കെയർ ഫോർ ആലപ്പിയുടെ ഭാഗമായി സംഘടിപ്പിച്ച  വിമുക്ത ഭടൻമാരുടെ സംഗമം ജില്ലാ കളക്ടർ അലക്‌സ് വർഗീസ് കളക്ട്രേറ്റിൽ ഉദ്ഘാടനം   ചെയ്തു. കെയർ ഫോർ ആലപ്പി ചെയർമാൻ ബ്രിഗേഡിയർ സി വി അജയ്  പരിപാടിയിൽ അധ്യക്ഷത വഹിച്ചു.  ജില്ലാ സൈനിക ക്ഷേമ ഓഫീസർ വി സുധാകരൻ, കേണൽ സി വിജയകുമാർ,  പ്രേംസായ് ഹരിദാസ്, കെ രാമചന്ദ്രൻ പിള്ള  എന്നിവർ സംസാരിച്ചു.

(പി.ആർ/എ.എൽ.പി./2281)

കമ്പളക്കാട് ഇലക്ട്രിക്കല്‍ സെക്ഷനില്‍ അറ്റകുറ്റപണികള്‍ നടക്കുന്നതിനാല്‍ മില്ലുമുക്ക്, തെങ്ങില്‍പാടി, പച്ചിലക്കാട്, അരിഞ്ചേര്‍മല, മുക്രാമൂല  ഭാഗങ്ങളില്‍ ഇന്ന് (നവംബര്‍ 7) രാവിലെ 9 മുതല്‍ വൈകിട്ട് 5 വരെ പൂര്‍ണ്ണമായോ ഭാഗികമായോ വൈദ്യുതി മുടങ്ങുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

വെള്ളമുണ്ട ഇലക്ട്രിക്കല്‍ സെക്ഷനില്‍ അറ്റകുറ്റപണികള്‍ നടക്കുന്നതിനാല്‍ ഹരിതം, ദ്വാരക സ്‌കൂള്‍, പാസ്റ്ററൽ സെന്റര്‍ ട്രാന്‍സ്‌ഫോര്‍മര്‍ പരിധിയിലും  കൈതകെട്ട്-കാപ്പുംകുന്ന് റോഡ് ഭാഗത്തും ഇന്ന് (നവംബര്‍ 7) രാവിലെ 8.30 മുതല്‍ വൈകിട്ട് 5.30 വരെ വൈദ്യുതി വിതരണം മുടങ്ങും.

**ആരോ​ഗ്യ പാചകവും ജീവിതശൈലി രോ​ഗ നിർണയ ക്യാമ്പും സംഘടിപ്പിച്ചു

ഭാരതീയ ചികിത്സാ വകുപ്പിന്റെ ആഭിമുഖ്യത്തിൽ 9-ാമത് ആയുർവേദ ദിനാചരണത്തോടനുബന്ധിച്ച് സംഘടിപ്പിച്ച ഒരാഴ്ച നീണ്ടുനിന്ന വിവിധ പരിപാടികൾക്ക് സമാപനമായി. കളക്ട്രേറ്റ് കോൺഫറൻസ് ഹാളിൽ സംഘടിപ്പിച്ച ചടങ്ങിൽ ജില്ലാ കളക്ടർ അനുകുമാരി സമാപന സമ്മേളനം ഉദ്ഘാടനം ചെയ്തു. ആരോ​ഗ്യമാണ് എല്ലാ സമ്പത്തിനേക്കാളും വലുതെന്നും അത് കാത്തുസൂക്ഷിക്കാൻ ആയുർവേദവും നല്ല ജീവിതശൈലികളും പിന്തുടരണമെന്നും ജില്ലാ കളക്ടർ പറഞ്ഞു.

അസാപ് കേരളയുടെ കമ്മ്യൂണിക്കേറ്റ് ഇംഗ്ലീഷ് ട്രെയിനർ കോഴ്‌സിലേക്ക് അപേക്ഷ ക്ഷണിച്ചു. വിഴിഞ്ഞത്തുള്ള  അസാപ്പ് കമ്യൂണിറ്റി സ്‌കിൽ പാർക്കിലാണ് പരിശീലനം നടക്കുക. ശനി, ഞായർ ദിവസങ്ങളിലാണ് ക്ലാസ്. 14,750 രൂപയാണ് കോഴ്‌സ് ഫീസ്. കൂടുതൽ വിവരങ്ങൾക്ക് 9495999697, 7012127574

രജിസ്‌ട്രേഷൻ വകുപ്പ് തിരുവനന്തപുരം ജില്ലയുടെ ആഭിമുഖ്യത്തിൽ നടന്ന ഭരണഭാഷാ വാരഘോഷം രജിസ്‌ട്രേഷൻ വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്തു. മലയാള ഭാഷയുടെ പ്രാധാന്യത്തെക്കുറിച്ചും മാതൃഭാഷയെ സംരക്ഷിക്കേണ്ടതിന്റെ ആവശ്യകത സംബന്ധിച്ചും മന്ത്രി സംസാരിച്ചു. ചടങ്ങിൽ അദ്ദേഹം ഗാനം ആലപിച്ചു.

രജിസ്‌ട്രേഷൻ  ഇൻസ്പെക്ടർ ജനറൽ ശ്രീധന്യ സുരേഷ് അധ്യക്ഷത വഹിച്ച യോഗത്തിൽ കേരള ചലച്ചിത്ര അക്കാദമി ചെയർമാൻ പ്രേം കുമാർ മുഖ്യാതിഥി ആയിരുന്നു.

ജില്ലാ രജിസ്ട്രാർ ജനറൽ പി.പി നൈനാൻ, ഡി.ഐ.ജി കെ.എൻ സുമംഗലാ ദേവി, ജില്ലാ രജിസ്ട്രാർ ഓഡിറ്റ് പ്രസാദ്.കെ, ജീവനക്കാർ എന്നിവരും പങ്കെടുത്തു.

**ജില്ലാ കളക്ടറുടെ നേതൃത്വത്തിൽ അവലോകനയോഗം ചേർന്നു

വെട്ടുകാട് മാദ്രെ ദെ ദേവൂസ് ദേവാലയത്തിലെ തിരുന്നാൾ മഹോത്സവത്തോടനുബന്ധിച്ച് വിവിധ വകുപ്പുകളുടെ പ്രവർത്തനങ്ങൾ അവസാനഘട്ടത്തിലെത്തുന്നു. പ്രവർത്തന പുരോഗതി വിലയിരുത്തുന്നതിനായി ജില്ലാ കളക്ടർ അനുകുമാരിയുടെ അധ്യക്ഷതയിൽ വെട്ടുകാട് മരിയൻ ഹാളിൽ അവലോകനയോഗം ചേർന്നു. ആന്റണിരാജു എം.എൽ.എ സന്നിഹിതനായിരുന്നു.

മുൻവർഷത്തെക്കാൾ മികച്ച രീതിയിൽ തിരുനാൾ ഉത്സവത്തിനുള്ള ക്രമീകരണങ്ങൾ നടത്തണമെന്ന് വിവിധ വകുപ്പ് ഉദ്യോഗസ്ഥരോട് ആന്റണി രാജു എം.എൽ.എ പറഞ്ഞു.