പന്തളം തെക്കേക്കര ഗ്രാമപഞ്ചായത്തിലെ എല്ലാ വ്യാപാര-വ്യവസായ സംരംഭക സ്ഥാപനങ്ങളും 2025-26 ലെ ലൈസന്‍സ് സെപ്റ്റംബര്‍ 30 നുളളില്‍ എടുത്ത് നിയമനടപടികളില്‍ നിന്ന് ഒഴിവാകണമെന്ന് സെക്രട്ടറി അറിയിച്ചു. ഫോണ്‍: 04734-228498.

കല്ലൂപ്പാറ ഗ്രാമപഞ്ചായത്തിലെ കേരളോത്സവം സെപ്റ്റംബര്‍  29,30 തീയതികളില്‍ നടക്കും.  മത്സാരാര്‍ഥികള്‍ 25-നു മുമ്പ് https://keralotsavam.com ലൂടെ അപേക്ഷ സമര്‍പ്പിക്കണം. ഫോണ്‍: 9447785744

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ നടത്തുന്ന ഒരു വര്‍ഷം ദൈര്‍ഘ്യമുള്ള പി ജി
ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത ബിരുദം), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത പ്ലസ് ടു), ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത എസ് എസ് എല്‍ സി ) എന്നീ കോഴ്‌സുകളിലേക്ക് അപേക്ഷ ക്ഷണിച്ചു. ഫോണ്‍ : 7994449314.

ഐ.എച്ച്.ആര്‍.ഡി. 2025 ജൂണില്‍ നടത്തിയ പോസ്റ്റ് ഗ്രാജ്വേറ്റ് ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍സ് (പി.ജി.ഡി.സി.എ) ഒന്നും രണ്ടും സെമസ്റ്റര്‍/പോസ്റ്റ് ഗ്രാജ്വേറ്റ് ഡിപ്ലോമ ഇന്‍ സൈബര്‍  ഫോറന്‍സിക്‌സ് ആന്‍ഡ് സെക്യൂരിറ്റി (പി.ജി.ഡി.സി.എഫ്)  ഒന്നും രണ്ടും സെമസ്റ്റര്‍ / ഡിപ്ലോമ ഇന്‍ ഡാറ്റാ എന്‍ട്രി ടെക്‌നിക്‌സ് ആന്റ് ഓഫീസ് ഓട്ടോമേഷന്‍ (ഡി.ഡി.റ്റി.ഒ.എ) ഒന്നും രണ്ടും സെമസ്റ്റര്‍ /ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍സ് (ഡി.സി.എ), സര്‍ട്ടിഫിക്കറ്റ് കോഴ്‌സ് ഇന്‍ ലൈബ്രറി ആന്റ് ഇന്‍ഫര്‍മേഷന്‍ സയന്‍സ് (സി.സി.എല്‍.ഐ.എസ്) കോഴ്‌സുകളുടെ  പരീക്ഷാഫലം പ്രസിദ്ധീകരിച്ചു.

ജില്ലയിലെ നാഷണല്‍ ആയുഷ് മിഷന്‍ ജില്ലാ പ്രോഗ്രാം മാനേജ്മെന്റ് യൂണിറ്റിലേക്ക് കരാര്‍ അടിസ്ഥാനത്തില്‍ വിവിധ തസ്തികകളിലേക്ക് അപേക്ഷ ക്ഷണിച്ചു.
മള്‍ട്ടി പര്‍പ്പസ് (വര്‍ക്കര്‍ ഫിസിയോതെറാപ്പി യൂണിറ്റ്)- യോഗ്യത: സര്‍ട്ടിഫിക്കറ്റ് ഇന്‍ ഫിസിയോതെറാപ്പി/ വിഎച്ച്എസ്ഇ ഫിസിയോതെറാപ്പി/ എഎന്‍എം വിത്ത് കമ്പ്യൂട്ടര്‍ പരിജ്ഞാനം. പ്രായപരിധി: 2025 സെപ്റ്റംബര്‍ 17 ന് 40 വയസ് കവിയരുത്. അടിസ്ഥാന ശമ്പളം 13,500 രൂപ. ഒഴിവ്: ഒന്ന്

സ്‌കോള്‍ കേരള മുഖേനെ സര്‍ക്കാര്‍/എയ്ഡഡ് ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി സ്‌കൂളുകളില്‍ ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ 11 -ാം ബാച്ച് പ്രവേശന തീയതി 60 രൂപ പിഴയോടെ സെപ്റ്റംബര്‍ 30 വരെ നീട്ടി. പഠനം മുടങ്ങിയവര്‍ക്ക് പുന:പ്രവേശന ഫീസ് 500 രൂപ. വെബ്സൈറ്റ് : www.scolekerala.org ഫോണ്‍: 0471 2342950
 

പത്തനംതിട്ട ജില്ലയിലെ കൃഷി ഭവനുകളിലേക്ക് 180 ദിവസത്തെ ഇന്റേണ്‍ഷിപ്പിന് അപേക്ഷിക്കാം. യോഗ്യത: വൊക്കോഷണല്‍ ഹയര്‍ സെക്കന്‍ഡറി (അഗ്രികള്‍ച്ചര്‍), ഡിപ്ലോമ ഇന്‍ അഗ്രികള്‍ച്ചര്‍/ ഓര്‍ഗാനിക് ഫാമിങ്. പ്രായപരിധി: 2025 ഓഗസ്റ്റ് ഒന്നിന് 18-41. അവസാന തീയതി: സെപ്റ്റംബര്‍ 27. അപേക്ഷ ഓണ്‍ലൈനായോ കൃഷിഓഫീസ്, കൃഷി അസിസ്റ്റന്റ് ഡയറക്ടര്‍ ഓഫീസിലോ നേരിട്ട് സമര്‍പ്പിക്കാം. വെബ്‌സൈറ്റ്: www.keralaagriculture.gov.in  ഇമെയില്‍: paopathanamthitta@gmail.com ഫോണ്‍:  0468 2222597.

കേരള പ്രവാസി കേരളീയ ക്ഷേമ ബോര്‍ഡിന്റെ ആഭിമുഖ്യത്തില്‍ പ്രവാസി കേരളീയര്‍ക്കായി ജില്ലയില്‍ അംഗത്വ കാമ്പയിനും അംശദായ കുടിശിക നിവാരണവും സംഘടിപ്പിച്ചു. കോഴഞ്ചേരി  മാരാമണ്‍ മാര്‍ത്തോമ റിട്രീറ്റ് സെന്ററില്‍ പ്രവാസി ക്ഷേമ ബോര്‍ഡ് ഡയറക്ടര്‍  ജോര്‍ജ് വര്‍ഗീസ് ഉദ്ഘാടനം ചെയ്തു. ഫിനാന്‍സ് മാനേജര്‍ ടി ജയകുമാര്‍ അധ്യക്ഷനായി. ജില്ലാ എക്സിക്യൂട്ടീവ് ഓഫീസര്‍ വി എം ജോസ്, ലോക കേരള സഭ അംഗം പ്രദീപ് കുമാര്‍, 300 ലധികം പ്രവാസികള്‍ തുടങ്ങിയവര്‍ പങ്കെടുത്തു. 60  പേര്‍ പുതിയ രജിസ്ട്രേഷനുള്ള ആദ്യ നടപടി പൂര്‍ത്തിയാക്കി. 75 അംഗങ്ങള്‍ കുടിശിക അടച്ച് അംഗത്വം  പുതുക്കി.

പ്രവാസികള്‍ക്കും തിരിച്ചെത്തിയ പ്രവാസികള്‍ക്കുമായി നോര്‍ക്കാ റൂട്ട്സും സംസ്ഥാന സര്‍ക്കാര്‍ സ്ഥാപനമായ സെന്റര്‍ ഫോര്‍ മാനേജ്മെന്റ് ഡവലപ്പ്മെന്റും (സി.എം.ഡി) സംയുക്തമായി  സംഘടിപ്പിക്കുന്ന എന്‍.ഡി.പി.ആര്‍.ഇ.എം പരിശീലന പരിപാടി  സെപ്റ്റംബര്‍ 18 ന് പത്തനംതിട്ടയില്‍. പങ്കെടുക്കാന്‍ താല്‍പര്യമുള്ളവര്‍ ശില്‍പശാല നടക്കുന്ന ഹെഡ് പോസ്റ്റ് ഓഫീസിന് എതിര്‍വശത്തുളള വൈ.എം.സി.എ ഹാളില്‍ (കോളേജ് റോഡ്, പത്തനംതിട്ട) രാവിലെ 9.30 മുതല്‍ രജിസ്റ്റര്‍ ചെയ്യണം.

സ്റ്റേറ്റ് ഇലക്ട്രിസിറ്റി ലൈസന്‍സിംഗ് ബോര്‍ഡ് 2025 ജൂലൈയില്‍ നടത്തിയ ഇലക്ട്രിക്കല്‍ വയര്‍മാന്‍ പരീക്ഷ ജയിച്ചവര്‍ക്കുള്ള സൗജന്യ വൈദ്യുത സുരക്ഷാ പരിശീലന ക്ലാസ്സ് സെപ്റ്റംബര്‍ 22-ന് രാവിലെ ഒന്‍പതിന് മലപ്പുറം കോട്ടപ്പടി മുന്‍സിപ്പല്‍ ബസ് സ്റ്റാന്‍ഡ് ഓഡിറ്റോറിയത്തില്‍ നടക്കും. കഴിഞ്ഞ രണ്ട് വര്‍ഷങ്ങളില്‍ പരീക്ഷ ജയിച്ചിട്ടും ക്ലാസ്സില്‍ പങ്കെടുക്കാന്‍ സാധിക്കാത്തവര്‍ക്കും അവസരമുണ്ട്. ക്ലാസ്സില്‍ പങ്കെടുക്കുന്നവര്‍ എഴുത്തുപരീക്ഷയുടെ അസ്സല്‍ ഹാള്‍ടിക്കറ്റുകളുമായി രാവിലെ ഒന്‍പതിനു മുന്‍പ് എത്തി രജിസ്‌ട്രേഷന്‍ നടപടികള്‍ പൂര്‍ത്തിയാക്കണം.  ഫോണ്‍- 0483 2950003.