കേരള സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍, ഇടുക്കി ജില്ലയിലെ പട്ടികജാതി വിഭാഗത്തില്‍പ്പെട്ട കുടുംബശ്രീ അംഗങ്ങള്‍ക്ക് ഒരു ലക്ഷം രൂപയും പട്ടികവര്‍ഗക്കാര്‍ക്ക് 50,000/ രൂപയും മിതമായ പലിശ നിരക്കില്‍ സിഡിഎസ് മുഖേന അനുവദിക്കുന്ന ബള്‍ക്ക് വായ്പയ്ക്കുള്ള അപേക്ഷ ക്ഷണിച്ചു. കുടുംബശ്രീ അംഗങ്ങള്‍ അതത് സിഡിഎസുകളുമായി ബന്ധപ്പെടുക.
 

അടിമാലി താലൂക്ക് ആശുപത്രിയിലെ ഓര്‍ത്തോ വിഭാഗത്തിലേക്ക് ആര്‍ത്രോസ്‌കോപ്പ് ഉപകരണങ്ങള്‍ ലഭ്യമാക്കുന്നതിന് തയ്യാറുളള സ്ഥാപനങ്ങളില്‍ നിന്നും ദര്‍ഘാസ് ക്ഷണിച്ചു. ദര്‍ഘാസുകള്‍ സെപ്തംബര്‍ ഒന്നിന് പകല്‍ ഒരു മണി വരെ സ്വീകരിക്കും. തുടര്‍ന്ന് മൂന്ന് മണിക്ക് തുറന്ന് പരിശോധിക്കും. കൂടുതല്‍ വിവരങ്ങള്‍ക്ക്: 04864 222670.
 

സപ്ലൈകോ ഇടുക്കി താലൂക്ക് ഓണം ഫെയര്‍ കട്ടപ്പനയില്‍ മന്ത്രി റോഷി അഗസ്റ്റിന്‍ ഉദ്ഘാടനം ചെയ്യും. ആഗസ്റ്റ് 31 (ഞായറാഴ്ച) 2 മണിക്ക് മന്ത്രി റോഷി അഗസ്റ്റിന്‍ കട്ടപ്പന സെന്‍ട്രല്‍ ജംഗ്ഷനില്‍ കെജിസ് ബില്‍ഡിംഗില്‍ സംഘടിപ്പിക്കുന്ന ഓണം ഫെയര്‍ ഉദ്ഘാടനം ചെയ്യും.

ആഗസ്റ്റ് 31 മുതല്‍ സെപ്റ്റംബര്‍ 4 വരെയാണ് ഓണം ഫെയര്‍. നഗരസഭ അധ്യക്ഷ ബീന ടോമി യോഗത്തില്‍ അധ്യക്ഷയാകും. ജില്ലാപഞ്ചായത്ത്പ്രസിഡന്റ് രാരിച്ചന്‍ നീറണാക്കുന്നേല്‍ മുഖ്യപ്രഭാഷണം നടത്തും. കട്ടപ്പന ബ്ലോക്ക് പഞ്ചായത്ത് പ്രസിഡന്റ് വി പി ജോണ്‍ ആദ്യ വില്പന നിര്‍വഹിക്കും. ഓണ കിറ്റ് വിതരണ ഉദ്ഘാടനം ജില്ലാ പഞ്ചായത്ത് അംഗം ആശ ആന്റണി നിര്‍വഹിക്കും.

സംസ്ഥാനത്തെ ഏകഗോത്ര വര്‍ഗ പഞ്ചായത്തായ ഇടമലക്കുടിയില്‍ പദ്ധതി നടപ്പാക്കുന്നതില്‍ വകുപ്പുകള്‍ പ്രത്യേക പരഗണന നല്‍കണമെന്ന്  ജില്ലാ കളക്ടര്‍ ഡോ.ദിനേശന്‍ ചെറുവാട്ട്. കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന ജില്ലാ വികസന സമിതി യോഗത്തില്‍  അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം. ഇടമലക്കുടിയിലേക്കുള്ള കോണ്‍ക്രീറ്റ് റോഡിന്റെ അവശേഷിക്കുന്ന ഭാഗം കൂടി അടിയന്തര പ്രാധാന്യം നല്‍കി നിര്‍മ്മാണം പൂര്‍ത്തിയാക്കാന്‍ പൊതുമരാമത്ത് റോഡ് വിഭാഗത്തിന് നിര്‍ദേശം നല്‍കി. ഇടമലക്കുടി ഗ്രാമ പഞ്ചായത്തില്‍ ടൈലറിംഗ് പരിശീലനത്തിന് വിവര ശേഖരണം നടത്തി.

*സെപ്തംബർ 1 മുതൽ നവംബർ 30 വരെയാണ് അനുമതി

ഗവണ്‍മെന്റ് ഐ‌ടി‌ഐ  ഇടുക്കി കഞ്ഞിക്കുഴിയില്‍ ഡസ്ക് ടോപ്പ് പബ്ലിഷിംഗ് ഓപ്പറേറ്റര്‍, ഡ്രാഫ്ററ്സ്മാൻ സിവിൽ ട്രേഡുകളിൽ ഒഴിവുള്ള സീറ്റുകളിലേക്ക്   ആഗസ്റ്റ് 30 ന് സ്പോട്ട് അഡ്മിഷൻ നടത്തുന്നു. താല്‍പര്യമുള്ളവർ സർട്ടിഫിക്കറ്റുകളുടെ, ഒറിജിനലും പകർപ്പുകളും,ഒറിജിനല്‍ ടിസി, ആധാർ കാർഡിന്റെ പകർപ്പും, നിശ്ചിത ഫീസും സഹിതം നേരിട്ട് ഹാജരാകേണ്ടതാണ്. കൂടുതല്‍ വിവരങ്ങള്‍ക്ക് 9895904350, 9497338063, 7907793607

കേരള സർക്കാർ സ്ഥാപനമായ കേരള സ്റ്റേറ്റ് റൂട്രോണിക്സ് സർട്ടിഫിക്കറ്റോടുകൂടി ഒരു വർഷം, 6 മാസം, 3 മാസം ദൈർഘ്യമുള്ള ലോജിസ്റ്റിക്സ് ആൻ്റ് സപ്ലൈ ചെയിൻ മാനേജ്മെന്റ് കോഴ്‌സുകളിൽ  തിരുവനന്തപുരം, ആറ്റിങ്ങൽ അംഗീകൃത പഠന കേന്ദ്രങ്ങളിലേക്ക്   ഇന്റേൺഷിപ്പോടുകൂടി റെഗുലർ, പാർടൈം ബാചുകളിലേക്ക് SSLC,പ്ലസ് ടു,ഡിഗ്രി പാസ്സായവരിൽ നിന്നും അപേക്ഷ ക്ഷണിച്ചു.  വിശദ വിവരങ്ങൾക്ക്: 7994926081

 
സംസ്ഥാനത്ത് പലയിടത്തും അമീബിക് മസ്തിഷ്ക ജ്വരം റിപ്പോർട്ട് ചെയ്തിട്ടുണ്ട്. അതിന്റെ ഭാഗമായി പ്രതിരോധ പ്രവർത്തനങ്ങൾ നടപ്പിലാക്കുന്നതിന് ആഗസ്റ്റ് 30, 31 തീയതികളിൽ ജലമാണ് ജീവൻ ക്യാമ്പയിൻ സംഘടിപ്പിക്കുന്നു.

ജൽജീവൻ മിഷൻ്റെ 23-ാമത് ജില്ലാ വാട്ടർ ആൻ്റ് സാനിറ്റേഷൻ മിഷൻ യോഗം ജില്ലാ കളക്ടർ ഡോ. ദിനേശൻ ചെറുവാട്ടിൻ്റെ അധ്യക്ഷതയിൽ ചേർന്നു. ജില്ലയിലെ എല്ലാ പഞ്ചായത്തുകളിലും കുടിവെള്ളമെത്തിക്കുന്ന ജൽജീവൻ മിഷൻ്റെ പ്രവർത്തന പുരോഗതി യോഗത്തിൽ അവലോകനം ചെയ്തു. 241,261 കുടിവെള്ള കണക്ഷനുകൾ ക്കാണ് ജില്ലയിൽ ഭരണാനുമതി ലഭിച്ചിട്ടുള്ളത്. ഇതിൽ

ആസ്പിരേഷണല്‍ ബ്ലോക്ക് പ്രോഗ്രാമിന്റെ ഭാഗമായി കുമളി ഗ്രാമപഞ്ചായത്തില്‍ ആനവച്ചാല്‍ മൈതാനത്ത് സെപ്റ്റംബര്‍ ഒന്ന് മുതല്‍ എട്ട് (തിരുവോണ ദിനം ഒഴികെ) വരെ  ആകാക്ഷ ഹത്ത് മേള സംഘടിപ്പിക്കാന്‍ തീരുമാനിച്ചു. തിരുവോണ ദിനമായ സെപ്റ്റംബര്‍ 5 ന് പരിപാടി ഉണ്ടായിരിക്കില്ല.
       പ്രാദേശിക സംരംഭകരുടെ ഉല്‍പന്നങ്ങള്‍, ജി.ഐ ടാഗ് ചെയ്ത ഉല്‍പന്നങ്ങള്‍, കൈത്തറി - കരകൗശല വസ്തുക്കള്‍, വനവിഭവങ്ങള്‍ എന്നിവക്ക് വിപണി കണ്ടെത്തുകയെന്ന ലക്ഷ്യത്തോടെയാണ് ഒരാഴ്ച നീണ്ടുനില്‍ക്കുന്ന പ്രാദേശിക വിപണന മേള ആകാംക്ഷ ഹത്ത്  സംഘടിപ്പിക്കുന്നത്.