1888.63 കോടിയുടെ നിക്ഷേപം

വ്യവസായ വാണിജ്യ വകുപ്പിന്റെ ആഭിമുഖ്യത്തില്‍ ഒരു വര്‍ഷം ഒരു ലക്ഷം സംരംഭം പദ്ധതിയിലൂടെ ജില്ലയില്‍ കഴിഞ്ഞ മൂന്നു വര്‍ഷത്തിനിടെ ആരംഭിച്ചത് 31,401 സംരംഭങ്ങള്‍. 2022-2023 സാമ്പത്തിക വര്‍ഷത്തിലാണ് ഒരു വര്‍ഷം ഒരു ലക്ഷം സംരംഭങ്ങള്‍ പദ്ധതിയ്ക്ക് തുടക്കമിട്ടത്. 2025 വരെ ആരംഭിച്ച സംരംഭങ്ങളിലൂടെ 1888.63 കോടിയുടെ നിക്ഷേപമാണുണ്ടായത്.  കുടുംബശ്രീ-സഹകരണ-കൃഷി-ഫിഷറീസ് തുടങ്ങി വിവിധ വകുപ്പുകളുടെ സഹകരണത്തോടെയാണ് ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ പദ്ധതി നടപ്പാക്കുന്നത്.

വര്‍ഷങ്ങളായി ഭൂരഹിതരായി തുടരുന്ന പട്ടികവര്‍ഗ്ഗ കുടുംബങ്ങള്‍ക്ക് സ്വന്തമായി ഒരു തുണ്ട് ഭൂമി എന്ന സ്വപ്നം യാഥാര്‍ത്ഥ്യമാക്കി സംസ്ഥാന സര്‍ക്കാരിന്റെ ലാന്‍ഡ് ബാങ്ക് പദ്ധതി. ഇടനിലക്കാരുടെ ചൂഷണങ്ങളില്ലാതെ, സുതാര്യവും കാര്യക്ഷമവുമായ ഇടപെടലുകളിലൂടെ ഗുണനിലവാരമുള്ള ഭൂമി നല്‍കുന്ന ഈ പദ്ധതി വഴി ജില്ലയില്‍ ഇതു വരെ 25.42 ഏക്കര്‍ ഭൂമിയാണ് വിതരണം ചെയ്തത്. 107 കുടുംബങ്ങള്‍ക്കായാണ് ഈ ഭൂമി നല്‍കിയത്. പദ്ധതി ആരംഭിച്ച 2019-20 സാമ്പത്തിക വര്‍ഷം മുതല്‍ ഇതു വരെയുള്ള കണക്കാണിത്.  

 ജില്ലയിലെ മൈനിങ് ആൻഡ് ജിയോളജി വിഭാഗം ഓഫീസിന്റെ പ്രവർത്തനത്തിനാവശ്യമായി വാഹനങ്ങൾ വാടകയ്ക്ക് എടുക്കുന്നതിലേക്ക് ക്വട്ടേഷൻ ക്ഷണിച്ചു. ഓഗസ്റ്റ് 30 വൈകുന്നേരം മൂന്നു മണി വരെ ക്വട്ടേഷനുകൾ സ്വീകരിക്കും. അന്നേ ദിവസം 3.30ന് തുറക്കും. വിശദവിവരങ്ങൾക്ക് ഫോൺ: 04812301405.

തൃത്താല നിയോജകമണ്ഡലത്തിലെ സമഗ്ര വികസന പദ്ധതിയായ സുസ്ഥിര തൃത്താല അവലോകന യോഗം ആഗസ്റ്റ് 25 ന് രാവിലെ 10.30 ന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും. തദ്ദേശ സ്വയംഭരണ എക്‌സൈസ് വകുപ്പ് മന്ത്രി എം ബി രാജേഷ് പങ്കെടുക്കും.

ചെങ്ങന്നൂർ ഗവൺമെന്റ് വനിതാ ഐ.ടി.ഐ.യിലെ വിവിധ എൻ.സി.വി.ടി. അംഗീകൃത ട്രേഡുകളിലുള്ള ഒഴിവുകളിലേയ്ക്ക് ഓഗസ്റ്റ് 25 മുതൽ സ്‌പോട്ട് അഡ്മിഷൻ നടത്തും. താത്പര്യമുള്ളവർ ഓഗസ്റ്റ് 30ന് മുൻപ് ഐ.ടി.ഐ.യിൽ നേരിട്ടെത്തി അഡ്മിഷൻ എടുക്കണം. ഫോൺ:04792457496,9747454553.