കേരള കള്ള് വ്യവസായ  തൊഴിലാളി ക്ഷേമനിധി ബോർഡ് ഓണം പ്രമാണിച്ച് 21563 തൊഴിലാളി പെൻഷൻ ഗുണഭോക്താക്കൾക്ക് ബോർഡിന്റെ തനത് ഫണ്ടിൽ നിന്നും 2025 ജൂലൈ, ആഗസ്റ്റ് മാസങ്ങളിലെ ക്ഷേമനിധി പെൻഷൻ ഇനത്തിൽ 13,59,32,696 രൂപ വിതരണം ചെയ്തു.

* രാജ്യത്തെ ആദ്യ സംസ്ഥാന വയോജന കമ്മീഷൻ സ്ഥാനമേറ്റു

വിനോദസഞ്ചാരവകുപ്പിന്റെ ആഭിമുഖ്യത്തില്‍ ജില്ലാ ഭരണകൂടം ജില്ലാ  ടൂറിസം പ്രൊമോഷന്‍ കൗണ്‍സിലുമായി ചേര്‍ന്ന് നടത്തുന്ന ഓണാഘോഷപരിപാടിയായ ‘ഓണനിലാവ് 2025’  സെപ്റ്റംബര്‍ നാലു  മുതല്‍.  വിവിധ കേന്ദ്രങ്ങളില്‍ സായാഹ്ന കലാപരിപാടികളോടെയാണ് ആഘോഷം.
കൊല്ലം ബീച്ചില്‍ സെപ്റ്റംബര്‍ നാലിന് ധനകാര്യ വകുപ്പ് മന്ത്രി കെ എന്‍ ബാലഗോപാല്‍ ഉദ്ഘാടനം ചെയ്യും. ഇവിടെയുള്ള ടോയ്‌ലറ്റ് സമുച്ചയത്തിന്റെ ഉദ്ഘാടനം ഓണ്‍ലൈന്‍ വഴി പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് ഉദ്ഘാടനം ചെയ്യും. എം.മുകേഷ് എം.എല്‍.എ അധ്യക്ഷനാകും.

 
മങ്ങാട്  സര്‍ക്കാര്‍ ഹൈസ്‌കൂളിലെ കുട്ടികള്‍ മൃഗസംരക്ഷണ വകുപ്പ് മന്ത്രി ജെ.ചിഞ്ചുറാണിയുടെ വീട്ടിലാണ് ഇത്തവണ ഓണമാഘോഷിച്ചത്.  സ്റ്റുഡന്റ് പോലീസ് കേഡറ്റുകള്‍പട്ടുപാവാടയും മുല്ലപ്പൂവും ചൂടി കേരളീയ വേഷത്തിലായിരുന്നു.  മന്ത്രിയും കേരളീയ വേഷമണിഞ്ഞെത്തി.

മാവേലിക്കര കോളേജ് ഓഫ് അപ്ലൈഡ് സയന്‍സില്‍ മൂന്ന് മാസത്തെ ഇന്റേണ്‍ഷിപ്പിന് അപേക്ഷ ക്ഷണിച്ചു. സെയില്‍സ്മാര്‍ക്കറ്റിംഗ്, അക്കൗണ്ടിംഗ് ഇലക്ട്രോണിക്സ്, കമ്പ്യൂട്ടര്‍സയന്‍സ്, ലൈബ്രറി സയന്‍സ് വിഷയങ്ങള്‍ക്കാണ് അവസരം. അതത് വിഷയങ്ങളില്‍ യു.ജി കോഴ്സ് തുടരുന്നവര്‍ക്കും കഴിഞ്ഞവര്‍ക്കും അപേക്ഷിക്കാം. ഫീസ് : 3000  രൂപ.   ഫോണ്‍: 0479 2304494, 8547005046.
 

മാവേലിക്കര കോളേജ് ഓഫ് അപ്ലൈഡ് സയന്‍സില്‍ പിജി/യുജി പ്രോഗ്രാമിലെ ഒഴിവുള്ള സീറ്റുകളിലേക്ക് അപേക്ഷിക്കാം. ബി.എസ്.സി - കംപ്യൂട്ടര്‍ സയന്‍സ്,   ഇലക്ട്രോണിക്സ്, ബികോം ബി.ഐ.എസ്, ഫിനാന്‍സ്, ടാക്സേഷന്‍, എം.എസ്.സി- കംപ്യൂട്ടര്‍ സയന്‍സ്, ഇലക്ട്രോണിക്സ്, എംകോം ഫിനാന്‍സ് കോഴ്സുകളിലാണ് ഒഴിവുകള്‍. ഫോണ്‍: 8547005046, 0479 2304494.
 

        കൊട്ടാരക്കര കരിയര്‍ ഡവലപ്പ്മെന്റ് സെന്ററില്‍ 15 വയസിനു മുകളില്‍ പ്രായമുള്ള വിദ്യാര്‍ഥികള്‍ക്കായുള്ള  50  മണിക്കൂര്‍   സൗജന്യ കമ്പ്യൂട്ടര്‍ (വേഡ് പ്രോസസിംഗ്) ക്ലാസ് സെപ്റ്റംബര്‍ എട്ടിന്  രാവിലെ 10 ന് ആരംഭിക്കും.   ഫോണ്‍: 0474 2919612, 9633450297.
 
 

 
ഐ.ഡി.പി (ഇന്റര്‍നാഷണല്‍ ഡ്രൈവിംഗ് പെര്‍മിറ്റ്) ലൈസന്‍സിനായി പാസ്‌പോര്‍ട്ട് ഉള്ളവര്‍ക്ക് ഓണ്‍ലൈനായി  അക്ഷയ സെന്റര്‍   മുഖേനയും സ്വന്തമായും   അപേക്ഷ സമര്‍പ്പിക്കാമെന്ന്  റീജിയണല്‍ ട്രാന്‍സ്‌പോര്‍ട്ട് ഓഫീസര്‍ കെ. അജിത്കുമാര്‍ അറിയിച്ചു. ഫീസ് 1220 രൂപ.   പോസ്റ്റല്‍/കൊറിയര്‍ ചാര്‍ജുകള്‍ നല്‍കേണ്ടതില്ല.  അപ്രൂവല്‍ എസ്.എം.എസ് ലഭിച്ചതിന്റെ   തൊട്ടടുത്ത പ്രവര്‍ത്തിദിവസം അപേക്ഷകനോ അപേക്ഷകന്‍ ചുമതലപ്പെടുത്തുന്ന വ്യക്തിക്കോ  (ചുമതലാപത്രത്തിന്റെ അടിസ്ഥാനത്തില്‍) പ്രവര്‍ത്തി ദിവസം രാവിലെ 10.30 മുതല്‍  ഉച്ചയ്ക്ക് ഒന്ന് വരെ ഓഫീസില്‍  നിന്ന്  കൈപ്പറ്റാം.
 
 

  കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രൈണര്‍ഷിപ്പ് ഡെവലപ്പ്‌മെന്റ്് ഡിജിറ്റല്‍ മാര്‍ക്കറ്റിംഗ്‌രംഗത്തെ സംരംഭകര്‍ക്കായി പരിശീലനംസംഘടിപ്പിക്കും.   സെപ്റ്റംബര്‍ 10 മുതല്‍ 12 വരെ കളമശ്ശേരി കിഡ് ക്യാമ്പസിലാണ് പരിശീലനം. താമസം ഉള്‍പ്പെടെ 2950 രൂപയും താമസം കൂടാതെ 1500 രൂപയും എസ്.സി/എസ്.ടി വിഭാഗത്തിന് താമസം സഹിതം 1800 രൂപയും താമസം ഇല്ലാതെ 800 രൂപയുമാണ് ഫീസ്. തിരഞ്ഞെടുക്കുന്ന 35 പേര്‍ ഫീസ് അടച്ചാല്‍ മതി. www.kied.info  മുഖേന സെപ്റ്റംബര്‍ എട്ടിനകം അപേക്ഷ സമര്‍പ്പിക്കണം. ഫോണ്‍:  0484 2532890, 2550322, 9188922800