ജിഡയുടെയും കൃഷി വകുപ്പിൻ്റെയും സഹകരണത്തോടെ കാർബൺ ന്യൂട്രൽ ഗോശ്രീ കാർഷിക പദ്ധതിക്കു തുടക്കം. മണ്ഡലത്തിലെ എല്ലാ പഞ്ചായത്തുകളിലുമായി എട്ടു ലക്ഷം രൂപ ചെലവിൽ വീട്ടുവളപ്പിൽ  

ഫലവൃക്ഷ - പച്ചക്കറി തോട്ടം ഒരുക്കാൻ ലക്ഷ്യമിടുന്ന പദ്ധതി കെ.എൻ. ഉണ്ണിക്കൃഷ്ണൻ എം.എൽ.എ ഞാറക്കലിൽ ഉദ്ഘാടനം ചെയ്തു.

വീടുകളിൽ പുതിയൊരു കാർഷിക സംസ്കാരത്തിന് വഴിവെക്കുന്ന പദ്ധതിയാണെന്ന് കെ എൻ ഉണ്ണിക്കൃഷ്ണൻ പറഞ്ഞു. ജിഡ ഉൾപെടുന്ന കടമക്കുടി, മുളവുകാട്, എളങ്കുന്നപ്പുഴ, ഞാറക്കൽ, നായരമ്പലം, എടവനക്കാട്, കുഴുപ്പിള്ളി, പള്ളിപ്പുറം എന്നീ പഞ്ചായത്തുകളിൽ പദ്ധതി കാർബൺ ന്യൂട്രൽ കൃഷി രീതി പ്രോത്സാഹിപ്പിക്കും.

പാലിന്റെയും പാലുൽപ്പന്നങ്ങളുടെയും ഗുണനിലവാരത്തെ കുറിച്ച് ജനങ്ങൾ ബോധവാന്മാരാകേണ്ടത് ഇന്നത്തെ കാലഘട്ടത്തിൽ അത്യന്താപേക്ഷികമാണെന്ന് ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ പറഞ്ഞു. ക്ഷീര വികസന വകുപ്പ് ഗുണനിയന്ത്രണ വിഭാഗത്തിന്റെ ആഭിമുഖ്യത്തിൽ ചിറ്റേത്തുകര ക്ഷീരസംഘത്തിൻ്റെ സഹകരണത്തോടെ സംഘടിപ്പിച്ച ഉപഭോക്ത്യ മുഖാമുഖം പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. 

വള്ളംകളിയുടെ ആവേശം ജില്ലയിലെ എല്ലാ ഭാഗങ്ങളിലും എത്തിക്കാൻ 'വള്ളംകളി എക്‌സ്പ്രസ്' യാത്ര ഇന്ന് (ആഗസ്റ്റ് 27 ന്) എടത്വയിൽ. രാവിലെ 10 മണിക്ക് എടത്വ കോളേജിൽ പര്യടനം നടത്തും. തുടർന്ന് മങ്കൊമ്പ്, ചമ്പക്കുളം, പൂപ്പള്ളി, കൈതവന, പഴവീട്, കെ.എസ്.ആർ.ടി.സി, പുന്നമട, തലവടി,  മണ്ണഞ്ചേരി, തണ്ണീർമുക്കം, വെച്ചൂർ, കുമരകം, തല യാഴം വഴി ചേർത്തലയിലെത്തും. 

സംസ്ഥാന സർക്കാരിന്റെ പ്രധാന പദ്ധതികളിൽ ഒന്നായ ഡിജിറ്റൽ റീ സർവേ നടപടികൾക്ക് കോതമംഗലം വാരപ്പെട്ടി വില്ലേജിൽ തുടക്കമായി. കോഴിപ്പിള്ളി ഒന്നാം വാർഡിൽ നടന്ന ചടങ്ങിൽ ആന്റണി ജോൺ എം.എൽ.എ സർവേ നടപടികളുടെ ഉദ്ഘാടനം നിർവഹിച്ചു. ഡിജിറ്റൽ റീ സർവേ പദ്ധതിയുടെ മൂന്നാം ഘട്ടമായാണ് വാരപ്പെട്ടി വില്ലേജിനെ സർവേ നടപടികൾക്കായി തിരഞ്ഞെടുത്തിട്ടുള്ളത്. വാരപ്പെട്ടി വില്ലേജ്‌ ഉള്‍പ്പെടുന്ന 2152 ഹെക്ടറോളം വിസ്തീര്‍ണ്ണമുള്ള സ്ഥലം ആറ് മാസം കൊണ്ട്‌ പൂര്‍ത്തികരിക്കുന്ന കര്‍മ്മ പദ്ധതിയാണ് ഇതുമായി ബന്ധപ്പെട്ട് ആവിഷ്കരിച്ചിട്ടുള്ളത്‌.

തൃപ്പൂണിത്തുറ ആയുർവേദ കോളേജ് ശതാബ്ദി ആഘോഷത്തിന്റെ ലോഗോ പ്രകാശനം ചെയ്തു. തൃപ്പൂണിത്തുറ അത്തച്ചമയത്തിന്റെ ഉദ്ഘാടന വേദിയിൽ തദ്ദേശ സ്വയംഭരണ വകുപ്പ് മന്ത്രി എം.ബി രാജേഷ് വ്യവസായ വകുപ്പ് മന്ത്രി പി. രാജീവിന് നൽകിക്കൊണ്ടാണ് പ്രകാശനം നിർവഹിച്ചത്. കേരളത്തിലെ ഏറ്റവും പഴക്കം ചെന്ന രണ്ടാമത്തെ സർക്കാർ ആയുർവേദ കോളേജാണ് തൃപ്പൂണിത്തുറ ആയുർവേദ കോളേജ്. ശതാബ്ദി ആഘോഷങ്ങളുടെ ഭാഗമായി വിപുലമായ പരിപാടികളാണ് അധികൃതർ ആസൂത്രണം ചെയ്യുന്നത്.

കേരള സംസ്ഥാന ഭവന നിർമ്മാണ ബോർഡിന്റെ പരിധിയിലുള്ള എറണാകുളം റവന്യൂ ടവറിലെ കുമ്മിൻസ് ഇൻഡ്യ ലിമിറ്റഡിന്റെ കെ ടി എ -19-G9, 500കെ വി എ ജനറേറ്ററിൻ്റെ വാർഷിക പരിപാലനത്തിലേക്ക് ക്വട്ടേഷനുകൾ ക്ഷണിച്ചു. ക്വട്ടേഷനുകൾ സെപ്റ്റംബർ രണ്ട് വരെ സമർപ്പിക്കാവുന്നതാണ്. 

 താല്പര്യമുള്ളവർ എക്സിക്യൂട്ടീവ് എഞ്ചിനീയർ, കേരള സംസ്ഥാന ഭവന നിർമ്മാണ ബോർഡ്, എറണാകുളം ഡിവിഷൻ, റവന്യൂ ടവർ കൊച്ചി -11 എന്ന വിലാസത്തിൽ ക്വട്ടേഷനുകൾ സമർപ്പിക്കണം.

കളമശ്ശരി ഗവ. വനിത ഐ ടി ഐ യിൽ റെഗുലർ കോഴ്സിൽ ഒഴിവുളള ആർക്കിടെക്ച്ചറൽ ഡ്രാഫ്റ്റ്സ്മാൻ ട്രേഡിലേയ്ക്ക് സ്പോട്ട് അഡ്മിഷൻ നടത്തുന്നു. താത്പര്യമുളളവർ ആഗസ്റ്റ് 30 രാവിലെ 11.30 നു മുൻപായി അസൽ സർട്ടിഫിക്കറ്റുകൾ സഹിതം ഓഫീസിൽ നേരിട്ട് ഹാജരായി അഡ്മിഷൻ എടുക്കണം.

ഫോൺ : 0484 2544750, 9496282057

സെൻറർ ഫോർ ഡെവലപ്പ്മെൻറ് ഓഫ് ഇമേജിങ് ടെക്നോളജി (സി-ഡിറ്റ്) യുടെ ഇൻഫോർമാറ്റിക്സ് ഡിവിഷൻ്റെ എൻ്റെ കേരളം, വിജ്ഞാന കേരളം തുടങ്ങിയ പ്രോജക്ടുകളിലേക്ക് താത്കാലിക അടിസ്ഥാനത്തിൽ സ്റ്റൈപ്പൻ്റോടെ ഡിസൈനർ ഇന്റേൺഷിപ്പിനായി യോഗ്യതയുള്ളവർക്കായി വാക്-ഇൻ-ഇൻ്റർവ്യൂ നടത്തുന്നു. 

ജില്ലാ എംപ്ലോയബിലിറ്റി സെൻ്റർ മുഖേന സ്വകാര്യ സ്ഥാപനത്തിലേക്ക് നിയമനം നടത്തുന്നു. ജില്ലയിൽ പ്രവർത്തിക്കുന്ന സെക്യൂരിറ്റി നിയമന ഏജൻസി വഴി സെക്യൂരിറ്റി തസ്തികകളിലേക്കാണ് നിയമനം. 
അഭിമുഖം ആഗസ്റ്റ് 29 ന് രാവിലെ 10 മണിക്ക് ആലപ്പുഴ ജില്ലാ എംപ്ലോയ്മെൻ്റ് എക്സ്ചേഞ്ചിൽ നടക്കും. വിദ്യാഭ്യാസ യോഗ്യത എസ് എസ് എൽ സി വിജയം. നിശ്ചിത യോഗ്യതയുള്ള എംപ്ലോയബിലിറ്റി സെന്ററിൽ രജിസ്റ്റർ ചെയ്തവരും അല്ലാത്തവരുമായ 25 നും 50 നും ഇടയിൽ പ്രായമുള്ള ഉദ്യോഗാർഥികൾക്ക് (പുരുഷൻമാർ മാത്രം) പങ്കെടുക്കാം. സ്പോട്ട് രജിസ്ട്രേഷൻ ഉണ്ടാകും. ഫോൺ: 0477-2230624, 8304057735
 

വനിത ശിശുവികസന വകുപ്പിന് കീഴിലുള്ള വാഴക്കുളം (അഡീഷണൽ) ഐ.സി.ഡി.എസ് പ്രൊജക്റ്റ് ഓഫീസിലെ ഉപയോഗത്തിനായി 2025 -26 സാമ്പത്തിക വർഷം ഒക്ടോബർ മാസം മുതൽ ഒരു വർഷകാലയളവിലേക്ക് വാഹനം വാടകയ്ക്ക് എടുക്കുന്നതിന് വ്യക്തികൾ അല്ലെങ്കിൽ സ്ഥാപനങ്ങളിൽ നിന്നും റി-ടെൻഡറുകൾ ക്ഷണിച്ചു. റീ-ടെൻഡർ സംബന്ധിച്ച കൂടുതൽ വിവരങ്ങൾ എല്ലാ പ്രവൃത്തി ദിവസങ്ങളിലും രാവിലെ 10 മുതൽ വൈകിട്ട് അഞ്ച് വരെ ആലുവ തോട്ടക്കാട്ടുകര ശിവക്ഷേത്രം റോഡിൽ പ്രവർത്തിക്കുന്ന വാഴക്കുളം (അഡീഷണൽ) ശിശു വികസന പദ്ധതി ഓഫീസിൽ നിന്നും ലഭിക്കും. 

ഫോൺ : 0484 -2952488, 9496432250