കണ്ണൂർ ജില്ലാ ഹെൽത്ത് സർവീസ് വകുപ്പ് ജൂനിയർ ഹെൽത്ത് ഇൻസ്‌പെക്ടർ ഗ്രേഡ് രണ്ട് തസ്തിക (കാറ്റഗറി നം. 479/2023) , കണ്ണൂർ ജില്ലാ സോയിൽ സർവ്വെ ആന്റ് മണ്ണ് സംരക്ഷണ വകുപ്പ് വർക്ക് സൂപ്രണ്ട് തസ്തിക (കാറ്റഗറി നം.713/2023) എന്നിവയുടെ റാങ്ക് ലിസ്റ്റ് പ്രസിദ്ധീകരിച്ചതായി പി.എസ്.സി ജില്ലാ ഓഫീസർ അറിയിച്ചു.
 

സംസ്ഥാന സർക്കാർ എംപ്ലോയ്‌മെന്റ് വകുപ്പ് മുഖേന നടപ്പാക്കുന്ന മൾട്ടി പർപ്പസ് സർവ്വീസ് സെൻററുകൾ, ജോബ് ക്ലബ്ബ് സബ്‌സിഡി സഹിതമുള്ള സ്വയംതൊഴിൽ പദ്ധതി ആരംഭിക്കുന്നതിന് അപേക്ഷ ക്ഷണിച്ചു. വായ്പാ തുക പരമാവധി 10 ലക്ഷം രൂപ. സബ്‌സിഡി പദ്ധതി ചെലവിന്റെ 25 ശതമാനം. പരമാവധി രണ്ട് ലക്ഷം രൂപ. പ്രായപരിധി 21നും 45നും മധ്യേ. പിന്നോക്ക സമുദായക്കാർക്ക് മൂന്ന് വർഷവും, പട്ടികജാതി, പട്ടികവർഗ, ഭിന്നശേഷി വിഭാഗക്കാർക്ക് അഞ്ച് വർഷവും ഉയർന്ന പ്രായപരിധിയിൽ ഇളവ് ലഭിക്കും.

ജില്ലാ ടൂറിസം പ്രൊമോഷൻ കൗൺസിൽ കാനന്നൂർ സൈക്ലിങ് ക്ലബിന്റെ സഹകരണത്തോടെ ഒക്ടോബർ 27 ന് സൈക്ലിങ് ചലഞ്ച് സംഘടിപ്പിക്കുന്നു. രാവിലെ ഏഴ് മണിക്ക് പയ്യാമ്പലം ബീച്ചിൽ നിന്നാരംഭിക്കുന്ന സൈക്കിൾ റാലി ചാൽ ബീച്ചിൽ അവസാനിക്കും. താൽപര്യമുള്ളവർ 8590855255 നമ്പറിലോ ഡിറ്റിപിസി ഓഫീസിലോ പേര് രജിസ്റ്റർ ചെയ്യണം.

കെ.എസ്.ആർ.ടി.സി പയ്യന്നൂർ യൂണിറ്റ് ബജറ്റ് ടൂറിസം സെല്ലിന്റെ നേതൃത്വത്തിൽ ഒക്ടോബർ 27ന് പയ്യന്നൂരിൽ നിന്നും ഏകദിന വയനാട് ടൂർ സംഘടിപ്പിക്കുന്നു. എൻ ഊര്, ബാണാസുര സാഗർ ഡാം, കർലാട് തടാകം, ഹണി മ്യൂസിയം എന്നിവയാണ് പാക്കേജിൽ. യാത്ര ചിലവ് ഒരാൾക്ക് 760 രൂപ.  ഭക്ഷണം ഉൾപ്പെടെയുള്ള മറ്റ് ചിലവുകൾ യാത്രക്കാർ വഹിക്കണം. ഫോൺ: 8075823384, 9745534123

ആപ്ത മിത്ര വളണ്ടിയർമാരെ ആദരിച്ചു

നിയമപരമായ കാര്യങ്ങളിൽ ജനങ്ങളിൽ അവബോധം സൃഷ്ടിക്കാൻ പ്രാദേശിക സർക്കാർ വഴി ബോധവത്കരണം ശക്തമാക്കണമെന്ന് വനിതാ കമ്മീഷൻ അംഗം അഡ്വ. പി കുഞ്ഞായിഷ. കളക്ടറേറ്റ് ഓഡിറ്റോറിയത്തിൽ സിറ്റിങ്ങിനു ശേഷം സംസാരിക്കുകയായിരുന്നു അവർ.

 കേരള സർക്കാർ സ്ഥാപനമായ കെൽട്രോണിന്റെ കോഴിക്കോട് നോളജ് സെന്ററിൽ നടത്തുന്ന പോസ്റ്റ് ഗ്രാജുവേറ്റ് ഡിപ്ലോമ ഇൻ അഡ്വാൻസ്ഡ് ജേണലിസം കോഴ്സിലേക്കുള്ള സ്പോട്ട് അഡ്മിഷന്‍ ഒക്ടോബര്‍ 25 വരെ നടക്കും.  ഏതെങ്കിലും വിഷയത്തിലുള്ള ബിരുദമാണ് യോഗ്യത. പ്രായപരിധി ഇല്ല. നിർദ്ദേശിക്കുന്ന അസ്സൽ രേഖകളും  അവയുടെ പകർപ്പുകളുമായി വിദ്യാർഥികൾ രാവിലെ 10 മണിക്ക് കോഴിക്കോട് റെയിൽവേ സ്റ്റേഷൻ ലിങ്ക് റോഡിലെ അംബേദ്കര്‍ ബില്‍ഡിങില്‍ പ്രവര്‍ത്തിക്കുന്ന കെൽട്രോൺ നോളജ് സെൻററിൽ എത്തണം.കൂടുതൽ വിവരങ്ങൾക്ക് ഫോൺ: 9544958182. 0495 2301772.

പാലക്കാട് നിയമസഭാ മണ്ഡലത്തിലേക്ക് നടക്കുന്ന ഉപതിരഞ്ഞെടുപ്പിന് ഇന്ന് (ഒക്ടോബര്‍ 23) ബി.ജെ.പി സ്ഥാനാര്‍ഥി സി. കൃഷ്ണകുമാര്‍ വരണാധികാരിയായ പാലക്കാട് ആര്‍.ഡി.ഒ എസ്. ശ്രീജിത്ത് മുമ്പാകെ നാമനിര്‍ദേശ പത്രിക സമര്‍പ്പിച്ചു. നാലു സെറ്റ് പത്രികകളാണ് ഇദ്ദേഹം സമര്‍പ്പിച്ചത്. ഇതോടെ പാലക്കാട് നിയമസഭാ മണ്ഡലത്തില്‍ പത്രിക സമര്‍പ്പിച്ചവരുടെ എണ്ണം നാലായി. പത്രിക സമര്‍പ്പിച്ച സ്ഥാനാര്‍ത്ഥികളുടെ സ്വത്ത് വിവരങ്ങള്‍ ഉള്‍പ്പെടെ പൊതുജനങ്ങള്‍ക്ക് വരണാധികാരിയുടെ നോട്ടീസ് ബോര്‍ഡിലും തിരഞ്ഞെടുപ്പ് കമ്മീഷന്റെ https://affidavit.eci.gov.in/ ലും ലഭിക്കും.