ഇടുക്കി ജില്ലാ ലേബര്‍ ഓഫീസിലെ ഔദ്യോഗിക ആവശ്യങ്ങള്‍ക്കായി അഞ്ചില്‍ കുറയാത്ത ആളുകള്‍ക്ക് യാത്രചെയ്യാന്‍ പറ്റുന്ന വാഹനം വാടകയ്ക്ക് ആവശ്യമുണ്ട്. വാഹനം 2010 ന് ശേഷം രജിസ്റ്റര്‍ ചെയ്തതാതായിരിക്കണം. ക്വട്ടേഷനുകള്‍ നവംബര്‍ 13 വൈകീട്ട് 5 ന് മുന്‍പായി ലഭിക്കണം. കൂടുതൽ വിവരങ്ങൾക്ക് 04862 222363.

കഞ്ഞിക്കുഴി സാമൂഹികാരോഗ്യ കേന്ദ്രത്തില്‍ വൈകുന്നേരത്തെ ഓപി യിലേക്ക് ഡോക്ടറെ ദിവസവേതനാടിസ്ഥാനത്തില്‍ നിയമിക്കുന്നു. വാക് ഇന്‍ ഇന്റര്‍വ്യൂ നവംബര്‍ 26 രാവിലെ 11 ന് കഞ്ഞിക്കുഴി സാമൂഹികാരോഗ്യ കേന്ദ്രത്തില്‍ നടക്കും. എംബിബിഎസ്, റ്റിസിഎംസി/കെഎസ്എംസി രജിസ്‌ട്രേഷന്‍ ഉള്ളവര്‍ക്ക് പങ്കെടുക്കാം. യോഗ്യത,പ്രവൃത്തിപരിചയ സര്‍ട്ടിഫിക്കറ്റ് എന്നിവയുടെ അസൽ , പകർപ്പ് എന്നിവയുമായിട്ടാണ് എത്തേണ്ടത്. ഇടുക്കി ബ്ലോക്ക് പഞ്ചായത്തിലെ താമസക്കാർക്ക് മുന്‍ഗണന. 

കൂടുതല്‍ വിവരങ്ങള്‍ക്ക് 7902395715.

കരിമണ്ണൂർ വിത്തുല്‍പാദന കേന്ദ്രത്തിൽ പരിപാലിച്ചു വരുന്ന മലബാറി, മലബാറി ക്രോസ് ഇനത്തില്‍ പെട്ട രണ്ട് മുട്ടനാടുകൾ , എച്ച്എഫ് ഇനത്തില്‍പെട്ട പശു എന്നിവയെ നവംബര്‍ 28 ന് ഉച്ചയ്ക്ക് 2 ന് പരസ്യലേലം നടത്തുന്നു. കൂടുതല്‍ വിവരങ്ങള്‍ക്ക് 9383470831.

ഇടുക്കി ജില്ലാ ലേബര്‍ ഓഫീസിലെ ഔദ്യോഗിക ആവശ്യങ്ങള്‍ക്കായി അഞ്ചില്‍ കുറയാത്ത ആളുകള്‍ക്ക് യാത്രചെയ്യാന്‍ പറ്റുന്ന വാഹനം വാടകയ്ക്ക് ആവശ്യമുണ്ട്. വാഹനം 2010 ന് ശേഷം രജിസ്റ്റര്‍ ചെയ്തതാതായിരിക്കണം. ക്വട്ടേഷനുകള്‍ നവംബര്‍ 13 വൈകീട്ട് 5 ന് മുന്‍പായി ലഭിക്കണം. കൂടുതൽ വിവരങ്ങൾക്ക് 04862 222363.

ഈ വർഷത്തെ സായുധസേന പതാകദിനത്തോടനുബന്ധിച്ച് ജില്ലയില്‍ എട്ടുലക്ഷത്തി ഇരുപതിനായിരം രൂപയുടെ ഫ്ലാഗുകൾ വിതരണം ചെയ്യും. ജില്ലാ സായുധസേന പതാകദിന ഫണ്ട് കമ്മറ്റിയുടേയും ജില്ലാ സൈനിക ക്ഷേമബോര്‍ഡിന്റേയും സംയുക്തയോഗത്തിലാണ് തിരുമാനം.

ഇൻഫർമേഷൻ പബ്ലിക് റിലേഷൻസ് വകുപ്പും ജില്ലാ ഭരണകൂടവും സംയുക്തമായി നവംബർ ഒന്നു മുതൽ സംഘടിപ്പിച്ച ഭരണഭാഷ വാരാഘോഷം സമാപിച്ചു.കളക്ടറേറ്റ് കോൺഫറൻസ് ഹാളിൽ നടന്ന സമാപനസമ്മേളനം ജില്ലാ കളക്ടർ വി വിഗ്നേശ്വരി ഉദ്ഘാടനം ചെയ്തു. മലയാളഭാഷയുടെ പൈതൃകവും അടയാളവും കാത്തുസൂക്ഷിക്കാൻ നമുക്ക് ഓരോരുത്തർക്കും ഉത്തരവാദിത്തമുണ്ടെന്നും സർക്കാർ നടപടിക്രമങ്ങളിൽ ഭരണഭാഷ കുറ്റമറ്റ രീതിയിൽ ഉപയോഗിക്കുന്നതിനുള്ള നടപടികൾ സ്വീകരിക്കുമെന്നും കളക്ടർ പറഞ്ഞു. ജില്ലാ അഡീഷണൽ മജിസ്ട്രേറ്റ് ഷൈജു പി ജേക്കബ് പരിപാടിയിൽ അധ്യക്ഷത വഹിച്ചു. 

സംസ്ഥാനസ്‌കൂള്‍ കായികമേളയിലെ സീനിയര്‍ ആണ്‍കുട്ടികളുടെ വോളിബോളില്‍ കോഴിക്കോട് ചാമ്പ്യന്‍മാരായത് കഴിഞ്ഞ വര്‍ഷത്തെ വിജയികളായ കോട്ടയത്തെ തോല്‍പ്പിച്ച്. ഒന്നിനെതിരേ മൂന്ന് സെറ്റുകള്‍ക്കാണ് വിജയം. തിരുവനന്തപുരം മൂന്നാം സ്ഥാനം നേടി.

മലയാള ഭാഷയുടെ ഭാവി സുരക്ഷിതമാണെന്ന പ്രതീക്ഷയാണ് യുവതലമുറ നൽകുന്നതെന്നു പ്രശസ്ത നോവലിസ്റ്റ്  ടി. ഡി രാമകൃഷ്ണൻ പറഞ്ഞു. 
ജില്ലാ ഭരണകൂടവും ഇൻഫർമേഷൻ പബ്ലിക് റിലേഷൻസ് വകുപ്പും സംയുക്തമായി സംഘടിപ്പിച്ച ഭരണഭാഷാ വാരാഘോഷത്തിന്റെ സമാപന സമ്മേളനത്തിൽ മുഖ്യാതിഥിയായി പങ്കെടുത്തു സംസാരിക്കുകയായിരുന്നു അദ്ദേഹം.