വെഞ്ഞാറമൂട് ആറാംതാനം - വെള്ളുമണ്ണടി റോഡില്‍ ടാറിംഗ് പ്രവൃത്തികള്‍ നടക്കുന്നതിനാല്‍ പ്രദേശത്ത് ഇന്നുമുതല്‍ (25.08.2025) നാലു ദിവസത്തേക്ക് രാത്രി എട്ടുമണി മുതല്‍ രാവിലെ ഒമ്പതുവരെ റോഡ് അടച്ചിടുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

കേരള - കർണാടക - ലക്ഷദ്വീപ് തീരങ്ങളിൽ 26/08/2025 മുതൽ 28/08/2025 വരെ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.

26/08/2025 മുതൽ 28/08/2025 വരെ: കേരള - കർണാടക - ലക്ഷദ്വീപ് തീരങ്ങളിൽ മണിക്കൂറിൽ 40 മുതൽ 50 കിലോമീറ്റർ വരെയും ചില അവസരങ്ങളിൽ 60 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.

പ്രത്യേക ജാഗ്രത നിർദേശം

ജില്ലാതല അറിയിപ്പുകൾ

ഇലക്ട്രോണിക്ക് വീൽചെയർ വിതരണം

പത്തനംതിട്ട എസ് ബി ഐ ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍ ഡസ്‌ക്‌ടോപ്പ് പബ്ലിഷിംഗ് (ഡിടിപി) പരിശീലനം ആരംഭിക്കുന്നു. പ്രായം 18 മുതല്‍ 45 വരെ. ഫോണ്‍ : 0468 2992293, 2270243.

മഹാത്മഗാന്ധി ദേശീയ ഗ്രാമീണ തൊഴിലുറപ്പ് പദ്ധതി പ്രധാന്‍ മന്ത്രി ആവാസ് യോജന (ഗ്രാമീണ്‍)  ഓംബുഡ്സ്മാന്‍ ഓഗസ്റ്റ് 29 ന് രാവിലെ 11 മുതല്‍ ഉച്ചയ്ക്ക് 1 വരെ കോയിപ്രം ബ്ലോക്ക് പഞ്ചായത്ത് ഹാളില്‍ ക്യാമ്പ് സിറ്റിംഗ് നടത്തും.

ഓണത്തോടനുബന്ധിച്ച് സപ്ലൈകോയുടെ സഞ്ചരിക്കുന്ന ഓണച്ചന്ത ഓഗസ്റ്റ് 26നും 27 നും ആറന്മുള, കോന്നി നിയോജകമണ്ഡലങ്ങളില്‍ പര്യടനം നടത്തും. മണ്ഡലം, തീയതി, സ്ഥലം, സമയം എന്ന ക്രമത്തില്‍
ആറന്മുള-ഓഗസ്റ്റ് 26-തോന്നിയാമല (രാവിലെ 11.25-12.25), നെല്ലിക്കാല (ഉച്ചയ്ക്ക് 1-2), തെക്കേമല (വൈകിട്ട് 3-4) എരുമക്കാട് (വൈകിട്ട് 4.35- 5.35), മെഴുവേലി (വൈകിട്ട് 6-7)
കോന്നി- ഓഗസ്റ്റ് 27- വാഴമുട്ടം വെസ്റ്റ് (രാവിലെ 9.30-10.30), ചന്ദനപ്പള്ളി (രാവിലെ 11-12), വകയാര്‍ (ഉച്ചയ്ക്ക് 12.45-1.45), ചെങ്ങറ (വൈകിട്ട് 2.45-3.45), തേക്കുംതോട് (വൈകിട്ട് 4.30- 5.30), അതുംമ്പുംകുളം (വൈകിട്ട് 6-7)
 

ഹെഡ്ക്വാര്‍ട്ടേഴ്‌സ് സൗത്തേണ്‍ നേവല്‍ കമാന്‍ഡന്റിന്റെ  നേതൃത്വത്തില്‍ ഇന്ത്യന്‍  നേവിയില്‍ നിന്ന് വിരമിച്ച വിമുക്ത ഭടന്മാര്‍ക്കും  അവരുടെ വിധവകള്‍ക്കും ആശ്രിതര്‍ക്കുമായി പരാതി പരിഹാരത്തിനും വിവിധ ക്ഷേമ പദ്ധതികളെ സംബന്ധിച്ചുമുള്ള സമ്പര്‍ക്ക പരിപാടി  സെപ്റ്റംബര്‍ 1  (തിങ്കളാഴ്ച) 11  മുതല്‍ ഒന്നുവരെ  ജില്ലാ സൈനികക്ഷേമ ഓഫീസില്‍  നടക്കുമെന്ന് ജില്ലാ സൈനികക്ഷേമ ഓഫീസര്‍ അറിയിച്ചു. ഫോണ്‍ : 0468-2961104.      

ടാറിംങ് പ്രവൃത്തി നടക്കുന്നതിനാല്‍ ഓഗസ്റ്റ് 25, 26 തീയതികളില്‍ പ്രമാടം അമ്പലം ജംഗ്ഷന്‍- വാഴമുട്ടം റോഡിലൂടെയുളള ഗതാഗതത്തിന് നിയന്ത്രണം ഏര്‍പ്പെടുത്തി. വാഹനങ്ങള്‍ മറൂര്‍ പൂങ്കാവ് വഴി ചന്ദനപ്പളളി കോന്നി റോഡിലൂടെ  കടന്നുപോകണമെന്ന് പൊതുമരാമത്ത് നിരത്ത് വിഭാഗം കോന്നി അസിസ്റ്റന്റ് എഞ്ചിനീയര്‍ അറിയിച്ചു. ഫോണ്‍ : 7594975252.

തൊഴിലുറപ്പ് പദ്ധതിയില്‍ ആസ്തിവികസനം ലക്ഷ്യമാക്കി പശു തൊഴുത്ത്, ആട്ടിന്‍കൂട്, കോഴിക്കൂട്, കമ്പോസ്റ്റ് സംവിധാനം, സോക്ക് പിറ്റ്, കിണര്‍ റീചാര്‍ജ്, അസോള ടാങ്ക്, തീറ്റപ്പുല്‍കൃഷി, കുളം നിര്‍മ്മാണം എന്നീ ആനുകൂല്യങ്ങള്‍ക്കായി അപേക്ഷ ക്ഷണിച്ചു. പട്ടികജാതി പട്ടികവര്‍ഗ വിഭാഗക്കാര്‍, സ്ത്രീ ഗൃഹനാഥയായിട്ടുള്ള കുടുംബങ്ങള്‍, അംഗപരിമിതര്‍ ഗൃഹനാഥരായിട്ടുള്ള കുടുംബങ്ങള്‍, പിഎംഎവൈ, ലൈഫ് ഭവനപദ്ധതി ഗുണഭോക്താക്കള്‍, ബിപിഎല്‍ ലിസ്റ്റില്‍ ഉള്‍പ്പെട്ടവര്‍ എന്നിവര്‍ക്ക്  അപേക്ഷിക്കാം.

ജില്ലയിലെ വിവിധ ബ്ലോക്കുകളില്‍ രാത്രികാല മൃഗചികിത്സ സേവനം നല്‍കുന്നതിനായി കേരള സ്റ്റേറ്റ് വെറ്ററിനറി കൗണ്‍സിലില്‍ രജിസ്റ്റര്‍ ചെയ്തിട്ടുള്ള തൊഴില്‍രഹിതരായിട്ടുള്ള വെറ്ററിനറി സയന്‍സ് ബിരുദധാരികളില്‍ നിന്ന് അപേക്ഷ ക്ഷണിച്ചു. ഇവരുടെ അഭാവത്തില്‍  സര്‍വീസില്‍ നിന്ന് വിരമിച്ച വെറ്ററിനറി ഡോക്ടര്‍മാരെയും പരിഗണിക്കും.   ജില്ലാ മൃഗസംരക്ഷണ ഓഫീസില്‍ ഓഗസ്റ്റ് 27  രാവിലെ  11 നാണ് അഭിമുഖം. തിരഞ്ഞെടുക്കുന്നവരെ 90 ദിവസത്തേക്ക്  നിയമിക്കും. ബയോഡേറ്റ, യോഗ്യതാ സര്‍ട്ടിഫിക്കേറ്റുകളുടെ അസലും പകര്‍പ്പും സഹിതം ഓഗസ്റ്റ് 27 രാവിലെ 11 ന് ജില്ലാ മൃഗസംരക്ഷണ ഓഫീസില്‍ അഭിമുഖത്തിന് ഹാജരാകണം.   ഫോണ്‍. 0468 2322762.