നാഷണല്‍ സര്‍വീസ് സ്‌കീമിന്റെ നേതൃത്വത്തില്‍ വരദൂര്‍ പാടശേഖരത്തില്‍ ഹരിത ഭൂമി പദ്ധതിയ്ക്ക് തുടക്കമിട്ടു. രണ്ട് ഏക്കറില്‍ നെല്‍കൃഷിയാണ് ചെയ്തത്.  വിദ്യാര്‍ഥികളില്‍ കാര്‍ഷിക പരിജ്ഞാനം വളര്‍ത്തുക, പരിസ്ഥിതി സംരക്ഷണം ഉറപ്പാക്കുകയെന്നതാണ് പദ്ധതി ലക്ഷ്യം. ജില്ലയിലെ 54 യൂണിറ്റുകളില്‍ നിന്നും രണ്ടു വീതം വളണ്ടിയര്‍മാര്‍ പരിപാടിയില്‍ പങ്കെടുത്തു.  ഹരിത ഭൂമി പദ്ധതിയുടെ ജില്ലാതല ഉദ്ഘാടനം എം.എല്‍.എ ടി. സിദ്ദിഖ് നിര്‍വഹിച്ചു.

ശിശുക്ഷേമ സമിതി ആഭിമുഖ്യത്തില്‍ സംഘടിപ്പിക്കുന്ന ഓണാഘോഷ പരിപാടികള്‍ (സെപ്റ്റംബര്‍ 2) രാവിലെ 10 മുതല്‍ തൊണ്ടര്‍നാട് ഗ്രാമപഞ്ചായത്തിലെ കുഞ്ഞോം ഉന്നതിയില്‍ നടക്കുമെന്ന് സെക്രട്ടറി കെ രാജന്‍ അറിയിച്ചു. ഉന്നതിയില്‍ പ്രവര്‍ത്തിക്കുന്ന സാമൂഹ്യ പഠന മുറിയിലെ കുട്ടികളും രക്ഷിതാക്കളും പൂക്കളം ഒരുക്കും. വട്ടക്കളി, സുന്ദരിക്ക് പൊട്ടുതൊടല്‍, കസേര കളി, ബലൂണ്‍ പൊട്ടിക്കല്‍, തുടങ്ങിയ പ്രാദേശിക കലാപരിപാടികള്‍ സംഘടിപ്പിക്കും. ഓണാഘോഷ പരിപാടികള്‍ തൊണ്ടര്‍നാട് ഗ്രാമപഞ്ചായത്ത് പ്രസിഡന്റ് അംബികാ ഷാജി  ഉദ്ഘാടനം ചെയ്യും.

അജൈവ മാലിന്യങ്ങളാല്‍ പൂക്കളം തീര്‍ത്ത് ശുചിത്വമിഷന്‍. മാലിന്യ സംസ്‌കരണ പ്രവര്‍ത്തനങ്ങള്‍ ഊര്‍ജ്ജിതമാക്കി അജൈവ മാലിന്യങ്ങള്‍ തരംതിരിക്കുന്നതിന്റെ പ്രാധാന്യം ജനങ്ങളിലേക്കെത്തിക്കാന്‍ അജൈവ മാലിന്യങ്ങള്‍ ഉപയോഗിച്ച് ഓണപൂക്കളം തീര്‍ക്കുകയാണ് ശുചിത്വമിഷന്‍. ശുചിത്വമിഷന്‍ അജൈവ മാലിന്യങ്ങളാല്‍ തയ്യാറാക്കിയ ഓണപൂക്കളം സംസ്ഥാനത്തിന് തന്നെ മാതൃകയായി മാറുമെന്ന് ജില്ലാ കളക്ടര്‍ ഡി.ആര്‍ മേഘശ്രീ പറഞ്ഞു. ജില്ലയില്‍  ഹരിതചട്ടം പാലിച്ചാണ് ഓണാഘോഷ പരിപാടികള്‍ സംഘടിപ്പിക്കുന്നതെന്നും ശുചിത്വമിഷന്റെ  പ്രവര്‍ത്തനങ്ങള്‍ മാതൃകാപരമാണെന്നും കളക്ടര്‍ പറഞ്ഞു.

ഓണം സമൃദ്ധമാക്കാന്‍ തനത്  കാര്‍ഷിക വിഭവങ്ങളും ഉത്പന്നങ്ങളും വിപണിയിലെത്തിച്ച് ജില്ലാതല കര്‍ഷക ചന്ത. കൃഷി വകുപ്പ് പടിഞ്ഞാറത്തറ ഗ്രാമപഞ്ചായത്തിന്റെ സഹകരണത്തോടെ പടിഞ്ഞാറത്തറ ബസ്് സ്റ്റാന്റിന് സമീപം ഒരുക്കിയ കര്‍ഷക ചന്തയുടെ ജില്ലാതല ഉദ്ഘാടനം എം.എല്‍.എ ടി.സിദ്ദീഖ് നിര്‍വ്വഹിച്ചു. സെപ്റ്റംബര്‍ നാല് വരെ നടക്കുന്ന കര്‍ഷക ചന്തയിലേക്ക് കര്‍ഷകരില്‍ നിന്നും നേരിട്ട് വിഭവങ്ങള്‍ ശേഖരിച്ചാണ് വിപണനത്തിന് എത്തിക്കുന്നത്. ആദ്യ വില്‍പനയും ഹോര്‍ട്ടികോര്‍പ്പിന്റെ സഞ്ചരിക്കുന്ന വിപണന വാഹനത്തിന്റെ ഫ്‌ളാഗ് ഓഫും എം.എല്‍.എ നിര്‍വ്വഹിച്ചു.

പകർച്ചവ്യാധി പ്രതിരോധ നിയന്ത്രണ പ്രവർത്തനം എൻ വി ബി ഡി സി പി പ്രവർത്തനങ്ങളുടെ ഭാഗമായി മെഡിക്കൽ ഓഫീസർമാർക്കും ഫീൽഡ് സ്റ്റാഫുകൾക്കും മൂന്ന് ബാച്ചുകളിലായി നൽകുന്ന ജില്ലാതല പരിശീലനത്തിലേക്ക് ഭക്ഷണ സാധനങ്ങൾ വിതരണം ചെയ്യുന്നതിന് ക്വട്ടേഷൻ ക്ഷണിച്ചു. ഫോൺ: 04972 700709

മൃഗസംരക്ഷണ വകുപ്പിന്റെ കീഴിൽ രാത്രികാല മൃഗചികിത്സാ സേവനത്തിന് കരാറടിസ്ഥാനത്തിൽ 90 ദിവസത്തേക്ക് ബി വി എസ് സി ആൻഡ് എ എച്ച് വെറ്ററിനറി ബിരുദധാരികളെ തെരഞ്ഞെടുക്കുന്നു. എടക്കാട്, പാനൂർ ബ്ലോക്കുകളിലേക്ക് രാത്രികാല മൃഗചികിത്സാ സേവനത്തിനും ഇരിട്ടി ബ്ലോക്കിലുള്ള മൊബൈൽ വെറ്ററിനറി യൂനിറ്റിലേക്കുമാണ് നിയമനം. താൽപര്യമുള്ള വെറ്ററിനറി ബിരുദധാരികൾ ഒറിജിനൽ ബിരുദ സർട്ടിഫിക്കറ്റും കെ.എസ്.വി.സി രജിസ്ട്രേഷൻ സർട്ടിഫിക്കറ്റും പകർപ്പുകളും സഹിതം സെപ്റ്റംബർ മൂന്നിന് രാവിലെ 11 മണിക്ക് ജില്ലാ മൃഗസംരക്ഷണ ഓഫീസിൽ കൂടിക്കാഴ്ചയ്ക്ക് എത്തണം. ഫോൺ: 0497 2700267 

സെപ്റ്റംബർ മൂന്നിന് കലക്ടറേറ്റിൽ നടത്താനിരുന്ന കണ്ണൂർ താലൂക്കിലെ ദേവസ്വം പട്ടയ കേസുകളുടെ ഹിയറിങ്ങ് സെപ്റ്റംബർ 12ലേക്ക് മാറ്റിയതായി ഡെപ്യൂട്ടി കലക്ടർ (എൽ ആർ) ലാന്റ് ട്രൈബ്യൂണൽ അറിയിച്ചു.
 

ജില്ലയിലെ അർധ സർക്കാർ സ്ഥാപനത്തിൽ താൽക്കാലികാടിസ്ഥാനത്തിൽ രണ്ട് ഫാർമസിസ്റ്റുകളെ നിയമിക്കുന്നു. ഫാർമസിസ്റ്റ് ഡിപ്ലോമയോടൊപ്പം രണ്ട് വർഷത്തിൽ കുറയാത്ത പ്രവൃത്തി പരിചയവും കമ്പ്യൂട്ടർ പരിജ്ഞാനവുമുള്ളവർക്ക് അപേക്ഷിക്കാം. പ്രായപരിധി 41 വയസ്സ്. നിയമാനുസൃത ഇളവ് ബാധകം. താൽപര്യമുള്ളവർ അസ്സൽ സർട്ടിഫിക്കറ്റുകൾ സഹിതം അതാത് എംപ്ലോയ്‌മെന്റ് എക്‌സ്‌ചേഞ്ചുകളിൽ സെപ്റ്റംബർ 20നകം പേര് രജിസ്റ്റർ ചെയ്യണം.

        കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസിൽ (കിറ്റ്സ്) അസിസ്റ്റന്റ് പ്രൊഫസർ തസ്തികയിലേക്ക് താത്കാലിക അടിസ്ഥാനത്തിൽ അപേക്ഷ ക്ഷണിച്ചു. 60 ശതമാനം മാർക്കോടെ എംബിഎ (ട്രാവൽ ആൻഡ് ടൂറിസം)/എംടിടിഎം/ എംടിഎ/ ടൂറിസം ആൻഡ് ഹോസ്പിറ്റാലിറ്റിയിൽ മാസ്റ്റർ ബിരുദം, യുജിസി-നെറ്റ്/ പിഎച്ച്ഡി ആണ് യോഗ്യത. പിഎച്ചിഡി യോഗ്യതയുള്ളവർക്ക് മുൻഗണന നൽകും.  2025 ജനുവരി 1-ന് 50 വയസ് കവിയരുത്.

       ന്യൂനപക്ഷ ക്ഷേമ വകുപ്പിന്റെ ആഭിമുഖ്യത്തിൽ ലൈഫ് സയൻസ് വിഷയത്തിൽ സൗജന്യ യുജിസി സിഎസ്ഐആർ നെറ്റ് കോച്ചിങ് ക്ലാസ് നടത്തുന്നു. തിരുവനന്തപുരം സർക്കാർ വനിതാ കോളേജിലെ ബോട്ടണി വകുപ്പിൽ സെപ്റ്റംബർ 13 മുതൽ നവംബർ 8 വരെ ശനി, ഞായർ ദിവസങ്ങളിൽ മാത്രമാണ് പരിശീലനം. ന്യൂനപക്ഷ വിഭാഗത്തിൽപ്പെട്ട രണ്ടാം വർഷ എംഎസ്‌സി പഠിക്കുന്നവരോ 55 ശതമാനം മാർക്കോടെ എംഎസ്‌സി പൂർത്തിയാക്കിയവരോ ആയിരിക്കണം അപേക്ഷകർ.