കണ്ണൂര്‍ ഡയറ്റ് ക്യാമ്പസിനകത്തെ ചേറുമരം മുറിച്ചുമാറ്റി ലേലം ചെയ്യുന്നതിനും കാറ്റാടി മരത്തിന്റെ ചില്ലകള്‍ ലേലം ചെയ്യുന്നതിനുമുള്ള ക്വട്ടേഷനുകള്‍ ക്ഷണിച്ചു.  ക്വട്ടേഷനുകള്‍ നവംബര്‍ 15 നകം പാലയാടിലെ കണ്ണൂര്‍ ഡയറ്റ് ഓഫീസില്‍ സമര്‍പ്പിക്കണം. ഫോണ്‍ : 0490 2346658, വെബ്സൈറ്റ് dietkannur@gmail.com
 

കണ്ണൂര്‍ ജില്ലയിലെ പെരിങ്ങോം കരിന്തളം ഏകലവ്യ മോഡല്‍ റസിഡന്‍ഷ്യല്‍ സ്പോര്‍ട്സ് സ്‌കൂളില്‍ ജൂനിയര്‍ ഹെല്‍ത്ത് നഴ്സിനെ കരാര്‍ അടിസ്ഥാനത്തില്‍ നിയമിക്കുന്നു. കേരള നഴ്സ് ആന്റ് മിഡ് വൈവ്സ്- ഇന്ത്യന്‍ നഴ്‌സിങ് കൗണ്‍സില്‍ അംഗീകരിച്ച എന്‍ എന്‍ എം സര്‍ട്ടിഫിക്കറ്റ്, ഹെല്‍ത്ത് വര്‍ക്കേഴ്സ് ട്രെയിനിംഗ് സര്‍ട്ടിഫിക്കറ്റ് യോഗ്യതയുള്ള പട്ടികവര്‍ഗ്ഗ ഉദ്യോഗാര്‍ഥികള്‍ക്ക് അപേക്ഷിക്കാം. സര്‍ക്കാര്‍ അംഗീകൃത സ്ഥാപനങ്ങളില്‍ മുന്‍പരിചയമുള്ളവര്‍ക്ക് മുഗണന നല്‍കും. യോഗ്യതയുള്ളവര്‍ ഏകലവ്യ മോഡല്‍ റെസിഡന്‍ഷ്യല്‍ സ്പോര്‍ട്സ് സ്‌കൂളില്‍ നവംബര്‍ 12 ന് രാവിലെ 10 ന് അസ്സല്‍ സര്‍ട്ടിഫിക്കറ്റുമായി കൂടിക്കാഴ്ചക്ക് എത്തണം.

മാലിന്യ നിര്‍മാര്‍ജന സംവിധാനങ്ങളില്‍ കുട്ടികളുടെ പങ്കാളിത്തം ഉറപ്പുവരുത്തുക എന്ന ലക്ഷത്തോടെ നവംബര്‍ 14 ന് തദ്ദേശ ഭരണ സ്ഥാപനങ്ങളില്‍ കുട്ടികളുടെ ഹരിതസഭ സംഘടിപ്പിക്കും. മാലിന്യ മുക്തം നവകേരളം ജനകീയ ക്യാമ്പയിനിന്റെ ഭാഗമായാണ് ഹരിത സഭകള്‍ സംഘടിപ്പിക്കുന്നത്. കുട്ടികള്‍ ഉന്നയിച്ച നൂതന ആശയങ്ങള്‍ മാലിന്യ മുക്ത നവകേരളം സൃഷ്ടിക്കുന്നതിന് പ്രയോജനകരമായി മാറി എന്ന കണ്ടത്തലിന്റെ ഭാഗമായാണ് ഈ വര്‍ഷവും ഹരിത സഭ സംഘടിപ്പിക്കുന്നത്.  സര്‍ക്കാര്‍ നിര്‍ദ്ദേശ പ്രകാരം ഒരു ഹരിത സഭയില്‍ 150 മുതല്‍ 200 കുട്ടികളാണ് തദ്ദേശ സ്വയംഭരണ സ്ഥാപന പരിധിയിലെ എല്ലാ സ്‌കൂളുകളില്‍ നിന്നുമായി പങ്കെടുക്കേണ്ടത്.

വളപട്ടണം - കണ്ണപുരം  റെയില്‍വെ സ്റ്റേഷനുകള്‍ക്കിടയിലുള്ള ഇരിണാവ് റോഡ് - അഞ്ചാംപീടിക ( ഇരിണാവ്) ലെവല്‍ ക്രോസ് നവംബര്‍ എട്ടിന് രാവിലെ 10 മുതല്‍ വൈകുന്നേരം ആറ് വരെ അറ്റകുറ്റപണികള്‍ക്കായി അടച്ചിടുമെന്ന് സീനിയര്‍ സെക്ഷന്‍ എഞ്ചിനീയര്‍ അറിയിച്ചു.
 

കണ്ണൂർ ഡിടിപിസി, കേന്ദ്ര ടൂറിസം മന്ത്രാലയം കൊച്ചി ഓഫീസ്, കേരള അഡ്വഞ്ചർ ടൂറിസം പ്രൊമോഷൻ സൊസൈറ്റി എന്നിവയുടെ സഹകരണത്തോടെ നവംബർ 24 ന്  പറശ്ശിനിക്കടവ് മുതൽ അഴീക്കൽ പോർട്ട് വരെ സംഘടിപ്പിക്കുന്ന ദേശീയ കയാക്കിങ് ചാമ്പ്യൻഷിപ്പ് കണ്ണൂർ കയാക്കത്തോൺ സംഘാടക സമിതി യോഗം കെ വി സുമേഷ് എം എൽ എ ഉൽഘാടനം ചെയ്തു.
ടൂറിസം വകുപ്പ് ഡെപ്യുട്ടി ഡയറക്ടർ മനോജ് ടിസി അധ്യക്ഷത വഹിച്ചു.

ജില്ലാ സാമൂഹ്യനീതി വകുപ്പിന്റെയും ജില്ലാ ഇൻഫർമേഷൻ ഓഫീസിന്റെയും ആഭിമുഖ്യത്തിലുള്ള ഭരണഭാഷാ വാരാഘോഷം അഴീക്കോട്ടെ കണ്ണൂർ ഗവ വ്യദ്ധസദനത്തിൽ കണ്ണൂർ ബ്ലോക്ക് പഞ്ചായത്ത് പ്രസിഡന്റ് കെ സി ജിഷ ഉദ്ഘാടനം ചെയ്തു. ജില്ലാ ഇൻഫർമേഷൻ ഓഫീസർ പി പി വിനീഷ് അധ്യക്ഷനായി. മുഖ്യാതിഥി മാധ്യമപ്രവർത്തകൻ ഡോ ദിനേശൻ കരിപ്പള്ളി പ്രഭാഷണം നടത്തി. ജില്ലാ സാമൂഹ്യ നീതി ഓഫിസർ ബിജു പി, ശ്രീനാഥ്, ഗവ. വ്യദ്ധസദനം സൂപ്രണ്ട് രാധിക പി ആർ, മധുസൂദനൻ എന്നിവർ സംസാരിച്ചു. ഗീത, അഷ്റഫ്, ശ്രീജ എന്നിവർ കലാപരിപാടികൾ അവതരിപ്പിച്ചു.

പുതിയ ജീവിത നൈപുണികൾ കുട്ടികളെ പഠിപ്പിക്കണം:
ബാലാവകാശ കമ്മീഷൻ

 കെയർ ഫോർ ആലപ്പിയുടെ ഭാഗമായി സംഘടിപ്പിച്ച  വിമുക്ത ഭടൻമാരുടെ സംഗമം ജില്ലാ കളക്ടർ അലക്‌സ് വർഗീസ് കളക്ട്രേറ്റിൽ ഉദ്ഘാടനം   ചെയ്തു. കെയർ ഫോർ ആലപ്പി ചെയർമാൻ ബ്രിഗേഡിയർ സി വി അജയ്  പരിപാടിയിൽ അധ്യക്ഷത വഹിച്ചു.  ജില്ലാ സൈനിക ക്ഷേമ ഓഫീസർ വി സുധാകരൻ, കേണൽ സി വിജയകുമാർ,  പ്രേംസായ് ഹരിദാസ്, കെ രാമചന്ദ്രൻ പിള്ള  എന്നിവർ സംസാരിച്ചു.

(പി.ആർ/എ.എൽ.പി./2281)

കമ്പളക്കാട് ഇലക്ട്രിക്കല്‍ സെക്ഷനില്‍ അറ്റകുറ്റപണികള്‍ നടക്കുന്നതിനാല്‍ മില്ലുമുക്ക്, തെങ്ങില്‍പാടി, പച്ചിലക്കാട്, അരിഞ്ചേര്‍മല, മുക്രാമൂല  ഭാഗങ്ങളില്‍ ഇന്ന് (നവംബര്‍ 7) രാവിലെ 9 മുതല്‍ വൈകിട്ട് 5 വരെ പൂര്‍ണ്ണമായോ ഭാഗികമായോ വൈദ്യുതി മുടങ്ങുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

വെള്ളമുണ്ട ഇലക്ട്രിക്കല്‍ സെക്ഷനില്‍ അറ്റകുറ്റപണികള്‍ നടക്കുന്നതിനാല്‍ ഹരിതം, ദ്വാരക സ്‌കൂള്‍, പാസ്റ്ററൽ സെന്റര്‍ ട്രാന്‍സ്‌ഫോര്‍മര്‍ പരിധിയിലും  കൈതകെട്ട്-കാപ്പുംകുന്ന് റോഡ് ഭാഗത്തും ഇന്ന് (നവംബര്‍ 7) രാവിലെ 8.30 മുതല്‍ വൈകിട്ട് 5.30 വരെ വൈദ്യുതി വിതരണം മുടങ്ങും.