ ‘മടിത്തട്ട്’ സമഗ്ര വയോജന പരിപാലന പദ്ധതിയുടെ ഭാഗമായി സംഘടിപ്പിച്ച വയോജനോത്സവം നടനും നാടക പ്രവർത്തകനുമായ മുഹമ്മദ് പേരാമ്പ്ര ഉദ്ഘാടനം ചെയ്തു. വടകര ബ്ലോക്ക് പഞ്ചായത്ത് അങ്കണത്തിൽ നടന്ന പരിപാടിയിൽ പ്രസിഡൻ്റ് കെ പി ഗിരിജ അധ്യക്ഷയായി. ചോറോട് ഗ്രാമപഞ്ചായത്ത് പ്രസിഡൻറ് പി പി ചന്ദ്രശേഖരൻ മാസ്റ്റർ, ഏറാമല ഗ്രാമപഞ്ചായത്ത് പ്രസിഡൻ്റ് ടി പി മിനിക, ബ്ലോക്ക് വൈസ് പ്രസിഡൻ്റ് സന്തോഷ് കുമാർ, സ്ഥിരം സമിതി അധ്യക്ഷരായ കെഎം സത്യൻ മാസ്റ്റർ, ശശികല ദിനേശൻ, കെ പി സൗമ്യ, ബ്ലോക്ക് മെമ്പർ നൂസൈബ മൊട്ടെമ്മൽ, ബി ഡി ഒ ദീപുരാജ്, സിഡിപിഒ കെ വി രജിഷ എന്നിവർ സംസാരിച്ചു. 

ഡിസിഎ, ഗ്രാഫിക് ഡിസൈന്‍ കോഴ്‌സ് 

ജില്ലാ പഞ്ചായത്ത് സ്‌കില്‍ ഡെവലപ്മെന്റ് സെന്ററില്‍ ഡിസിഎ, ഗ്രാഫിക് ഡിസൈന്‍ കോഴ്‌സുകളിലേക്ക് അപേക്ഷ ക്ഷണിച്ചു. സെന്ററില്‍ നേരിട്ടെത്തി പ്രവേശനം നേടാം. ഫോണ്‍: 8891370026, 0495 2370026

ഗതാഗതം നിരോധിച്ചു

കാപ്പാട്-പൂക്കാട് റോഡില്‍ കലുങ്ക് നിര്‍മാണം ആരംഭിക്കുന്നതിനാല്‍ ഇന്ന് (സെപ്റ്റംബര്‍ 18) മുതല്‍ പ്രവൃത്തി അവസാനിക്കുന്നത് വരെ ഗതാഗതം പൂര്‍ണമായി നിരോധിച്ചതായി എക്സിക്യൂട്ടീവ് എഞ്ചിനീയര്‍ അറിയിച്ചു. കാപ്പാട് ഭാഗത്തേക്ക് പോകുന്ന വാഹനങ്ങള്‍ ദേശീയപാതയിലൂടെ പോകണം. 

 മത്സ്യബന്ധന മേഖലയിലെ സുസ്ഥിരത ഉറപ്പാക്കാൻ സംസ്ഥാന സർക്കാർ  സംഘടിപ്പിക്കുന്ന   ബ്ലൂടൈഡ്സ്   കേരള യൂറോപ്യൻ യൂണിയൻ കോൺക്ലേവിൻ്റെ പ്രചരണാർത്ഥം ഫിഷറീസ് വകുപ്പും സ്പോർട്സ് കേരള ഫൗണ്ടേഷനും ചേർന്ന്   മിനി മാരത്തോൺ സംഘടിപ്പിച്ചു.

ചാക്കയിൽ നിന്നും ആരംഭിച്ച്  കവടിയാർ ഇൻകം ടാക്സ്‌ ജംഗ്ഷൻ വരെ നടന്ന മാരത്തോൺ   ഫിഷറീസ് ജോയിൻ്റ് ഡയറക്ടർ സന്തോഷ് കുമാർ  ഉദ്ഘാടനം ചെയ്തു.