ധര്‍മ്മടം - മേലൂര്‍ റോഡില്‍ ഓവുചാല്‍ നിര്‍മാണ പ്രവൃത്തി നടക്കുന്നതിനാല്‍ പ്രസ്തുത റോഡില്‍നിന്നും വെള്ളൊഴുക്ക്, പാലയാട് സ്‌കൂള്‍ റോഡ്, ബ്രണ്ണന്‍ കോളേജ് മെന്‍സ് ഹോസ്റ്റല്‍, അണ്ടലൂര്‍കാവ് റോഡ്, ധര്‍മ്മടം - കേന്ദ്രീയ വിദ്യാലയം റോഡ് എന്നീ റോഡുകളുടെ പ്രവേശനഭാഗത്ത് ഓവുചാലുകള്‍ പുതുക്കി പണിയേണ്ടതിനാല്‍ ഇത് വഴിയുള്ള വാഹന ഗതാഗതം ആഗസ്റ്റ് 25 മുതല്‍ സെപ്റ്റംബര്‍ 23 വരെ പൂര്‍ണമായും നിരോധിച്ചതായി പൊതുമരാമത്ത് നിരത്തുകള്‍ ഉപവിഭാഗം തലശ്ശേരി അസിസ്റ്റന്റ് എക്സിക്യൂട്ടീവ് എഞ്ചിനീയര്‍ അറിയിച്ചു. ഇതുവഴിയുള്ള വാഹനങ്ങള്‍ അനുയോജ്യമായ മറ്റ് വഴിയിലൂടെ കടന്നുപോകണം.
 

നടുവില്‍ ഗവ. പോളിടെക്‌നിക് കോളേജില്‍ ഒന്നാം വര്‍ഷ ഓട്ടോ മൊബൈല്‍, ഇലക്ട്രിക്കല്‍, സിവില്‍ ഡിപ്ലോമ കോഴ്‌സുകളില്‍ അപേക്ഷ നല്‍കിയവരുടെ റാങ്ക് ലിസ്റ്റ് അടിസ്ഥാനത്തിലുള്ള സ്പോട്ട് അഡ്മിഷന്‍ ആഗസ്റ്റ് 29 ന് കോളേജില്‍ നടക്കും. റാങ്ക് ലിസ്റ്റില്‍ ഉള്‍പ്പെട്ട മുഴുവന്‍ പേര്‍ക്കും പുതുതായി അപേക്ഷ സമര്‍പ്പിക്കുന്നവര്‍ക്കും സ്പോട്ട് അഡ്മിഷനില്‍ പങ്കെടുക്കാം. അപേക്ഷകര്‍ അസ്സല്‍ സര്‍ട്ടിഫിക്കറ്റുകളും ഫീസുമായി രക്ഷിതാവിനൊപ്പം അന്നേ ദിവസം രാവിലെ 10 മണിക്കകം കോളേജില്‍ എത്തണം. കൂടുതല്‍ വിവരങ്ങള്‍ www.polyadmission.org വെബ്‌സൈറ്റില്‍ ലഭിക്കും. ഫോണ്‍: 0460 2251033

ജില്ലാ പഞ്ചായത്തിന്റെ ധനസഹായത്തോടെ പട്ടികജാതി വികസന വകുപ്പ് നടത്തുന്ന നാഷണല്‍ സ്‌കില്‍ ഡെവലപ്‌മെന്റ് കോര്‍പറേഷന്‍ ഏറോ സ്‌പേസ് ആന്‍ഡ് ഏവിയേഷന്‍ സെക്ടര്‍ സ്‌കില്‍ കൗണ്‍സില്‍ ബാംഗ്ലൂരിന്റെ എയര്‍ലൈന്‍ കസ്റ്റമര്‍ സര്‍വീസ് എക്‌സിക്യൂട്ടീവ് പരിശീലനത്തിന് പട്ടികജാതി വിഭാഗത്തില്‍പ്പെട്ട ബിരുദധാരികളില്‍ നിന്നും അപേക്ഷ ക്ഷണിച്ചു. ജില്ലയിലെ ഗ്രാമപഞ്ചായത്തുകളില്‍ താമസിക്കുന്ന പട്ടികജാതി വിഭാഗത്തില്‍പ്പെട്ട 20 നും 27 നും ഇടയില്‍ പ്രായമുള്ളവര്‍ക്ക് അപേക്ഷിക്കാം. പരിശീലനം നടത്തുന്ന സ്ഥാപനത്തിന്റെ പ്രവേശന പരീക്ഷ/അഭിമുഖത്തിന്റെ അടിസ്ഥാനത്തിലാണ് പ്രവേശനം.

ഫ്രഞ്ച് പ്രതിനിധികള്‍ വെള്ളിയാമറ്റത്ത്

ഇടുക്കി ജില്ലയിലെ തോട്ടം തൊഴിലാളികൾക്ക് വേണ്ടി അവസാന ശ്വാസം വരെ പോരാടിയ പീരുമേട് എം എൽ എ വാഴൂർ സോമന് അന്ത്യാഞ്ജലി. വ്യാഴാഴ്ച വൈകിട്ട് തിരുവനന്തപുരത്ത് റവന്യൂ അസംബ്ലിയിൽ പങ്കെടുത്ത് മടങ്ങവേയാണ് അദ്ദേഹത്തിന് ശാരീരിക അസ്വാസ്ഥ്യമുണ്ടായത്. തുടർന്ന് ശാസ്തമംഗലത്തെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചു. 72 വയസായിരുന്നു. 

ഭിന്നശേഷി മേഖലയില്‍ മികച്ച പ്രവര്‍ത്തനങ്ങള്‍ കാഴ്ച്ചവെച്ച വ്യക്തികള്‍ക്കും സ്ഥാപനങ്ങള്‍ക്കും സാമൂഹ്യനീതി വകുപ്പ് മുഖേന നല്‍കുന്ന സംസ്ഥാന ഭിന്നശേഷി അവാര്‍ഡിന് നാമനിർദേശം ക്ഷണിച്ചു. ഭിന്നശേഷി വിഭാഗത്തില്‍പ്പെട്ട മികച്ച ജീവനക്കാരന്‍ (ഗവ/പബ്ലിക്ക് /പ്രൈവറ്റ് സെക്ടര്‍), സ്വകാര്യ മേഖലയില്‍ എറ്റവും കൂടുതല്‍ ഭിന്നശേഷിക്കാര്‍ക്ക് തൊഴില്‍ ലഭ്യമാക്കിയ തൊഴില്‍ ദായകര്‍,  ഭിന്നശേഷി മേഖലയില്‍ പ്രവര്‍ത്തിയ്ക്കുന്ന മികച്ച എന്‍. ജി.