നിയമ വകുപ്പിന്റെ ഔദ്യോഗികഭാഷാപ്രസിദ്ധീകരണ സെല്ലിന്റെ ആഭിമുഖ്യത്തിൽ സെക്രട്ടേറിയറ്റ് അനക്‌സ് ശ്രുതി ഹാളിൽ സംഘടിപ്പിച്ച ഭരണഭാഷാ വാരാഘോഷം നിയമ സെക്രട്ടറി കെ. ജി. സനൽ കുമാർ ഉദ്ഘാടനം ചെയ്തു. നിയമങ്ങൾ മലയാളത്തിലേക്ക് പരിഭാഷപ്പെടുത്തുന്നതിന് പ്രത്യേക പരിഗണന നിയമവകുപ്പ് നൽകുന്നുണ്ടെന്നും സാധാരണക്കാർക്ക് മനസിലാകുന്ന തരത്തിൽ കേന്ദ്രനിയമങ്ങളുൾപ്പെടെ മലയാളത്തിലേക്ക് മൊഴിമാറ്റുന്നതിനുള്ള നടപടികൾ സ്വീകരിക്കുന്നുണ്ടെന്നും അദ്ദേഹം പറഞ്ഞു.

*1.93 കോടി ജനങ്ങൾ സ്ഥിര യു.എച്ച്.ഐ.ഡി. രജിസ്‌ട്രേഷൻ എടുത്തു

        കേരള സംസ്ഥാന വനിതാ വികസന കോർപ്പറേഷന്റെ ഫിനിഷിങ് സ്കൂളായ റീച്ച് കമ്മ്യൂണിക്കേറ്റീവ് ഇംഗ്ലീഷ് കോഴ്സ് പരിശീലനത്തിനായി അപേക്ഷ ക്ഷണിച്ചു. ഓൺലൈൻ ക്ലാസുകളും തിരുവനന്തപുരം കേന്ദ്രത്തിൽ ഓഫ്‌ലൈൻ പരിശീലനവുമുണ്ട്. പ്ലസ് ടു, ഡിഗ്രി യോഗ്യതയുള്ളവർ നവംബർ 13ന് മുമ്പായി അപേക്ഷിക്കണം.

        കൊല്ലം ഇൻഡസ്ട്രിയൽ ട്രൈബ്യൂണൽ സുനിത വിമൽ നവംബർ 4, 11, 18, 25 തീയതികളിൽ കോട്ടയത്തും 6, 13, 20, 27 തീയതികളിൽ പുനലൂരിലും 2, 16, 23, 30 തീയതികളിൽ പീരുമേടും 26 ന് തൊടുപുഴയിലും മറ്റ് പ്രവൃത്തിദിനങ്ങളിൽ ആസ്ഥാനത്തും തൊഴിൽ തർക്ക,  എംപ്ലോയീസ് ഇൻഷുറൻസ്, എംപ്ലോയീസ് കോമ്പൻസേഷൻ കേസുകളിൽ വിചാരണ നടത്തും.

കേരള മഹിള സമഖ്യ സൊസൈറ്റിയുടെ ചുമതലയിൽ വനിത ശിശുവികസന വകുപ്പിന്റെ സഹായത്തോടെ തൃശ്ശൂർ ജില്ലയിൽ പ്രവർത്തിക്കുന്ന എൻട്രി ഹോം ഫോർ ഗേൾസിൽ സെക്യൂരിറ്റി തസ്തികയിലേക്ക് അഭിമുഖം നടത്തും. എസ്.എസ്.എൽ.സിയാണ് യോഗ്യത. അപേക്ഷകർക്ക് 23 വയസ്സ് പൂർത്തിയാകണം. പ്രതിമാസം വേതനം 10,000 രൂപ.

       കേരള വനഗവേഷണ സ്ഥാപനത്തിൽ സമയബന്ധിത ഗവേഷണ പദ്ധതിയിലേക്ക് പ്രോജക്ട് ഫെല്ലോയുടെ താത്കാലിക ഒഴിവിൽ നിയമിക്കുന്നതിന് 12ന് രാവിലെ 10 മണിക്ക് കേരള വനഗവേഷണ സ്ഥാപനത്തിന്റെ തൃശൂർ പീച്ചിയിലെ ഓഫീസിൽ ഇന്റർവ്യൂ നടത്തും.

        ഗുരു ഗോപിനാഥ് നടനഗ്രാമത്തിൽ ശിശു ദിനാഘോഷത്തോടനുബന്ധിച്ച് 10 ന് രാവിലെ 10 മണി മുതൽ കാലിഗ്രാഫി, കാരിക്കേച്ചർ ക്യാമ്പ് സംഘടിപ്പിക്കും. കൂടുതൽ വിവരങ്ങൾക്ക്: 8547913916.

ആലപ്പുഴ ഗവണ്‍മെന്റ് ടി.ഡി മെഡിക്കല്‍ കോളേജ് ആശുപത്രിയിലേക്ക് യു.എല്‍.വി ആപ്ലിക്കേറ്റര്‍ (ട്വിസ്റ്റര്‍ മോഡല്‍-ഫ്യുമിഗേഷന്‍ മെഷിന്‍) വിതരണം ചെയ്യുന്നതിനായി ക്വട്ടേഷനുകള്‍ ക്ഷണിച്ചു. അവസാന തീയതി നവംബര്‍ 13 പകല്‍ മൂന്ന് മണിവരെ. ഫോണ്‍: 0477-2282021.

(പി.ആർ/എ.എൽ.പി./2280)

കായംകുളം  ആർ എം എസ്- മാവേലിക്കര - താമരക്കുളം-നൂറനാട്-പടനിലം റൂട്ടിൽ തപാലുകൾ കൊണ്ടുപോവുന്നതിന് വാണിജ്യ വാഹനങ്ങൾ വാടകയ്ക്ക് ലഭ്യമാക്കുന്നതിന് തപാൽ വകുപ്പ്  മാവേലിക്കര ഡിവിഷൻ  പോസ്റ്റ് ഓഫീസ് സൂപ്രണ്ട് ഓൺലൈൻ ടെൻഡർ ക്ഷണിച്ചു. ഓൺലൈൻ ടെൻഡർ https://gem.gov.in എന്ന വെബ്‌സൈറ്റിൽ സമർപ്പിക്കേണ്ട അവസാന തീയതി  നവംബർ 19 വൈകിട്ട് നാല് മണി. ഫോൺ: 0479-2302290,2303293.

(പി.ആർ/എ.എൽ.പി./2279)

മാരാരിക്കുളം - ആലപ്പുഴ റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 50 (സര്‍വോദയ ഗേറ്റ്) നവംബര്‍ ഏഴിന് രാവിലെ എട്ട്  മണി മുതല്‍ നവംബര്‍ എട്ടിന് രാത്രി എട്ട് മണി വരെ അറ്റകുറ്റപണികള്‍ക്കായി അടച്ചിടും.  വാഹനങ്ങള്‍ മേല്‍പറഞ്ഞ സമയം ലെവല്‍ ക്രോസ് നമ്പര്‍ 49 (കലവൂര്‍ റോഡ് ഗേറ്റ്) വഴിയോ ലെവല്‍ ക്രോസ് നമ്പര്‍ 51 (റേഡിയോ സ്‌റ്റേഷന്‍ ഗേറ്റ്) വഴിയോ പോകണം.

(പി.ആർ/എ.എൽ.പി./2278)