ഭിന്നശേഷിക്കാർക്ക് വേണ്ടി പ്രവർത്തിക്കുന്ന സ്ഥാപനങ്ങളുടെ പ്രവർത്തനം, അംഗീകാരം തുടങ്ങിയവ പരിശോധിക്കുന്നതിനും വിലയിരുത്തുന്നതിനും സംസ്ഥാന ഭിന്നശേഷി അവകാശ ചട്ടമനുസരിച്ച് ആലപ്പുഴ ജില്ലയിൽ രൂപീകരിക്കുന്ന വിദഗ്ദ്ധസമിതി പാനലിലേയ്ക്ക് അപേക്ഷ ക്ഷണിച്ചു. സ്പീച്ച് പത്തോളജിസ്റ്റ്, ഓഡിയോളജിസ്റ്റ്, ഒക്ക്യുപ്പേഷണൽ തെറാപ്പിസ്റ്റ്, ഫിസിയോതെറാപ്പിസ്റ്റ്, സൈക്കോളജിസ്റ്റ്, സ്പെഷ്യൽ എജ്യുക്കേറ്റർ എന്നീ തസ്തികയിലേക്കാണ് നിയമനം. ഭിന്നശേഷി വിഭാഗക്കാരുമായി ബന്ധപ്പെട്ട ആരോഗ്യ മേഖലയിൽ അഞ്ചു വർഷത്തെ പ്രവൃത്തിപരിചയമുള്ളവർക്ക് അപേക്ഷിക്കാം.

ആഗസ്റ്റ് 30ന് പുന്നമടക്കായലിൽ നടക്കുന്ന 71-ാമത് നെഹ്റു ട്രോഫി വള്ളംകളിയുടെ ഔദ്യോഗിക തീം സോങ് 'ഓളപ്പോര്' പ്രകാശനം ചെയ്തു. ജില്ലാ കളക്ടറുടെ ചേമ്പറിൽ നടന്ന ചടങ്ങിൽ പി പി ചിത്തരഞ്ജൻ എംഎൽഎ ജില്ലാ കളക്ടർ അലക്സ് വർഗീസിന് കൈമാറിയാണ് പ്രകാശന കർമ്മം നിർവഹിച്ചത്. 

പ്രമുഖ ചലച്ചിത്ര പിന്നണിഗായിക അമൃത സുരേഷാണ് ഗാനം ആലപിച്ചിരിക്കുന്നത്. 'വള്ളം കളി ഓളം കാണാൻ ആർപ്പോ വിളി മേളം കേൾക്കാൻ' എന്ന വരികൾ ഉൾപ്പെടുന്ന ഗാനം രചിച്ചത് ജയൻ തോമസാണ്. ഗൗതം വിൻസന്റിന്റേതാണ് സംഗീത സംവിധാനം. നാലാം തവണയാണ് ഗൗതം വിൻസെന്റ് നെഹ്‌റു ട്രോഫി തീം സോങ്ങിനായി സംഗീതമൊരുക്കുന്നത്. അരുൺ തിലകനാണ്

സപ്ലൈകോ ഓണംഫെയർ 2025 ജില്ലാതല ഉദ്ഘാടനം നാളെ (ആഗസ്റ്റ് 25ന്) തിങ്കളാഴ്ച വൈകുന്നേരം അഞ്ചു മണിക്ക് കൃഷിവകുപ്പ് മന്ത്രി പി പ്രസാദ് നിർവഹിക്കും. വൈകുന്നേരം അഞ്ചുമണിക്ക് പുന്നപ്ര-വയലാർ സ്മാരക ഹാളിൽ നടക്കുന്ന ചടങ്ങിൽ എച്ച് സലാം എംഎൽഎ അധ്യക്ഷനാകും.

2025-2026 സാമ്പത്തിക വര്‍ഷത്തേക്ക് രജിസ്‌ട്രേഷന്‍ വകുപ്പിൻ്റെ ആലപ്പുഴ ജില്ലയിലെ ഓഫീസുകളിലേക്ക് ക്യാമറ ബാറ്ററികള്‍ വാങ്ങുന്നതിലേക്കായി ക്വട്ടേഷന്‍ ക്ഷണിച്ചു. ആഗസ്റ്റ് 27 ഉച്ചയ്ക്ക് മൂന്ന് മണിക്ക് മുമ്പായി ക്വട്ടേഷന്‍ മുദ്രവച്ച കവറില്‍ രജിസ്റ്റേര്‍ഡ് ആയിട്ടോ, നേരിട്ടോ സമർപ്പിക്കാം.

ജില്ലാ രജിസ്ട്രാര്‍ ജനറല്‍ ഓഫീസ്, രജിസ്‌ട്രേഷന്‍ കോംപ്‌ളക്‌സ്, ഹെഡ് പി.ഒ., ആലപ്പുഴ - 688001 സമര്‍പ്പിക്കേണ്ടതാണ്. ഫോണ്‍ - 0477-2253257.

(പിആര്‍/എഎല്‍പി/2530)

ചേര്‍ത്തല താലൂക്കില്‍, അര്‍ത്തുങ്കല്‍ വില്ലേജില്‍,ബ്ലോക്ക് 29 ല്‍, തണ്ടപ്പേര്‍ നമ്പര്‍ 4233ലെ റീസര്‍വ്വെ നമ്പര്‍ 48/26ൽ പെട്ട 02.02 ആര്‍സ് (അഞ്ച് സെൻ്റ്) വസ്തുവും നിര്‍മ്മാണം പൂര്‍ത്തിയാകാറായ കോണ്‍ക്രീറ്റ് വീടും ചമയങ്ങളും ആഗസ്റ്റ് 27 ന് രാവിലെ 11 മണിക്ക് അര്‍ത്തുങ്കല്‍ വില്ലേജ് ഓഫീസില്‍ പരസ്യമായി ലേലം ചെയ്ത് വില്‍ക്കുന്നതാണ്.

ഫോൺ: 0477 2244046,9446588807.

(പിആര്‍/എഎല്‍പി/2529)

ചേര്‍ത്തല താലൂക്കില്‍, അര്‍ത്തുങ്കല്‍ വില്ലേജില്‍, ബ്ലോക്ക് 30 ല്‍, തണ്ടപ്പേര്‍ നമ്പര്‍ 1280ലെ റീസര്‍വ്വെ നമ്പര്‍ 4/3-1 ല്‍ പെട്ട 50.69 ആര്‍സ് (125.25 സെന്‌റ്) വസ്തുവും ചമയങ്ങളും ആഗസ്റ്റ് 29ന് 11 മണിക്ക് അര്‍ത്തുങ്കല്‍ വില്ലേജോഫീസില്‍ പരസ്യമായി ലേലം ചെയ്ത് വില്‍ക്കുന്നതാണ്.

ഫോൺ: 0477 2244046,9446588807

(പിആര്‍/എഎല്‍പി/2528)

ചേര്‍ത്തല സബ് ജില്ലയിലെ ജി.എച്ച്.എസ്സ്.എസ്സ് ചേര്‍ത്തല സൗത്ത് സ്‌കൂളിലെ ഒന്ന് മുതല്‍ എട്ടാം ക്ലാസ് വരെയുള്ള 308 ആണ്‍, പെണ്‍കുട്ടികള്‍ക്ക് രണ്ട് ജോഡി സ്‌കൂള്‍ യൂണിഫോം വിതരണത്തിന് ടെൻഡർ ക്ഷണിച്ചു. വിശദവിവരങ്ങള്‍ക്ക് സ്‌കൂള്‍ ഓഫീസുമായി ബന്ധപ്പെടുക. അവസാന തീയതി ആഗസ്റ്റ് 26 വൈകിട്ട് 3 മണി. ഫോണ്‍: 0478-2813878.

(പിആര്‍/എഎല്‍പി/2527)

ആഴക്കടൽ മത്സ്യബന്ധന യാനങ്ങള്‍ വിതരണം ചെയ്യുന്ന പി എം എം എസ് വൈ (2023-24) പദ്ധതിക്ക് അപേക്ഷ ക്ഷണിച്ചു. വ്യക്തികൾ, ഗ്രൂപ്പുകൾ, സഹകരണ സംഘങ്ങൾ എന്നിവർക്ക് അപേക്ഷിക്കാം. 1.20 കോടി രൂപയാണ് പദ്ധതിയുടെ യൂണിറ്റ് ചെലവ്. ഇതില്‍ 40 ശതമാനം (48 ലക്ഷം രൂപ) സർക്കാർ സബ്സിഡിയും ബാക്കി 60 ശതമാനം (72 ലക്ഷം രൂപ) ഗുണഭോക്തൃ വിഹിതവുമാണ്.

പുനർഗേഹം പദ്ധതിയുടെ ഭാഗമായി പുറക്കാട് മണ്ണുംപുറത്ത് നിർമ്മിക്കുന്ന ഫ്ലാറ്റുകളുടെ അവശേഷിക്കുന്ന പണികൾ ഉടൻ പൂർത്തിയാക്കി ഗുണഭോക്താക്കൾക്ക് കൈമാറാനുള്ള നടപടികൾ സ്വീകരിക്കണമെന്ന് ജില്ലാ വികസന സമിതി യോഗം ഉദ്യോഗസ്ഥർക്ക് നിർദ്ദേശം നൽകി. നവംബർ ഒന്നിന് അതിദാരിദ്ര്യമുക്ത കേരളം പ്രഖ്യാപനത്തിന് മുന്നോടിയായി ജില്ലയിലെ അതിദാരിദ്ര്യ വിഭാഗത്തിൽപ്പെട്ടവരെ കണ്ടെത്തി അവരെയും പുനർഗേഹം ഫ്ലാറ്റിന്റെ ഗുണഭോക്തൃ പട്ടികയിൽ ഉൾപ്പെടുത്തി ഫ്ലാറ്റുകൾ കൈമാറണമെന്നും വികസന സമിതി യോഗം നിർദ്ദേശം നൽകി. 

ജില്ല കളക്ടർ അലക്സ് വർഗീസിന്റെ അധ്യക്ഷതയിലാണ് വികസന സമിതി യോഗം ചേർന്നത്.

ആഗസ്റ്റ് 30ന് പുന്നമടക്കായലില്‍ നടക്കുന്ന 71-ാമത് ട്രോഫി സ്വന്തമാക്കുന്ന ചുണ്ടന്‍ വള്ളത്തിന്റെ പേര് പ്രവചിച്ച് സമ്മാനം നേടാം. നെഹ്‌റു ട്രോഫി പബ്ലിസിറ്റി കമ്മിറ്റിയാണ് മത്സരം സംഘടിപ്പിക്കുന്നത്. വിജയിക്ക് ആലപ്പുഴ പാലത്ര ഫാഷന്‍ ജ്വല്ലറി സ്‌പോണ്‍സര്‍ ചെയ്യുന്ന പി.ടി. ചെറിയാന്‍ സ്മാരക കാഷ് അവാര്‍ഡ് (10001 രൂപ) സമ്മാനമായി ലഭിക്കും. ചുണ്ടന്‍ വള്ളങ്ങളുടെ ഫൈനലില്‍ ഒന്നാമത് ഫിനിഷ് ചെയ്ത് നെഹ്‌റു ട്രോഫി സ്വന്തമാക്കുന്ന ചുണ്ടന്റെ പേര്, എന്‍ട്രി അയയ്ക്കുന്നയാളുടെ പേര്, വിലാസം, ഫോണ്‍ നമ്പര്‍ എന്നിവ തപാൽ കാർഡിൽ എഴുതിയാണ് അയക്കേണ്ടത്. ഒരാള്‍ക്ക് ഒരു വള്ളത്തിന്റെ പേര് മാത്രമേ പ്രവചിക്കാനാകൂ.