ജില്ലാ പഞ്ചായത്തിന്റെ 2025- 26 വര്‍ഷത്തെ ഫണ്ട് ഉപയോഗിച്ച് വ്യവസായ വകുപ്പ് നടപ്പിലാക്കുന്ന  പദ്ധതികളിലേക്ക് ഗുണഭോക്താക്കള്‍ക്ക് അപേക്ഷിക്കാം. എസ് സി വിഭാഗക്കാര്‍ക്കായി നടപ്പിലാക്കുന്ന പദ്ധതിയായ  വനിതാ ഗ്രൂപ്പ് തൊഴില്‍ സംരംഭങ്ങള്‍ , പ്രവാസികള്‍ക്കായി നടപ്പിലാക്കുന്ന പ്രവാസിക്കൊപ്പം( ജനറല്‍), ചെറുകിട വ്യവസായം  വനിതാ പ്രൊജക്ട്  എന്നീ പദ്ധതികളിലേക്കാണ് അപേക്ഷ ക്ഷണിച്ചത്. കൂടുതല്‍ വിവരങ്ങള്‍ ജില്ലാ വ്യവസായകേന്ദ്രത്തില്‍ നിന്ന് ലഭിക്കും. ഫോണ്‍: 0491 2505385, 2505408.

ജില്ലയില്‍ വിവിധ പദ്ധതികളില്‍ വരുന്ന ഒഴിവുകളിലേക്ക് താല്ക്കാലികാടിസ്ഥാനത്തില്‍ വെറ്ററിനറി ഡോക്ടര്‍മാരെ നിയമിക്കുന്നതിന് മാര്‍ച്ച് 12 ന് കൂടിക്കാഴ്ച നടത്തും. ഉദ്യോഗാര്‍ഥികള്‍ വെറ്ററിനറി ബിരുദ സര്‍ട്ടിഫിക്കറ്റും , കേരള വെറ്ററിനറി കൗണ്‍സില്‍ രജിസ്റ്റര്‍ ചെയ്ത സര്‍ട്ടിഫിക്കറ്റുമായി രാവിലെ പത്ത് മുതല്‍ 11.30 വരെ പാലക്കാട് വി എച്ച് റോഡിലുള്ള ജില്ലാ മൃഗ സംരക്ഷണ ഓഫീസറുടെ ചേംബറില്‍ എത്തിച്ചേരണം.

ഗവ വിക്ടോറിയ കോളേജ് പൂര്‍വ്വ വിദ്യാര്‍ഥി കൂട്ടായ്മ ഭാരവാഹികളുടെ യോഗം മാര്‍ച്ച് 13 ഉച്ചയ്ക്ക് രണ്ടിന് നടക്കും. കോളേജിന്റെ സമഗ്ര വികസനവും വിദ്യാര്‍ഥികളുടെ ഉന്നമനവും ലക്ഷ്യമാക്കി കോളേജ് അധികൃതര്‍ നടത്തുന്ന യോഗത്തില്‍ കൂട്ടായ്മയുടെ രണ്ട് ഭാരവാഹികള്‍ വീതം പങ്കെടുക്കണമെന്ന് പ്രിന്‍സിപ്പല്‍ അറിയിച്ചു.

പെരുമാട്ടി ഗ്രാമപഞ്ചായത്തിന്റെ വസ്തുക്കള്‍ (വണ്ടിത്താവളം ആഴ്ച്ച ചന്ത നടത്തുന്നതിനുള്ള അവകാശം) 2026-27 സാമ്പത്തിക വര്‍ഷത്തില്‍ കൈവശം വെച്ച് ഉപയോഗിക്കുന്നതിനുള്ള അവകാശം മാര്‍ച്ച് 18 ബുധനാഴ്ച്ച രാവിലെ 11ന് ലേലം ചെയ്യുന്നു. കൂടുതല്‍ വിവരങ്ങള്‍ ഗ്രാമപഞ്ചായത്ത് ഓഫീസില്‍ നേരിട്ടോ  www.tenders.kerala.gov.in  ലോ ലഭിക്കുമെന്ന് ഗ്രാമപഞ്ചായത്ത് സെക്രട്ടറി അറിയിച്ചു.

ചെന്നീര്‍ക്കര സര്‍ക്കാര്‍ ഐടിഐയില്‍ 2020 ദ്വിവത്സര ട്രേഡുകളില്‍ പരിശീലനം പൂര്‍ത്തിയാക്കിയ ട്രെയിനികള്‍ക്ക് കോഷന്‍ ഡെപ്പോസിറ്റ് , സെക്യൂരിറ്റി  ഡെപ്പോസിറ്റ്് എന്നിവ വിതരണം ചെയ്യുന്നു. ബാങ്ക് അക്കൗണ്ട് നമ്പര്‍, ഐഎഫ്എസ്‌സി, ഫോണ്‍ നമ്പര്‍ എന്നിവ മാര്‍ച്ച് 13 നകം ഐടിഐയില്‍ ഹാജരാക്കണമെന്ന് പ്രിന്‍സിപ്പല്‍ അറിയിച്ചു. ഫോണ്‍ : 0468-2258710.
 

ജില്ലയില്‍ അക്ഷയ സംരംഭകരെ തിരഞ്ഞെടുക്കുന്നതിനുള്ള ഓണ്‍ലൈന്‍ അപേക്ഷ  മാര്‍ച്ച് 19 വരെ നല്‍കാം. അപേക്ഷ ഫീസ്  മാര്‍ച്ച് 21 വരെ സ്വീകരിക്കും. സംസ്ഥാന സര്‍ക്കാരിന്റെ ഔദ്യോഗിക ഓണ്‍ലൈന്‍ സേവനദാതാക്കളായ അക്ഷയ പദ്ധതിയിലൂടെ പാലക്കാട് ജില്ലയിലെ 42 ലൊക്കേഷനുകളിലേക്കാണ് സംരംഭകരെ തിരഞ്ഞെടുക്കുന്നത്. പൊതുവിഭാഗത്തില്‍ 37 ലൊക്കേഷനിലേക്കും പട്ടികജാതി വിഭാഗത്തില്‍ രണ്ട്, പട്ടികവര്‍ഗ വിഭാഗത്തില്‍ മൂന്ന് ലൊക്കേഷനിലേക്കുമാണ്  (1. പുതൂര്‍, 2. പറമ്പിക്കുളം ടൗണ്‍, 3. കോട്ടോപ്പാടം 1 വില്ലേജിന് സമീപം) അപേക്ഷ ക്ഷണിക്കുന്നത്.

ഖാദി ഗ്രാമവ്യവസായ ബോര്‍ഡിന്റെ ആഭിമുഖ്യത്തില്‍ റംസാന്‍ പ്രമാണിച്ച്  മാര്‍ച്ച് 11 മുതല്‍ 23 വരെ  ഖാദി തുണിത്തരങ്ങള്‍ക്ക്  30 ശതമാനം സ്പെഷ്യല്‍ റിബേറ്റ്.  ജില്ലയില്‍ ഇലന്തൂര്‍, അടൂര്‍ റവന്യൂ ടവര്‍ , പത്തനംതിട്ട അബാന്‍ ജംഗ്ഷന്‍,  റാന്നി -ചേത്തോങ്കര  എന്നിവിടങ്ങളിലാണ് റിബേറ്റ്. കോട്ടണ്‍ ഷര്‍ട്ടിംഗ്സ്, റെഡിമെയ്ഡ് ഷര്‍ട്ട്, സില്‍ക്ക്  സാരി, സില്‍ക്ക്  ഷര്‍ട്ട് , ചുരിദാര്‍ ടോപ്പ്, ചുരിദാര്‍ മെറ്റീരിയല്‍സ്്, ബെഡ്ഷീറ്റ്, പഞ്ഞിമെത്ത, തലയിണ, പില്ലോകവര്‍, ഗ്രാമവ്യവസായ ഉല്‍പന്നങ്ങള്‍  തുടങ്ങിയവ ലഭിക്കും.
 
ഇലന്തൂര്‍ ഖാദി ടവര്‍   - 8113870434