സംസ്ഥാന സര്‍ക്കാരിന്റെ ഓണം വാരാഘോഷങ്ങളുടെ ഭാഗമായി കനകക്കുന്നില്‍ നടക്കുന്ന വിവിധ പരിപാടികളുടെ വിജയകരമായ നടത്തിപ്പിന് വിവിധ പത്രദൃശ്യ മാധ്യമങ്ങള്‍ക്ക് വേണ്ടിയുളള പത്രകുറിപ്പുകളും, വീഡിയോകളും തയ്യാറാക്കുന്നതിന് മീഡിയാ സെന്ററിലേയ്ക്ക് ആവശ്യമായ കമ്പ്യൂട്ടറുകളും പ്രിന്ററുകള്‍ എന്നിവ ദിവസവാടക അടിസ്ഥാനത്തില്‍ നല്‍കുന്നതിന് ഈ രംഗത്ത് പ്രാഗത്ഭ്യമുളള വ്യക്തികളില്‍ നിന്നും സ്ഥാപനങ്ങളില്‍ നിന്നും മത്സര സ്വഭാവമുളള ക്വട്ടേഷനുകള്‍ സ്വീകരിക്കുന്നു.  സിസ്റ്റങ്ങള്‍ ഇന്‍സ്റ്റാള്‍ ചെയ്ത് പ്രവര്‍ത്തനസജ്ജമാക്കി മീഡിയാസെന്റര്‍ ഉദ്ഘാടനദിവസം (02.09.2025) രാവിലെ 10 മണിക്ക് മുമ്പായി കൈമാറേണ്ടതാണ്.  ക്വട്ടേഷനുകള്‍ 30.

'ആശുപത്രിയില്‍ വച്ചുള്ള നേത്രദാനം: അറിയേണ്ട കാര്യങ്ങള്‍' എന്ന വിഷയത്തില്‍ ജില്ലാതല സെമിനാര്‍ പത്തനംതിട്ട ജനറല്‍ ആശുപത്രിയില്‍ നടന്നു. ആശുപത്രി സൂപ്രണ്ട് ഡോ. എം. എ. ഷാനി  ഉദ്ഘാടനം നിര്‍വഹിച്ചു. ജില്ലാ പ്രോഗ്രാം മാനേജര്‍ ഡോ. എസ്. ശ്രീകുമാര്‍ അധ്യക്ഷനായി. ഡോ. മെറിന്‍ ജോര്‍ജ് പ്രബന്ധം അവതരിപ്പിച്ചു. ഡോ. എന്‍.വി. സിനി, ജില്ലാ നഴ്‌സിംഗ് ഓഫീസര്‍ ലാലി തോമസ്, ജില്ലാ എജുക്കേഷന്‍  മീഡിയ ഓഫീസര്‍ എസ്. ശ്രീകുമാര്‍, ജില്ലാ ഒഫ്താല്‍മിക് കോര്‍ഡിനേറ്റര്‍ കെ. അജിത എന്നിവര്‍ സംസാരിച്ചു. ഡോ. ഐപ്പ് ജോസഫ് ക്രോഡീകരണം നടത്തി.

ദേശീയ നേത്രദാന പക്ഷാചരണത്തിന്റെ  ജില്ലാതല ഉദ്ഘാടനവും ബോധവത്ക്കരണ സെമിനാറും സംഘടിപ്പിച്ചു. പന്തളം പെരുമ്പുളിക്കല്‍ കരയോഗ മന്ദിരത്തില്‍ ജില്ലാ പഞ്ചായത്ത് വൈസ് പ്രസിഡന്റ് ബീന പ്രഭ ഉദ്ഘാടനം ചെയ്തു. ജില്ലാ  മെഡിക്കല്‍ ഓഫീസ്  (ആരോഗ്യം), ദേശീയാരോഗ്യ ദൗത്യം, ജില്ലാ അന്ധതാ കാഴ്ച വൈകല്യനിയന്ത്രണ പരിപാടി, തണല്‍ ഫൗണ്ടേഷന്‍ പെരുമ്പുളിക്കല്‍, തുമ്പമണ്‍ ബ്ലോക്ക് കുടുംബാരോഗ്യ കേന്ദ്രം, പന്തളം തെക്കേക്കര കുടുംബാരോഗ്യ കേന്ദ്രം  എന്നിവയുടെ സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്. പന്തളം തെക്കേക്കര ഗ്രാമപഞ്ചായത്ത് പ്രസിഡന്റ് എസ്. രാജേന്ദ്രപ്രസാദ് അധ്യക്ഷത വഹിച്ചു. ജില്ലാ മെഡിക്കല്‍ ഓഫീസര്‍ ഡോ.

പുനലൂര്‍-മൂവാറ്റുപുഴ സംസ്ഥാനപാതയില്‍ റാന്നി ഗ്രാമപഞ്ചായത്തിന് മുന്നില്‍ സ്ഥാപിച്ച കൈവരികള്‍ തകര്‍ന്നത് പുനസ്ഥാപിച്ചു. കൈവരിയുടെ മൂന്ന് തൂണുകള്‍ ഇളകി വീണ് വേലി ചരിഞ്ഞ നിലയിലായത് കാല്‍നട യാത്രികര്‍ക്ക് തടസം സൃഷ്ടിച്ചിരുന്നു.  വിഷയം ശ്രദ്ധയില്‍പ്പെട്ടതിനെ തുടര്‍ന്ന് പൊതുമരാമത്ത് മന്ത്രി പി. എ. മുഹമ്മദ് റിയാസിന്റെ നിര്‍ദേശാടിസ്ഥാനത്തിലാണ് അടിയന്തര അറ്റകുറ്റപണി നടത്തിയത്. കെഎസ്ടിപിയാണ് അറ്റകുറ്റപണിക്ക് നേതൃത്വം നല്‍കിയത്. ഇരുമ്പ് പൈപ്പുകള്‍ വെല്‍ഡ് ചെയ്തും ചുവട് കോണ്‍ക്രീറ്റ് ചെയ്ത് ഉറപ്പിച്ചുമാണ് പുനഃസ്ഥാപിച്ചത്.
 

കേരളമോട്ടോര്‍ തൊഴിലാളി ക്ഷേമനിധി ബോര്‍ഡില്‍ നിന്ന് 2024 ഡിസംബര്‍ 31 വരെ പെന്‍ഷന്‍ അനുവദിച്ച ഗുണഭോക്താക്കള്‍ക്ക് മസ്റ്ററിംഗ് ചെയ്യുന്നതിനായി സെപ്റ്റംബര്‍ 10 വരെ സമയം നീട്ടി. പെന്‍ഷന്‍ കൈപ്പറ്റുന്ന എല്ലാവരും മസ്റ്ററിംഗ് പൂര്‍ത്തിയാക്കി പകര്‍പ്പ് ഓഫീസില്‍ എത്തിക്കണമെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു. ഫോണ്‍: 04682 32015

സാമൂഹികനീതി വകുപ്പ്, ഓര്‍ഫനേജ് കണ്‍ട്രോള്‍ ബോര്‍ഡ്, ഓര്‍ഫനേജ് അസോസിയേഷന്‍ എന്നിവയുടെ സംയുക്താഭിമുഖ്യത്തില്‍ റാന്നി പ്രത്യാശ ഭവനില്‍ സംഘടിപ്പിച്ച മദര്‍ തെരേസ ദിനം ജില്ലാ പഞ്ചായത്ത് പ്രസിഡന്റ് ജോര്‍ജ് എബ്രഹാം ഉദ്ഘാടനം ചെയ്തു. മാനവസ്നേഹത്തിന്റെയും നിസ്വാര്‍ത്ഥ സേവനത്തിന്റെയും പ്രതീകമാണ് മദര്‍ തെരേസ. മദര്‍ തെരേസയുടെ പാത പിന്തുടര്‍ന്ന് സാമൂഹിക സേവന മേഖലയില്‍ പ്രവര്‍ത്തിക്കുന്ന സ്ഥാപനങ്ങള്‍ മാതൃകാപരവും പ്രശംസ അര്‍ഹിക്കുന്നവയുമാണെന്ന് അദ്ദേഹം പറഞ്ഞു. പഴവങ്ങാടി ഗ്രാമപഞ്ചായത്ത് പ്രസിഡന്റ് റൂബി കോശി അധ്യക്ഷയായി.  ജില്ലാ സാമൂഹിക നീതി ഓഫീസര്‍ ജെ.

കൃഷി വകുപ്പിന്റെ ആഭിമുഖ്യത്തില്‍ ജില്ലയില്‍ ഓണചന്തകള്‍ സെപ്റ്റംബര്‍ ഒന്ന് മുതല്‍ നാല് വരെ നടക്കും. ഞങ്ങളും കൃഷിയിലേക്ക് കാമ്പയിന്റെ ഭാഗമായി രൂപീകരിച്ച കൃഷിക്കൂട്ടങ്ങളുടെ സഹകരണത്തോടെ ഹോര്‍ട്ടികോര്‍പ്പ്, വിഎഫ്പിസികെ, കുടുംബശ്രീ എന്നിവ മുഖേനയാണ് ഓണവിപണി സംഘടിപ്പിക്കുന്നത്. ഓണത്തോടനുബന്ധിച്ച് പൊതുവിപണിയിലെ വിലയേക്കാള്‍ 30 ശതമാനം കുറവിലാകും വില്‍പന. കേരളഗ്രോ ബ്രാന്‍ഡ് ഉല്‍പന്നങ്ങള്‍ ഓണവിപണിയില്‍ വിപണനം നടത്തും.
ഫോണ്‍: 9383470510 (കൃഷി അസിസ്റ്റന്റ് ഡയറക്ടര്‍)
 

ഇലന്തൂര്‍ ബ്ലോക്ക്പഞ്ചായത്തില്‍ പി.എം.എ.വൈ (ജി) പദ്ധതിയില്‍ പൂര്‍ത്തിയാക്കിയ വീടുകളുടെ താക്കോല്‍ കൈമാറ്റം പ്രസിഡന്റ് ജെ ഇന്ദിരാദേവി നിര്‍വഹിച്ചു. ക്ഷേമകാര്യ സ്ഥിരം സമിതി ചെയര്‍പേഴ്‌സണ്‍ സാം പി തോമസ് അധ്യക്ഷനായി. ഓമല്ലൂര്‍, മല്ലപ്പുഴശേരി, ചെറുകോല്‍ ഗ്രാമപഞ്ചായത്തുകളില്‍ നിര്‍മാണം പൂര്‍ത്തികരിച്ച വീടുകളുടെ താക്കോല്‍ കൈമാറ്റമാണ് നടന്നത്. 2024-25 സാമ്പത്തിക വര്‍ഷത്തില്‍ പി.എം.എ.വൈ (ജി) ഭവനനിര്‍മ്മാണത്തിന് 78,82,000 രൂപയും 2025-26 ല്‍ ബ്ലോക്ക് വിഹിതമായി വികസനഫണ്ടില്‍ നിന്നും 45,92,000 രൂപയും പദ്ധതിക്കായി ചെലവഴിച്ചു.

ഉള്‍നാടന്‍ മത്സ്യസംരക്ഷണ പദ്ധതിയുടെ ഭാഗമായി പമ്പാ നദിയില്‍ മത്സ്യകുഞ്ഞുങ്ങളെ നിക്ഷേപിച്ചു. ഇലന്തൂര്‍ ബ്ലോക്ക് പഞ്ചായത്ത് പ്രസിഡന്റ് ജെ ഇന്ദിരാദേവി ആറന്മുള പരപ്പുഴക്കടവില്‍ ഉദ്ഘാടനം നിര്‍വഹിച്ചു. മല്ലപ്പുഴശ്ശേരി ഗ്രാമപഞ്ചായത്ത് പ്രസിഡന്റ് മിനി ജിജു ജോസഫ് അധ്യക്ഷയായി. സംസ്ഥാന ജൈവവൈവിധ്യ ബോര്‍ഡ്, ജൈവ വൈവിധ്യ പരിപാലന സമിതി, മല്ലപ്പുഴശ്ശേരി ഗ്രാമപഞ്ചായത്ത് ബിഎംസി, ഫിഷറീസ് വകുപ്പ് എന്നിവയുടെ നേതൃത്വത്തിലാണ് പദ്ധതി നടപ്പാക്കുന്നത്.

പത്തനംതിട്ട ജില്ലാ പഞ്ചായത്ത് ഹാളില്‍ നടന്ന വനിതാ കമ്മിഷന്‍ അദാലത്തില്‍ 13 പരാതികള്‍ തീര്‍പ്പാക്കി. 52 പരാതി ആകെ ലഭിച്ചു. അഞ്ചെണ്ണം പോലിസ് റിപ്പോര്‍ട്ടിനും രണ്ടെണ്ണം ജാഗ്രതാസമിതി റിപ്പോര്‍ട്ടിനും അയച്ചു. രണ്ട് പരാതികള്‍ ജില്ലാ നിയമ സേവന അതോറിറ്റിക്ക് കൈമാറി. 30 കേസുകള്‍ അടുത്ത സിറ്റിംഗിലേക്ക് മാറ്റി. കമ്മിഷന്‍ അംഗം അഡ്വ. എലിസബത്ത് മാമ്മന്‍ മത്തായി നേതൃത്വം നല്‍കി. പാനല്‍ അഭിഭാഷകരായ  സിനി, രേഖ, കൗണ്‍സലര്‍മാരായ ജാനറ്റ് സാറാ ജെയിംസ്, നീമ ജോസ്,   വുമണ്‍ പ്രൊട്ടക്ഷന്‍ ഓഫീസര്‍ നിസ,  പോലിസ് ഉദ്യോഗസ്ഥരായ എം. എച്ച് റസീന, സ്മിത റെജി എന്നിവര്‍ പങ്കെടുത്തു.