വനിത ശിശുവികസനവകുപ്പിന്റെ ആഭിമുഖ്യത്തിൽ നടത്തുന്ന പോഷണമാസാചരണത്തിന് തുടക്കമായി. സെപ്തംബർ 17 മുതൽ ഒക്ടോബർ 16 വരെയാണ് ഈ വർഷത്തെ പോഷണമാസചരണം സംഘടിപ്പിക്കുന്നത്.

ആരോഗ്യകരമായ ഭക്ഷണശീലങ്ങളിലൂടെ അമിതവണ്ണം ഒഴിവാക്കുക, ഇ സി സി ഇ, ശിശു പരിചരണം, ശിശുപരിചരണത്തിലും കുടുംബത്തിൽ ആരോഗ്യകരമായ ഭക്ഷണശീലം വളർത്തിയെടുക്കുന്നതിലും പുരുഷൻമാരുടെ പങ്കാളിത്തം വർധിപ്പിക്കുക എന്നിവയാണ് പോഷണമാസാചരണത്തിന്റെ ലക്ഷ്യം. ജില്ലയിലെ 3808 അങ്കണവാടികളിലുമായി സിഗ്നേച്ചർ ക്യാംപയിൻ, പ്രശ്നോത്തരി, ബോധവൽക്കരണക്ലാസ് എന്നിങ്ങനെ വിവിധ പ്രവർത്തനങ്ങൾ നടക്കും.

ജല്‍ ജീവന്‍ മിഷന്റെ 'എല്ലാ വീടുകളിലും ശുദ്ധജലം' ജില്ലാതല പ്രഖ്യാപനം ജലവിഭവ വകുപ്പ് മന്ത്രി റോഷി അഗസ്റ്റിന്‍ സെപ്റ്റംബര്‍ 19 വൈകിട്ട് 3.30 ന് മണിപ്പുഴ മന്നം മെമ്മേറിയല്‍ എന്‍എസ്എസ് കരയോഗ ഓഡിറ്റോറിയത്തില്‍ നടത്തും. അഡ്വ. മാത്യു ടി തോമസ് എംഎല്‍എ അധ്യക്ഷനാകും. ആന്റോ ആന്റണി എംപി മുഖ്യാതിഥിയാകും. കേരള ജല അതോറിറ്റി സൂപ്രണ്ടിങ് എഞ്ചിനിയര്‍ ആര്‍ വി സന്തോഷ്‌കുമാര്‍ റിപ്പോര്‍ട്ട് അവതരിപ്പിക്കും.

മലയോര ജനതയുടെ ചിരകാല അഭിലാഷമായിരുന്ന സീതത്തോട്-നിലയ്ക്കല്‍ കുടിവെള്ള പദ്ധതി അവസാന ഘട്ടത്തില്‍. നിലയ്ക്കല്‍ ബേസ് ക്യാമ്പില്‍ എത്തുന്ന ലക്ഷക്കണക്കിന് ശബരിമല തീര്‍ത്ഥാടര്‍ക്കും പെരുനാട് ഗ്രാമപഞ്ചായത്തിലെ നിലയ്ക്കല്‍, പ്ലാപ്പള്ളി, ളാഹ ഭാഗങ്ങളിലും സീതത്തോട്  ഗ്രാമപഞ്ചായത്തിലും കുടിവെള്ളം എത്തിക്കുന്ന ബൃഹത്ത് പദ്ധതിയാണിത്. നബാര്‍ഡ് ഫണ്ടിനൊപ്പം ജല്‍ ജീവന്‍ മിഷനിലും ഉള്‍പ്പെടുത്തി 120 കോടി രൂപ ചെലവിലാണ് പദ്ധതി. മലയോര മേഖലയിലെ കുടിവെള്ള പ്രശ്നത്തിനും ജല വിതരണത്തിനായി ചെലവഴിക്കുന്ന കോടികളുടെ അധിക ബാധ്യതയ്ക്കും പദ്ധതിയിലൂടെ പരിഹാരമാകും.

ഹരിത കേരളം മിഷന്റെ ആഭിമുഖ്യത്തിലുള്ള പച്ചത്തുരുത്തുകൾക്ക്‌ മുഖ്യമന്ത്രിയുടെ  മൂന്ന് പുരസ്‌കാരങ്ങൾ ഏറ്റുവാങ്ങിയ കണ്ണപുരം ഗ്രാമപഞ്ചായത്തിന്  കണ്ണപുരം റെയിൽവേ സ്റ്റേഷനിൽ  പൗരസ്വീകരണം നൽകി. ദേവഹരിതം വിഭാഗത്തിൽ ജില്ലാതലത്തിൽ  ഒന്നാം സ്ഥാനവും സംസ്ഥാന തലത്തിൽ രണ്ടാം സ്ഥാനവും നേടിയ കണ്ണപുരം പ്രയാംകോട്ടം പച്ചത്തുരുത്ത്, സ്ഥാപനതല പച്ചത്തുരുത്തിൽ ജില്ലാതലത്തിൽ മൂന്നാം സ്ഥാനം നേടിയ കണ്ണപുരം പി എച്ച് സി പച്ചത്തുരുത്ത്, തദ്ദേശസ്ഥാപന വിഭാഗത്തിൽ പ്രത്യേക പുരസ്‌കാരം നേടിയ പഞ്ചായത്തിന്റെ സ്മൃതിവനം എന്നിവയ്ക്കുള്ള പുരസ്‌കാരകങ്ങളാണ് പഞ്ചായത്ത്‌ നേടിയത്.

പാട്യം ഗ്രാമപഞ്ചായത്തിന്റെ 2025-26 വര്‍ഷത്തിലെ ജനകീയാസൂത്രണ പദ്ധതിയുടെ ഭാഗമായി ഹൈബ്രിഡ് പച്ചക്കറി വിത്തുകളുടെയും തൈകളുടെയും  വിതരണം നടത്തി. വിതരണോദ്ഘാടനം പഞ്ചായത്ത് പ്രസിഡന്റ് എന്‍.വി ഷിനിജ നിര്‍വഹിച്ചു. പദ്ധതി പ്രകാരമുളള തക്കാളി, വെണ്ട, മുളക്, വഴുതന  തൈകളും പാവല്‍, ചീര, വെള്ളരി, പയര്‍, പൊട്ടിക്ക എന്നിവയുടെ വിത്തുകളുമാണ് വിതരണം ചെയ്തത്. ഗുണഭോക്താക്കളായ 447 കര്‍ഷകര്‍ക്കാണ് വിതരണം ചെയ്തത്. വികസന കാര്യ സ്റ്റാന്‍ഡിങ് കമ്മറ്റി ചെയര്‍മാന്‍ ടി സുജാത, കൃഷി ഉദ്യോഗസ്ഥരായ അശ്വതി, അനു ഗോപിനാഥ് തുടങ്ങിയവര്‍ പങ്കെടുത്തു.

ഗാന്ധി ജയന്തിയോടനുബന്ധിച്ച് നഗര-ഗ്രാമീണ മേഖലകളിലെ ശുചിത്വ പ്രവര്‍ത്തനങ്ങള്‍ ഏകോപിപ്പിക്കുന്ന'സ്വച്ഛതാ ഹി സേവ' ക്യാമ്പയിന്റെ ഭാഗമായി ചിറക്കല്‍ ഗ്രാമപഞ്ചായത്തിന്റെ നേതൃത്വത്തില്‍ 'ശുചിത്വോത്സവം 2025'ന് തുടക്കമായി. പുതിയതെരു ഹൈവേയില്‍ നടന്ന പഞ്ചായത്ത്തല ഉദ്ഘാടനം ഗ്രാമപഞ്ചായത്ത് പ്രസിഡന്റ് പി ശ്രുതി നിര്‍വഹിച്ചു. വൈസ് പ്രസിഡന്റ് പി അനില്‍ കുമാര്‍ അധ്യക്ഷനായി. 

തളിപ്പറമ്പ് എക്‌സൈസ് സര്‍ക്കിള്‍ ഓഫീസിന്റെ നേതൃത്വത്തില്‍ തളിപ്പറമ്പ്, പയ്യന്നൂര്‍ താലൂക്ക് പരിധിയിലുള്ള വിമുക്തി ക്ലബ്ബ് പ്രവര്‍ത്തിച്ചു വരുന്ന ഹൈസ്‌കൂളുകളിലെ വിദ്യാര്‍ഥികള്‍ക്കായി അറിവാണ് ലഹരി ക്വിസ് മത്സരം സംഘടിപ്പിച്ചു. ഇടൂഴി മാധവന്‍ നമ്പൂതിരി സ്മാരക ഗവ. ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥികളായ കൃഷ്ണവേണി എസ് പ്രശാന്ത്, ആര്‍.തേജസ്വിനി എന്നിവര്‍ ഒന്നാം സ്ഥാനം നേടി. കരിവെള്ളൂര്‍ എ വി കുഞ്ഞമ്പു സ്മാരക ഗവ. ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥികളായ പി.ആര്യനന്ദ, ധനുരാഗ് നമ്പ്യാര്‍ എന്നിവര്‍ രണ്ടാം സ്ഥാനവും മാതമംഗലം സി.പി.എന്‍. സ്മാരക ഗവ.

കെഎസ്ഇബി ഏച്ചൂര്‍ ഇലക്ട്രിക്കല്‍ സെക്ഷന് കീഴില്‍ എച്ച് ടി ലൈനിനു സമീപമുള്ള മരച്ചില്ലകള്‍ വെട്ടി മാറ്റുന്ന പ്രവൃത്തി നടക്കുന്നതിനാല്‍ കാഞ്ഞിരോട്, കാഞ്ഞിരോട് ബസാര്‍, മുണ്ടേരി എച്ച് എസ്, സബ്‌സ്റ്റേഷന്‍ ക്വാട്ടേഴ്‌സ്, മുണ്ടേരി എച്ച് എസ് എസ് ട്രാന്‍സ്‌ഫോര്‍മര്‍ പരിധിയില്‍ സെപ്റ്റംബര്‍ 18 ന് രാവിലെ എട്ട് മുതല്‍ 10 മണി വരെയും പാറോത്തുംചാല്‍, പാറോത്തുംചാല്‍ കനാല്‍, ഹിറാസ്റ്റോപ്പ് ട്രാന്‍സ്‌ഫോര്‍മര്‍ പരിധിയില്‍ രാവിലെ ഒന്‍പത് മുതല്‍ ഉച്ചയ്ക്ക് മൂന്ന് മണി വരെയും വൈദ്യുതി മുടങ്ങും.

കണ്ണൂര്‍ കൃഷ്ണമേനോന്‍ മെമ്മോറിയല്‍ ഗവ വനിത കോളേജില്‍ ഒന്നാം വര്‍ഷ ബി.എസ് സി കെമിസ്ട്രി, ഫിസിക്സ്, മാത്തമാറ്റിക്സ് കോഴ്‌സുകള്‍ക്ക് ഏതാനും സീറ്റുകള്‍ ഒഴിവുണ്ട്. താല്‍പര്യമുള്ളവര്‍ സെപ്റ്റംബര്‍ 19ന് രാവിലെ 10 മണിക്ക് അസ്സല്‍ സര്‍ട്ടിഫിക്കറ്റുകളും സഹിതം പ്രിന്‍സിപ്പലിന്റെ ഓഫീസില്‍ ഹാജരാകണം. ഫോണ്‍-04972746175

കേരള ഷോപ്സ് ആന്റ് കമേഴ്യല്‍ എസ്റ്റാബ്ലിഷ്മെന്റ് തൊഴിലാളി ക്ഷേമനിധി ബോര്‍ഡിലെ പെന്‍ഷന്‍കാര്‍ ഒഴികെയുള്ള അംഗങ്ങള്‍ക്ക് ആധാര്‍ അപ്ഡേഷന്‍ നടത്തുന്നതിനുള്ള സമയപരിധി ഒക്ടോബര്‍ 31 വരെ ദീര്‍ഘിപ്പിച്ചതായി ജില്ലാ എക്സിക്യൂട്ടീവ് ഓഫീസര്‍ അറിയിച്ചു. അംഗങ്ങള്‍ ആധാര്‍ കാര്‍ഡ്, ബാങ്ക് പാസ് ബുക്ക്, ക്ഷേമനിധി അംഗത്വ കാര്‍ഡ്, ഫോട്ടോ എന്നിവ സഹിതം അഡ്വാന്‍സ്ഡ് ഇന്‍ഫര്‍മേഷന്‍ ഇന്റര്‍ഫേസ് സിസ്റ്റം സോഫ്റ്റ് വെയര്‍ ഉപയോഗിച്ച് സ്വന്തമായോ അക്ഷയകേന്ദ്രങ്ങള്‍ മുഖേനയോ ആധാര്‍ അപ്ഡേറ്റ് ചെയ്യാം. ഫോണ്‍ 0497-2706806