കേരള സർക്കാരിന്റെ ശാസ്ത്ര സാങ്കേതിക വകുപ്പിനു കീഴിൽ പ്രവർത്തിക്കുന്ന സ്വയംഭരണ ഗവേഷണ സ്ഥാപനമായ  ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് വൈറോളജിയിൽ (ഐ.എ.വി) വൈറോളജി സംബന്ധമായ വിഷയങ്ങളിൽ ഗവേഷണത്തിന് അപേക്ഷ ക്ഷണിച്ചു.

കേരളത്തിൽ ആദ്യമായി ബാച്ചിലർ ഇൻ പ്രൊസ്‌തെറ്റിക് ആൻഡ് ഓർത്തോട്ടിക് ഡിഗ്രി കോഴ്‌സ് നിപ്മറിൽ ആരംഭിക്കുകയാണെന്ന് ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആർ ബിന്ദു പറഞ്ഞു.

പാലക്കാട് നിയമസഭാ മണ്ഡലത്തിലേക്ക് നടക്കുന്ന ഉപതിരഞ്ഞെടുപ്പിന്റെ നാമനിര്‍ദ്ദേശ പത്രികാ സമര്‍പ്പണം അവസാനിച്ചു.  ഇന്ന് (ഒക്ടോബര്‍ 25) ഒമ്പത് പേർ കൂടി നാമനിര്‍ദേശപത്രിക സമര്‍പ്പിച്ചു. ഇതു വരെ  16 പേര്‍ പത്രിക സമര്‍പ്പിച്ചു.

ജില്ലയിലെ മഴക്കാല മുന്നൊരുക്കങ്ങളുമായി ബന്ധപ്പെട്ട് പൊതു വിദ്യാഭ്യാസ വകുപ്പ് മന്ത്രി വി. ശിവൻകുട്ടിയുടെ ചേമ്പറിൽ അടിയന്തരയോഗം ചേർന്നു. ജില്ലാ കളക്ടർ അനു കുമാരി, ഡെപ്യൂട്ടി മേയർ, ഉന്നതതല ഉദ്യോഗസ്ഥർ എന്നിവർ പങ്കെടുത്ത യോഗത്തിൽ ജില്ലയിലെ നിലവിലെ സ്ഥിതിഗതികൾ വിലയിരുത്തി.

യോഗത്തിൽ മന്ത്രി വകുപ്പുകൾ ചെയ്യേണ്ട ചുമതലകൾ നിരീക്ഷിക്കുകയും അടിയന്തര സാഹചര്യമുണ്ടായാൽ ഇടപെടാൻ നിർദ്ദേശം നൽകുകയും ചെയ്തു. അരുവിക്കര,  നെയ്യാർ ഡാമുകൾ ആവശ്യാനുസരണം തുറന്നിട്ടുണ്ടെന്നും ക്യാമ്പുകൾ ആവശ്യമാണെങ്കിൽ പ്രവർത്തിക്കണമെന്നും അറിയിച്ചു.

തിരുവനന്തപുരം ജില്ലയിൽ കന്നത മഴ തുടരുന്ന സാഹചര്യത്തിൽ പൊതുജനങ്ങൾ  അടിയന്തര സാഹചര്യം നേരിടുന്നതിന് ബന്ധപ്പെടേണ്ട നമ്പരുകൾ ചുവടെ നൽകുന്നു.

(1) ജില്ലാ ഡി. ഇ. ഒ. സി തിരുവനന്തപുരം

           0471 - 2779000

            0471- 2730063

             0471- 2730045

മൊബയിൽ നമ്പർ

9497711281

താലൂക്കുകളിലെ കൺട്രോൾ റൂം നമ്പറുകൾ

(1) തിരുവനന്തപുരം - 0471- 2462006
                 
          മൊബയിൽ - 9497711282

(2) നെയ്യാറ്റിൻകര -  0471- 2222227
                  
             മൊബയിൽ -  9497711283

മങ്കട ഗവ. ആര്‍ട്‌സ് ആന്‍ഡ് സയന്‍സ് കോളേജിലെ സെമിനാര്‍ ഹാളില്‍ റോളിങ്ങ് ഷട്ടര്‍ സ്ഥാപിക്കാന്‍ തല്പരരായ സ്ഥാപനങ്ങളില്‍ നിന്ന് ക്വട്ടേഷന്‍ ക്ഷണിച്ചു.  മുദ്രവച്ച കവറിനു പുറത്ത്  റോളിങ് ഷട്ടറുകള്‍ സ്ഥാപിക്കാനുള്ള  ക്വട്ടേഷന്‍ എന്നെഴുതി പ്രിന്‍സിപ്പല്‍, ഗവൺമെൻ്റ് ആർട്ട്സ് ആൻഡ് സയൻസ് കോളേജ്, മങ്കട,  മലപ്പുറം 679 338 എന്ന വിലാസത്തില്‍ ഒക്ടോബര്‍ 30ന് ഉച്ചക്ക് ഒന്നിന് മുമ്പായി സമര്‍പ്പിക്കണം. ക്വട്ടേഷനുകള്‍ അന്നേ ദിവസം ഉച്ചക്ക് രണ്ടിന് തുറക്കും.  കൂടുതല്‍ വിവരങ്ങള്‍ക്ക് ഓഫീസുമായി ബന്ധപ്പെടാം. ഫോണ്‍: 04933202135.

 **വിനോദസഞ്ചാര പ്രവർത്തനങ്ങൾക്കും വിലക്ക്

കേന്ദ്ര കാലാവസ്ഥാ നിരീക്ഷണ കേന്ദ്രം തിരുവനന്തപുരം  ജില്ലയിൽ ഇന്ന് (ഒക്ടോബർ 25) ഓറഞ്ച് അലർട്ട് പ്രഖ്യാപിച്ച സാഹചര്യത്തിൽ, കടലോര- കായലോര- മലയോര മേഖലകളിലേക്കുള്ള അവശ്യസർവീസുകൾ ഒഴികെയുള്ള ഗതാഗതവും ക്വാറിയിങ്, മൈനിങ് പ്രവർത്തനങ്ങളും നിരോധിച്ച് ജില്ലാ ദുരന്തനിവാരണ അതോറിറ്റി ചെയർപേഴ്സൺ കൂടിയായ ജില്ലാ കളക്ടർ അനു കുമാരി ഉത്തരവിട്ടു. കടൽക്ഷോഭത്തിന് സാധ്യതയുള്ളതിനാൽ കടലോര പ്രദേശം ഉൾപ്പെടെയുള്ള  വിനോദസഞ്ചാരത്തിനും നിയന്ത്രണം ഏർപ്പെടുത്തിയിട്ടുണ്ട്.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ നവംബറില്‍ ആരംഭിക്കുന്ന  ഒരു വര്‍ഷം ദൈര്‍ഘ്യമുള്ള പി.ജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍, പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍, ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍  കോഴ്സുകളിലേക്ക്  അപേക്ഷ ക്ഷണിച്ചു. മികച്ച കമ്പനികളില്‍ ഇന്റേണ്‍ഷിപ്പ് ചെയ്യാന്‍  അവസരം ലഭിക്കും. വിവരങ്ങള്‍ക്ക്: 8304926081.

**തിങ്കളാഴ്ച കാര്യവട്ടം എൽ.എൻ.സി.പിയിൽ മന്ത്രി ഒ.ആർ കേളു ഉദ്ഘാടനം ചെയ്യും

പട്ടികവർഗ്ഗ വികസന വകുപ്പിന് കീഴിൽ പ്രവർത്തിക്കുന്ന 22 മോഡൽ റസിഡൻഷ്യൽ സ്‌കൂളുകളിലെയും 118 പ്രീമെട്രിക്, പോസ്റ്റ് മെട്രിക് ഹോസ്റ്റലുകളിലെയും വിദ്യാർത്ഥികളുടെ ഏഴാമത് സംസ്ഥാനതല കായികമേള -'കളിക്കളം 2024' ഒക്ടോബർ 28,29,30 തിയതികളിൽ നടക്കും.കാര്യവട്ടം എൽ.എൻ.സി.പി സ്റ്റേഡിയത്തിൽ നടക്കുന്ന കായികമേള തിങ്കളാഴ്ച രാവിലെ 10ന് പട്ടികജാതി പട്ടികവർഗ്ഗ പിന്നാക്ക ക്ഷേമ വകുപ്പ് മന്ത്രി ഒ. ആർ കേളു ഉദ്ഘാടനം ചെയ്യും. കടകംപള്ളി സുരേന്ദ്രൻ എം.എൽ.എ ഉദ്ഘാടന സമ്മേളനത്തിൽ അധ്യക്ഷത വഹിക്കും.

നവംബർ 26 മുതൽ 30 വരെ കോട്ടക്കൽ രാജാസ് ഹയർസെക്കൻഡറി സ്കൂളിൽ നടക്കുന്ന റവന്യൂ ജില്ലാ കലോത്സവത്തിന് ഭക്ഷണം തയ്യാറാക്കി വിതരണം ചെയ്യുന്നതിനും

പലചരക്ക്, പച്ചക്കറി ഇനങ്ങൾ വിതരണം ചെയ്യുന്നതിനും  ടെൻഡർ ക്ഷണിച്ചു. വിശദവിവരങ്ങൾക്ക് മലപ്പുറം വിദ്യാഭ്യാസ ഉപഡയറക്ടറുടെ ഓഫീസിൽ ബന്ധപ്പെടാം. 

ഫോൺ: 9447960598, 0483 2734888.