വയനാട് ലോക്‌സഭാ ഉപതെരഞ്ഞെടുപ്പുമായി ബന്ധപ്പെട്ട് ഏറനാട്, വണ്ടൂർ, നിലമ്പൂർ നിയോജകമണ്ഡലങ്ങളില്‍ നവംബർ 11 ന് വൈകീട്ട് 6 മുതൽ വോട്ടെടുപ്പ് അവസാനിക്കുന്നത് വരെയും  വോട്ടെണ്ണല്‍ ദിവസമായ നവംബർ 23 നും സർക്കാർ മദ്യനിരോധനം ഏര്‍പ്പെടുത്തിയതായി ജില്ലാ തെരഞ്ഞെടുപ്പ് ഓഫീസർ അറിയിച്ചു.

സംസ്ഥാന എക്‌സൈസ് കലാ കായിക മേള നവംബര്‍ 30, ഡിസംബര്‍ 1, 2 തീയതികളില്‍ മലപ്പുറത്ത് നടക്കും. കാലിക്കറ്റ് സര്‍വകലാശാല കാമ്പസ് ഗ്രൗണ്ടിലും വിവിധ വേദികളിലുമായാണ് മേള  നടക്കുക.

 പ്ലാനിങ് കോണ്‍ഫറന്‍സ് ഹാളില്‍ ചേര്‍ന്ന സ്വാഗതസംഘം രൂപവത്കരണ യോഗം എക്‌സൈസ് അഡീഷണല്‍ കമീഷണര്‍ പ്രദീപ് ഉദ്ഘാടനം ചെയ്തു. ഉത്തര മേഖല ജോയന്റ് എക്‌സൈസ് കമീഷണര്‍ കെ.എസ് ഷാജി,  ജോയന്റ് എക്‌സൈസ് കമീഷണര്‍ പ്രദീപ്, എക്‌സൈസ് ഓഫീസേഴ്‌സ് അസോസിയേഷന്‍ സംസ്ഥാന സെക്രട്ടറി മോഹന്‍, എക്‌സൈസ് സ്റ്റാഫ് അസോസിയേഷന്‍ സംസ്ഥാന പ്രസിഡന്റ് സജു കുമാര്‍, ജനറല്‍ സെക്രട്ടറി സന്തോഷ് കുമാര്‍ എന്നിവര്‍ സംസാരിച്ചു. 

പാലക്കാട് നവംബര്‍ ആറിന് നടന്ന ഹോട്ടല്‍ റൂമിലെ പൊലീസ് പരിശോധനയുമായി ബന്ധപ്പെട്ട്  തിരഞ്ഞെടുപ്പ് കമ്മീഷന് റിപ്പോര്‍ട്ട് നല്‍കിയതായുള്ള മാധ്യമ വാര്‍ത്ത വസ്തുതാ വിരുദ്ധമാണെന്ന് ജില്ലാ കളക്ടര്‍  ഡോ.എസ്.ചിത്ര അറിയിച്ചു. ഈ വിഷയവുമായി ബന്ധപ്പെട്ട് തിരഞ്ഞെടുപ്പ് കമ്മീഷന്‍ റിപ്പോര്‍ട്ട് ആവശ്യപ്പെടുകയോ ജില്ലാ കളക്ടര്‍ രേഖാ മൂലം റിപ്പോര്‍ട്ട് നല്‍കുകയോ ചെയ്തിട്ടില്ല. വിഷയവുമായി ബന്ധപ്പെട്ട പരാതി അന്വേഷണത്തിനും റിപ്പോര്‍ട്ടിനുമായി പൊലീസിന് കൈമാറിയിട്ടുണ്ട് . തിരഞ്ഞെടുപ്പ് കമ്മീഷന്‍ റിപ്പോര്‍ട്ട് ആവശ്യപ്പെട്ടാല്‍ വിശദമായ റിപ്പോര്‍ട്ട് നല്‍കുമെന്നും ജില്ലാ കളക്ടര്‍ അറിയിച്ചു.
 

തിരുവനന്തപുരം-തെന്മല (എസ് എച്ച് 2) റോഡിൽ കരകുളം പാലം ജംഗ്ഷനിൽ നിന്നും കെൽട്രോൺ ജംങ്ഷൻ വരെ ഫ്ളൈ ഓവർ നിർമാണവുമായി ബന്ധപ്പെട്ട് നെടുമങ്ങാട് ഭാഗത്തേക്കും, തിരുവനന്തപുരം ഭാഗത്തേക്കുമുള്ള പൂർണ ഗതാഗത നിയന്ത്രണം തിങ്കളാഴ്ച മുതൽ നടപ്പാക്കും.

 ഗതാഗത നിയന്ത്രണങ്ങൾ ഇപ്രകാരം

നെടുമങ്ങാട് ഭാഗത്തു നിന്നും തിരുവനന്തപുരം ഭാഗത്തേക്ക്

കാര്യവട്ടം - ചെങ്കൊട്ടുകോണം റോഡിൽ ബി എം പ്രവർത്തികൾ നടക്കുന്നതിനാൽ നാളെയും (നവംബർ 10), മറ്റന്നാളും (നവംബർ 11) ഈ റോഡിലൂടെയുള്ള വാഹന ഗതാഗതത്തിന് പൂർണ നിയന്ത്രണം ഉണ്ടായിരിക്കുമെന്ന് പൊതുമരാമത്ത് റോഡുകൾ വിഭാഗം അസിസ്റ്റന്റ് എഞ്ചിനീയർ അറിയിച്ചു. ചെങ്കൊട്ടുകോണത്ത് നിന്ന് കാര്യവട്ടത്തേക്ക് പോകുന്നവർക്ക് ശ്രീകാര്യം വഴി പോകാവുന്നതാണ്.

അടൂരിലുള്ള ഭാരത് ഹിന്ദി പ്രചാര കേന്ദ്രത്തിൽ ഹിന്ദി ഡിപ്ലോമ ഇൻ എലിമെന്ററി എഡ്യുക്കേഷൻ കോഴ്സ് 2024-26 ബാച്ചിൽ സ്പോട്ട് അഡ്മിഷനിൽ പങ്കെടുക്കാം. 50 ശതമാനം മാർക്കോടെ രണ്ടാം ഭാഷ ഹിന്ദിയിലുള്ള പ്ലസ്ടു അല്ലെങ്കിൽ ഹിന്ദി ഡി​ഗ്രിയോ എം.എയോ പാസ്സായവർക്ക് അപേക്ഷിക്കാം. നവംബർ 11,12 തിയ്യതികളിലാണ് സ്പോട്ട് അഡ്മിഷൻ നടക്കുന്നത്. പ്രായപരിധി 17നും 35നും ഇടയ്ക്ക്. പട്ടികജാതി മറ്റർഹ വിഭാ​ഗത്തിന് ട്യൂഷൻഫീസ് ഈ-​ഗ്രാന്റ് മുഖേന ലഭിക്കും. കൂടുതൽ വിവരങ്ങൾക്ക് പ്രിൻസിപ്പാൾ ഭാരത് ഹിന്ദി പ്രചാര കേന്ദ്രം, അടൂർ, പത്തനംതിട്ട എന്ന വിലാസത്തിലോ 8547126028, 04734-296496 എന്ന നമ്പറിലോ ബന്ധപ്പെടുക.

കൊച്ചി ബോൾഗാട്ടിയിൽ നിന്ന് ഇടുക്കി മാട്ടുപ്പെട്ടി അണക്കെട്ടിലേക്ക് 
പരീക്ഷണപ്പറക്കൽ നടത്തുന്ന സീപ്ലെയ്ൻ്റെ ഫ്ളാഗ് ഓഫ് നടക്കുന്നതിനാൽ തിങ്കളാഴ്ച (നവംബർ 11) രാവിലെ 9.00 മുതൽ 11 വരെ ബോട്ടുകൾക്ക് നിയന്ത്രണമുണ്ടായിരിക്കും. ടൂറിസ്റ്റ് ബോട്ട്, മത്സ്യബന്ധന ബോട്ട്, ടൂറിസ്റ്റ് ബോട്ടുകൾ, കെഎസ്ഐഎ൯സി ബോട്ട്, വാട്ട൪ മെട്രോ, മറ്റ് സ്വകാര്യ ബോട്ടുകൾ തുടങ്ങിയവയെക്കെല്ലാം ക൪ശന നിയന്ത്രണമേ൪പ്പെടുത്തുമെന്ന് ജില്ലാ കളക്ട൪ എ൯.എസ്.കെ. ഉമേഷ് പറഞ്ഞു. 

സീപ്ലെയ്ൻ പരീക്ഷണപ്പറക്കൽ തിങ്കളാഴ്ച (നവംബർ 11) രാവിലെ 10.30 ന് ടൂറിസം, പൊതുമരാമത്ത് വകുപ്പ് മന്ത്രി പി. എ. മുഹമ്മദ് റിയാസ് ഫ്ളാഗ് ഓഫ് ചെയ്യും. ചടങ്ങിൽ വ്യവസായ, നിയമ, കയർ വകുപ്പ് മന്ത്രി പി. രാജീവ് അധ്യക്ഷനാകും. കൊച്ചിയിൽ നിന്ന് ഇടുക്കി മാട്ടുപ്പെട്ടി അണക്കെട്ടിലേക്ക് പോകുന്ന സീപ്ലെയ്൯ ജലാശയത്തിലിറങ്ങും.

മാട്ടുപ്പെട്ടിയിൽ സ്വീകരണം ഏറ്റുവാങ്ങിയ ശേഷം പുറപ്പെടുന്ന സീപ്ലെയ്൯ കൊച്ചി അന്താരാഷ്ട്ര വിമാനത്താവളത്തിലേക്ക് പോകും.

കേരളത്തിൻ്റെ ടൂറിസം സ്വപ്നങ്ങൾക്ക് പുതിയ കുതിപ്പേകാൻ കൊച്ചിയിൽ സീപ്ലെയ്ൻ പറന്നിറങ്ങി. ഉച്ചകഴിഞ്ഞ് 3.13 ന് കൊച്ചി അന്താരാഷ്ട്ര വിമാനത്താവളത്തിൽ നിന്ന് പുറപ്പെട്ട സീപ്ലെയ്ൻ 3.28 ന് കൊച്ചി ബോൾഗാട്ടി മറീനയിൽ ലാൻഡ് ചെയ്തു. 

രാവിലെ 11 ന് വിജയവാഡയിൽ നിന്ന് പുറപ്പെട്ട സീപ്ലെയ്ൻ ഉച്ച കഴിഞ്ഞ് 2.30ന്  കൊച്ചി വിമാനത്താവളത്തിലിറങ്ങി. തുടർന്ന് ഇന്ധനം നിറച്ച ശേഷം  ബോൾഗാട്ടിയിലേക്ക് പുറപ്പെട്ടു. മൂന്നു തവണ താഴ്ന്നു പറന്ന ശേഷമാണ് വിമാനം മറീനയിലിറങ്ങിയത്. 

റെക്കോഡ് ലക്ഷ്യമിട്ട് ആത്മവിശ്വാസത്തോടെ സെർവൻ മൈതാനത്ത് നിൽക്കുമ്പോൾ തന്നെ മേളവും ആരവങ്ങളുമായി അച്ഛനും സുഹൃത്തുക്കളും അധ്യാപകരും ആഘോഷം തുടങ്ങും. "സെർവൻ ഇറങ്ങിയാൽ റെക്കോർഡ് ഉറപ്പാണ്. 

കാസർകോട് കുട്ടമത്ത് ജി എച്ച് എസ് എസ് വിദ്യാർത്ഥിയായ കെ.സി. സെർവൻ ഒറ്റ ദിവസം എറിഞ്ഞിട്ടത് രണ്ട് റെക്കോഡുകൾ. രാവിലെ സീനിയർ ബോയ്സ് (അഞ്ച് കിലോ ) ഷോട്ട് പുട്ടിൽ 17.74 മീറ്റർ ദൂരം എറിഞ്ഞു റെക്കോർഡ് സ്വന്തമാക്കിയപ്പോൾ ഉച്ചയ്ക്ക് ശേഷം ഡിസ്കസ് ത്രോയിൽ (1.5കിലോ ) 60.24 മീറ്റർ എറിഞ്ഞു മറ്റൊരു റെക്കോഡും നേടി സെ൪വ൯.