ഓണാഘോഷങ്ങൾക്ക് ആവേശം പകർന്ന് പാമ്പാക്കുട ഗ്രാമപ്പഞ്ചായത്ത് സംഘടിപ്പിക്കുന്ന അരീക്കൽ ഫെസ്റ്റിന് ഇന്ന് (സെപ്റ്റംബർ 3) തുടക്കമാവും.

ജില്ലയിലെ പ്രധാന വിനോദസഞ്ചാര കേന്ദ്രമായ അരീക്കൽ വെള്ളച്ചാട്ടം കേന്ദ്രമാക്കിയാണ് അഞ്ചുദിവസത്തെ പ്രാദേശിക ഉത്സവമായ അരീക്കൽ ഫെസ്റ്റ് സംഘടിപ്പിക്കുന്നത്. 

സെപ്റ്റംബർ മൂന്നിന് ഉച്ചകഴിഞ്ഞ് 2.30-ന് പാമ്പാക്കുട പഞ്ചായത്ത് ഹാളിൽ പ്രതിപക്ഷ നേതാവ് വി.ഡി. സതീശൻ ഫെസ്റ്റ് ഉദ്ഘാടനം ചെയ്യും. ചടങ്ങിൽ അനൂപ് ജേക്കബ് എം.എൽ.എ. അധ്യക്ഷനാകും. 

ഐ.എച്ച്.ആർ.ഡി.യുടെ അനുബന്ധ സ്ഥാപനമായ മോഡൽ ഫിനിഷിംഗ് സ്കൂൾ സംഘടിപ്പിക്കുന്ന മൂന്ന് ആഴ്ച്ച ദൈർഘ്യം വരുന്ന സർട്ടിഫിക്കറ്റ് കോഴ്സ് ഇൻ വേർഡ് പ്രോസസിംഗ്, സ്പ്രെഡ്ഷീറ്റ്, പ്രസൻ്റേഷൻ ആൻഡ് എ.ഐ. ടൂൾസ് എന്നി കോഴ്സുകളിലേക്ക് അപേക്ഷ ക്ഷണിച്ചു. 

ഫോൺ: 8547005004, 9495965860, 9497489822

ഭരണരംഗത്ത് മലയാള ഭാഷയുടെ ഉപയോഗം വര്‍ധിപ്പിക്കുന്നതിനുള്ള വിവിധ പദ്ധതികളുടെ ഭാഗമായി കേരള സര്‍ക്കാര്‍ ഏര്‍പ്പെടുത്തിയ ഭരണഭാഷാ പുരസ്‌കാരങ്ങള്‍ക്ക് അപേക്ഷ ക്ഷണിച്ചു. 

2024 വര്‍ഷത്തില്‍ മലയാളത്തില്‍ ചെയ്ത ജോലികളാണ് പുരസ്‌കാരത്തിന് പരിഗണിക്കുന്നത്. ജില്ലാതല ഭരണഭാഷാ സേവന പുരസ്‌കാരത്തിനുള്ള അപേക്ഷകള്‍ അതത് ജില്ലാ കളക്ടര്‍മാര്‍ക്കാണ് നല്‍കേണ്ടത്. 

വനിതാ ശിശു വികസന വകുപ്പിന് കീഴിലുള്ള മൂവാറ്റുപുഴ അഡീഷണല്‍ ഐ.സി.ഡി.എസ്. പ്രോജക്ടിന്റെ പരിധിയിലെ ആയവന പഞ്ചായത്തിലെ 18 അങ്കണവാടികളിലേക്ക് കോഴിമുട്ട വിതരണം ചെയ്യാന്‍ താല്പര്യമുള്ള വ്യക്തികളില്‍ നിന്നും സ്ഥാപനങ്ങളില്‍ നിന്നും റീ ടെന്‍ഡര്‍ ക്ഷണിച്ചു.

റീ ടെന്‍ഡര്‍ സെപ്റ്റംബര്‍ 10 ന് ഉച്ചകഴിഞ്ഞ് 3.30 നകം സമര്‍പ്പിക്കണം. വിശദ വിവരങ്ങള്‍ക്ക് മൂവാറ്റുപുഴ അഡീഷണല്‍ ശിശു വികസന പദ്ധതി ഓഫീസുമായോ 9947864784, 9605157754, 0485 52810018 എന്നി ഫോണ്‍ നമ്പറുകളിലോ ബന്ധപ്പെടുക.

ശാരീരിക, മാനസിക പരിമിതികളെ അതിജീവിച്ച് സമൂഹത്തില്‍ തങ്ങളുടേതായ ഇടം കണ്ടെത്തി 

യുവതയ്ക്ക് പ്രചോദനമായി തീരുകയും ചെയ്ത യുവജനങ്ങള്‍ക്ക് സംസ്ഥാന യുവജന കമ്മീഷന്‍ നല്‍കുന്ന യുവപ്രതിഭാ പുരസ്‌കാരത്തിന് അപേക്ഷ ക്ഷണിച്ചു. 18 നും 40 നും ഇടയില്‍ പ്രായമുള്ള ഭിന്നശേഷി വ്യക്തികള്‍, അപേക്ഷകള്‍ ഫോട്ടോ ഉള്‍പ്പെടെയുള്ള വിശദമായ ബയോഡാറ്റ സഹിതം official.ksyc@gmail.com എന്ന ഇമെയില്‍ വിലാസത്തിലോ കേരള സംസ്ഥാന യുവജന കമ്മീഷന്‍, വികാസ് ഭവന്‍, പി.എം. ജി , തിരുവനന്തപുരം എന്ന വിലാസത്തിലോ സെപ്റ്റംബര്‍ 30 മുമ്പ് സമര്‍പ്പിക്കണം. 

ഫോണ്‍: 0471- 2308630

എറണാകുളം ജില്ലയില്‍ വിദ്യാഭ്യാസ വകുപ്പില്‍ എല്‍ പി സ്‌കൂള്‍ ടീച്ചര്‍ (മലയാളം മീഡിയം) 

(കാറ്റഗറി : 663/2024) തസ്തികയുടെ തെരഞ്ഞെടുപ്പിനുള്ള അഭിമുഖം സെപ്റ്റംബര്‍ 18 ന് ഉച്ചയ്ക്ക് 12ന് കേരള പബ്ലിക് സര്‍വ്വീസ് കമ്മിഷന്റെ എറണാകുളം ജില്ലാ ഓഫീസില്‍ നടക്കും. അഭിമുഖത്തിന് മുന്നോടിയായുള്ള വെരിഫിക്കേഷന് അന്നേ ദിവസം രാവിലെ 9.30 ന് അസ്സല്‍ പ്രമാണങ്ങള്‍, ഒ.റ്റി.വി സര്‍ട്ടിഫിക്കറ്റ്, അഡ്മിഷന്‍ ടിക്കറ്റ്, ബയോഡാറ്റ എന്നിവ സഹിതം ഉദ്യോഗാര്‍ത്ഥികള്‍ നേരിട്ട് ഹാജരാകണം. ഉദ്യോഗാര്‍ത്ഥികള്‍ക്കുള്ള അഡ്മിഷന്‍ ടിക്കറ്റ് പ്രൊഫൈലില്‍ നിന്ന് ഡൗണ്‍ലോഡ് ചെയ്യാവുന്നതാണ്. 

കോതമംഗലം സര്‍ക്കാര്‍ കൊമേഷ്യല്‍ ഇന്‍സ്റ്റിറ്റ്യൂട്ടില്‍ 2021-22, 2023-24 അധ്യയന വര്‍ഷങ്ങളില്‍ പ്രവേശനം നേടിയ വിദ്യാര്‍ത്ഥികളില്‍ കോഷന്‍ ഡെപ്പോസിറ്റ് തുക കൈപ്പറ്റാത്തവരില്‍ നിന്നും തുക കൈപ്പറ്റുന്നതിനുള്ള അപേക്ഷ ക്ഷണിച്ചു. സെപ്റ്റംബര്‍ 20 ന് മുമ്പായി അപേക്ഷയോടൊപ്പം ബാങ്കിന്റെ വിശദ വിവരങ്ങളടക്കം സമര്‍പ്പിക്കണം. 

ഫോണ്‍: 0485 2828557, 9447017429

ചെല്ലാനം ഗ്രാമപഞ്ചായത്തിലെ സന്നദ്ധ പ്രവർത്തകർക്ക് ഓണസമ്മാനം കൈമാറി കെ.ജെ മാക്സി എം.എൽ.എ. കൊച്ചി മണ്ഡലത്തിലെ എല്ലാ സന്നദ്ധ പ്രവർത്തകർക്കും ഓണസമ്മാനം നൽകുന്നതിന്റെ ഭാഗമായാണ് ചെല്ലാനത്തും സമ്മാനം നൽകിയത്.

കാട്ടിപ്പറമ്പ് സെൻറ് ജോസഫ് എൽ.പി സ്കൂളിൽ സംഘടിപ്പിച്ച ചടങ്ങ് ജി.സി.ഡി.എ ജനറൽ കൗൺസിൽ അംഗം പി.എ പീറ്റർ ഉദ്ഘാടനം ചെയ്തു. 

മണ്ഡലത്തിലെ സാധാരണ ജനങ്ങളോട് ഏറെ അടുത്ത് ഇടപഴകുന്നവരാണ് സന്നദ്ധ പ്രവർത്തകർ. ഓണസമ്മാനത്തിനപ്പുറം അവർക്കുള്ള ഒരു സ്നേഹാദരവ് കൂടിയാണ് ഈ സമ്മാനമെന്ന് എം.എൽ.എ പറഞ്ഞു . 

സെപ്റ്റംബർ  20ന്  നടക്കാനിരിക്കുന്ന ആഗോള അയ്യപ്പ സംഗമത്തിന് മുന്നോടിയായി ദേവസ്വം വകുപ്പ് മന്ത്രി വി എൻ വാസവന്റെ നേതൃത്വത്തിൽ വിവിധ വകുപ്പുകളിലെ ഉദ്യോഗസ്ഥരുടെ അവലോകന യോഗം ചേർന്നു.    ഗതാഗത വകുപ്പ് മന്ത്രി കെ ബി ഗണേഷ് കുമാർ ഓൺലൈൻ ആയി യോഗത്തിൽ പങ്കെടുത്തു.

2025-26 വർഷത്തെ ഡിപ്ലോമ ഇൻ ജനറൽ നഴ്സിങ് ആൻഡ് മിഡ് വൈഫറി കോഴ്സിന്റെയും ഓക്സിലറി നഴ്സിങ് ആൻഡ് മിഡ് വൈഫറി കോഴ്സിന്റെയും പ്രവേശനത്തിന് അപേക്ഷിച്ചവരുടെ പ്രാഥമിക പരിശോധനയ്ക്ക് ശേഷമുള്ള സ്വീകാര്യമായ വ്യക്തിഗത അക്കാദമിക വിവരങ്ങൾ www.lbscentre.kerala.gov.in