താനൂര്‍ ബോട്ട് അപകടവുമായി ബന്ധപെട്ട് ജസ്റ്റിസ് വി.കെ മോഹനന്‍ കമ്മിഷന്‍   ജില്ലയില്‍ സെപ്റ്റംബര്‍ 11ന് രാവിലെ 10ന് കൊല്ലം ഡി.റ്റി.പി.സി. കോണ്‍ഫറന്‍സ് ഹാളിലും ഉച്ചയ്ക്ക് 2.30ന് സാമ്പ്രാണികോടി പഞ്ചായത്ത് ലേലം ഹാളിലും പബ്ലിക് ഹിയറിംഗ് നടത്തും.
 
 

     പത്തനാപുരം, പുനലൂര്‍ താലൂക്കുകളിലെ സര്‍വേ നടപടികള്‍ക്കായി സര്‍വേയര്‍, ചെയിന്‍മാന്‍ തസ്തികകളില്‍ ദിവസവേതനാടിസ്ഥാനത്തില്‍ നിയമനം നടത്തും. വോക്ക് ഇന്‍ ഇന്റര്‍വ്യൂ- സര്‍വേയര്‍, ചെയിന്‍മാന്‍ യഥാക്രമം സെപ്റ്റംബര്‍ 10, 11 തീയതികളില്‍ രാവിലെ 11ന് കലക്ടറേറ്റ് കോണ്‍ഫറന്‍സ് ഹാളില്‍. യോഗ്യത: സര്‍വേയര്‍- എസ്.എസ്.എല്‍.സി/തത്തുല്യം, ഐ.ടി.ഐ (സര്‍വേയര്‍). ഇവരുടെ അഭാവത്തില്‍ ചെയിന്‍സര്‍വേ/ മൂന്നുവര്‍ഷ ഡിപ്ലോമ (സിവില്‍) യോഗ്യതയുള്ളവരെയും പരിഗണിക്കും. ചെയിന്‍മാന്‍- ഏഴാം ക്ലാസ് വിജയം, ബിരുദം പാടില്ല. ഫോണ്‍: 0474 2793473.
 

പാമ്പാടി അസാപ് കമ്മ്യൂണിറ്റി സ്‌കില്‍ പാര്‍ക്കില്‍ കമ്പ്യൂട്ടര്‍ അധിഷ്ഠിത തൊഴില്‍ നൈപുണ്യ പരിശീലനത്തിന് അപേക്ഷ ക്ഷണിച്ചു. 200 മണിക്കൂര്‍ ദൈര്‍ഘ്യമുള്ള വി. ആര്‍. പ്രോഡക്റ്റ് വിഷ്വലൈസേഷന്‍ ആന്‍ഡ് ആര്‍ക്കിടെക്ചര്‍ യൂസിങ് അണ്‍റിയല്‍ എന്‍ജിന്‍ കോഴ്‌സിന് പ്ലസ്ടുവാണ് യോഗ്യത. പ്രായം: 18ന് മുകളില്‍. രജിസ്ട്രേഷന്‍  ഫോം: https://forms.gle/DHHRQaM5P5vnoyu88 ഫോണ്‍: 9495999731.
 

ജില്ലയില്‍ അമീബിക് മസ്തിഷ്‌ക ജ്വരത്തിന്റെ ഭീഷണിനേരിടാന്‍ അതീവജാഗ്രത അനിവാര്യമെന്ന് ജില്ലാ കലക്ടര്‍ എന്‍. ദേവിദാസ്. ആരോഗ്യ വകുപ്പിന്റെ മേല്‍നോട്ടത്തില്‍ പ്രതിരോധ  പ്രവര്‍ത്തനങ്ങള്‍ ഊര്‍ജിതമാക്കി. വിവിധ ആരോഗ്യ സ്ഥാപനങ്ങള്‍ കേന്ദ്രീകരിച്ച് ജലം ശുദ്ധീകരിക്കുന്നതിനുള്ള ക്യാമ്പയിന്‍ തുടങ്ങി. രോഗലക്ഷണങ്ങളായ കഠിനമായതലവേദന, കടുത്തപനി, തൊണ്ടവേദന, ഓക്കാനം, ഛര്‍ദ്ദി, മയക്കം എന്നിവ ശ്രദ്ധയില്‍പെട്ടാല്‍ ആരോഗ്യ വകുപ്പുമായി ബന്ധപ്പെട്ട് വിദഗ്ധ ചികിത്സ തേടണം.

ആരോഗ്യവകുപ്പ് മന്ത്രി വീണാ ജോര്‍ജ് സെപ്റ്റംബര്‍ രണ്ടിന് ജില്ലയില്‍ വിവിധ പരിപാടികളില്‍ പങ്കെടുക്കും. രാവിലെ ഒമ്പതിന് പോരുവഴി പ്രാഥമികാരോഗ്യകേന്ദ്രത്തെ കുടുംബാരോഗ്യകേന്ദ്രമാക്കി ഉയര്‍ത്തുന്ന ചടങ്ങ്, 9.30ന് പവിത്രേശ്വരം കുടുംബാരോഗ്യകേന്ദ്രത്തിന്റെ പുതിയ കെട്ടിടം എന്നിവ കോവൂര്‍ കുഞ്ഞുമോന്‍ എം.എല്‍.എ അധ്യക്ഷനാകുന്ന ചടങ്ങുകളിലാണ് ഉദ്ഘാടനം ചെയ്യുക. 11ന് പാരിപ്പള്ളി മെഡിക്കല്‍ കോളജിലെ വിവിധ പദ്ധതികള്‍ ഉദ്ഘാടനം ചെയ്യും. ജി.എസ്. ജയലാല്‍ എം.എല്‍.എ അധ്യക്ഷനാകും.

മലബാർ ദേവസ്വം ബോർഡ് തലശ്ശേരി അസി. കമ്മീഷണറുടെ ഔദ്യോഗിക ആവശ്യങ്ങൾക്കായി മാസത്തിൽ ശരാശരി 1000 കിലോമീറ്റർ യാത്ര ചെയ്യുന്നതിനായി ടാക്‌സി പെർമിറ്റുള്ള ഏഴ് സീറ്റ് വാഹനം ഡ്രൈവറടക്കം നൽകുന്നതിന് ക്വട്ടേഷൻ ക്ഷണിച്ചു. ഏഴ് വർഷത്തിൽ താഴെ പഴക്കമുള്ള വാഹനം മാസവാടക നിരക്കിൽ ഒരുവർഷത്തേക്കാണ് ലഭിക്കേണ്ടത്. ക്വട്ടേഷനുകൾ വാഹനത്തിന്റെ രജിസ്ട്രേഷൻ സർട്ടിഫിക്കറ്റ്, ടാക്സ് രശീതി, ഫിറ്റ്നസ് സർട്ടിഫിക്കറ്റ്, ഇൻഷുറൻസ് എന്നിവ സഹിതം സെപ്റ്റംബർ 18 ന് ഉച്ചയ്ക്ക് രണ്ട് മണിക്കകം അസി.കമ്മീഷണർ, മലബാർ ദേവസ്വം ബോർഡ്, ചിറക്കര പി.ഒ, തലശ്ശേരി - 670104 എന്ന വിലാസത്തിൽ ലഭിക്കണം. ഫോൺ: 0490 2321818

എൽ ബി എസ് സ്‌കിൽ സെന്ററിനു കീഴിൽ പ്രവർത്തിക്കുന്ന കണ്ണൂർ ക്യാമ്പസിൽ ഒരു വർഷ ഡിപ്ലോമ ഇൻ പ്രീ പ്രൈമറി, മോണ്ടിസോറി ടീച്ചർ ട്രെയിനിംഗ് കോഴ്സിലേക്ക് അപേക്ഷ ക്ഷണിച്ചു. താൽപര്യമുള്ളവർക്ക് 6238997811 എന്ന നമ്പറിലോ താവക്കരയിൽ പ്രവർത്തിക്കുന്ന ക്യാമ്പസിൽ നേരിട്ടോ വന്ന് പ്രവേശനം നേടാം.

 അകലക്കുന്നം ഗ്രാമപഞ്ചായത്തിലെ ഭവനങ്ങളിൽ ശുദ്ധജലമെത്തിക്കുന്നതിനായി കേന്ദ്ര-സംസ്ഥാന സർക്കാരുകൾ സംയുക്തമായി നടപ്പിലാക്കുന്ന ജൽ ജീവൻ മിഷൻ പദ്ധതിയുടെ  ഉദ്ഘാടനം ചൊവ്വാഴ്ച (സെപ്റ്റംബർ രണ്ട്)  ജലവിഭവ വകുപ്പ് മന്ത്രി റോഷി അഗസ്റ്റിൻ  നിർവഹിക്കും.

ഉച്ചകഴിഞ്ഞ് 3.30ന് പൂവത്തിളപ്പിലുള്ള ഗ്രാമപഞ്ചായത്ത് കമ്മ്യൂണിറ്റി ഹാളിൽ നടക്കുന്ന ചടങ്ങിൽ  എല്ലാ വീടുകളിലും കുടിവെള്ളം പൈപ്പ് കണക്ഷനിലൂടെ എത്തിച്ചതിന്റെ 'ഹർ ഘർ ജൽ' പ്രഖ്യാപനം മന്ത്രി നടത്തും.

ജോസ് കെ. മാണി എംപി പരിപാടി ഉദ്ഘാടനം ചെയ്യും. ചാണ്ടി ഉമ്മൻ എംഎൽഎ അധ്യക്ഷത വഹിക്കും. ഫ്രാൻസിസ് ജോർജ് എംപി. മുഖ്യപ്രഭാഷണം നടത്തും.

ഉന്നത വിദ്യാഭ്യാസ വകുപ്പിന് കീഴിലുള്ള കോട്ടയം പാമ്പാടി അസാപ് കമ്മ്യൂണിറ്റി സ്‌കിൽ പാർക്കിൽ 200 മണിക്കൂർ ദൈർഘ്യമുള്ള വി.ആർ പ്രൊഡക്റ്റ് വിഷ്വലൈസേഷൻ ആൻഡ് ആർക്കിടെക്ചർ യൂസിങ് അൺ റിയൽ എഞ്ചിൻ കോഴ്സിലേക്ക് അപേക്ഷ ക്ഷണിച്ചു. 18 വയസ്സ് പൂർത്തിയായ പ്ലസ് ടു മുതൽ യോഗ്യതയുള്ളവർക്ക് https://forms.gle/DHHRQaM5P5vnoyu88 ലിങ്ക് വഴി അപേക്ഷിക്കാം. പ്ലേസ്മെന്റ് അസിസ്റ്റൻസ് ലഭ്യമാണ്. ഫോൺ: 9495999731