സാക്ഷരതാ മിഷൻ നടത്തുന്ന ഉല്ലാസ് പദ്ധതി, തുല്യത കോഴ്സുകൾ എന്നിവയിലേക്ക് ഗുണഭോക്താക്കളെ കണ്ടെത്തുന്നതിനായി തിരുവമ്പാടി ഗ്രാമപഞ്ചായത്തിൽ അൽഫോൻസാ കോളേജ് എൻഎസ്എസ് യൂണിറ്റിന്റെ ആഭിമുഖ്യത്തിൽ അക്ഷര കേരളം സർവേ ആരംഭിച്ചു. ഗ്രാമപഞ്ചായത്ത് പ്രസിഡൻ്റ് ബിന്ദു ജോൺസൺ ഉദ്ഘാടനം നിർവഹിച്ചു. ഗ്രാമപഞ്ചായത്തിലെ 17 വാർഡുകളിലും വിവരശേഖരണം നടത്തും.

സംസ്ഥാനത്തെ ഗ്രാമീണ മേഖലയുള്‍പ്പെടെ ഡിജിറ്റല്‍ യുഗത്തിലേക്ക് കടക്കുകയാണെന്നും ഏല്ലാവരെയും ഡിജിറ്റല്‍ സാക്ഷരരാക്കാന്‍  സംസ്ഥാന സര്‍ക്കാര്‍ സാക്ഷരത മിഷന്‍ മുഖേന പ്രത്യേക നയങ്ങള്‍ രൂപീകരിക്കുകയാണെന്നും പട്ടികജാതി പട്ടികവര്‍ഗ പിന്നാക്കക്ഷേമ വകുപ്പ് മന്ത്രി ഒ ആര്‍ കേളു. സാക്ഷരത മിഷന്റെ ഓഫീസ് മാനേജ്‌മെന്റ് & ഡിജിറ്റല്‍ സ്‌കില്‍സ് കോഴ്സിന്റെ (സ്മാര്‍ട്ട്)  സംസ്ഥാനതല ഉദ്ഘാടനം നിര്‍വഹിച്ചു സംസാരിക്കുകയായിരുന്നു മന്ത്രി.

നേത്രദാന പക്ഷാചരണം ജില്ലാതല ഉദ്ഘാടനം തലക്കുളത്തൂർ സാമൂഹിക ആരോഗ്യ കേന്ദ്രത്തിൽ ചേളന്നൂർ ബ്ലോക്ക് പഞ്ചായത്ത് പ്രസിഡൻറ് കെ പി സുനിൽ കുമാർ നിർവഹിച്ചു. ആരോഗ്യവകുപ്പ്, ആരോഗ്യ കേരളം, തലക്കുളത്തൂർ സാമൂഹികാരോഗ്യ കേന്ദ്രം എന്നിവ സംയുക്തമായാണ് പരിപാടി സംഘടിപ്പിച്ചത്. 

ചടങ്ങിനോടനുബന്ധിച്ച് ഓഫ്താൽമിക് സർജൻ ഡോ. കെ ആർ ചിത്ര 'നേത്രപടല അന്ധതയും നേത്രദാനവും' എന്ന വിഷയത്തിൽ ബോധവൽക്കരണ ക്ലാസ്സും സഞ്ചരിക്കുന്ന നേത്രരോഗ വിഭാഗത്തിൻറെ നേതൃത്വത്തിൽ ക്യാമ്പയിനും നടത്തി.  ചേളന്നൂർ ബ്ലോക്ക് പഞ്ചായത്ത് വാർഷിക പദ്ധതിയുടെ ഭാഗമായി വാങ്ങിയ ലെൻസോ മീറ്ററിന്റെ ഉദ്ഘാടനവും നടന്നു.

ഒരുക്കങ്ങൾ ജില്ലാ കളക്ടർ വിലയിരുത്തി

സെപ്റ്റംബർ ഒന്നു മുതൽ ഏഴ് വരെ നടക്കുന്ന സംസ്ഥാന സര്‍ക്കാരിന്റെ ഓണാഘോഷം മാവേലിക്കസ് 2025- കോഴിക്കോട് ബീച്ചിൽ സെപ്റ്റംബർ ഒന്നിന്  വൈകീട്ട് ഏഴിന് വിനോദസഞ്ചാര, പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് ഉദ്ഘാടനം ചെയ്യും. ശേഷം രാജസ്ഥാനി നാടോടി ബാൻഡായ മംഗാനിയാർ സെഡക്ഷൻ സംഗീത പരിപാടി അരങ്ങേറും.

ജില്ലാ കാര്‍ഷിക വികസന സമിതി യോഗം ഇന്ന് (ഓഗസ്റ്റ് 26) ഉച്ചയ്ക്ക് രണ്ടിന് ജില്ലാ പഞ്ചായത്ത് ഓഡിറ്റോറിയത്തില്‍ ചേരും.

കേരള ഡെവലപ്മെന്റ് ആൻഡ് ഇന്നോവേഷൻ സ്ട്രാറ്റജിക് കൗൺസിൽ (K-DISC) ന്റെ നേതൃത്വത്തിൽ യങ് ഇന്നൊവേറ്റേഴ്സ് പ്രോഗ്രാം സംഘടിപ്പിച്ചു. ജില്ലയിലെ എഞ്ചിനീയറിംഗ്, പോളിടെക്നിക് കോളേജുകളിൽ നിന്നും സംസ്ഥാനതല മത്സരത്തിലേക്കു യോഗ്യത നേടിയ 27 ജില്ലാതല വിജയികൾ ക്കാണ് പരിശീലനം നൽകിയത്. 

ഇടുക്കി സർക്കാർ എഞ്ചിനീയറിംഗ് കോളേജിൽ നടത്തിയ പരിപാടിയിൽ ഡിസൈൻ തിങ്കിംഗ്, പ്രോട്ടോക്കോൾ ബിൽഡിംഗ് തുടങ്ങിയ വിഷയങ്ങളിൽ 

രണ്ടു ദിവസത്തെ പരിശീലന ക്ലാസുകൾ നടത്തി. ഷാബു ഗംഗാധരൻ പരിശീലന പരിപാടിക്കു നേതൃത്വം നൽകി. 

വിമുക്തഭടന്‍മാരായ നാവികർക്കും വിധവകള്‍ക്കുമുള്ള പുതിയ ക്ഷേമ പദ്ധതികളെ കുറിച്ചുള്ള അവബോധത്തിനും പെന്‍ഷന്‍ സംബന്ധമായ പരാതികളും സംശയങ്ങളും  പരിഹരിക്കുന്നതിനുമായി സമ്പര്‍ക്ക പരിപാടി ആഗസ്റ്റ് 30ന് സംഘടിപ്പിക്കും.

സതേണ്‍ നേവല്‍ കമാന്റിന്റെ ആഭിമുഖ്യത്തില്‍ ചാക്ക ബ്രഹ്മോസ് എയ്‌റോസ് സ്‌പെയിസില്‍ ഉച്ചക്ക് രണ്ടു മണിമുതല്‍ വൈകുന്നേരം നാലുവരെയാണ് പരിപാടി നടത്തുക.

രജിസ്ട്രേഷൻ സൗജന്യം

സംസ്ഥാന സര്‍ക്കാരിന്റെ ഓണാഘോഷം മാവേലിക്കസ് 2025നോടനുബന്ധിച്ച് നടത്തുന്ന മെഗാ പൂക്കളമത്സരത്തില്‍ പങ്കെടുക്കൻ ഓഗസ്റ്റ് 28 വരെ സൗജന്യമായി രജിസ്‌റ്റർ ചെയ്യാം. ഓഗസ്റ്റ് 31-ന് നഗര പരിധിയിലെ നൂറോളം വേദികളിൽ വിവിധ വിഭാഗങ്ങളിലായി നടക്കുന്ന മത്സരത്തിൽ ആകെ 10 ലക്ഷം രൂപയുടെ സമ്മാനങ്ങളാണ് വിജയികളെ കാത്തിരിക്കുന്നത്. 

ജില്ലാതല ബാങ്കിങ് അവലോകന യോഗം ഇന്ന് (ഓഗസ്റ്റ് 26) രാവിലെ 10.30 ന് കല്‍പ്പറ്റ ഗ്രീന്‍ ഗേറ്റ്സ് ഹോട്ടലില്‍ നടക്കുമെന്ന് ലീഡ് ബാങ്ക് ജില്ലാ മാനേജര്‍ അറിയിച്ചു.

ഇടുക്കി ജില്ലയിലെ പ്രിസം പാനലിലെ ഒഴിവുകളിലേക്ക് അർഹരായ ഉദ്യോഗാർത്ഥികളെ തിരഞ്ഞെടുക്കാനായി നാളെ  ( 27)  വാക്ക് ഇൻ ഇന്റർവ്യൂ നടത്തുമെന്ന് ഇൻഫർമേഷൻ - പബ്ലിക് റിലേഷൻസ് വകുപ്പ് മേഖലാ ഡെപ്യൂട്ടി ഡയറക്ടർ അറിയിച്ചു. ഇൻഫർമേഷൻ അസിസ്റ്റന്റിനെയും കണ്ടൻറ് എഡിറ്ററെയും ആണ് തിരഞ്ഞെടുക്കുക.