റേഷൻ കടകൾ ഉച്ചവരെ പ്രവർത്തിക്കില്ല

സെപ്റ്റംബറിലെ റേഷൻ വിതരണം ആരംഭിക്കാൻ എ ഇ പി ഡി എസ് ക്രമീകരിക്കുന്നതിന് കൂടുതൽ സമയം ആവശ്യമായതിനാൽ ഇന്ന് (2/09/2025) ഉച്ചയ്ക്ക് ശേഷമേ റേഷൻ കടകൾ തുറക്കൂവെന്ന് പൊതുവിതരണ ഉപഭോക്തൃകാര്യ കമീഷണർ അറിയിച്ചു.

താലൂക്ക് വികസന സമിതി യോഗം 

സെപ്റ്റംബറിലെ കോഴിക്കോട് താലൂക്ക് വികസന സമിതി യോഗം എട്ടിന് രാവിലെ 11ന് താലൂക്ക് കോണ്‍ഫറന്‍സ് ഹാളില്‍ ചേരും. 

സ്വയംതൊഴില്‍ വായ്പ

വേദിയിൽ ഇന്ന് (02)
കോഴിക്കോട് ബീച്ച്: ആൽമരം ബാൻഡ്
ലുലു മാൾ: കെ എസ് ചിത്രയുടെ സംഗീത പരിപാടി
ബേപ്പൂർ ബീച്ച്: ശ്രീനിവാസ് സംഗീത പരിപാടി
സർഗാലയ: വിനീത് ശ്രീനിവാസൻ സംഗീത പരിപാടി
ടൗൺ ഹാൾ: നാടകം: എം ടി എഴുത്തിന്റെ ആത്മാവ്.

മാവേലിക്കസ് 2025 മന്ത്രി പി എ മുഹമ്മദ്‌ റിയാസ് ഉദ്ഘാടനം ചെയ്തു

കോഴിക്കോടിന്റെ ഓണാഘോഷം 'മാവേലിക്കസ് 2025' ന് ഔദ്യോഗിക തുടക്കമായി. ബീച്ചിലെ ഫ്രീഡം സ്‌ക്വയറിൽ വിനോദസഞ്ചാര വകുപ്പ് മന്ത്രി പി എ മുഹമ്മദ് റിയാസ് പരിപാടി ഉദ്ഘാടനം ചെയ്തു.

കോഴിക്കോട് കടപ്പുറത്ത് തിങ്ങിനിറഞ്ഞ സദസ്സിന് മുമ്പിൽ സംഗീത ദൃശ്യ വിസ്മയം തീർത്ത് രാജസ്ഥാനി നാടോടി സംഗീത സംഘം 'ദി മംഗാനിയാര്‍ സെഡഷന്‍'. സംസ്ഥാന സർക്കാരിന്റെ ഓണാഘോഷം മാവേലിക്കസ് 2025-ന്റെ ഭാഗമായാണ് കോഴിക്കോട് ബീച്ചില്‍  'ദി മംഗാനിയാര്‍ സെഡഷന്‍' സംഗീത പരിപാടി അരങ്ങേറിയത്. ഹവാമഹലിൻ്റെ മാതൃകയിൽ സൃഷ്ടിച്ച വേദിയിലെ 33 'മാന്ത്രിക അറകളുടെ ചുവപ്പ് തിരശ്ശീലകൾ ഒന്നൊന്നായി നീങ്ങിയപ്പോൾ അനാവൃതമായത് സംഗീതത്തിൻ്റെ വിസ്മയലോകം.  ഓരോ കള്ളികളിൽ നിന്നായി ഒഴുകിയെത്തിയ ദോൾ, സന്തൂർ, ധോലക്, സിന്ധി സാരംഗി, കമാർചാർ വാദ്യങ്ങൾ കടലോരത്തെ ആസ്വാദകരിൽ സംഗീതത്തിൻ്റെ തിരമാലകൾ തീർത്തു. 

കേരള സംസ്ഥാന ഹജ്ജ് കമ്മിറ്റിയുടെ ഒന്നാംഘട്ട സാങ്കേതിക പരിശീലന ക്ലാസിന്റെ സംസ്ഥാനതല ഉദ്ഘാടനം സ്‌പോർട്‌സ്, ന്യൂനപക്ഷ ക്ഷേമ, ഹജ്ജ്, വഖഫ് വകുപ്പു മന്ത്രി  വി. അബ്ദുറഹിമാൻ താനൂരിൽ നിർവഹിച്ചു.

മരണപ്പെട്ട ജീവനക്കാരിയുടെ സ്റ്റേറ്റ് ലൈഫ് ഇന്‍ഷൂറന്‍സ് പോളിസി ആനുകൂല്യം നിഷേധിച്ചതിനെ തുടര്‍ന്ന് ഇന്‍ഷുറന്‍സ് വകുപ്പ് 4,37,200/ രൂപ നഷ്ടപരിഹാരം നല്‍കണമെന്ന് ഉപഭോക്തൃ കമ്മീഷന്‍ വിധിച്ചു. കുറ്റിപ്പുറത്തെ സ്വകാര്യ വിദ്യഭ്യാസ സ്ഥാപത്തിലെ അധ്യാപിക മരണപ്പെട്ടതിനെ തുടര്‍ന്ന് സ്റ്റേറ്റ് ലൈഫ് ഇന്‍ഷ്യുറന്‍സിനെ ആനുകൂല്യത്തിനായി സമീപിച്ചപ്പോള്‍ പോളിസി ആനുകൂല്യം നിഷേധിച്ച സംഭവത്തിലാണ് ഉപഭോക്തൃ കമ്മീഷന്‍ 4,37,200/ രൂപ ഒരു മാസത്തിനകം നല്‍ക്കാന്‍ വിധിച്ചത്.

അരീക്കോട് ഗവ. ഐടിഐയില്‍ സ്റ്റെനോഗ്രാഫര്‍ & സെക്രട്ടറിയല്‍ അസിസ്റ്റന്റ് ( ഇംഗ്ലീഷ്) ട്രേഡില്‍  ഗസ്റ്റ് ഇന്‍സ്ട്രക്ടറുടെ  ഒഴിവിലേക്കുള്ള അഭിമുഖം സെപ്റ്റംബര്‍ പത്തിന് രാവിലെ 11.30 ന് നടക്കും. മതിയായ യോഗ്യതയുള്ള ഈഴവ/ബില്ല/തീയ ഉദ്യോഗാര്‍ത്ഥികള്‍ക്ക് അപേക്ഷിക്കാം. ഉദ്യോഗാര്‍ഥികള്‍  മതിയായ സര്‍ട്ടിഫിക്കറ്റുകളുമായി  നിശ്ചിത സമയത്തിനുള്ളില്‍ അരീക്കോട് ഗവ. ഐ. ടി. ഐ പ്രിന്‍സിപ്പല്‍ മുന്‍പാകെ ഹാജരാകണം . ഫോണ്‍ : 0483 2850238.