സമഗ്ര ശിക്ഷാ കേരളം പദ്ധതിയുടെ കീഴിൽ ഇടുക്കി ജില്ലയില്‍ കണ്ണംപടി ഗവണ്‍മെന്റ് ട്രൈബല്‍ ഹൈസ്‌ക്കൂളില്‍ ധര്‍തി ആബ ജന്‍ജാതിയ ഗ്രാം ഉത്കര്‍ഷ് അഭിയാന്‍ പദ്ധതിയില്‍ ഉള്‍പ്പെടുത്തി ഹോസ്റ്റല്‍ നിര്‍മ്മിക്കുന്നതിന് ഡി.പി.ആര്‍ തയ്യാറാക്കുന്നതിനും പ്രവൃത്തി നടപ്പാക്കുന്നതിനുമായി നോണ്‍ അക്രഡിറ്റഡ് എജന്‍സികളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡര്‍ അപേക്ഷകള്‍ സെപ്റ്റംബര്‍ 11 വൈകിട്ട് അഞ്ച് മണി വരെ സ്വീകരിക്കും. 11 ന് രാവിലെ 11.30 ന് തുറന്ന് പരിശോധിക്കും. കൂടുതല്‍ വിവരങ്ങള്‍ക്ക്: 04862 226991, 9400834671, 9446441210.

സമത്വം, ഐക്യം, പ്രകൃതിയോടുള്ള സമന്വയം എന്നിവയുടെ ആഘോഷമായ ഓണത്തിന്റെ ഈ മൂല്യങ്ങള്‍ ഉയര്‍ത്തിപ്പിടിക്കാനും മാലിന്യ പരിപാലനവുമായി ബന്ധപ്പെട്ട ക്രിയാത്മക ആശയങ്ങള്‍ പ്രോത്സാഹിപ്പിക്കുന്നതിനുമായി ശുചിത്വ മിഷന്‍ 'ശുചിത്വ പൂക്കളം 2025' മത്സരം സംഘടിപ്പിക്കുന്നു. 'മാലിന്യമുക്തം നവകേരളം' എന്നതാണ് പ്രധാന വിഷയം.

കട്ടപ്പന ഗവണമെന്റ് ഐ.ടി.ഐയില്‍ ജൂനിയര്‍ ഇന്‍സ്ട്രക്ടര്‍ (അരിത്തമെറ്റിക് കം ഡ്രോയിംഗ്) തസ്തികയിലെ ഒരു ഒഴിവിലേയ്ക്ക് മുസ്‌ളീം/മാപ്പിള വിഭാഗത്തില്‍ നിന്നുള്ള ഉദ്യോഗാര്‍ഥികളുടെ അഭാവത്തില്‍ ഈഴവ/ബില്ല/തീയ്യ വിഭാഗത്തിലുള്ളവരെ പരിഗണിക്കുമെന്നും ,ജൂനിയര്‍ ഇന്‍സ്ട്രക്ടര്‍ (വയര്‍മാന്‍) തസ്തികയിലെ ഒരു ഒഴിവിലേക്ക് ഓപ്പണ്‍ കാറ്റഗറി വിഭാഗത്തില്‍ നിന്നും ഗസ്റ്റ് ഇന്‌സ്ട്രക്ടര്‍ നിയമനം നടത്തുമെന്നും പ്രിന്‍സിപ്പാള്‍ അറിയിച്ചു.

തൊടുപുഴ മുട്ടത്ത് പ്രവര്‍ത്തിക്കുന്ന ഇടുക്കി ജുവനൈല്‍ ജസ്റ്റിസ് ബോര്‍ഡില്‍ ഒഴിവുളള അസിസ്റ്റന്റ് കം ഡാറ്റാ എന്‍ട്രി ഓപ്പറേറ്റര്‍ തസ്തികയിലേക്ക് ദിവസ വേതന അടിസ്ഥാനത്തില്‍ നിയമനം നടത്തുന്നതിന് വാക്ക് ഇന്‍ ഇന്റര്‍വ്യു നടത്തും. യോഗ്യത: പ്ലസ്ടു/തത്തുല്യം, കമ്പ്യൂട്ടര്‍ പരിജ്ഞാനത്തില്‍ ഡിപ്ലോമ/സര്‍ട്ടിഫിക്കറ്റ്. പ്രായപരിധി 40 വയസ്. സമാന തസ്തികയില്‍ പ്രവൃത്തി പരിചയമുള്ള  ഉദ്യോഗാര്‍ഥികള്‍ക്ക് മുന്‍ഗണന ഉണ്ടായിരിക്കുന്നതാണ്.

വെള്ളിയാമറ്റം ഗ്രാമപഞ്ചായത്തിൻ്റെ കീഴിൽ പ്രവർത്തിക്കുന്ന കാർഷിക കർമ്മ സേന  മഴമറയിൽ കൃഷി ചെയ്ത പൂക്കളുടെയും പച്ചക്കറികളുടെയും ആദ്യ വിളവെടുപ്പിൻ്റെയും ഉദ്ഘാടനം വെള്ളിയാമറ്റം ഗ്രാമപഞ്ചായത്ത് പ്രസിഡൻ്റ് മോഹൻദാസ് പുതുശ്ശേരി നിർവ്വഹിച്ചു. പഞ്ചായത്ത് വൈസ് പ്രസിഡൻ്റ് ഷേർളി ജോസുകുട്ടി അധ്യക്ഷത വഹിച്ചു.

നെടുങ്കണ്ടം സപ്ലൈകോ സൂപ്പർ മാർക്കറ്റിൽ ആരംഭിച്ച ഉടുമ്പൻചോല താലൂക്ക് ഓണം ഫെയർ എം.എം മണി എംഎൽഎ ഉദ്ഘാടനം ചെയ്തു. സമൃദ്ധി കിറ്റ് വിതരണ ഉദ്ഘാടനവും എംഎൽഎ നിർവഹിച്ചു. വിപണി വിലയേക്കാൾ

5 ശതമാനം മുതൽ 50 ശതമാനം വിലക്കുറവിൽ ഉൽപന്നങ്ങൾ ഓണം ഫെയറിൽ പൊതുജനങ്ങൾക്ക് ലഭ്യമാകും. സെപ്റ്റംബർ 4 വരെയാണ് ഓണം ഫെയറുകൾ.

മാവേലിക്കര ഐ എച്ച് ആർ ഡി കോളേജ് ഓഫ് അപ്ലൈഡ് സയൻസിൽ മൂന്ന്   മാസത്തെ ഇന്റേൺഷിപ്പിനുള്ള അപേക്ഷ ക്ഷണിച്ചു. സെയിൽസ് മാർക്കറ്റിംഗ്, അക്കൗണ്ടിംഗ് ഇലക്ട്രോണിക്സ്, കമ്പ്യൂട്ടർ സയൻസ്, ലൈബ്രറി സയൻസ് എന്നീ വിഷയങ്ങൾക്കാണ് ഇന്റേൺഷിപ്പ് നൽകുക. അതത് വിഷയങ്ങളിൽ യു ജി കോഴ്സ് ചെയ്തുകൊണ്ടിരിക്കുന്നവർക്കോ യു ജി കോഴ്സ് കഴിഞ്ഞവർക്കോ ഇന്റേൺഷിപ്പ് ചെയ്യാം.  താൽപര്യമുള്ളവർ അസ്സൽ സർഫിക്കറ്റുമായി കോളേജിൽ എത്തുക. ഫോൺ: 0479-2304494, 8547005046