ഹജ്ജ് തീർത്ഥാടനവുമായി ബന്ധപ്പെട്ട് സംസ്ഥാന ഹജ്ജ് കമ്മിറ്റിയുടെ നേതൃത്വത്തിൽ  നടന്നുവരുന്ന പ്രവർത്തനങ്ങളെ തകർക്കുന്ന രീതിയിലുള്ള പ്രവൃത്തികൾ ചില വ്യക്തികളിൽ നിന്നും ഉണ്ടാവുന്നതായും  ഇത്തരം പ്രവൃത്തികളിൽ നിന്ന് വിട്ട് നിൽക്കണമെന്നും കായിക - ന്യൂനപക്ഷക്ഷേമ - ഹജ്ജ് - വഖഫ് വകുപ്പ് മന്ത്രി വി. അബ്ദുറഹിമാൻ. കൊണ്ടോട്ടി ഹജ്ജ് ഹൗസിൽ നിർമ്മാണം പൂർത്തിയാക്കിയ 35 കിലോവാട്ടിൻ്റെ സോളാർ പ്ലാൻ്റ് ഉൾപ്പെടെ  മൂന്ന് പദ്ധതികളുടെ ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി. പരിപാടിയിൽ ഹജ്ജ് കമ്മിറ്റി ചെയർമാൻ ഡോ: ഹുസൈൻ സഖാഫി ചുള്ളിക്കോട് അധ്യക്ഷനായി.

നാട്ടില്‍ തിരിച്ചെത്തിയ പ്രവാസികള്‍ക്കായി (വാര്‍ഷിക വരുമാനം ഒന്നരലക്ഷം രൂപയില്‍ താഴെ) സംസ്ഥാന സര്‍ക്കാര്‍ നോര്‍ക്ക റൂട്ട്സ് വഴി നടപ്പിലാക്കി വരുന്ന  സാന്ത്വന ധനസഹായപദ്ധതിയുടെ  ഭാഗമായുളള അദാലത്ത് മലപ്പുറം പൊന്നാനിയില്‍  സംഘടിപ്പിച്ചു. പൊന്നാനി മുന്‍സിപ്പല്‍ കോണ്‍ഫറന്‍സ് ഹാളില്‍ രാവിലെ 10 മുതല്‍ വൈകിട്ട് മൂന്നു വരെ നടന്ന അദാലത്തില്‍ 100 ഓളം പ്രവാസികള്‍ പങ്കെടുത്തു. ഇവരില്‍ 90 ല്‍ അധികം അപേക്ഷകളും തുടര്‍ നടപടിക്രമങ്ങള്‍ക്കായി വിട്ടു.

ജില്ലാ ഗാന്ധി ഗ്രാമ വ്യവസായ ഓഫീസിന്റെ നേതൃത്വത്തിലുള്ള ഖാദി ഓണം വിപണ മേളയുടെ ഉദ്ഘാടനം പ്രസ്സ് ക്ലബ് പരിസരത്ത് ജില്ലാ കളക്ടര്‍ വി.ആര്‍. വിനോദ് നിര്‍വഹിച്ചു. ഖാദി മേളയില്‍ 30 ശതമാനം റിബേറ്റില്‍ കോട്ടണ്‍, സില്‍ക്ക്, റെഡിമെയ്ഡ്, ഖാദി വസ്ത്രങ്ങള്‍ വാങ്ങാം. ഓണം പ്രമാണിച്ച് നടത്തുന്ന സമ്മാനപദ്ധതിയില്‍ ഓരോ 1000 രൂപ പര്‍ച്ചേസിനും സമ്മാനക്കൂപ്പണ്‍ ലഭിക്കും. മെഗാ സമ്മാനമായി ഇലക്ട്രിക് കാര്‍, ഇലക്ട്രിക് സ്‌കൂട്ടര്‍, 5000 രൂപയുടെ 50 ഗിഫ്റ്റ് വൗച്ചറുകള്‍ എന്നിവയും ആഴ്ചതോറും 3000 രൂപയുടെ ഗിഫ്റ്റ് വൗച്ചറും ലഭിക്കും.

പാലക്കാട് ജില്ലയിലെ നാഗലശ്ശേരി ഐ.ടി.ഐയില്‍  ഡ്രാഫ്ട്സ്മാന്‍ സിവില്‍ , ഇന്‍ഫര്‍മേഷന്‍ ടെക്നോളജി, അഡിറ്റീവ് മാനുഫാക്ചറിംഗ് (3 ഡി പ്രിന്റിംഗ്) ടെക്നീഷന്‍, കമ്പ്യൂട്ടര്‍ എയ്ഡഡ് എംബ്രോയിഡറി ആന്‍ഡ് ഡിസൈനിങ് എന്നീ നാലു ട്രേഡുകളില്‍ ഒഴിവുള്ള ജൂനിയര്‍ ഇന്‍സ്ട്രക്ടര്‍ തസ്തികകളിലേയ്ക്ക് ഗസ്റ്റ് ഇന്‍സ്ട്രക്ടര്‍മാരെ താല്‍ക്കാലികമായി നിയമിക്കുന്നു. അഭിമുഖം ആഗസ്റ്റ് 27ന് രാവിലെ 10ന് നടക്കും. യോഗ്യത സംബന്ധിച്ച വിവരങ്ങള്‍ www.cstaricalcutta.gov.in എന്ന വെബ് സൈറ്റില്‍ ലഭ്യമാണ്.

ഡിഎല്‍എഡ് 2025- 27 അധ്യയന വര്‍ഷത്തില്‍ ജില്ലയില്‍ അപേക്ഷ നല്‍കിയവരുടെ ലിസ്റ്റ് പരിശോധനയ്ക്കും തിരുത്തലിനുമായി പ്രസിദ്ധീകരിച്ചു. ലിസ്റ്റില്‍ എന്തെങ്കിലും കൂട്ടിച്ചേര്‍ക്കലുകളോ തിരുത്തുകളോ വരുത്തുവാന്‍ ആഗ്രഹിക്കുന്നവര്‍ ആപ്ലിക്കേഷന്‍ നമ്പറും ബന്ധപ്പെട്ട രേഖകളും സഹിതം ആഗസ്റ്റ് 26 ന് ഉച്ചക്ക് മൂന്നിന് മുന്‍പായി മലപ്പുറം വിദ്യാഭ്യാസ ഉപഡയറക്ടറുടെ കാര്യാലയത്തില്‍ നേരിട്ട് ഹാജരാകണം. കൂടുതല്‍ വിവരങ്ങള്‍ ddemlpm.blogspot.com എന്ന വെബ് സൈറ്റില്‍ ലഭിക്കും.

കണ്ടംനേഷന്‍ ചെയ്ത ഉപയോഗ യോഗ്യമല്ലാത്ത ഉപകരണങ്ങളും മറ്റു വസ്തുക്കളും  കാളികാവ് സി എച്ച് സി ഓഫീസില്‍ ആഗസ്റ്റ് 27ന് രാവിലെ 11ന് പരസ്യമായി ലേലം ചെയ്യും. ഫോണ്‍ 04931258797.
 

*-ഭക്ഷണം, സൗജന്യ വൈഫൈ, വായനാമുറി എന്നീ സൗകര്യങ്ങളുള്ള ഷീ ലോഡ്ജ് അടുത്ത മാസം തുറക്കും*

താനൂര്‍ ഗവ ആര്‍ട്സ് ആന്‍ഡ് സയന്‍സ് കോളേജില്‍ ഇന്റഗ്രേറ്റഡ് എം എ മലയാളം വിഭാഗത്തില്‍ ഒന്നാം സെമസ്റ്ററില്‍ എസ്.സി.,എസ്.ടി., ഇ.ടി.ബി വിഭാഗങ്ങളില്‍ സീറ്റൊഴിവുണ്ട്. എസ് .സി, എസ്.ടി വിഭാഗത്തിലെ ഒഴിവുകളിലേക്ക് ആ വിഭാഗത്തിലുള്ളവര്‍ക്കും അവരുടെ അഭാവത്തില്‍ ഒ.ഇ.സി വിഭാഗത്തില്‍ പെട്ടവര്‍ക്കും അപേക്ഷിക്കാം. താത്പര്യമുള്ളവര്‍ ആഗസ്റ്റ് 25ന് രാവിലെ 10ന്  ആവശ്യമായ രേഖകള്‍ സഹിതം കോളേജില്‍ നേരിട്ട് ഹാജരാകണം. ഫോണ്‍: 9188900200.

താനൂര്‍  ഗവണ്‍മെന്റ് ആര്‍ട്സ് ആന്‍ഡ് സയന്‍സ് കോളേജില്‍ നാലു വര്‍ഷ ബി. എസ്. സി. ഇലക്ട്രോണിക്‌സ് ബിരുദ കോഴ്‌സില്‍ ഇ ഡബ്ലിയു .എസ് -3, എസ്.ടി -1. എല്‍.സി -1, ലക്ഷദ്വീപ് -1, കായികം -2, ഒ.ബി.എച്ച് -1, പി. ഡബ്ലിയു.ഡി -1, ഇ.ടി ബി -1, ബി എ ഇംഗ്ലീഷ് കോഴ്‌സില്‍ ഇ.ഡബ്ലിയു.എസ് - 1, ലക്ഷദ്വീപ്-1, കൂടാതെ എസ്.ടി വിഭാഗത്തിലും ബി കോം കോഴ്‌സില്‍ ഭിന്നശേഷി-2, ലക്ഷദ്വീപ്-1, കൂടാതെ എസ്. ടി വിഭാഗത്തിലും, ബി ബി എ കോഴ്‌സില്‍ ലക്ഷദ്വീപ് -1, കൂടാതെ എസ്. ടി വിഭാഗത്തിലും ബി.സി. എ. കോഴ്‌സില്‍ എസ്. ടി വിഭാഗത്തിലും ഒഴിവുകള്‍ ഉണ്ട്.

താനൂര്‍ ഗവ ആര്‍ട്സ് ആന്‍ഡ് സയന്‍സ് കോളേജില്‍ ഇന്റഗ്രേറ്റഡ് എം എ മലയാളം വിഭാഗത്തില്‍ ഏഴാം സെമസ്റ്ററില്‍ എസ്.സി-1, ഒ. ബി.എച്ച് -1, ഇ.ടി.ബി-1, പി ഡബ്ലിയു.ഡി -1, ലക്ഷദ്വീപ് -1 എന്നിങ്ങനെ സീറ്റൊഴിവുകളുണ്ട്. മലയാള ബിരുദ യോഗ്യതയുള്ളവര്‍ ആഗസ്റ്റ് 25ന് രാവിലെ 10 മണിക്ക് ആവശ്യമായ ഒറിജിനല്‍ സര്‍ട്ടിഫിക്കറ്റുകള്‍ സഹിതം കോളേജില്‍ നേരിട്ട് ഹാജരാകണം. ഫോണ്‍: 9188900200.