വിജ്ഞാന കേരളം പദ്ധതിയുടെ ഭാഗമായി 'വിജ്ഞാന ആലപ്പുഴ സ്കില്ലിംഗ് ഇനിഷ്യേറ്റീവ് 2025' നാളെ (ആഗസ്റ്റ് 25ന്) ഫിഷറീസ്, സാംസ്കാരികവകുപ്പ് മന്ത്രി സജി ചെറിയാൻ ഉദ്ഘാടനം ചെയ്യും. രാവിലെ ഒമ്പത് മണിക്ക് ആലപ്പുഴ എസ് ഡി കോളേജ് ഗോൾഡൻ ജൂബിലി ഹാളിൽ നടക്കുന്ന ചടങ്ങിൽ എച്ച് സലാം എംഎൽഎ അധ്യക്ഷനാകും. വിവിധ കോളേജുകളിലെ പ്രതിനിധികൾ പങ്കെടുക്കുന്ന ഗ്രൂപ്പ് ചർച്ചകളും വിഷയാവതരണങ്ങളും ഇതിൻ്റെ ഭാഗമായി സംഘടിപ്പിക്കും. 

സപ്ലൈകോ സൂപ്പർ മാർക്കറ്റുകളിൽ ഇന്ന് (ഞായറാഴ്ച, ആഗസ്റ്റ് 24) കേര വെളിച്ചെണ്ണ ലിറ്ററിന് 445 രൂപ നിരക്കിൽ ലഭിക്കും. ഒരു ദിവസത്തേക്കുള്ള പ്രത്യേക വിലക്കുറവാണ് ഇത്. വെളിച്ചെണ്ണയ്ക്ക് അനിയന്ത്രിതമായി വില ഉയർന്ന സാഹചര്യത്തിൽ, 529 രൂപ വിലയുള്ള ഒരു ലിറ്റർ കേര വെളിച്ചെണ്ണ , സപ്ലൈകോ വില്പനശാലകളിലൂടെ 457 രൂപയ്ക്ക് നൽകിയിരുന്നു. അതിലും12 രൂപ കുറച്ചാണ് ഞായറാഴ്ച പ്രത്യേക ഓഫറിൽ നൽകുന്നത്. സപ്ലൈകോ ശബരി ബ്രാൻഡിലെ വെളിച്ചെണ്ണ സബ്സിഡി നിരക്കിൽ 349 രൂപയ്ക്കും, സബ്സിഡി ഇതര നിരക്കിൽ 429 രൂപയ്ക്കും ആഗസ്റ്റ് മുതൽ നൽകുന്നുണ്ട്.

മാവേലിക്കര മോട്ടോര്‍ ആക്‌സിഡൻ്റ്സ് ക്‌ളയിംസ് ട്രൈബ്യൂണല്‍ I ലേയും II ലേയും വ്യവഹാരങ്ങള്‍ കൈകാര്യം ചെയ്യുന്നതിനായി നിലവിലെ ഒഴിവിലേക്ക് ഗവണ്‍മെൻ്റ് പ്‌ളീഡര്‍മാരെ നിയോഗിക്കുന്നു. ഏഴ് വര്‍ഷത്തില്‍ കുറയാത്ത പ്രവര്‍ത്തി പരിചയമുള്ള അഭിഭാഷകർക്ക് അപേക്ഷിക്കാം. അപേക്ഷയോടൊപ്പം വിലാസം, ജനന തീയതി തെളിയിക്കുന്ന രേഖ, എൻറോള്‍മെൻ്റ് സാക്ഷ്യപത്രം, ജാതി/മതം, പ്രവൃത്തിപരിചയം

ജില്ലയിലെ ആരോഗ്യവകുപ്പിന് കീഴിലുള്ള 14 വര്‍ഷവും 10 മാസവും കഴിഞ്ഞ രണ്ട് വാഹനങ്ങള്‍(കെ എല്‍ 01 എ ഇസെഡ് 3370, കെ എല്‍ 01 എ ഇസെഡ് 3287) ആഗസ്റ്റ് 29 ന് ജില്ലാ മെഡിക്കല്‍ ഓഫീസില്‍(ആരോഗ്യം) പരസ്യമായി ലേലം ചെയ്ത് വില്‍ക്കും. തുടര്‍ന്ന് അതേ വാഹനം തന്നെ ആരോഗ്യവകുപ്പിലേക്ക് അഞ്ച് വര്‍ഷത്തേക്ക് വാടകയ്ക്ക് എടുക്കുകയും ചെയ്യുമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. ലേലത്തില്‍ പങ്കെടുക്കാന്‍ ആഗ്രഹിക്കുന്നവര്‍ ലേല സ്ഥലത്ത് രാവിലെ 11 മണിക്ക് ഹാജരാകണം. കൂടുതല്‍ വിവരങ്ങള്‍ക്ക് ഫോണ്‍: 0477 2251650.

ഉൾപ്രദേശങ്ങളിലും സബ്സിഡി സാധനങ്ങളും മറ്റ് ഉൽപ്പന്നങ്ങളും ഉൾപ്രദേശങ്ങളിൽ വരെ എത്തിക്കാൻ സപ്ലൈകോ സഞ്ചരിക്കുന്ന ഓണച്ചന്തകൾ ഇത്തവണ ഒരുക്കിയിട്ടുണ്ട്. ആഗസ്റ്റ് 25 മുതൽ സെപ്റ്റംബർ നാലുവരെ വിവിധ നിയോജകമണ്ഡലങ്ങളിലൂടെ ഈ ഓണച്ചന്തകൾ സഞ്ചരിക്കും.

ആഗസ്റ്റ് 30ന് പുന്നമടക്കായലില്‍ നടക്കുന്ന 71-ാമത് നെഹ്‌റു ട്രോഫി വള്ളംകളിയുടെ ഭാഗമായി പബ്ലിസിറ്റി കമ്മിറ്റി വിദ്യാര്‍ഥികള്‍ക്കായി നടത്തുന്ന 'നിറച്ചാര്‍ത്ത്' മത്സരം ഇന്ന് (ആഗസ്റ്റ് 24 ന് ) ഞായറാഴ്ച്ച രാവിലെ 09.30ന് ആലപ്പുഴ സെന്റ് ജോസഫ്‌സ് ഗേള്‍സ് സ്‌കൂള്‍ ഓഡിറ്റോറിയത്തില്‍ നടക്കും. പി പി ചിത്തരഞ്ജന്‍ എംഎല്‍എ ഉദ്ഘാടനം ചെയ്യും. നഗരസഭ ചെയര്‍പെഴ്‌സണ്‍ കെ കെ ജയമ്മ അധ്യക്ഷത വഹിക്കും. എഡിഎം ആശാ സി എബ്രഹാം, നഗരസഭ കൗൺസിലർ റീഗോ രാജു, പ്രസ് ക്ലബ് പ്രസിഡൻ്റ് റോയ് കൊട്ടാരച്ചിറ, മറ്റു ജനപ്രതിനിധികള്‍ തുടങ്ങിയവര്‍ പങ്കെടുക്കും.  

നെഹ്‌റു ട്രോഫി വള്ളംകളിയോടനുബന്ധിച്ച് ട്രാക്ക് തയ്യാറാക്കുന്നതിന്റെയും ട്രയൽ നടത്തുന്നതിൻ്റെയും ഭാഗമായി പുന്നമട സ്റ്റാർട്ടിംഗ് പോയിൻ്റ് മുതൽ ഫിനിഷിംഗ് പോയിന്റ് വരെയുള്ള ഭാഗത്തുകൂടിയുള്ള വകുപ്പ് വക ബോട്ടുകളുടെ സഞ്ചാരത്തിന് നിയന്ത്രണം ഏർപ്പെടുത്തിയിട്ടുള്ളതിനാൽ പുന്നമട, അഴീക്കൽ തോട് വഴി നടത്തേണ്ട ബോട്ട് സർവീസുകൾ ആഗസ്റ്റ് 31ന് ഞായറാഴ്ച്ച വരെ പുഞ്ചിരി വഴി സർവീസ് നടത്തുന്നതാണെന്ന് ജലഗതാഗത വകുപ്പ് ഡയറക്ടർ അറിയിച്ചു.

(പിആര്‍/എഎല്‍പി/ 2637)

ഹരിതകേരളം മിഷന്റെ നേതൃത്വത്തിൽ തയ്യാറാക്കിയ അരൂക്കുറ്റി ഗ്രാമപഞ്ചായത്തിന്റെ ജല ബജറ്റ് പ്രകാശനം പഞ്ചായത്ത് പ്രസിഡന്റ് അഷറഫ് വെള്ളേഴത്ത് നിർവഹിച്ചു. ഓരോ പ്രദേശത്തെയും ജലലഭ്യതയും വിനിയോഗവും അടിസ്ഥാനമാക്കി തയ്യാറാക്കിയ ബജറ്റ് ജലസ്രോതസ്സുകളുടെ പരിപാലനം ഉറപ്പാക്കും. പ്രദേശത്തിൻ്റെ ജലലഭ്യതയും ആവശ്യകതയും കണ്ടെത്തി കുറവുള്ള സ്ഥലങ്ങളിൽ ഭൂഗർഭജല സംഭരണം വർദ്ധിപ്പിക്കുന്നതിനും കുറവുള്ള ഇടങ്ങളിൽ ജലം സംഭരിച്ച് സംരക്ഷിച്ച് പ്രയോജനപ്പെടുത്താനും ജല ബജറ്റിലൂടെ ലക്ഷ്യമിടുന്നു.

സംസ്ഥാന ജൈവവൈവിധ്യ ബോർഡിന്റെ ജൈവ വൈവിധ്യ പരിപാലന സമിതിയുടെയും മാന്നാർ മത്സ്യഭവന്റെയും നേതൃത്വത്തിൽ മാവേലിക്കര തഴക്കര പഞ്ചായത്തിൽ ഊത്ത മത്സ്യ സംരക്ഷണ പദ്ധതിക്ക് തുടക്കമായി. വരാൽ, കല്ലേമുട്ടി എന്നീ മത്സ്യങ്ങളെ തഴക്കര പഞ്ചായത്ത് പോരടി കുളത്തിൽ നിക്ഷേപിച്ച് എം എസ് അരുൺകുമാർ എംഎൽഎ പദ്ധതി ഉദ്ഘാടനം ചെയ്തു. 

വംശനാശം സംഭവിച്ചുകൊണ്ടിരിക്കുന്ന നാടൻ മത്സ്യങ്ങളെ പ്രജനനത്തിനായി പൊതു കുളങ്ങളിൽ നിക്ഷേപിക്കുകയും പ്രജനനത്തിനു ശേഷം മത്സ്യ കുഞ്ഞുങ്ങളെ ഉൾചാലുകളിലും കുളങ്ങളിലും പുഴകളിലും ഒഴുക്കി വിടുകയും ചെയ്യും.

ചെങ്ങന്നൂർ ഗവ. വനിത ഐടിഐയിലെ വിവിധ എൻസിവിടി അംഗീകൃത ട്രേഡുകളിലെ ഒഴിവുകളിലേയ്ക്ക് ആഗസ്റ്റ് 25 മുതൽ സ്പോട്ട് പ്രവേശനം നടത്തുന്നു. താൽപ്പര്യമുള്ളവർ ആഗസ്റ്റ് 30ന് മുമ്പ് ഐടിഐയിൽ നേരിട്ടെത്തി പ്രവേശനം നേടണം. ഫോൺ: 04792457496, 9747454553.      

(പിആര്‍/എഎല്‍പി/2534)