വയനാട് ഓര്‍ഫനേജ് സ്കൂള്‍സ് കോര്‍പ്പറേറ്റ് മാനേജരുടെ കിഴീലുള്ള പിണങ്ങോട് ഡബ്ല്യു.ഒ.എച്ച്.എസ്.എസ്, മുട്ടില്‍ ഡബ്ല്യ.ഒ.വി.എച്ച്.എസ്.എസ് എന്നീ ഹയര്‍ സെക്കണ്ടറി സ്കൂളുകളില്‍ എച്ച്.എസ്.എസ്.ടി - പൊളിറ്റിക്കല്‍ സയൻസ് (ജൂനീയര്‍), ഇക്കണോമിക്സ് (ജൂനിയര്‍), ഹിന്ദി (സീനിയർ), അറബിക് (ജൂനിയര്‍), സുവോളജി (ജൂനിയര്‍), മാത്‍സ് (ജൂനിയര്‍), മലയാളം (സീനിയര്‍), എന്നീ തസ്തികകളില്‍ ദിവസവേതനാടിസ്ഥാനത്തില്‍ ഗസ്റ്റ് അധ്യാപകരെ നിയമിക്കുന്നു. നിര്‍ദ്ദിഷ്ട യോഗ്യതയുള്ളവര്‍ അഭിമുഖത്തിനായി മതിയായ രേഖകള്‍ സഹിതം ജൂൺ 11 രാവിലെ 10.30ന്  മുട്ടില്‍ ഡബ്ല്യു.എം.ഒ.യില്‍ എത്തിച്ചേരണം. ഫോൺ: 9895204364.

പനമരം സാമൂഹികാരോഗ്യ കേന്ദ്രത്തിലെ സായാഹ്ന ഒ.പിയിലേക്ക് താത്കാലികാടിസ്ഥാനത്തിൽ ഡോക്ടര്‍ നിയമനം നടത്തുന്നു. എം.ബി.ബി.എസും മെഡിക്കല്‍ കൗണ്‍സില്‍ രജിസ്‌ട്രേഷനുമാണ് യോഗ്യത. ഉദ്യോഗാര്‍ത്ഥികള്‍ ബയോഡാറ്റ, യോഗ്യത സര്‍ട്ടിഫിക്കറ്റുകളുടെ അസല്‍, പകര്‍പ്പ് എന്നിവ സഹിതം മെയ് 26 രാവിലെ 11ന് പനമരം സാമൂഹികാരോഗ്യ കേന്ദ്രത്തിൽ എത്തണം. ഫോൺ - 04935 221189

സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതിയിൽ അംഗത്വം നേടി ഒരു വർഷം പൂർത്തിയാക്കുകയും കുടിശ്ശിക കൂടാതെ കൃത്യമായി അംശാദായം അടച്ചുവരുന്നതുമായ അംഗങ്ങളുടെ മക്കൾക്ക് ക്യാഷ് അവാർഡ് വിതരണം ചെയ്യാൻ അപേക്ഷ ക്ഷണിച്ചു. ഇക്കഴിഞ്ഞ അദ്ധ്യയന വർഷം എസ്.എസ്.എൽ.സി, സി.ബി.എസ്.സി, ഐ.സി.എസ്.സി എന്നീ അംഗീകൃത പാഠ്യപദ്ധതികളിലൂടെ പത്താംതരം വിജയിച്ച് എല്ലാ വിഷയങ്ങളിലും എ പ്ലസ് നേടിയ വിദ്യാർത്ഥികൾക്കാണ് അവസരം. ജൂൺ 15നകം unorganisedwssb.org എന്ന വെബ്‍സൈറ്റ് മുഖേനെ അപേക്ഷകൾ സമർപ്പിക്കണം. ഫോൺ:  0495 2378480 

മേപ്പാടി സർക്കാർ പോളിടെക്നിക് കോളേജിൽ ദിവസവേതന അടിസ്ഥാനത്തിൽ വിവിധ തസ്തികകളിലേക്ക് നിയമനം നടത്തുന്നു. കമ്പ്യൂട്ടർ എഞ്ചിനീയറിങ് ലക്ചറർ, ഇലക്ട്രോണിക്സ് എഞ്ചിനീയറിംഗ് ലക്ചറർ, കമ്പ്യൂട്ടർ എഞ്ചിനീയറിംഗ് ഡെമോൺസ്ട്രേറ്റർ, ഇലക്ട്രോണിക്സ് എഞ്ചിനീയറിംഗ് ഡെമോൺസ്ട്രേറ്റർ, കമ്പ്യൂട്ടർ എഞ്ചിനീയറിംഗ് ട്രേഡ്സ്മാൻ എന്നീ ഒഴിവുകളിലേക്കാണ് നിയമനം. ലക്ചറർ തസ്തികയിലേക്ക് ബന്ധപ്പെട്ട വിഷയത്തിൽ ഒന്നാം ക്ലാസ് ബിരുദമാണ് യോഗ്യത. ഡെമോൺസ്ട്രേറ്റർ തസ്തികയ്ക്ക് മൂന്ന് വർഷത്തെ എഞ്ചിനീയറിങ് ഡിപ്ലോമയും ട്രേഡ്സ്മാൻ തസ്തികയ്ക്ക് ഐ.ടി.ഐ/വി.എച്ച്.എസ്‌.ഇ/ടി.എച്ച്.എസ്‌.എസ്‌.എൽ.സിയുമാണ് അടിസ്ഥാന യോഗ്യത.

മുണ്ടക്കൈ ചൂരൽമല ദുരന്ത ബാധിതരുടെ പുനരധിവാസത്തിനായി കൽപ്പറ്റ എൽസ്റ്റൺ എസ്‌റ്റേറ്റിൽ നിർമ്മിക്കുന്ന ടൗൺഷിപ്പിലെ വീടുകളുടെയും അനുബന്ധ സൗകര്യങ്ങളുടെയും നിർമ്മാണ പുരോഗതി ജില്ലാ കളക്ടർ ഡി.ആർ മേഘശ്രീയുടെ അദ്ധ്യക്ഷതയിൽ ചേർന്ന യോഗം വിലയിരുത്തി. ആദ്യഘട്ടത്തിലെ 178 കുടുംബങ്ങളുടെ പുനരധിവാസം ഈ മാസം പൂർത്തിയാവും. ബാക്കി രണ്ട് ഘട്ടങ്ങളിലുള്ള 149 ഗുണഭോക്താക്കാൾക്കുള്ള വീടുകളടെ നിർമ്മാണം ദ്രുതഗതിയിൽ പൂർത്തിയാക്കേണ്ടതുണ്ട്. ഇതിന് പുറമേ ടൗൺഷിപ്പിലുണ്ടാവേണ്ട പൊതു സൗകര്യങ്ങളുടേയും നിർമ്മാണവും ആരംഭിക്കേണ്ടതുണ്ട്.

പുതിയ അദ്ധ്യയന വർഷത്തിൽ വിദ്യാർത്ഥികളെ സ്കൂളുകളിലേക്ക് സ്വാഗതം ചെയ്തുകൊണ്ടുള്ള ജില്ലാതല പ്രവേശനോത്സവം ജൂൺ ഒന്നിന് മുള്ളൻകൊല്ലി പഞ്ചായത്തിലെ പെരിക്കല്ലൂർ ജി.എച്ച്.എസ്.എസിൽ നടക്കും. സംസ്ഥാന കൃഷി വകുപ്പ് മന്ത്രി അഡ്വ. ടി സിദ്ധിഖ് മുഖ്യാതിഥിയാവും. സ്വാഗതസംഘം രൂപീകരണ യോഗത്തിൽ ജില്ലാപഞ്ചായത്ത് പ്രസിഡന്റ് ചന്ദ്രിക കൃഷ്ണൻ, മുള്ളൻകൊല്ലി ഗ്രാമപഞ്ചായത്ത് പ്രസിഡന്റ് ലിസ്സി സാബു, ഗ്രാമപഞ്ചായത്ത് അംഗങ്ങൾ, ഉദ്യോഗസ്ഥർ എന്നിവർ പങ്കെടുത്തു. ജില്ലാതല പ്രവേശനതോത്സവത്തിന് പുറമെ ജൂൺ ഒന്നിന് ബ്ലോക്ക് പഞ്ചായത്ത് തലത്തിലും എല്ലാ സ്കൂളുകളിലും പ്രവേശനോത്സവം നടക്കും.

സ്കൂൾ തുറക്കുന്നതിന് മുന്നോടിയായുള്ള ഒരുക്കങ്ങൾ അതിവേഗം പുരോഗമിക്കവെ വിവിധ വകുപ്പുകളുടെ കീഴിൽ നടക്കുന്ന പ്രവർത്തനങ്ങൾ വിലയിരുത്താൻ ജില്ലാ കളക്ടർ ഡി.ആർ മേഘശ്രീയുടെ അധ്യക്ഷതയിൽ ഉദ്യോഗസ്ഥരുടെ യോഗം ചേർന്നു. സ്കൂൾ കെട്ടിടങ്ങളുടെ കെട്ടിടങ്ങളുടെ ഫിറ്റ്നസ് പരിശോധന യഥാസമയം പൂർത്തീകരിക്കാൻ തദ്ദേശസ്വയംഭരണ സ്ഥാപനങ്ങളോടും സ്കൂൾ വാഹനങ്ങളുടെ ഫിറ്റ്നസ് പരിശോധന പൂർത്തിയാക്കാൻ മോട്ടോർ വാഹന വകുപ്പിനും യോഗത്തിൽ നിർദേശം നൽകി.

 ആറാട്ടുപുഴ ഗ്രാമപഞ്ചായത്തിലെ ചില വാർഡുകളിൽ വയറിളക്കരോഗവും ഷിഗെല്ല അണുബാധയും റിപ്പോർട്ട് ചെയ്ത സാഹചര്യത്തിൽ, ആരോഗ്യവകുപ്പിന്റെ നേതൃത്വത്തിൽ പ്രതിരോധ-ബോധവൽക്കരണ പ്രവർത്തനങ്ങൾ ഊർജ്ജിതമാക്കി. രോഗവ്യാപനം പൂർണ്ണമായും നിയന്ത്രിക്കുന്നതിനും പൊതുജനാരോഗ്യം ഉറപ്പുവരുത്തുന്നതിനുമുള്ള മുൻകരുതൽ നടപടികൾ ദ്രുതഗതിയിൽ പുരോഗമിക്കുകയാണെന്ന് ജില്ലാ മെഡിക്കൽ ഓഫീസർ (ആരോഗ്യം) ജില്ലാ കളക്ടർക്ക് റിപ്പോർട്ട് നൽകി.

നിർമ്മാണം നടക്കുന്ന ദേശീയപാത 66ന്റെ വശങ്ങളിലെ വെള്ളക്കെട്ട് നീക്കം ചെയ്യുന്നതിന് തദ്ദേശ സ്വയംഭരണസ്ഥാപനങ്ങൾക്ക് ആവശ്യമായ തുക ഒരാഴ്ചയ്ക്കുള്ളിൽ ദേശീയ പാത അതോറിറ്റി കൈമാറുമെന്ന് ജില്ലാ കളക്ടർ ഷാജി വി. നായർ അറിയിച്ചു.
ദേശീയപാത നിർമ്മാണവുമായി ബന്ധപ്പെട്ട വിവിധ പ്രശ്നങ്ങൾ ചർച്ച ചെയ്യുന്നതിന് ജില്ലാ കളക്ടറുടെ അധ്യക്ഷതയിൽ ചേർന്ന യോഗത്തിലാണ് തീരുമാനം.