ആറൻമുള ഊതൃട്ടാതി വള്ളംകളി നടക്കുന്ന  സെപ്റ്റംബർ ഒമ്പതിന് ചെങ്ങന്നൂർ, മാവേലിക്കര താലൂക്കുകളിലെ  സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും പ്രാദേശിക അവധി അനുവദിച്ച്  ജില്ലാ കളക്ടർ ഉത്തരവായി. പൊതു പരീക്ഷകൾ മുൻ നിശ്ചയ പ്രകാരം നടക്കും.

   നെയ്യാര്‍ ഡാം ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റില്‍ എം.ബി.എ. (മുഴുവന്‍ സമയം) ബാച്ചിലെ ഒഴിവുളള സീറ്റുകളിലേക്ക് സെപ്തംബര്‍ മൂന്നിന് രാവിലെ 10 മുതല്‍   സ്‌പോട്ട് അഡ്മിഷന്‍  നടത്തും.
  സഹകരണ മേഖലയില്‍ പ്രവര്‍ത്തിക്കുന്നവരുടെ ആശ്രിതര്‍ക്കും, ഫിഷറീസ് സ്‌കോളര്‍ഷിപ്പിന് അര്‍ഹതയുളള വിദ്യാര്‍ഥികള്‍ക്കും സീറ്റ് സംവരണമുണ്ട്.  എസ്.സി./എസ്.റ്റി വിദ്യാര്‍ഥികള്‍ക്ക്  ഫീസ് ആനുകൂല്യം ലഭിക്കും.

കരുനാഗപ്പള്ളി മോഡല്‍ പോളിടെക്‌നിക്ക് കോളജില്‍ ഇലക്ട്രോണിക്‌സ്,   ഇലക്ട്രോണിക്‌സ് ആന്‍ഡ് കമ്മ്യൂണിക്കേഷന്‍,  കമ്പ്യൂട്ടര്‍ എഞ്ചിനീയറിംഗ്,   കമ്പ്യൂട്ടര്‍ ഹാര്‍ഡ്‌വെയര്‍,   ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എന്നീ എഞ്ചിനീയറിംഗ്  വിഭാഗങ്ങളില്‍  ലാറ്ററല്‍ എന്‍ട്രി പ്രവേശനത്തിനും, ജോലിയുള്ളവര്‍ക്കായി ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എഞ്ചിനീയറിംഗ് വിഭാഗത്തിലും സെപ്റ്റംബര്‍ 15 വരെ സ്‌പോട്ട് അഡ്മിഷന്‍ നടത്തും. എസ്.സി/എസ്.ടി വിഭാഗങ്ങള്‍ക്ക് 50 ശതമാനം സീറ്റ് സംവരണമുണ്ട്. വിവരങ്ങള്‍ക്ക്: polyadmission.org ഫോണ്‍: 9447488348, 8547005083.
 

 ആരോഗ്യ വകുപ്പില്‍ ജൂനിയര്‍ പബ്ലിക് ഹെല്‍ത്ത് നഴ്‌സ് ഗ്രേഡ് രണ്ട്- എന്‍.സി.എ ഹിന്ദു നാടാര്‍ (കാറ്റഗറി നം. 692/2024) തസ്തികയുടെ റാങ്ക് പട്ടിക പ്രസിദ്ധപ്പെടുത്തി.
 

വനിതകളുടെ ജീവിതനിലവാരമുയര്‍ത്തി സ്ത്രീശാക്തീകരണം സാധ്യമാക്കാന്‍ ഗോകുലം ഡയറി പദ്ധതിയുമായി പത്തനാപുരം ബ്ലോക് പഞ്ചായത്ത്. വരുമാനത്തോടൊപ്പം സുരക്ഷിതഭക്ഷ്യവസ്തുക്കളുടെ ഉത്പാദനം സാധ്യമാക്കുന്നതും ലക്ഷ്യമാക്കുന്നു. വനിതാ വ്യക്തിഗത ഉപഭോക്താക്കള്‍ക്ക്  ശാസ്ത്രീയ കാലിത്തൊഴുത്തും കറവപ്പശുവും നല്‍കുന്ന പദ്ധതിയാണിത്.  
പശുവളര്‍ത്തലില്‍ ഏര്‍പ്പെട്ടിരിക്കുന്ന വനിതകളുടെ സാമ്പത്തികഭദ്രത ഉറപ്പ് വരുത്തുക, ശാസ്ത്രീയ കാലിതൊഴുത്ത്‌നിര്‍മാണം സാധ്യമാക്കുക, ക്ഷീര മേഖലയും തൊഴിലുറപ്പ് പദ്ധതിയുമായുള്ള സംയോജനത്തിലൂടെ വികസനം,പശുവളര്‍ത്തല്‍ ആകര്‍ഷകമായ തൊഴിലാക്കിമാറ്റുക തുടങ്ങിയവയാണ്  പദ്ധതിയിലൂടെ സാധ്യമാകുക.

ശാസ്താംകോട്ട താലൂക്ക് ആശുപത്രിയുടെ നിര്‍മാണ പ്രവര്‍ത്തനങ്ങള്‍ വേഗത്തില്‍ പൂര്‍ത്തീകരിക്കുമെന്ന് ആരോഗ്യ-വനിത ശിശുക്ഷേമ വകുപ്പ് മന്ത്രി വീണാ ജോര്‍ജ്. പോരുവഴി കുടുംബാരോഗ്യ കേന്ദ്രത്തിന്റെ പുതിയ കെട്ടിടം ഉദ്ഘാടനം ചെയ്യുകയായിരുന്നു മന്ത്രി. സാധാരണക്കാര്‍ക്ക് പ്രയോജനകരമായരീതിയില്‍ ആരോഗ്യകേന്ദ്രങ്ങളെ കൂടുതല്‍ മെച്ചപ്പെടുത്തുകയാണ് വിവിധപദ്ധതികളിലൂടെ സര്‍ക്കാര്‍ ലക്ഷ്യമിടുന്നതെന്ന് മന്ത്രി പറഞ്ഞു. ദേശീയ ആരോഗ്യ മിഷന്റെ 1,43,00000 രൂപ ഫണ്ട് ചെലവഴിച്ച് മലനട ദേവസ്വം നല്‍കിയ ഭൂമിയിലാണ് പോരുവഴി കുടുംബാരോഗ്യകേന്ദ്രം നിര്‍മിച്ചത്.

പവിത്രേശ്വരം ഗ്രാമപഞ്ചായത്തിലെ എസ്.എന്‍ പുരം കുടുംബാരോഗ്യകേന്ദ്രത്തില്‍ പുതുതായി നിര്‍മിച്ച രണ്ടാംനിലയുടെ ഉദ്ഘാടനം ആരോഗ്യ-വനിത-ശിശുവികസന വകുപ്പ് മന്ത്രി വീണാ ജോര്‍ജ് നിര്‍വഹിച്ചു. മുന്‍ എം.പി കെ.സോമപ്രസാദിന്റെ പ്രാദേശിക വികസന ഫണ്ടില്‍ ഉള്‍പ്പെടുത്തിയാണ് പദ്ധതി പൂര്‍ത്തിയാക്കിയത്.