ജില്ലയില്‍ അക്ഷയ സംരംഭകരെ തിരഞ്ഞെടുക്കുന്നതിന് ഓണ്‍ലൈനായി അപേക്ഷിക്കാനുള്ള തീയതി മാര്‍ച്ച് 19 വരെ നീട്ടി.  ജില്ലയിലെ 70 ലൊക്കേഷനുകളിലേക്കാണ് (പൊതുവിഭാഗത്തില്‍ 53, പട്ടികജാതി - 12, പട്ടികവര്‍ഗം - അഞ്ച്) തിരഞ്ഞെടുപ്പ്.  https://lbsedp.lbscentre.in/akshaya26/ ല്‍  അപേക്ഷ സമര്‍പ്പിക്കാം. മാര്‍ച്ച് 21 വരെ അപേക്ഷ ഫീസ്  സ്വീകരിക്കും. വിവരങ്ങള്‍ക്ക്: https://akshaya.kerala.gov.in ഫോണ്‍: 0471 2560311, 312, 9400923669, 0474 2767605.
 

  ബി എസ് എസ് ജില്ലാ കേന്ദ്രത്തില്‍  വിവിധ  തൊഴില്‍ പരിശീലന കോഴ്‌സുകളിലേക്ക് വനിതകള്‍ക്ക് അപേക്ഷിക്കാം. ഡ്രസ് മേക്കിങ് ആന്‍ഡ് ഫാഷന്‍ ഡിസൈനിങ്,  കട്ടിംഗ് ആന്‍ഡ് ടൈലറിംഗ്, വിവിധതരം എംബ്രോയ്ഡറികള്‍, ഫാബ്രിക്ക് പെയിന്റിംഗ്, ഫ്‌ളവര്‍ ടെക്‌നോളജി ആന്‍ഡ് ഹാന്റിക്രാഫ്റ്റ് എന്നിവയാണ് കോഴ്‌സുകള്‍.  പ്രോഗ്രാം ഓഫീസര്‍, ഭാരത് സേവക്ക് സമാജ്,  ഹൈസ്‌കൂള്‍ ജംഗ്ഷന്‍- കോട്ടമുക്ക് റോഡ്, കൊല്ലം -13 മാര്‍ച്ച് 16 നകം  അപേക്ഷിക്കണം. ഫോണ്‍: 0474 2797478, 9497130290, 9495195380.
 

കിഫ്ബി പദ്ധതിയിൽ ഉൾപ്പെടുത്തി നവീകരിച്ച കുളങ്ങരത്ത്-നമ്പിത്താൻകുണ്ട് -വാളൂക്ക്-വിലങ്ങാട് റോഡിന്റെ ഉദ്‌ഘാടനം പൊതുമരാമത്ത്, ടൂറിസം വകുപ്പ് മന്ത്രി പി.എ മുഹമ്മദ് റിയാസ് ഓൺലൈനായി നിർവഹിച്ചു. ഇ കെ വിജയൻ എംഎൽഎ അധ്യക്ഷനായി. 

നാദാപുരം നിയോജക മണ്ഡലത്തിൽ കിഫ്ബി പദ്ധതിയിൽ ഉൾപ്പെടുത്തി പ്രവൃത്തി പൂർത്തീകരിച്ച പുല്ലുവ-തൊട്ടിൽപ്പാലം റോഡിന്റെ ഒന്നാം ഘട്ടത്തിന്റെ ഉദ്ഘാടനവും ശേഷിക്കുന്ന ഭാഗത്തിൻ്റെ പ്രവൃത്തി ഉദ്ഘാടനവും പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് ഓൺലൈനായി നിർവഹിച്ചു. കായക്കൊടി ടൗൺ പരിസരത്ത് നടന്ന ചടങ്ങിൽ ഇ കെ വിജയൻ എംഎൽഎ അധ്യക്ഷനായി. 

14.1 കിലോമീറ്റർ റോഡിന്റെ നിർമാണമാണ് പൂർത്തിയാക്കിയത്. ശേഷിക്കുന്ന 2.19 കിലോമീറ്റർ റോഡിനായി 10.32 കോടി രൂപയുടെ സാങ്കേതികാനുമതിയും ലഭിച്ചിട്ടുണ്ട്.

വടശേരിക്കര മോഡല്‍ റസിഡന്‍ഷ്യല്‍ സ്‌കൂളില്‍ എച്ച് എസ് എ ഹിന്ദി, എച്ച് എസ് എ നാച്ചുറല്‍ സയന്‍സ് ഒഴിവുകളിലേക്ക്  കരാര്‍ അടിസ്ഥാനത്തില്‍ അധ്യാപകരെ നിയമിക്കുന്നു. പി എസ് സി നിയമനത്തിനുളള  യോഗ്യത വേണം. സ്‌കൂളില്‍ താമസിച്ചു പഠിപ്പിക്കണം. പട്ടികവര്‍ഗ വിഭാഗത്തില്‍പെട്ട നിശ്ചിത യോഗ്യതയും അധ്യാപക നൈപുണ്യവുമുളളവര്‍ക്ക് മുന്‍ഗണന ലഭിക്കും.  യോഗ്യത, പ്രായം തെളിയിക്കുന്ന രേഖകളുടെ പകര്‍പ്പ് സഹിതം ട്രൈബല്‍ ഡവലപ്‌മെന്റ് ഓഫീസര്‍, ട്രൈബല്‍ ഡവലപ്‌മെന്റ്  ഓഫീസ്, തോട്ടമണ്‍, റാന്നി - 689 672 വിലാസത്തില്‍ rannitdo@gmail.com ഇ-മെയില്‍ വിലാസത്തിലോ അപേക്ഷ സമര്‍പ്പിക്കണം.

കോഴഞ്ചേരി താലൂക്കില്‍ ഒഴിവാക്കല്‍ മാനദണ്ഡങ്ങളില്‍ ഉള്‍പ്പെടാത്ത പൊതുവിഭാഗം റേഷന്‍ കാര്‍ഡുകള്‍ മുന്‍ഗണനയിലേക്ക് മാറ്റുന്നതിന് ലഭിച്ച ഓണ്‍ലൈന്‍ അപേക്ഷയില്‍ 402 എണ്ണം തരം മാറ്റി. തരം മാറ്റപെട്ട കാര്‍ഡിലെ എല്ലാ അംഗങ്ങളും റേഷന്‍ കടയിലെത്തി അടിയന്തരമായി മസ്റ്ററിംഗ് ചെയ്യണമെന്ന് കോഴഞ്ചേരി താലൂക്ക് സപ്ലൈ ഓഫീസര്‍ അറിയിച്ചു. ഫോണ്‍ : 0468 2222212.
 

ഹരിതകേരളം മിഷന്റെ നേതൃത്വത്തില്‍ നടപ്പാക്കുന്ന 'ആര്‍ത്തവ ശുചിത്വം,  ആരോഗ്യ സംരക്ഷണം'    പദ്ധതിയുടെ ഭാഗമായി പുളിക്കീഴ് ബ്ലോക്കിലെ നാല് പഞ്ചായത്തുകളിലെ ഹരിത കര്‍മ്മ സേനാംഗങ്ങള്‍ക്ക്  മെന്‍സ്ട്രല്‍ കപ്പ് വിതരണം ചെയ്തു. പുളിക്കീഴ് ബ്ലോക്ക് പഞ്ചായത്ത് ഹാളില്‍ ബ്ലോക്ക് പഞ്ചായത്ത് പ്രസിഡന്റ് ഈപ്പന്‍ കുര്യന്‍ ഉദ്ഘാടനം നിര്‍വഹിച്ചു. വൈസ് പ്രസിഡന്റ് ബിന്ദു കുഞ്ഞുമോന്‍  അധ്യക്ഷയായി.   ഹരിതകേരളം മിഷന്‍ ജില്ലാ കോര്‍ഡിനേറ്റര്‍ ജി. അനില്‍കുമാര്‍, ബ്ലോക്ക് കോര്‍ഡിനേറ്റര്‍ രാഹുല്‍ ജി കൃഷ്ണന്‍, ഹരിതകര്‍മ സേന അംഗങ്ങള്‍, ബ്ലോക്ക്-പഞ്ചായത്ത് ജനപ്രതിനിധികള്‍, ഉദ്യോഗസ്ഥര്‍ എന്നിവര്‍ പങ്കെടുത്തു.
 

തിരുവല്ല താലൂക്ക് ആസ്ഥാന ആശുപത്രിയിലേക്ക്  സെക്യൂരിറ്റി ജീവനക്കാരെ നിയമിക്കുന്നതിന് ദര്‍ഘാസ് ക്ഷണിച്ചു. അവസാന തീയതി മാര്‍ച്ച് 28 ഉച്ചയ്ക്ക് 12 വരെ. ഫോണ്‍ : 0469 2602494.

സംസ്ഥാന പട്ടികജാതി പട്ടികവര്‍ഗ വികസന കോര്‍പറേഷന്റെ 25-ാമത് ഓഫീസ് പത്തനംതിട്ട മുനിസിപ്പല്‍ ടൗണ്‍ ഹാളിന് സമീപമുളള മഞ്ചയില്‍ ബില്‍ഡിംഗില്‍ പ്രവര്‍ത്തനം ആരംഭിച്ചു. മല്ലപ്പളളി, റാന്നി, കോന്നി താലൂക്കുകളും ആറന്മുള, കിടങ്ങന്നൂര്‍, കുളനട വില്ലേജുകള്‍ ഒഴിച്ചുളള പട്ടികവിഭാഗക്കാരാണ് ഈ ഓഫീസിന്റെ പരിധിയില്‍ വരുന്നത്. കുറഞ്ഞ പലിശ നിരക്കില്‍ വായ്പ ലഭിക്കും. കുടുംബശ്രീ മുഖേനെയുളള വായ്പാപദ്ധതികള്‍ക്ക് ഒഴികെ വസ്തു/ ഉദ്യോഗസ്ഥ ജാമ്യ വ്യവസ്ഥകള്‍ ബാധകമാണ്. ഫോണ്‍ : 8078753938, 9061680017.