അഞ്ചുവർഷംകൊണ്ട് നൂറ് പാലങ്ങൾ എന്നാണ് സർക്കാർ ലക്ഷ്യമിട്ടതെങ്കിലും നാലുവർഷത്തിനുള്ളിൽ തന്നെ നൂറ് പാലങ്ങൾ നിർമ്മാണം പൂർത്തിയാക്കി നാടിന് സമർപ്പിച്ചുവെന്ന് 
പൊതുമരാമത്ത്- ടൂറിസം വകുപ്പുമന്ത്രി അഡ്വ. പി.എ. മുഹമ്മദ് റിയാസ്. മാന്നാനം പാലത്തിൻ്റെ നിർമാണോദ്ഘാടനം ഓൺലൈനായി നിർവഹിച്ചു കൊണ്ട് സംസാരിക്കുകയായിരുന്നു മന്ത്രി. നൂറ്റി അമ്പതുപാലങ്ങൾ എന്ന യാഥാർത്ഥ്യത്തിലേക്ക് എത്തിയെന്നും  പാലം നിർമ്മാണം ഏറ്റവും പ്രധാനപ്പെട്ട ഉത്തരവാദിത്തമായി ഏറ്റെടുത്ത സർക്കാരാണിതെന്നും മന്ത്രി മുഹമ്മദ് റിയാസ് കൂട്ടിച്ചേർത്തു.

 സപ്ലൈകോ ഓണം ജില്ലാ ഫെയർ  തിരുനക്കര മൈതാനത്ത് ചൊവ്വാഴ്ച (ഓഗസ്റ്റ് 26)  രാവിലെ 9.30 ന് സഹകരണ, തുറമുഖ, ദേവസ്വം വകുപ്പു മന്ത്രി വി.എന്‍ വാസവന്‍ ഉദ്ഘാടനം ചെയ്യും.  ചടങ്ങിൽ തിരുവഞ്ചൂർ രാധാകൃഷ്ണൻ എം.എൽ.എ. അധ്യക്ഷത വഹിക്കും. അഡ്വ. കെ ഫ്രാൻസിസ് ജോർജ് എം.പി ആദ്യ വിൽപന നിർവഹിക്കും. ജോസ് കെ. മാണി എം.പി. വിശിഷ്ടാതിഥിയായിരിക്കും
സഞ്ചരിക്കുന്ന ഓണച്ചന്ത ജില്ലാ പഞ്ചായത്ത് പ്രസിഡൻ്റ് ഹേമലത പ്രേംസാഗർ ഫ്ലാഗ് ഓഫ് ചെയ്യും. കോട്ടയം നഗരസഭാധ്യക്ഷ ബിൻസി സെബാസ്റ്റ്യൻ മുഖ്യപ്രഭാഷണം നിർവഹിക്കും.

പെരുവ ഗവൺമെന്റ് ഐ.ടി.ഐ.യിലെ ഡ്രാഫ്റ്റ്‌സ്മാൻ സിവിൽ, കമ്പ്യൂട്ടർ ഓപ്പറേറ്റർ ആൻഡ് പ്രോഗ്രാമിംഗ് അസിസ്റ്റന്റ് എന്നീ ട്രേഡുകളിലെ ഒഴിവുകളിൽ അപേക്ഷിച്ചിട്ട് എത്താനാവാത്തവർക്കും ഇതുവരെ അപേക്ഷിച്ചിട്ടില്ലാത്തവർക്കും  അസൽ സർട്ടിഫിക്കറ്റ്, ആധാർ, ടി സി, മൂന്ന് ഫോട്ടോ, ഫീസ് എന്നിവയുമായി ഐ.ടി.ഐ.യിൽ നേരിട്ടെത്തി പ്രവേശനം നേടാം. യോഗ്യത എസ്.എസ്.എൽ.സി. അവസാന തീയതി: ഓഗസ്റ്റ് 30 ഫോൺ:8592055889,04829-292678.

മൃഗങ്ങളുടെ കടിയേറ്റാൽ പ്രഥമ ശുശ്രൂഷയും കൃത്യസമയത്തുള്ള വാക്‌സിനേഷനും ഏറെ പ്രധാനമെന്ന് ജില്ലാ മെഡിക്കൽ ഓഫീസർ ഡോ. എൻ. പ്രിയ. നായ, പൂച്ച തുടങ്ങിയ മൃഗങ്ങൾ കടിക്കുകയോ മാന്തുകയോ ചെയ്താൽ എത്രയും വേഗം സോപ്പും വെള്ളവും ഉപയോഗിച്ച് 15 മിനിട്ട് ഒഴുകുന്ന വെള്ളത്തിൽ നന്നായി കഴുകണം. പൈപ്പിൽനിന്ന് വെള്ളം നേരിട്ട് തുറന്നുവച്ച് കഴുകുന്നതാണ് ഉത്തമം. മുറിവുകഴുകുന്ന വ്യക്തി നിർബന്ധമായും കൈയുറ ധരിക്കണം. ഇങ്ങനെ കഴുകിയാൽ ഭൂരിഭാഗം അണുക്കളും ഇല്ലാതാകും.

കാഞ്ഞിരപ്പള്ളി ഐ.ടി.ഡി.പി. ഓഫീസിന്റെ പരിധിയിലുള്ള മേലുകാവ് ട്രൈബൽ എക്സ്റ്റൻഷൻ ഓഫീസ് പരിധിയിൽ തയ്യൽ സംരംഭം ആരംഭിക്കുന്നതിന് മോട്ടറോടുകൂടിയ തയ്യൽ മെഷീൻ, പവർ മെഷീൻ, എംബ്രോയിഡറി മെഷീൻ, ലോക്ക് മെഷീൻ, കട്ടിങ് മെഷീൻ, കട്ടിംഗ് ടേബിൾ സ്റ്റൂൾ, കത്രിക, ബോബൻ ആൻഡ് കേസ്, സൂചി, ടേപ്പ്, എണ്ണ, ഷെൽഫ് എന്നീ ഉപകരണങ്ങൾ വിതരണം ചെയ്യുന്നതിന് താത്പര്യമുള്ള അംഗീകൃത സ്ഥാപനങ്ങൾ, സർക്കാർ ഏജൻസികൾ, വ്യക്തികൾ എന്നിവരിൽനിന്ന് ടെൻഡർ ക്ഷണിച്ചു. സെപ്റ്റംബർ ഒൻപത് ഉച്ചകഴിഞ്ഞു മൂന്നുമണിവരെ ടെൻഡറുകൾ സ്വീകരിക്കും. അന്നേദിവസം 3.30 ന് ടെൻഡർ തുറക്കും. വിലാസം: പ്രോജക്ട് ഓഫീസർ, ഐ.റ്റി.ഡി.

കാഞ്ഞിരപ്പള്ളി ഐ.ടി.ഡി.പി. ഓഫീസിന്റെ പരിധിയിലുള്ള കാഞ്ഞിരപ്പള്ളി ബ്ലോക്കിലെ വിവിധ പട്ടികവർഗ സങ്കേതങ്ങളിലേക്ക് വെൽഡിങ് മെഷീൻ, ഹോൾഡർ, കേബിൾ, ഹാൻഡ് കട്ടർ, ഇലക്ട്രിക് വയർ, ഗൺ സ്പാനർ എന്നീ ഉപകരണങ്ങൾ വിതരണം ചെയ്യുന്നതിന് താത്പര്യമുള്ള അംഗീകൃത സ്ഥാപനങ്ങൾ, സർക്കാർ ഏജൻസികൾ, വ്യക്തികൾ എന്നിവരിൽനിന്ന് ടെൻഡർ ക്ഷണിച്ചു. ഓഗസ്റ്റ് 29ന് വൈകിട്ട് മൂന്നിനുള്ളിൽ ടെൻഡറുകൾ നൽകണം. അന്നേദിവസം 3.30 ന് ടെൻഡർ തുറക്കും. വിലാസം: പ്രോജക്ട് ഓഫീസർ, ഐ.റ്റി.ഡി.പി പ്രോജക്ട് ഓഫീസ്, മിനി സിവിൽ സ്റ്റേഷൻ രണ്ടാം നില, കാഞ്ഞിരപ്പള്ളി-686507.വിശദവിവരത്തിന്: 04828 202751.

 ഏറ്റുമാനൂർ ഗവൺമെന്റ് ഐ.ടി.ഐയിലെ ഒഴിവുള്ള സീറ്റുകളിൽ ഓഗസ്റ്റ് 25 മുതൽ ഓഗസ്റ്റ് 30 വരെ സ്‌പോട്ട് അഡ്മിഷൻ നടത്തും. താത്പര്യമുള്ളവർ സർട്ടിഫിക്കറ്റുകളുടെ അസലും പകർപ്പും ഫോട്ടോയുമായി എത്തണം. അപേക്ഷ ഫീസ്: 100 രൂപ. ഫോൺ: 9496800788, 9446607989, 9383460933,0481-2535562.
 

 പള്ളിക്കത്തോട് പി.ടി.സി.എം. ഗവൺമെന്റ് ഐ.ടി.ഐ.യിലെ വിവിധ  ട്രേഡുകളിലുള്ള ഒഴിവുകളിലേയ്ക്ക് ഓഗസ്റ്റ് 25 മുതൽ സ്‌പോട്ട് അഡ്മിഷൻ നടത്തും. താത്പര്യമുള്ളവർ സർട്ടിഫിക്കറ്റുകളുമായി ഐ.ടി.ഐയിൽ നേരിട്ടെത്തണം. അപേക്ഷ ഫീസ്: 100 രൂപ. ഫോൺ: 9846205050, 9188181302, 7907452685.

 കുറിച്ചി ഗ്രാമപഞ്ചായത്തിലെ പൊടിപ്പാറ-പമ്പ് ഹൗസ് റോഡ് 50 ലക്ഷം രൂപ  മുടക്കി ആധുനിക നിലവാരത്തിൽ നിർമിക്കുന്നു. നിർമാണോദ്ഘാടനം ഓഗസ്റ്റ് 25ന് (തിങ്കൾ) പൊടിപ്പാറ ജംഗ്ഷനിൽ വച്ച് അഡ്വ. ജോബ് മൈക്കിൾ എം.എൽ.എ. നിർവഹിക്കും. കുറിച്ചി ഗ്രാമപഞ്ചായത്ത് പ്രസിഡന്റ് സുജാത സുശീലൻ അധ്യക്ഷത വഹിക്കും.

 മൂന്നുവർഷത്തിനകം കേരളത്തിലെ മുഴുവൻ പശുക്കളെയും ഇൻഷുർ ചെയ്യുമെന്ന് മൃഗസംരക്ഷണ-ക്ഷീരവികസന വകുപ്പ് മന്ത്രി ജെ. ചിഞ്ചുറാണി. ക്ഷീരവികസനവകുപ്പിന്റെ ആഭിമുഖ്യത്തിൽ തമ്പലക്കാട് സെന്റ്. തോമസ് ചർച്ച് പാരിഷ്ഹാളിൽ നടന്ന ജില്ലാ ക്ഷീരസംഗമം ഉദ്്ഘാടനം ചെയ്യുകയായിരുന്നു മന്ത്രി.