സംസ്ഥാന സർക്കാരിന്റെ ഓണം വാരാഘോഷ പരിപാടികളുടെ ഭാഗമായി തിരുവനന്തപുരത്തു വ്ലോഗേഴ്സ് മീറ്റ്  സംഘടിപ്പിച്ചു.  വി കെ പ്രശാന്ത് എം എൽ എ  അധ്യക്ഷതയിൽ ചേർന്ന യോഗത്തിൽ ജില്ലയിലെ തിരഞ്ഞെടുത്ത വ്ലോഗർമാർ പങ്കെടുത്തു.
.
 മസ്കറ്റ് ഹോട്ടലിൽ നടന്ന  യോഗത്തിൽ ഇൻഫർമേഷൻ പബ്ലിക് റിലേഷൻസ് വകുപ്പ് ഡയറക്ടർ ടി വി സുഭാഷ്, അഡീഷണൽ ഡയറക്ടർ കെ ജി സന്തോഷ് എന്നിവർ സംസാരിച്ചു ഡെപ്യൂട്ടി ഡയറക്ടർ കെ സുരേഷ് കുമാർ, വിവിധ കമ്മിറ്റി അംഗങ്ങൾ, മറ്റു ഉദ്യോഗസ്ഥർ തുടങ്ങിയവർ സംബന്ധിച്ചു.  ടൂറിസം വകുപ്പിന്റെ ആഭിമുഖ്യത്തിൽ  സെപ്റ്റംബർ 3 മുതൽ 9 വരെയാണ് ഇത്തവണ ഓണം വരാഘോഷം സംഘടിപ്പിക്കുക.

കണ്‍സ്യൂമര്‍ ഫെഡിന്റെ ആഭിമുഖ്യത്തില്‍ സംഘടിപ്പിക്കുന്ന ഓണം സഹകരണ വിപണിയുടെ ജില്ലാതല ഉദ്ഘാടനം ഓഗസ്റ്റ് 27 (ബുധന്‍) രാവിലെ 9.30 ന് കൈപ്പട്ടൂര്‍ സര്‍വീസ് സഹകരണ ബാങ്ക് ഹെഡ് ഓഫീസില്‍ അഡ്വ.കെ.യു ജനീഷ് കുമാര്‍ എംഎല്‍എ നിര്‍വഹിക്കും. ബാങ്ക് പ്രസിഡന്റ് പ്രസാദ് മാത്യു അധ്യക്ഷനാകും. ഓഗസ്റ്റ് 27 മുതല്‍ സെപ്റ്റംബര്‍ 4 വരെയാണ് ഓണം സഹകരണ വിപണി.

ലോക വായന ദിനചാരണത്തോടനുബന്ധിച്ചു എക്‌സൈസ് വിമുക്തി മിഷന്‍ പത്തനംതിട്ടയുടെ ആഭിമുഖ്യത്തില്‍  സാഹിത്യകാരന്‍ പെരുമ്പടം ശ്രീധരന്റെ 'ഒരു സങ്കീര്‍ത്തനം പോലെ ' നോവലിനെ ആസ്പദമാക്കി ആസ്വാദന കുറിപ്പ് മത്സരം ഹൈസ്‌കൂള്‍ വിദ്യാര്‍ഥികള്‍ക്കായി നടത്തി. ഒന്നാം സ്ഥാനം ഷാരോണ്‍ ഷിബു(എന്‍. എം.ഹൈസ്‌കൂള്‍ കുമ്പനാട്), രണ്ടാം സ്ഥാനം അദ്വൈത് രവീന്ദ്രനാഥ് (സര്‍ക്കാര്‍ ഹൈസ്‌കൂള്‍ കുന്നന്താനം), മൂന്നാം സ്ഥാനം എ.ജി ഇന്ദു മിത്ര(നേതാജി ഹൈസ്‌കൂള്‍ പ്രമാടം)  എന്നിവര്‍ കരസ്ഥമാക്കി.

വൈത്തിരി ഇലക്ട്രിക്കല്‍ സെക്ഷനില്‍ അറ്റകുറ്റപ്രവര്‍ത്തി നടക്കുന്നതിനാല്‍  കണ്ണന്‍ചാത്ത്, ഓടത്തോട്, കൂട്ടുമുണ്ട്, വെള്ളംക്കൊല്ലി, ചുണ്ടയില്‍, ചേലോട്, കണ്ണാടിച്ചോല, തളിമല, പഴയ വൈത്തിരി, മുള്ളന്‍പാറ, ചാരിറ്റി, ചാരിറ്റി ഹെല്‍ത്ത് സെന്റര്‍, തളിപ്പുഴ, ലക്കിടി, വെറ്റിനറി കോളേജ്, നവോദയ സ്‌കൂള്‍ പ്രദേശങ്ങളില്‍ ഇന്ന് (ഓഗസ്റ്റ് 27) രാവിലെ ഒന്‍പത്  മുതല്‍ വൈകിട്ട് ആറ് വരെ ഭാഗികമായോ പൂര്‍ണമായോ വൈദ്യുതി മുടങ്ങും.

പിന്നാക്ക വിഭാഗ വികസന കോര്‍പറേഷന്റെ മാനന്തവാടി ഉപജില്ലാ ഓഫീസ് പിന്നാക്ക-മത ന്യൂനപക്ഷ വിഭാഗക്കാരില്‍ നിന്നും വാഹന വായ്പാ പദ്ധതിയിലേക്ക് അപേക്ഷ ക്ഷണിച്ചു. അപേക്ഷകര്‍ മാനന്തവാടി താലൂക്കില്‍ സ്ഥിരതാമസക്കാരും 18-60 നുമിടയില്‍ പ്രായമുള്ളവരായിരിക്കണം. ഫോണ്‍- 04935 293055, 04935 293015, 6282019242

മാനന്തവാടി ജില്ലാ ആശുപത്രിയില്‍ അടിയന്തര സാഹചര്യങ്ങളില്‍ ആംബുലന്‍സ് സര്‍വീസ് നടത്താന്‍ താത്പര്യമുള്ള (എ.എല്‍.എസ് ആന്‍ഡ് ബി.എല്‍.എസ്) അംഗീകൃത ഏജന്‍സികള്‍, വ്യക്തികളില്‍ നിന്നും വാഹനം നല്‍കാന്‍ റീ-ടെന്‍ഡര്‍ ക്ഷണിച്ചു. ടെന്‍ഡറുകള്‍ സെപ്റ്റംബര്‍ ഒന്നിന് ഉച്ചയ്ക്ക് 2.30 വരെ ജില്ലാ ആശുപത്രിയില്‍ സ്വീകരിക്കും. ഫോണ്‍- 04935 240264.

നെന്മേനി ഗവ ഐ.ടി.ഐയില്‍ ഫാഷന്‍ ഡിസൈനിങ് ആന്‍ഡ് ടെക്‌നോളജി ട്രേഡിലേക്ക്  ഓഗസ്റ്റ് 30 വരെ സ്‌പോട്ട് അഡ്മിഷന്‍ നടത്തുന്നു.  താത്പര്യമുള്ളവര്‍ സര്‍ട്ടിഫിക്കറ്റുകളുടെ അസല്‍, ടി.സി, ഫീസ് സഹിതം കോളെജില്‍ എത്തണമെന്ന് പ്രിന്‍സിപ്പാള്‍ അറിയിച്ചു.  ഫോണ്‍- 04936 266700.  

എക്‌സൈസ് ജില്ലാതല വ്യാജമദ്യ നിയന്ത്രണ സമിതി യോഗം എഡിഎം ബി ജ്യോതിയുടെ അധ്യക്ഷതയില്‍ കലക്ടറേറ്റില്‍ ചേര്‍ന്നു. ഓണഘോഷത്തോടനുബന്ധിച്ച് എക്‌സൈസ്, പോലീസ്, വനം വകുപ്പുകളുടെ  നേതൃത്വത്തില്‍ പരിശോധനകള്‍ ശക്തമാക്കാന്‍ തീരുമാനിച്ചു. വില്ലേജ്, വാര്‍ഡ് തലങ്ങളില്‍ ബോധവല്‍കരണപ്രവര്‍ത്തനങ്ങള്‍ ഊര്‍ജിതമാക്കും.

ഐ.സി ബാലകൃഷ്ണന്‍ എം.എല്‍.എയുടെ പ്രതേക വികസന നിധിയിലുള്‍പ്പെടുത്തി അമ്പലവയല്‍ ഗ്രാമപഞ്ചായത്തിലെ തോമാട്ടുചാല്‍ ബസ് കാത്തിരിപ്പ് കേന്ദ്രം നിര്‍മാണ പ്രവര്‍ത്തിക്ക് 460000 രൂപയുടെയും നെന്മേനി ഗ്രാമപഞ്ചായത്തിലെ ചിറ്റൂര്‍-ചാത്തന്‍ കോളനി റോഡ് കോണ്‍ക്രീറ്റ് പ്രവര്‍ത്തിക്ക് 460000 രൂപയുടെയും ഭരണാനുമതിയായി.  

ടി സിദ്ദിഖ് എം.എല്‍.എയുടെ  പ്രതേക വികസന നിധിയിലുള്‍പ്പെടുത്തി കണിയാമ്പറ്റ ഗ്രാമപഞ്ചായത്തിലെ കിഴക്കേകുന്ന് റോഡ് കോണ്‍ക്രീറ്റ് പ്രവര്‍ത്തിക്ക് ഏഴ് ലക്ഷം രൂപയുടെ ഭരണാനുമതി ലഭിച്ചു.

വൈത്തിരി താലൂക്കിലെ വെങ്ങപ്പള്ളി പഞ്ചായത്തില്‍ മൂരിക്കാപ്പ് താമസിക്കുന്ന അജിതയ്ക്ക് ജില്ലാ കളക്ടറുടെ ഇടപെടലിലൂടെ പുതിയ വീട്ടില്‍ വൈദ്യുതി കണക്ഷന്‍ ലഭ്യമാക്കാന്‍ നിര്‍ദേശം.  2021-22 വര്‍ഷത്തിലെ ലൈഫ് ഭവന പദ്ധതിയിലൂടെ വിധവയും ബി.പി.എല്‍ കുടുംബാംഗവുമായ അജിതയ്ക്ക് നാല് സെന്റ് സ്ഥലവും വീടും ലഭിച്ചിരുന്നു. എന്നാല്‍ പുതിയ വീട്ടില്‍ വൈദ്യുതി കണക്ഷന്‍ ലഭികാത്തതിനെ തുടര്‍ന്നാണ് അജിത ജില്ലാ കളക്ടറുടെ പരിഹാര അദാലത്തില്‍ എത്തിയത്.  പരാതി പരിശോധിച്ച കളക്ടര്‍ കല്‍പ്പറ്റ കെ.എസ്.ഇ.ബി സബ് ഡിവിഷനോട് വീടു നിര്‍മ്മാണം പൂര്‍ത്തിയായ ഉടന്‍ വൈദ്യുതികരണം ഉറപ്പാക്കാന്‍ നിര്‍ദേശിച്ചു.