* ഒക്ടോബർ 24 ലോക പോളിയോ ദിനം

കനസ് ജാഗ കലാജാഥ ഇന്നു മുതല്‍ 

കുടുംബശ്രീ   കനസ് ജാഗ (സ്വപ്ന സ്ഥലം ) ഹ്രസ്വചിത്ര പ്രദര്‍ശനമേളയുടെപ്രചാരണാര്‍ത്ഥം നടത്തുന്ന കലാജാഥയുടെ ഉദ്ഘാടനം  മേനക ജംഗ്ഷനില്‍ ഇന്ന് രാവിലെ 10 ന് ജില്ലാ കളക്ടര്‍ എന്‍.എസ്.കെ ഉമേഷ് നിര്‍വഹിക്കും.പ്രചാരണത്തോടനുബന്ധിച്ച് കുടുംബശ്രീയുടെ കമ്മ്യൂണിറ്റി തിയേറ്ററായ രംഗശ്രീയുടെ ആഭിമുഖ്യത്തില്‍ ഇന്ന്  മുതല്‍ തെരുവ് നാടകങ്ങള്‍ സംഘടിപ്പിക്കും.ഹൈക്കോട്ട് ജംഗ്ഷന്‍, വാഞ്ചി സ്‌ക്വയര്‍ എറണാകുളം സൗത്ത് ജംഗ്ഷന്‍, കലൂര്‍ സ്റ്റാന്റ്, ചങ്ങമ്പുഴ പാര്‍ക്ക്, വൈറ്റില മൊബിലിറ്റി ഹബ് എന്നീ ഇടങ്ങളില്‍ നാടകം അരങ്ങേറും.

ഇ കെ വൈ സി മസ്റ്ററിങ്ങുമായി ബന്ധപ്പെട്ട് ആലപ്പുഴ ജനറല്‍ ആശുപത്രിയിലെയും ആലപ്പുഴ വണ്ടാനം മെഡിക്കല്‍ കോളേജിലെയും കിടപ്പ് രോഗികളില്‍ ഇനിയും മസ്റ്ററിങ് നടത്താന്‍ സാധിക്കാത്തവര്‍ക്കായുള്ള മസ്റ്ററിങ് ആലപ്പുഴ ജില്ലാ സപ്ലൈ ഓഫീസറുടെയും അമ്പലപ്പുഴ താലൂക്ക് സപ്ലൈ ഓഫീസറുടെയും നേതൃത്വത്തില്‍ ഒക്ടോബര്‍ 23, 24 തീയതികളിലായി നടന്നു വരികയാണ്. ഇനിയും മസ്റ്ററിങ് നടത്താന്‍ കഴിയാത്തവര്‍ക്ക് അമ്പലപ്പുഴ, ചേര്‍ത്തല, കാര്‍ത്തികപ്പള്ളി താലൂക്ക് സപ്ലൈ ഓഫീസുകളില്‍ അതിനുള്ള സൗകര്യം 25 വരെ ഒരുക്കിയിട്ടുണ്ട്. കൈ പതിയാത്തവര്‍ക്ക് ഐറിസ് സ്‌കാനര്‍ ഉള്‍പ്പെടെയുള്ള സൗകര്യങ്ങളാണ് ഒരുക്കിയിട്ടുള്ളത്.

ആലപ്പുഴ എംപ്ലോയബിലിറ്റി സെന്റര്‍ മുഖേന സ്വകാര്യ സ്ഥാപനങ്ങളിലേക്ക് നിയമനം നടത്തുന്നതിനുള്ള അഭിമുഖം ഒക്ടാബര്‍ 25 ന് രാവിലെ 9.30 ന്് എംപ്ലോയബിലിറ്റി സെന്ററില്‍ നടക്കും. രണ്ട് കമ്പനികളിലായി 34 ഒഴിവുണ്ട്. വിദ്യാഭ്യാസ യോഗ്യത പ്ലസ് ടു, ബി.കോം/എം.കോം, ഐ.ടി.ഐ/ഡിപ്ലോമ ( മെക്കാനിക്കല്‍, ഓട്ടോമൊബൈല്‍), ബി.എസ്.സി./എംസ്.സി കെമിസ്ട്രി, കെമിക്കല്‍ എഞ്ചിനീയറിംഗ്. നിശ്ചിത യോഗ്യതയുള്ള എംപ്ലോയബിലിറ്റി സെന്ററില്‍ രജിസ്റ്റര്‍ ചെയ്ത 18 നും 35 നും ഇടയില്‍ പ്രായമുള്ള തൊഴില്‍ പരിചയമുള്ളവര്‍ക്കും ഇല്ലാത്തവര്‍ക്കും പങ്കെടുക്കാം. സ്‌പോട്ട് രജിസ്‌ട്രേഷന്‍ ഉണ്ടാകും.

ആലപ്പുഴ ജില്ലാ പഞ്ചായത്ത് ഓഫീസിലെ ഔദ്യോഗിക വാഹനമായ കെ.എല്‍.04 ഡബ്ല്യൂ 1691 നമ്പല്‍ ടാറ്റാ സുമോ വാഹനം നിലവിലെ അവസ്ഥയില്‍ സ്‌ക്രാപ് പോളിസി പ്രകാരം നവംബര്‍ 4 ന് പകല്‍ 3 മണിക്ക് ലേലം ചെയ്ത് വില്‍ക്കും. താല്‍പര്യമുള്ളവര്‍ അവരുടെ ഐഡന്റിറ്റി വെളിപ്പെടുത്തുന്നതിനുതകുന്ന രേഖകള്‍ (ആധാര്‍, ഇലക്ഷന്‍ ഐഡി, ഡ്രൈവിങ് ലൈസന്‍സ്) സഹിതം അന്നേ ദിവസം രണ്ട് മണിക്കകം ഓഫീസിലെത്തി പേര് രജിസ്റ്റര്‍ ചെയ്യണം. ലേലത്തിന് തൊട്ടുമുമ്പുള്ള രണ്ട് പ്രവൃത്തി ദിവസങ്ങളില്‍ രാവിലെ 11 മുതല്‍ വൈകിട്ട് നാല് വരെ ജെന്‍ഡര്‍ പാര്‍ക്ക് കോമ്പൗണ്ടിലെത്തി വാഹനം പരിശോധിക്കാവുന്നതാണ്.
(പി.ആര്‍./എ.എല്‍.പി./2168)  
 

ഹരിപ്പാട്-ചേപ്പാട് റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 128 (കവല ഗേറ്റ്) ഒക്ടോബര്‍ 24 ന് രാവിലെ 8 മണി മുതല്‍  28 ന് വൈകീട്ട് 6 മണിവരെ അറ്റകുറ്റപ്പണികള്‍ക്കായി അടച്ചിടും.  വാഹനങ്ങള്‍ മേല്‍പറഞ്ഞ സമയം ലെവല്‍ ക്രോസ് നമ്പര്‍ 125 (പള്ളിപ്പാട് ഗേറ്റ്) വഴിയോ ലെവല്‍ ക്രോസ് നമ്പര്‍ 131 (കാഞ്ഞൂര്‍ ഗേറ്റ്) വഴിയോ പോകണം.
(പി.ആര്‍./എ.എല്‍.പി./2167)

കേരള സര്‍ക്കാരിന്റെ എഫ്പിഒ പ്രോത്സാഹന പദ്ധതിപ്രകാരം എസ്എഫ്എസി കേരള മുഖേന രൂപീകരിച്ച ആലപ്പി ഫാര്‍മേഴ്സ് പ്രൊഡ്യൂസര്‍ കമ്പനിയില്‍ കരാര്‍ അടിസ്ഥാനത്തില്‍ ചീഫ് എക്സിക്യൂട്ടീവ് ഓഫീസറുടെ(സിഇഒ) തസ്തികയിലേക്ക് അപേക്ഷ ക്ഷണിച്ചു. ബിഎസ്സി അഗ്രികള്‍ച്ചര്‍/ഫോറസ്ട്രി/കോ ഓപ്പറേഷന്‍ ബാങ്കിങ് മാനേജ്മെന്റ്/ഡയറി/ഫുഡ് ടെക്നോളജി/അഗ്രിക്കള്‍ച്ചര്‍ എക്കണോമിക്സ്/ബിഎഫ്എസ്സി/വെറ്ററിനറി സയന്‍സ്/ബി.ടെക് അഗ്രിക്കള്‍ച്ചറല്‍ എഞ്ചിനിയറിംഗ് എന്നിവയില്‍ ഏതെങ്കിലും അല്ലെങ്കില്‍ ദേശീയ പ്രശസ്തിയുള്ള സ്ഥാപനങ്ങളിലെ എംബിഎ/എംബിഎ അഗ്രി ബിസിനസ് മാനേജ്മെന്റ്/ എംബിഎ മാര്‍ക്കറ്റിംഗ് അല്ലെങ്കില്‍ എംബിഎ എന്നിവയിലേതെങ്കിലുമാണ് യോഗ്യത.

സംസ്ഥാന സാക്ഷരതാ മിഷന്‍ നടപ്പിലാക്കുന്ന ദീപ്തി ബ്രെയില്‍ സാക്ഷരതാ പരിപാടിയുടെ ജില്ലാതല ഉദ്ഘാടനം ഫിഷറീസ്, സാംസ്‌കാരിക, യുവജനക്ഷേമ വകുപ്പ് മന്ത്രി സജി ചെറിയാന്‍ നിര്‍വഹിച്ചു. ജില്ലയിലെ ആദ്യ പഠനകേന്ദ്രമായ ചെങ്ങന്നൂര്‍ ബ്ലോക്ക് പഞ്ചായത്തില്‍ നടന്ന ചടങ്ങില്‍ ജില്ലാ പഞ്ചായത്ത് പ്രസിഡന്റ് കെ. ജി രാജേശ്വരി അധ്യക്ഷത വഹിച്ചു.