പട്ടാമ്പി നീലകണ്ഠ സര്‍ക്കാര്‍ സംസ്‌കൃത കോളേജിലെ 2025-26 വര്‍ഷത്തെ ഒന്നാം വര്‍ഷ ബിരുദ കോഴ്സുകളില്‍ (ഓണേഴ്‌സ് താഴെ പറയുന്ന വിഭാഗത്തില്‍ സീറ്റുകള്‍ ഒഴിവുണ്ട്. ബിഎസ്‌സി ഫിസിക്‌സ് (ഇ ഡബ്‌ളിയു എസ്-2), ബി എസ് സി കെമിസ്ട്രി (ഇ ഡബ്‌ളിയു എസ്-1), ബി എ സംസ്‌കൃതം ( ഇ ടി ബി -1, ഇ ഡബ്‌ളിയു എസ്-2, ബി എ ഇക്കണോമിക്‌സ് (ഒ ബി എക്‌സ്-1), ബി എ ഇംഗ്ലീഷ് /ഹിസ്റ്ററി (എസ് ടി-3 ), ബി എ അറബിക് (എസ് സി-7, എസ് ടി-3). അര്‍ഹരായ വിദ്യാര്‍ത്ഥികള്‍ ആഗസ്റ്റ് 25ന് ഉച്ചക്ക് 2 മണിയ്ക്കുള്ളില്‍ അതാത് വകുപ്പ് മേധാവികള്‍ മുന്‍പാകെ ഹാജരാകണം.

അരീക്കോട് താലൂക്ക് ആശുപത്രിയുടെ പിന്‍ഭാഗത്തുള്ള ഇപ്പോള്‍ ഐപി വിഭാഗം പ്രവര്‍ത്തിക്കുന്ന കെട്ടിടത്തിലേക്ക് രോഗികള്‍ക്കും ജീവനക്കാര്‍ക്കും ആംബുലന്‍സ്/വാഹനങ്ങള്‍/വീല്‍ചെയറുകള്‍ എന്നിവയ്ക്ക് സുഗമമായി സഞ്ചരിക്കുന്നതിന് കട്ട പതിപ്പിക്കല്‍ പ്രവൃത്തികള്‍ പൂര്‍ത്തിയാക്കുന്നതിന് തയ്യാറുള്ള വ്യക്തികളില്‍ നിന്നും കരാറുകാരില്‍ നിന്നും അംഗീകൃത സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു. പൂരിപ്പിച്ച ദര്‍ഘാസ് ഫോമുകള്‍ ലഭിക്കേണ്ട അവസാന തീയതി ആഗസ്റ്റ് 29.  ഫോണ്‍: 0483 2851700.

പട്ടികജാതി വികസന വകുപ്പ് 2025-26 വര്‍ഷത്തെ അയ്യന്‍ങ്കാളി മെമ്മോറിയല്‍ ടാലന്റ് സെര്‍ച്ച് ആന്റ് ഡവലപ്മെന്റ് സ്‌കോളര്‍ഷിപ്പ് പരീക്ഷ ഇന്ന് (ആഗസ്റ്റ് 24) നടക്കും. മലപ്പുറം ഗവ. ഗേള്‍സ് ഹയര്‍ സെക്കന്‍ഡറി സ്‌കൂള്‍, തിരൂര്‍ ഗവ. ബോയ്സ് ഹയര്‍ സെക്കന്‍ഡറി സ്‌കൂള്‍, എം.ആര്‍.എസ് നിലമ്പൂര്‍ എന്നീ കേന്ദ്രങ്ങളില്‍ വെച്ച് രാവിലെ 10 മുതല്‍ 12 വരെയാണ് പരീക്ഷ.

മലപ്പുറം-പൊന്നാനി കോള്‍ മേഖലയിലെ കാര്‍ഷിക പ്രവര്‍ത്തനങ്ങളെ കൂടുതല്‍ സുഖമമാക്കുന്നതിനും ഉല്‍പാദന ക്ഷമത വര്‍ധിപ്പിക്കുന്നതിനും ജില്ലാപഞ്ചായത്തിന്റെ കീഴില്‍ പുതിയ പദ്ധതി നടപ്പിലാക്കുന്നതിന്റെ ഭാഗമായി പമ്പ് ഉപയോഗിച്ച് അധികജലം നീക്കം ചെയ്യുന്നതിന് പഴയ പെട്ടിപറകള്‍ക്ക് പകരമായി കൂടുതല്‍ കാര്യക്ഷമതയുളള സബ്‌മേഴ്‌സിബിള്‍ വെര്‍ട്ടിക്കല്‍ ആക്‌സിയല്‍ ഫ്‌ളോപമ്പ് ഇന്‍സ്റ്റാള്‍ ചെയ്യുന്നതിന് കോള്‍ മേഖലയിലെ പാടശേഖരങ്ങളുടെ ഉടമസ്ഥരില്‍ നിന്നും അപേക്ഷ ക്ഷണിച്ചു. തരിശാവസ്ഥയില്‍ കിടക്കുന്ന പാടശേഖരങ്ങള്‍ക്ക് മുന്‍ഗണന ലഭിക്കും.

സംസ്ഥാന യുവജനക്ഷേമ ബോര്‍ഡ് 2024ലെ സ്വാമി വിവേകാനന്ദന്‍ യുവപ്രതിഭാ പുരസ്‌കാരത്തിന് നോമിനേഷന്‍ ക്ഷണിച്ചു. വ്യക്തിഗത പുരസ്‌കാരത്തിനായി അതത് മേഖലകളിലെ 18നും 40നും മധ്യേ പ്രായമുള്ളവരെയാണ് നോമിനേറ്റ് ചെയ്യേണ്ടത്. സാമൂഹ്യപ്രവര്‍ത്തനം, മാധ്യമപ്രവര്‍ത്തനം(പ്രിന്റ്, മീഡിയ, ദൃശ്യ മാധ്യമം), കലാസാഹിത്യം, കായികം(വനിത,പുരുഷന്‍), സംരംഭകത്വം, കൃഷി എന്നീ മേഖലകളില്‍ നിന്നും മികച്ച ഓരോ വ്യക്തിക്ക് വീതം ആകെ ഒൻപത് പേര്‍ക്കാണ് പുരസ്‌കാരങ്ങള്‍ നല്‍കുക. പുരസ്‌കാരത്തിനായി സ്വയം അപേക്ഷ നൽകാൻ കഴിയില്ല. അത് മേഖലകളുമായി ബന്ധപ്പെട്ട ഏതൊരാള്‍ക്കും മറ്റൊരാളെ നോമിനേറ്റ് ചെയ്യാം.

ജില്ലയില്‍ വിവിധ വകുപ്പുകളില്‍ ലാസ്റ്റ് ഗ്രേഡ് സര്‍വന്റ്‌സ് കാറ്റഗറി നമ്പര്‍ (548/2019) തസ്തികയിലേക്കുള്ള തെരഞ്ഞെടുപ്പിനായി 2022 ജൂണ്‍ 18 ന് നിലവില്‍ വന്ന 411/2022/ഡിഒഎം റാങ്ക് നമ്പര്‍ പട്ടിക
2025 ജൂണ്‍ 17 അര്‍ധരാത്രിയില്‍ മൂന്നു വര്‍ഷ കാലാവധി പൂര്‍ത്തിയായതിനാല്‍ 2025 ജൂണ്‍ 17 അര്‍ധരാത്രി മുതല്‍ റദ്ദായതായി പി.എസ്. സി ജില്ലാ ഓഫീസര്‍ അറിയിച്ചു.

മലപ്പുറം ജില്ലാ ടൂറിസം പ്രമോഷൻ കൗൺസിൽ ആഗസ്റ്റ് 25നു (തിങ്കൾ) നടത്താൻ തീരുമാനിച്ചിരുന്ന ലൈഫ് ഗാർഡ്, സർക്യൂട്ട് മാനേജർ എന്നീ തസ്തികകളിലേയ്ക്കുള്ള അഭിമുഖം സെപ്റ്റംബർ രണ്ടിന് ഉച്ചക്ക് രണ്ടിന് സിവിൽ സ്റ്റേഷനിലെ എഡിഎം ചേംബറിൽ നടക്കും.

ഒരു പാലം യാഥാർത്ഥ്യമായാൽ മാറുന്നത് ഒരു നാടിന്റെ മുഖഛായയാണെന്നും പാലം ഉദ്ഘാടന സമയത്തെ വൻ ജന പങ്കാളിത്തം ഇതിനുദാഹരണമാണെന്നും പൊതുമരാമത്തു വകുപ്പ് മന്ത്രി പി എ മുഹമ്മദ്‌ റിയാസ്. താനൂര്‍ മണ്ഡലത്തില്‍ തിരൂര്‍ പുഴയ്ക്ക് കുറുകെ പുതിയതായി നിര്‍മ്മിക്കുന്ന കോട്ടിലത്തറ പാലത്തിന്റെയും അപ്രോച്ച് റോഡിന്റെയും നിര്‍മ്മാണ ഉദ്ഘാടനം ഓൺലൈനായി നിർവഹിച്ച് സംസാരിക്കുകയായിരുന്നു മന്ത്രി.

നീതി ആയോഗ് വൈസ് ചെയര്‍മാൻ സുമൻ കെ ബെറിയും സംഘവും ഓഗസ്റ്റ് 29ന് ജില്ല സന്ദര്‍ശിക്കും. 28ന് രാത്രി 9.25ന് കണ്ണൂര്‍ വിമാനത്താവളത്തിൽ എത്തുന്ന അദ്ദേഹം 29ന് രാവിലെ എട്ട് മണിക്ക് മുത്തങ്ങ വനമേഖല സന്ദര്‍ശിച്ച് വനം വകുപ്പ് ഉദ്യോഗസ്ഥരുമായി ചര്‍ച്ച നടത്തും. തുടര്‍ന്ന് 11ന് നൂൽപ്പുഴ കുടുംബാരോഗ്യ കേന്ദ്രം സന്ദര്‍ശിച്ച ശേഷം ഉച്ച 12 മണിക്ക് മുണ്ടക്കൈ - ചൂരൽമല ഉരുൾപൊട്ടൽ ബാധിത പ്രദേശങ്ങൾ സന്ദര്‍ശിക്കുകയും ദുരിതാശ്വാസ, പുനരധിവാസ പ്രവര്‍ത്തനങ്ങളുടെ പുരോഗതി സംബന്ധിച്ച് ജില്ലാ ഭരണഭരണകൂടവുമായി ചര്‍ച്ച നടത്തുകയും ചെയ്യും. നീതി ആയോഗ് ഡയറക്ടര്‍ ഷോയബ്‍ അഹ്മദ് കലാലും സംഘത്തിലുണ്ടാവും.

നീതി ആയോഗിന്റെ ആസ്പിരേഷണൽ ഡിസ്ട്രിക്ട് പദ്ധതിയുടെ കീഴിൽ ജില്ലയിൽ നടത്തിവരുന്ന പദ്ധതി പ്രവര്‍ത്തനങ്ങളുടെ പുരോഗതി ജില്ലാ കളക്ടറുടെ അധ്യക്ഷതയിൽ അവലോകനം ചെയ്തു. കളക്ടറേറ്റ് മിനി കോൺഫറൻസ് ഹാളിൽ ചേര്‍ന്ന യോഗത്തിൽ പദ്ധതിക്ക് കീഴിൽ വിവിധ മേഖലകളിൽ നടന്നുവരുന്ന പ്രവര്‍ത്തനങ്ങളും നടപ്പാക്കാവുന്ന പദ്ധതികളും ചര്‍ച്ച ചെയ്തു.