കണ്ണപുരം പഞ്ചായത്ത് സമ്പൂർണ ലൈബ്രറി പ്രഖ്യാപനം ചെറുകുന്ന് സൗത്ത് എൽ പി സ്‌കൂളിൽ നടത്തി.   ഡോ വി ശിവദാസൻ എം പി ഉദ്ഘാടനം നിർവ്വഹിച്ചു കണ്ണപുരം പഞ്ചായത്ത് പ്രസിഡന്റ് കെ രതി അധ്യക്ഷയായി. പഞ്ചായത്തിലെ 14 വാർഡുകളിലായി 17 ലൈബ്രറികളാണ്  പ്രവർത്തിക്കുന്നത്.

സംസ്ഥാന പട്ടികജാതി പട്ടികഗോത്രവർഗ കമ്മീഷൻ ജില്ലയിൽ നടത്തിയ അദാലത്തിൽ 53 കേസുകൾ തീർപ്പാക്കി. പോലീസ്, റവന്യൂ, തദ്ദേശ സ്വയംഭരണം തുടങ്ങിയ വകുപ്പുകളുമായി ബന്ധപ്പെട്ട് കമ്മീഷന്റെ മുമ്പാകെ സമർപ്പിച്ചതും വിചാരണയിലിരിക്കുന്നതുമായ 66 പരാതികളാണ് ചെയർമാൻ ശേഖരൻ മിനിയോടന്റെയും അംഗങ്ങളായ അഡ്വ. സേതു നാരായണൻ, ടി.കെ വാസു എന്നിവരുടെയും നേതൃത്വത്തിൽ കമ്മീഷൻ പരിഗണിച്ചത്.

നവംബർ 27, 28 തീയതികളിൽ ആറളംഫാം നിവാസികൾക്കായി പ്രത്യേക അദാലത്ത് നടത്തുമെന്ന് സംസ്ഥാന പട്ടികജാതി പട്ടികഗോത്ര വർഗ കമ്മീഷൻ ചെയർമാൻ ശേഖരൻ മിനിയോടൻ അറിയിച്ചു. കളക്ടറേറ്റ് ഓഡിറ്റോറിയത്തിൽ കമ്മീഷന്റെ പരാതി പരിഹാര അദാലത്തിന് ശേഷം  സംസാരിക്കുകയായിരുന്നു ചെയർമാൻ. നവംബർ 28ന് പട്ടികജാതി പട്ടിക ഗോത്രവർഗ വകുപ്പിന്റെ സംസ്ഥാന ഡയറക്ടർ ഉൾപ്പെടെയുള്ളവരുമായി ഫാമിലെ പ്രശ്നങ്ങൾ ചർച്ചചെയ്യും. ഉന്നതികൾ സന്ദർശിക്കും. ആറളം ഫാമിൽ നിലവിലുള്ള കുടിവെള്ള ലഭ്യത, റവന്യൂ, കെട്ടിട സൗകര്യം തുടങ്ങിയവ പരിശോധിക്കും.

26ന് തളിപ്പറമ്പ് താലൂക്ക് തല അദാലത്ത്

ജില്ലാ  ലൈബ്രറി കൗൺസിൽ പുസ്തകോത്സവത്തിന് തുടക്കമായി

ജില്ലാ വികസന സമിതി യോഗം ഒക്ടോബർ 26ന് രാവിലെ 11 ന് കളക്ടറേറ്റ് ഓഡിറ്റോറിയത്തിൽ ചേരും.

ലോക്‌സഭാ  ഉപതെരഞ്ഞെടുപ്പിനോടനുബന്ധിച്ച്  എക്‌സൈസ് വകുപ്പ്  കണ്‍ട്രോള്‍ റൂം തുറന്നു. അബ്കാരി, എന്‍.ഡി.പി.എസ്  എന്നിവയുമായി ബന്ധപ്പെട്ട ഉത്പ്പ്പാദനം, വില്‍പ്പന, കടത്ത് എന്നിവ സംബന്ധിച്ച  പരാതികളും കൃത്യമായ വിവരങ്ങളും പൊതുജനങ്ങള്‍ക്കും, സന്നദ്ധ സംഘടനകള്‍ക്കും കണ്‍ട്രോള്‍  റൂമില്‍ അറിയിക്കാം.  ടോള്‍ ഫ്രീ നമ്പറായ 1800 425 2848  ലോ താഴെ പറയുന്ന എക്സൈസ് ഓഫീസര്‍മാരുടെ മൊബൈല്‍ നമ്പറുകളിലോ വിവരം അറിയിക്കാം.

കെ എസ് ആർ ടി സി പയ്യന്നൂർ യൂണിറ്റ് ബജറ്റ് ടൂറിസം സെല്ലിന്റെ നേതൃത്വത്തിൽ നവംബർ രണ്ടിന് പയ്യന്നൂരിൽ നിന്ന് ആഡംബര കപ്പൽ യാത്ര സംഘടിപ്പിക്കും. ആദ്യം ബുക്ക് ചെയ്യുന്ന 40 പേർക്ക് അവസരം ലഭിക്കും. മുതിർന്നവർക്ക് 4780 രൂപയും അഞ്ച് മുതൽ 10 വയസ്സുവരെയുള്ള കുട്ടികൾക്ക് 2470 രൂപയുമാണ് ടിക്കറ്റ് നിരക്ക്. ഫോർട്ട് കൊച്ചിയിൽ നിന്നുമാണ് ആഡംബര കപ്പൽ യാത്ര തിരിക്കുന്നത്.

വയനാട് ലോക്സഭാ മണ്ഡലം ഉപതെരഞ്ഞെടുപ്പില്‍ 21 സ്ഥാനാര്‍ത്ഥികള്‍ നാമനിര്‍ദേശ പത്രിക നല്‍കി. വെള്ളിയാഴ്ച വൈകീട്ട് മൂന്നോടെയാണ് പത്രികകള്‍ സമര്‍പ്പണം പൂര്‍ത്തിയായത്. എ.സീത (ബഹുജന്‍ ദ്രാവിഡ പാര്‍ട്ടി) , ഗോപാല്‍ സ്വരൂപ് ഗാന്ധി (കിസാന്‍ മജ്ദൂര്‍ ബറോജ്ഗര്‍ സംഘ് പാര്‍ട്ടി) , ബാബു (കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ),  എ.സി. സിനോജ് (കണ്‍ട്രി സിറ്റിസണ്‍ പാര്‍ട്ടി) , കെ.സദാനന്ദന്‍ (ബി.ജെ.പി), സ്വതന്ത്ര സ്ഥാനാര്‍ത്ഥികളായ ഇസ്മയില്‍ സബിഉള്ള, സന്തോഷ് ജോസഫ്, ആര്‍. രാജന്‍, അജിത്ത് കുമാര്‍.സി, ബുക്കരാജു ശ്രീനിവാസ രാജു, എ.നൂര്‍മുഹമ്മദ്  എന്നിവരാണ് വെളളിയാഴ്ച പത്രിക സമര്‍പ്പിച്ചത്.