ജില്ലാ ക്ഷീരവികസനവകുപ്പ് ഗുണനിയന്ത്രണ വിഭാഗത്തിന്റെ നേതൃത്വത്തിൽ കുടുംബശ്രീ മിഷൻ, മിൽമ തുടങ്ങിയവരുടെ സഹകരണത്തോടെ പാൽ ഉപഭോക്തൃ മുഖാമുഖം പരിപാടി ഈരയിൽകടവിലുള്ള ക്ഷീരവികസന വകുപ്പ് കാര്യാലയത്തിൽ നടത്തി. ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ ഉദ്ഘാടനം ചെയ്തു. നഗരസഭാംഗം എൻ. ജയചന്ദ്രൻ അധ്യക്ഷത വഹിച്ചു. അസിസ്റ്റന്റ് ഡയറക്ടർമാരായ ശ്രീജ രാധാകൃഷ്ണൻ, വിജി വിശ്വനാഥ്, സീനിയർ ക്ഷീര വികസനഓഫീസർ അനു കുമാരൻ എന്നിവർ പാൽ, പാലുൽപന്നങ്ങൾ ക്ഷീരമേഖലയിലെ നൂതന സാധ്യതകൾ എന്നിവ സംബന്ധിച്ച ക്ലാസുകൾക്ക് നേതൃത്വം നൽകി. ജില്ലാ ക്ഷീരവികസന വകുപ്പ് ഡെപ്യൂട്ടി ഡയറക്ടർ സി.ആർ.

തിരുവോണത്തോടനുബന്ധിച്ച് തീക്കോയി ഗ്രാമപഞ്ചായത്ത് കൃഷിഭവന്റെ ആഭിമുഖ്യത്തിൽ ഇക്കോ ഷോപ്പിൽ ഓണസമൃദ്ധി 2025 കർഷകച്ചന്ത ആരംഭിച്ചു. വിഷരഹിത പച്ചക്കറികളും വാഴക്കുല, ചേന, കപ്പ, ചേമ്പ് തുടങ്ങി എല്ലാവിധ കാർഷിക ഉത്പന്നങ്ങളും ന്യായവിലയ്ക്ക് ലഭിക്കും. സെപ്റ്റംബർ നാലു വരെയാണ് കർഷകച്ചന്ത പ്രവർത്തിക്കുന്നത്. ഗ്രാമപഞ്ചായത്ത് പ്രസിഡന്റ് കെ.സി. ജെയിംസ് ഉദ്ഘാടനം നിർവഹിച്ചു. വൈസ് പ്രസിഡന്റ് മാജി തോമസ്, ഗ്രാമപഞ്ചായത്തംഗം ബിനോയി ജോസഫ്, കൃഷി ഓഫീസർ എസ്.എസ്. സുഭാഷ്,കൃഷി അസിസന്റ് ഓഫീസർ അബ്ദുൾ ഷഹീദ്, ഇക്കോ ഷോപ്പ് ഭാരവാഹികളായ ജെസ്സി ജോർജ്, ജോയി മുത്തനാട്ട്, മോഹനൻ തണ്ടാടിയിൽ തുടങ്ങിയവർ പങ്കെടുത്തു.

ദേശീയ കായിക ദിനത്തിന്റെ ഭാഗമായി ജില്ലാ സ്പോര്‍ട്സ് കൗണ്‍സിലിന്റെ നേതൃത്വത്തില്‍ ബോക്സിങ്, ഷട്ടില്‍ ബാഡ്മിന്റണ്‍, ഫുട്ബോള്‍ മത്സരങ്ങള്‍ സംഘടിപ്പിച്ചു. വിവിധ വേദികളില്‍ നടന്ന മത്സരങ്ങളിലെ വിജയികള്‍ക്ക് ജില്ലാ സ്പോര്‍ട്സ് കൗണ്‍സില്‍ പ്രസിഡന്റ് ഒ രാജഗോപാല്‍, വൈസ് പ്രസിഡന്റ് ഡോ. വി റോയ് ജോണ്‍, സെക്രട്ടറി പ്രപു പ്രേംനാഥ് എന്നിവര്‍ സമ്മാനദാനം നിര്‍വഹിച്ചു. ഖേലോ ഇന്ത്യ ബോക്സിങ് കോച്ച് പി കെ പ്രഭീഷ്, ബാഡ്മിന്റണ്‍ കോച്ച് വിപിന്‍ദാസ്, ഫുട്ബോള്‍ കോച്ച് ബിനീഷ് എന്നിവര്‍ കായിക ദിന പ്രതിജ്ഞ ചൊല്ലിക്കൊടുത്തു. നിഖില്‍, ഷിനു തുടങ്ങിയവര്‍ സംസാരിച്ചു. 

ഇലക്ട്രോണിക്, ഐ.ടി. രംഗങ്ങളിലെ സാധ്യതകൾ പ്രയോജനപ്പെടുത്തുന്നതിലൂടെ മൃഗസംരക്ഷണമേഖലയിൽ വലിയ മാറ്റങ്ങളാണുണ്ടാകുന്നതെന്ന് മൃഗസംരക്ഷണ-ക്ഷീര വികസന-മൃഗശാലാ വകുപ്പ് മന്ത്രി ജെ. ചിഞ്ചുറാണി പറഞ്ഞു. 33 ലക്ഷം രൂപ ചെലവിട്ടു നവീകരിച്ച ഏറ്റുമാനൂർ മൃഗാശുപത്രി കെട്ടിടം ഉദ്ഘാടനം ചെയ്യുകയായിരുന്നു അവർ.
 എല്ലാ ബ്ലോക്കുപഞ്ചായത്തുകളിലും രാത്രികാല വെറ്ററിനറി ആംബുലൻസ് സർവീസ് ആരംഭിക്കും. വൈകുന്നേരം നാലുമുതൽ രാത്രി 12 വരെ 1962 എന്ന ടോൾഫ്രീ നമ്പറിൽ വിളിച്ചാൽ വീട്ടുപടിക്കൽ സേവനമെത്തിക്കും. അതിനുശേഷമാണെങ്കിൽ ജില്ല കേന്ദ്രീകരിച്ച് സജ്ജമാക്കിയിട്ടുള്ള ആംബുലൻസിൽ സേവനമെത്തിക്കും.  

ജില്ലാ സാക്ഷരതാ മിഷന്റെ ആഭിമുഖ്യത്തില്‍ ദേശീയ സാക്ഷരതാ വാരാചരണത്തിന് തുടക്കമായി. വാരാചരണത്തിന്റെ ഭാഗമായി തെച്ച്യാട് അല്‍ ഇര്‍ഷാദ് വിമന്‍സ് കോളേജ് എന്‍എസ്എസ് യൂണിറ്റ് നടത്തുന്ന അക്ഷര കേരളം സര്‍വേ മുക്കം നഗരസഭ കൗണ്‍സിലര്‍ സക്കീന കബീര്‍ ഉദ്ഘാടനം ചെയ്തു. എന്‍എസ്എസ് പ്രോഗ്രാം ഓഫീസര്‍ ലിജോ ജോസഫ്, സാക്ഷരതാ മിഷന്‍ ജില്ലാ കോഓഡിനേറ്റര്‍ പി വി ശാസ്തപ്രസാദ്, സി കെ അഹമ്മദ്കുട്ടി, വിദ്യാര്‍ഥികളായ അഫ്ര ഷിറിന്‍, ഫാത്തിമ ഫിദ തുടങ്ങിയവര്‍ സംസാരിച്ചു. ലോക സാക്ഷരതാ ദിനമായ സെപ്റ്റംബര്‍ എട്ട് വരെയാണ് ദേശീയ സാക്ഷരതാ വാരാചരണം.

മണർകാട് പ്രാദേശിക കോഴിവളർത്തൽ കേന്ദ്രത്തിൽ കൂടുതൽ കോഴികളെ വളർത്തുന്നതിന് സൗകര്യമൊരുക്കുമെന്ന് മൃഗസംരക്ഷണ-ക്ഷീരവികസന-മൃഗശാലാവകുപ്പ് മന്ത്രി ജെ. ചിഞ്ചുറാണി പറഞ്ഞു. ശാസ്ത്രീയരീതിയിൽ വളർത്തിയ  മുട്ടക്കോഴിക്കുഞ്ഞുങ്ങളുടെ വിതരണം നടപ്പാക്കുന്ന ഗ്രാമസമൃദ്ധി പദ്ധതിയുടെ ഉദ്ഘാടനവും ജൈവ സുരക്ഷ ശക്തിപ്പെടുത്തുന്നതിന്റെ ഭാഗമായി  ജില്ലാ പഞ്ചായത്തിൽനിന്നു 25 ലക്ഷം രൂപ വിനിയോഗിച്ച് നടപ്പാക്കിയ വിവിധ പദ്ധതികളുടെ ഉദ്ഘാടനവും
നിർവഹിക്കുകയായിരുന്നു മന്ത്രി. കഴിഞ്ഞ വർഷമുണ്ടായ പക്ഷിപ്പനിയേത്തുടർന്ന് കർഷകർക്കുണ്ടായ നഷ്ടം നികത്താൻ സർക്കാർ അവരുടെ ഒപ്പംനിന്നുവെന്നു മന്ത്രി പറഞ്ഞു.

കൊയിലാണ്ടി നഗരസഭയില്‍ സംഘടിപ്പിച്ച 'കാരണവര്‍ക്കൂട്ടം' വയോജനസംഗമം ചെയര്‍പേഴ്‌സണ്‍ സുധ കിഴക്കേപ്പാട്ട്ഉദ്ഘാടനം ചെയ്തു. ഇഎംഎസ് ടൗണ്‍ഹാളില്‍ നടന്ന പരിപാടിയില്‍ വൈസ് ചെയര്‍പേഴ്‌സണ്‍ അഡ്വ. കെ സത്യന്‍അധ്യക്ഷത വഹിച്ചു. സ്ഥിരം സമിതി അധ്യക്ഷരായ അജിത്ത് മാസ്റ്റര്‍, ഇന്ദിര ടീച്ചര്‍, കൗണ്‍സിലര്‍ രമേശന്‍ മാസ്റ്റര്‍, വത്സരാജ്, ഐസിഡിഎസ് സൂപ്പര്‍വൈസര്‍മാരായ മോനിഷ, കെ കെ അനുഷ,സിഡിഎസ് ചെയര്‍പേഴ്‌സണ്‍ ഇന്ദുലേഖ എന്നിവര്‍ സംസാരിച്ചു. ഐസിഡിഎസ് സൂപ്പര്‍വൈസര്‍ ടി കെ റുഫീല പദ്ധതി വിശദീകരിച്ചു. വാര്‍ഷിക പദ്ധതിയില്‍നിന്ന് 75,000 രൂപ വകയിരുത്തിയ പദ്ധതികൊണ്ട് വയോജങ്ങളുടെ ശാരീരിക, മാനസിക ഉല്ലാസമാണ് ലക്ഷ്യമിടുന്നത്.

 മാലിന്യസംസ്‌കരണവുമായി ബന്ധപ്പെട്ട ആശയങ്ങളെ പ്രോത്സാഹിപ്പിക്കുന്നതിനായി സെപ്റ്റംബർ ഒന്നു മുതൽ ഏഴു വരെ ശുചിത്വ മിഷൻ ഓണപ്പൂക്കള മത്സരം സംഘടിപ്പിക്കുന്നു. മാലിന്യമുക്തം നവകേരളവുമായി ബന്ധപ്പെട്ടു മാലിന്യ സംസ്‌കരണം, തരം തിരിക്കൽ, മാലിന്യങ്ങളുടെ അളവു കുറയ്ക്കൽ, പാഴ്‌വസ്തുകളുടെ പുനരുപയോഗം, പുനചംക്രമണം, ഹരിതകർമ്മസേനയുടെ പ്രവർത്തനം, ദേശീയ ശുചിത്വ സർവേയിലെ കേരളത്തിന്റെ നേട്ടങ്ങൾ തുടങ്ങിയ ആശയങ്ങൾ പൂക്കളത്തിലൂടെ അവതരിപ്പിക്കണം.

ജലമാണു ജീവൻ ജനകീയ തീവ്രകർമപരിപാടിയുടെ ഭാഗമായി ജില്ലയിൽ 1,19,845 കിണറുകൾ ക്ലോറിനേറ്റ് ചെയ്തു. 26840 വീടുകളിലെ വാട്ടർ ടാങ്കുകൾ, 891 സ്ഥാപനങ്ങളിലെ വാട്ടർ ടാങ്കുകൾ, 1317 സ്ഥാപനങ്ങളിലെ കിണറുകൾ, 514 പൊതുകിണറുകൾ എന്നിവയും ക്‌ളോറിനേറ്റ് ചെയ്തു.