വാളാട് പ്രാഥമികാരോഗ്യ കേന്ദ്രത്തിന് കീഴില്‍ പ്രവര്‍ത്തിക്കുന്ന പാലിയേറ്റീവ് കെയര്‍ യൂണിറ്റിലേക്ക് താത്കാലികാടിസ്ഥാനത്തില്‍ പാലിയേറ്റീവ് കമ്മ്യൂണിറ്റി നഴ്‌സ് നിയമനം നടത്തുന്നു. ഗവ അംഗീകൃത എ.എന്‍.എം/ജെ.പി.എച്ച്.എന്‍, ബി.സി.സി.പി.എ.എന്‍/ സി.സി.സി.പി.എ.എന്‍ എന്നിവയോ അല്ലെങ്കില്‍ ജി.എന്‍.എം/ ബി.എസ്.സി നഴ്‌സിങ്ങും ബി.സി.സി.പി.എ.എന്നുമാണ് യോഗ്യത. തവിഞ്ഞാല്‍ ഗ്രാമപഞ്ചത്തിലുള്ളവര്‍ക്ക് മുന്‍ഗണന ലഭിക്കും.

വാളാട് പ്രാഥമികാരോഗ്യ കേന്ദ്രത്തില്‍ താത്കാലികാടിസ്ഥാനത്തില്‍ ഫാര്‍മസിസ്റ്റ് നിയമനം നടത്തുന്നു. ബി.ഫാം/ഡി.ഫാം, ഫാര്‍മസി കൗണ്‍സില്‍ രജിസ്‌ട്രേഷന്‍ എന്നിവയാണ് യോഗ്യത. തവിഞ്ഞാല്‍ ഗ്രാമപഞ്ചായത്തിലുള്ളവര്‍ക്ക് മുന്‍ഗണന ലഭിക്കും. ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റുകളുടെ അസല്‍, പകര്‍പ്പ്, ബയോഡേറ്റ എന്നിവ സഹിതം മെയ് 30ന് രാവിലെ 10.30ന് തവിഞ്ഞാല്‍ ഗ്രാമപഞ്ചായത് ഓഫീസില്‍ കൂടിക്കാഴ്ച്ചക്ക് എത്തണം. ഫോണ്‍: 04935 2665886     

2026 നിയമസഭാ പൊതു തിരഞ്ഞെടുപ്പുമായി ബന്ധപ്പെട്ട് സ്ഥാനാര്‍ത്ഥികളുടെ വരവ് ചെലവ് കണക്കുകളുടെ അനുരഞ്ജനം മെയ് 30, ജൂണ്‍ ഒന്ന് തിയതികളില്‍ കളക്ടറേറ്റ് ആസൂത്രണഭവന്‍ പഴശ്ശി ഹാളില്‍ നടക്കും നടത്തും. സുല്‍ത്താന്‍ ബത്തേരി നിയമസഭാ മണ്ഡലത്തിലേത് മെയ് 30ന് രാവിലെ പത്ത് മണിക്കും  കൽപറ്റ നിയമസഭാ മണ്ഡലത്തിലേത് ജൂണ്‍ ഒന്നിന് രാവിലെ പത്ത് മണിക്കും മാനന്തവാടി നിയമസഭാ മണ്ഡലത്തിലേത് ജൂണ്‍ ഒന്നിന് ഉച്ചക്ക് 2.30നും നടക്കും. സ്ഥാനാര്‍ത്ഥികളോ അംഗീകൃത ഏജന്റുമാരോ ബന്ധപ്പെട്ട രേഖകളുമായി എത്തണമെന്ന് ഇലക്ഷന്‍ എക്‌സ്‌പെന്റീച്ചര്‍ നോഡല്‍ ഒഫീസര്‍ അറിയിച്ചു

എസ്.എസ്.എല്‍.സി പരീക്ഷയില്‍ ജില്ല കൈവരിച്ച മികച്ച വിജയത്തില്‍ പങ്കാളികളായ മുഴുവന്‍ വിദ്യാലയങ്ങളെയും വിദ്യാര്‍ത്ഥികളെയും അധ്യാപകരെയും വയനാട് ജില്ലാ വിദ്യാഭ്യാസ സമിതി അഭിനന്ദിച്ചു. വിജയശതമാനം ഉയര്‍ത്തുന്നതിനൊപ്പം പുതിയ അക്കാദമിക വര്‍ഷത്തില്‍ വിദ്യാഭ്യാസ ഗുണമേന്മ വര്‍ദ്ധിപ്പിക്കുന്നതില്‍ സജീവമായ ശ്രദ്ധ കേന്ദ്രീകരിക്കേണ്ടതുണ്ടെന്ന് യോഗം വിലയിരുത്തി.

പടിഞ്ഞാറത്തറ സെക്ഷനിൽ ഉൾപ്പെടുന്ന ബപ്പനമല ട്രാൻസ്ഫോർമർ പരിധിയിൽ അറ്റകുറ്റ പ്രവൃത്തികൾ നടക്കുന്നതിനാൽ ഇന്ന് (മെയ് 26) രാവിലെ ഒൻപത് മുതൽ വൈകുന്നേരം 5.30 വരെ പൂർണമായോ ഭാഗികമായോ വൈദ്യുതി മുടങ്ങും.

മീനങ്ങാടി ഇലക്ട്രിക്കൽ സെക്ഷൻ പരിധിയിൽ വൈദ്യുത ലൈനിൽ പ്രവൃത്തികൾ  നടക്കുന്നതിനാൽ ആലിലക്കുന്ന്, സൊസൈറ്റി കവല, പൂതാടി അമ്പലം ട്രാൻസ്ഫോർമർ പരിധികളിൽ ഇന്ന് (മെയ് 26) രാവിലെ ഒൻപതു മുതൽ വൈകുന്നേരം അഞ്ച് വരെ   പൂർണമായോ ഭാഗികമായോ വൈദ്യുതി മുടങ്ങും

കണിയാമ്പറ്റ ചിത്രമൂലയിൽ പ്രവർത്തിക്കുന്ന കൽപ്പറ്റ മോഡൽ റസിഡൻഷ്യൽ സ്കൂളിൽ അഞ്ച് മുതൽ 12 വരെ ക്ലാസുകളിൽ പഠിക്കുന്ന 405 പെൺകുട്ടികൾക്ക് സ്വെറ്റർ, ബെഡ് ഷീറ്റ്, ഇന്നർവെയറുകൾ എന്നിവയും ചെരിപ്പുകളും ലഭ്യമാക്കാൻ ടെണ്ടർ ക്ഷണിച്ചു. ടെണ്ടറുകൾ ജൂൺ രണ്ടിന് വൈകുന്നേരം അഞ്ച് വരെ സ്വീകരിക്കും. ഫോൺ: 04936 284818.

കൽപ്പറ്റ ഐ.റ്റി.ഡി.പി ഓഫീസിന് കീഴിലുള്ള പ്രീമെട്രിക് ഹോസ്റ്റലുകൾ, എം.ആർ.എസുകൾ എന്നിവിടങ്ങൽ വാച്ച്‍മാൻ, കുക്ക്, ആയ, സ്വീപ്പർ തസ്തികകളിലേക്ക്  ദിവസ വേതനാടിസ്ഥാനത്തിൽ നിയമനം നടത്തുന്നു. വൈത്തിരി താലൂക്ക് പരിധിയിൽ താമസിക്കുന്ന പട്ടികവർഗ വിഭാഗത്തിൽപ്പെട്ടവർക്കാണ് അവസരം. പ്രായപരിധി 25 മുതൽ 50 വയസ് വരെ. കുക്ക്, ആയ തസ്തികകളിലേക്ക് ഏഴാം ക്ലാസാണ് വിദ്യാഭ്യാസ യോഗ്യത. പ്രവൃത്തിപരിചയമുള്ളവർക്കും കുക്ക് തസ്തികയിലേക്ക് സർക്കാർ അംഗീകൃത ഫുഡ് ക്രാഫ്റ്റ്, കെ.ജി.ടി.ഇ ഫുഡ് പ്രൊഡക്ഷൻ യോഗ്യതയുള്ളവർക്കും മുൻഗണന ലഭിക്കും.

ഐ സി ബാലകൃഷ്ണന്‍ എം എല്‍ എയുടെ ആസ്തി വികസന ഫണ്ടില്‍ നിന്നും സുല്‍ത്താന്‍ ബത്തേരി മണ്ഡലത്തിലെ വിവിധ ഗ്രാമ പഞ്ചായത്തുകളില്‍ റോഡ് പ്രവൃത്തികള്‍ക്കായി 1.80 കോടി രൂപയുടെ ഭരണാനുമതി ലഭിച്ചു.

നൂല്‍പ്പുഴ പഞ്ചായത്തിലെ നായ്ക്കട്ടി- മാതമംഗലം പുളിമരം കവല റോഡ് ടാറിംഗിന് 20 ലക്ഷം രൂപ, കാര്യമ്പാടി പണിയ ഉന്നതി റോഡ്  ടാറിംഗിന് 15 ലക്ഷം രൂപ, ചിത്രാലക്കര വയല്‍ വരമ്പ് റോഡ് ഫോര്‍മേഷന് 20 ലക്ഷം രൂപ എന്നിങ്ങനെ ഭരണാനുമതിയായി. 

ജില്ലാ കുടുംബശ്രീ മിഷന് കീഴിലുള്ള അമൃതം ന്യൂട്രീമിക്‌സ് പദ്ധതിയുടെ ഭാഗമായി നൂല്‍പ്പുഴ സി.ഡി.എസില്‍ പ്രവര്‍ത്തിക്കുന്ന ഐശ്വര്യ ന്യൂട്രീമിക്‌സ് സംരംഭത്തിന് പുതിയ കെട്ടിടമായി. ഗ്രാമപഞ്ചായത്ത് പ്രസിഡന്റ് എം.കെ.ജയ കെട്ടിടോദ്ഘാടനം നിര്‍വഹിച്ചു. ആറ് മാസം മുതല്‍  മൂന്ന് വയസുവരെയുള്ള കുട്ടികള്‍ക്ക് അങ്കണവാടികള്‍ വഴി പോഷകാഹാരം വിതരണം ചെയ്യുന്നതിന് കുടുംബശ്രീ വനിതകള്‍ ഉത്പാദിപ്പിക്കുന്ന പോഷകാഹാരമാണ് അമൃതം ന്യൂട്രിമിക്‌സ്. ജില്ലയില്‍ ഏറ്റവും കൂടുതല്‍ ന്യൂട്രീമിക്‌സ് സംരംഭങ്ങള്‍ പ്രവര്‍ത്തിക്കുന്ന പഞ്ചായത്താണ് നൂല്‍പ്പുഴ.