കെ.എസ്.സി.എസ്.ടി.ഇ. - നാറ്റ്പാക് കരാർ അടിസ്ഥാനത്തിൽ പ്രോജക്ട് ഫെലോ നിയമനത്തിന് അപേക്ഷ ക്ഷണിച്ചു. അവസാന തീയതി സെപ്റ്റംബർ 17.

2025 - ലെ ബിരുദാനന്തര ബിരുദ ദന്തൽ (ഡിഗ്രി) കോഴ്സ് പ്രവേശനത്തിനുള്ള നീറ്റ് പി.ജി യോഗ്യതാ മാനദണ്ഡത്തിൽ ഇളവ് വരുത്തിയത്പ്രകാരം പുതുതായി അപേക്ഷ സമർപ്പിച്ച വിദ്യാർഥികളെയും കൂടി ഉൾപ്പെടുത്തികൊണ്ടുള്ള പുതുക്കിയ അന്തിമ റാങ്ക് ലിസ്റ്റ് www.cee.kerala.gov.in ൽ പ്രസിദ്ധീകരിച്ചു.

കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റിൽ (കിക്മ) എം.ബി.എ. (ഫുൾടൈം) ബാച്ചിലേയ്ക്ക് ഒഴിവുളള സീറ്റുകളിലേക്ക് സെപ്റ്റംബർ 3 ന് രാവിലെ 10 മുതൽ കിക്മ നെയ്യാർഡാം ക്യാമ്പസിൽ സ്‌പോട്ട് അഡ്മിഷൻ  നടക്കും.

60 വയസ്സിന് മുകളിൽ പ്രായമുള്ള പട്ടികവർഗ വിഭാഗക്കാർക്ക് സംസ്ഥാന സർക്കാർ 1000 രൂപ ഓണസമ്മാനം നൽകുന്ന പദ്ധതിയുടെ ജില്ലാതല വിതരണോദ്ഘാടനം ചിറ്റാരിപ്പറമ്പ് സ്വദേശികളായ ബാലൻ, ബാലകൃഷ്ണൻ എന്നിവർക്ക് നൽകി ജില്ലാ പഞ്ചായത്ത് പ്രസിഡന്റ് അഡ്വ. കെ.കെ രത്നകുമാരി നിർവഹിച്ചു. 
സെപ്റ്റംബറിൽ 60 വയസ് പൂർത്തിയാകുന്നതടക്കം ജില്ലയിലെ 4871 പേരാണ് ഓണസമ്മാനത്തിന് അർഹരായിട്ടുള്ളത്. ഇതിൽ 4169 പേർക്ക് ബാങ്ക് അക്കൗണ്ട് വഴിയാണ് തുക വിതരണം ചെയ്തത്. 702 പേർക്ക് പണം നേരിട്ട് നൽകും. 

തൊഴിലുറപ്പ്- കശുവണ്ടി മേഖലയിലെ തൊഴിലാളികൾ, ആശാ പ്രവർത്തകർ, ക്ഷേമ പെൻഷൻ ഗുണഭോക്താക്കൾ എന്നിവർക്കുൾപ്പെടെ 20,000 കോടി രൂപയാണ് ഓണത്തിന് സർക്കാർ വിതരണം ചെയ്തതെന്ന് ധനകാര്യ വകുപ്പ് മന്ത്രി കെ എൻ ബാലഗോപാൽ.
ഉമ്മന്നൂർ ഗ്രാമപഞ്ചായത്ത് കൃഷിഭവൻ്റെ ആഭിമുഖ്യത്തിൽ ആനാട് ജംഗ്ഷന് സമീപം സംഘടിപ്പിച്ച കർഷക ചന്ത 'ഓണ സമൃദി -2025' ജില്ലാതല ഉദ്‌ഘാടനം നിർവഹിക്കുകയായിരുന്നു മന്ത്രി. 

കലക്ടറേറ്റിൽ സ്റ്റാഫ് കൗൺസിലിന്റെ നേതൃത്വത്തിൽ ഓണാഘോഷം. റവന്യു വകുപ്പ്  ജീവനക്കാരൻ മാവേലി വേഷത്തിലെത്തി ജില്ലാ കലക്ടർ എൻ  ദേവി ദാസിനെ സ്വീകരിച്ച് ആനയിച്ചതോടെ ആഘോഷങ്ങൾക്ക് തുടക്കമായി. പൂക്കള മത്സരത്തിൽ തുടങ്ങി  ആട്ടവും പാട്ടും മേളവും  ഒന്നുചേർന്ന  വ്യത്യസ്ത പരിപാടികൾ ഓണപൊലിമക്ക് മാറ്റുകൂട്ടി. എ.ഡി.എം ജി.നിർമൽ കുമാർ, ഡെപ്യൂട്ടി കലക്ടർമാർ, ഇതര ജില്ലാതല ഉദ്യോഗസ്ഥർ, ജീവനക്കാർ തുടങ്ങിയവർ പങ്കെടുത്തു.

തിരുവല്ല കുന്നന്താനത്തുള്ള അസാപ്പ് കമ്യൂണിറ്റി സ്‌കില്‍ പാര്‍ക്കില്‍ ഇലക്ട്രിക്ക് വെഹിക്കിള്‍ സര്‍വീസ് ടെക്നീഷ്യന്‍ കോഴ്‌സ് പ്രവേശനത്തിന് അപേക്ഷ ക്ഷണിച്ചു. 10 സീറ്റുകളാണുള്ളത്. യോഗ്യത- പ്ലസ്.ടു/ ഐ.ടി.ഐ/ ഡിപ്ലോമ. ആറു മാസത്തെ കോഴ്‌സ് പൂര്‍ത്തിയാക്കുന്നവര്‍ക്ക് 100 ശതമാനം പ്ലേസ്‌മെന്റ് അസിസ്റ്റന്‍സ് ലഭിക്കും. ഹോസ്റ്റല്‍ സൗകര്യവും ഉണ്ടായിരിക്കും. ഫോണ്‍: 9495999688, 9496085912.
 

മത്സ്യഫെഡ് ജില്ലാ ഓഫീസിന്റെ വിവിധ വാണിജ്യ യൂണിറ്റുകളില്‍ സെക്യൂരിറ്റികളെ നിയമിക്കുന്നതിന് അംഗീകൃത സെക്യൂരിറ്റി ഏജന്‍സികളില്‍ നിന്നും ക്വട്ടേഷന്‍ ക്ഷണിച്ചു. സെപ്റ്റംബര്‍ എട്ടിന് വൈകിട്ട് മൂന്നു വരെ സമര്‍പ്പിക്കാം. ഫോണ്‍: 9526041094, 9526041109.
 

ഓണഘാഷം വൃത്തിയുടെയും പരിസ്ഥിതി സംരക്ഷണത്തിന്റെയും ആഘോഷമാക്കാന്‍ പൂക്കളം ചലഞ്ചുമായി ശുചിത്വമിഷന്‍.  മഹാബലി -'വൃത്തിയുടെ ചക്രവര്‍ത്തി' 'ഈ ഓണം ഹരിത ഓണം' ആശയത്തെ മുന്‍നിര്‍ത്തിയാണ് പൂക്കള മത്സരം.  കേരളത്തിന്റെ സമത്വം, ഐക്യം, പ്രകൃതിയോടുള്ള സൗഹൃദം എന്നീ മൂല്യങ്ങള്‍ ഉയര്‍ത്തുന്നതിനൊപ്പം ശുചിത്വമാലിന്യ സംസ്‌കരണ സംവിധാനവുമായി ബന്ധപ്പെട്ട നൂതന ആശയങ്ങളെ പ്രോത്സാഹിപ്പിക്കുന്നതിനാണ് ശുചിത്വ മിഷന്‍ ഓണപ്പൂക്കള മത്സരം 2025 സംഘടിപ്പിക്കുന്നത്.

ചടയമംഗലം അഡീഷണല്‍ ഐ.സി.ഡി.എസ് കാര്യാലയത്തില്‍ ഒരു വര്‍ഷത്തേക്ക് കരാര്‍ അടിസ്ഥാനത്തില്‍ വാഹനം വാടകയ്ക്ക് നല്‍കുന്നതിന് വ്യക്തികള്‍/ സ്ഥാപനങ്ങളില്‍ നിന്നും ദര്‍ഘാസ് ക്ഷണിച്ചു. നിരതദ്രവ്യം 4200 രൂപ. സെപ്റ്റംബര്‍ ഒമ്പത് ഉച്ചയ്ക്ക് 2.30 വരെ സമര്‍പ്പിക്കാം. ഫോണ്‍: 0474 2424600, 9446301565.