സംസ്ഥാനസര്‍ക്കാര്‍ സ്ഥാപനമായ സി-ഡിറ്റ് തിരുവനന്തപുരം ഹെഡ് ഓഫീസില്‍ നടത്തുന്ന ഡിപ്ലോമ ഇന്‍ ഡിജിറ്റല്‍ മീഡിയ പ്രൊഡക്ഷന്‍ (ഡിഡിഎംപി) കോഴ്സിന് അപേക്ഷ ക്ഷണിച്ചു. മീഡിയ പ്രൊഡക്ഷന്‍, ഫിലിം ടെലിവിഷന്‍ പ്രൊഡക്ഷന്‍, ഗ്രാഫിക്/അനിമേഷന്‍, സോഷ്യല്‍ മീഡിയ കണ്ടന്റ് ക്രിയേഷന്‍ ആന്‍ഡ് പ്രൊഡക്ഷന്‍ മേഖലകളില്‍ നിരവധി ജോലി സാധ്യതകളുള്ള കോഴ്സിന് അപേക്ഷിക്കാനുള്ള അടിസ്ഥാന യോഗ്യത പ്ലസ് ടു ആണ്. ആറു മാസമാണ് കോഴ്സിന്റെ ദൈര്‍ഘ്യം.

അസാപ്പ് കേരളയും കൊച്ചിന്‍ ഷിപ്പ് യാര്‍ഡും സംയുക്തമായി നടത്തുന്ന മറൈന്‍ സ്ട്രക്ച്ചറല്‍ ഫിറ്റര്‍ കോഴ്സിലേക്ക് സ്‌പോട്ട് അഡ്മിഷന്‍ നടത്തും. ഏഴ് സീറ്റുകളിലാണ് ഒഴിവുള്ളത് (മൂന്ന് സീറ്റ് ന്യൂനപക്ഷ വിഭാഗത്തിനുള്ളതാണ്). ഐടിഐ വെല്‍ഡര്‍, ഫിറ്റര്‍, ഷീറ്റ് മെറ്റല്‍ എന്നീ ട്രേഡുകള്‍ 2020ന് ശേഷം വിജയിച്ച കുട്ടികള്‍ക്കാണ് അവസരം. ന്യൂനപക്ഷ മതവിഭാഗങ്ങളില്‍ ഉള്‍പ്പെട്ട (ക്രിസ്ത്യന്‍, മുസ്ലിം, ജൈന, ബുദ്ധ, പാഴ്‌സി) വിദ്യാര്‍ഥികള്‍ക്ക് കോഴ്സ് സൗജന്യമായിരിക്കും. ഒക്ടോബര്‍ 10ന് ക്ലാസ് തുടങ്ങും. കൂടുതല്‍ വിവരങ്ങള്‍ക്ക് ഫോണ്‍: 7736925907/9495999688

(പി.ആര്‍./എ.എല്‍.പി./1997)

കുട്ടനാട് നിയോജക മണ്ഡലത്തിലെ ചമ്പക്കുളം കനാല്‍ ജെട്ടി പാലത്തിന്റെ അപ്രോച്ച് റോഡുകളുടെ താല്‍ക്കാലിക അറ്റകുറ്റപ്പണികള്‍ ആരംഭിക്കുന്നതിനാല്‍ പാലത്തിലൂടെയുള്ള ഗതാഗതം ഒക്ടോബര്‍ രണ്ട് മുതല്‍ പൂര്‍ണ്ണമായി നിരോധിച്ചതായി പൊതുമരാമത്ത് പാലം വിഭാഗം തകഴി അസിസ്റ്റന്റ് എഞ്ചിനീയര്‍ അറിയിച്ചു.
(പി.ആര്‍./എ.എല്‍.പി./1996)

കേന്ദ്ര സര്‍ക്കാരിന്റെ എല്‍ എച്ച് ആന്‍ഡ് ഡിസിപി പദ്ധതിപ്രകാരം ആലപ്പുഴ ജില്ലയ്ക്ക് അനുവദിച്ച മൊബൈല്‍ വെറ്ററിനറി യൂണിറ്റുകളിലേക്ക് (കഞ്ഞിക്കുഴി, മുതുകുളം ബ്ലോക്കുകള്‍) വെറ്ററിനറി ഡോക്ടര്‍ തസ്തികയില്‍ താല്‍ക്കാലികമായി നിയമനം നടത്തുന്നതിന് വാക്ക് ഇന്‍ ഇന്റര്‍വ്യു നടത്തും. ബിവിഎസ്സി ആന്‍ഡ് എ എച്ച് ബിരുദവും കേരള സംസ്ഥാന വെറ്ററിനറി കൗണ്‍സില്‍ രജിസ്‌ട്രേഷനുമാണ് യോഗ്യത. ആഴ്ചയില്‍ ആറ് ദിവസം പ്രവര്‍ത്തി ദിവസമായിരിക്കും.

എറണാകുളം കടവന്ത്ര രാജീവ് ഗാന്ധി ഇന്‍ഡോര്‍ സ്റ്റേഡിയത്തില്‍ ഒക്ടോബര്‍ ഒന്നു മുതല്‍ ആറു വരെ നടത്തുന്ന 68-ാമത് സീനിയര്‍ സ്റ്റേറ്റ് ബാസ്‌കറ്റ്‌ബോള്‍ ചാമ്പ്യന്‍ഷിപ്പില്‍ പങ്കെടുക്കാനുള്ള ആലപ്പുഴ ജില്ലാ പുരുഷ, വനിതാ ടീമുകളെ തെരെഞ്ഞെടുത്തു. അംഗങ്ങള്‍ക്കുള്ള ജേഴ്സി വിതരണം വൈഎംസിഎയില്‍ ആലപ്പി ഡിസ്ട്രിക്ട് ബാസ്‌കറ്റ് ബോള്‍ അസോസിയേഷന്‍ (എഡിബിഎ) പ്രസിഡന്റ് ജേക്കബ് ജോസഫ് നിര്‍വഹിച്ചു. സെക്രട്ടറി ബി. സുഭാഷ്, കെബിഎ അസോസിയേറ്റ് സെക്രട്ടറി റോണി മാത്യു, പിആര്‍ഒ തോമസ് മത്തായി കരിക്കംപള്ളില്‍ എന്നിവര്‍ പ്രസംഗിച്ചു. എന്‍സി ജോണ്‍ ഫൗണ്ടേഷനാണ് ടീമുകളെ സ്‌പോണ്‍സര്‍ ചെയ്യുന്നത്.

ജനുവരി 17 മുതല്‍ 28 വരെ ജില്ലയില്‍ നടക്കുന്ന ദേശീയ സരസ് മേളയുടെ സംഘാടക സമിതി രൂപീകരിച്ചു. ചെങ്ങന്നൂര്‍ ഐഎച്ച്ആര്‍ഡി എഞ്ചിനീയറിംഗ് കോളേജ്  ഓഡിറ്റോറിയത്തില്‍ നടന്ന സംഘാടക സമിതിയോഗം മന്ത്രി സജി ചെറിയാന്‍ ഉദ്ഘാടനം ചെയ്തു. വിവിധ സംസ്ഥാനങ്ങളില്‍ നിന്നുള്ള വനിതാസംരംഭകരുടെ ഉത്പന്നങ്ങളുടെ പ്രദര്‍ശനവും വിപണനവും വിവിധ സംസ്ഥാനങ്ങളിലെ ഭക്ഷ്യവിഭവങ്ങള്‍ ഉള്‍പ്പെടുത്തിയുള്ള ഫുഡ്‌കോര്‍ട്ടും ഉള്‍പ്പെടെ 450 ലേറെ സ്റ്റാളുകള്‍ മേളയിലുണ്ടാവും. 12 ദിവസത്തെ മേളയില്‍ സാംസ്‌കാരിക പരിപാടികള്‍, സെമിനാറുകള്‍, ഘോഷയാത്ര ഉള്‍പ്പെടെ വിവിധ പരിപാടികളും ഉണ്ടാകും. മന്ത്രി സജി ചെറിയാന്‍ ചെയര്‍മാനും ജില്ല കലക്ടര്‍ അലക്‌സ്.എം.

സ്വച്ഛതാ ഹി സേവ 2024 കാമ്പയിന്റെ ഭാഗമായി പൊതുജനങ്ങളില്‍ ശുചിത്വ അവബോധം സൃഷ്ടിക്കുന്നതിന് ഇന്‍ഡോ ടിബറ്റന്‍ ബോര്‍ഡര്‍ പൊലീസിന്റെ നൂറനാട്ടെ 27 ാംമത് ബറ്റാലിയന്റെ നേതൃത്വത്തില്‍ ഒക്ടോബര്‍ രണ്ടിന് ബുധനാഴ്ച ആലപ്പുഴ ബീച്ചില്‍ ബഹുജന ശുചീകരണ യജ്ഞം നടത്തും. രാവിലെ ഏഴുമണിക്ക് ശുചീകരണ പ്രവര്‍ത്തനങ്ങള്‍ ആരംഭിക്കും. തദ്ദേശസ്വയംഭരണ സ്ഥാനങ്ങള്‍, ശുചീകരണ തൊഴിലാളികള്‍, പൊതുജനങ്ങള്‍ എന്നിവരെ പങ്കെടുപ്പിച്ചുകൊണ്ടാണ് കാമ്പയിന്‍ നടത്തുന്നത്.

(പി.ആര്‍./എ.എല്‍.പി./1992)
 

ജനറല്‍ ആശുപത്രിയിലെ ദ്രവമാലിന്യ സംസ്‌കരണ പ്ലാന്റ് പ്രവര്‍ത്തനം തുടങ്ങും

ഇരുപത്തൊന്നാമത് കന്നുകാലി സെന്‍സസ് എന്യൂമറേറ്റര്‍മാരായി പ്രവര്‍ത്തിക്കുവാന്‍ താല്‍പര്യമുള്ളവരില്‍ നിന്ന് അപേക്ഷ ക്ഷണിച്ചു. റിട്ടയേര്‍ഡ് ലൈവ്സ്റ്റോക്ക് ഇന്‍സ്പെക്ടര്‍മാര്‍, ഫീല്‍ഡ് ഓഫീസര്‍മാര്‍, ക്ഷീരവികസനവകുപ്പിലെ ഡയറി പ്രൊമോട്ടേഴ്സ്, വിമണ്‍ കാറ്റില്‍ കെയര്‍ വര്‍ക്കര്‍മാര്‍ എന്നിവര്‍ ഒക്ടോബര്‍ 5 ന് മുമ്പായി അതത് തദ്ദേശ സ്വയംഭരണ സ്ഥാപനങ്ങളിലെ വെറ്ററിനറി സര്‍ജന്മാര്‍ മുമ്പാകെ അപേക്ഷ സമര്‍പ്പിക്കണമെന്ന് ജില്ലാ മൃഗസംരക്ഷണ ഓഫീസര്‍ അറിയിച്ചു. വിശദവിവരങ്ങള്‍ക്ക് ഫോണ്‍: 0477 2252431.
(പി.ആര്‍./എ.എല്‍.പി./2013)
 

ആലപ്പുഴ എംപ്ലോയബിലിറ്റി സെന്റര്‍ മുഖേന സ്വകാര്യ സ്ഥാപനങ്ങളിലേക്ക് നിയമനം നടത്തുന്നതിനുള്ള അഭിമുഖം ഒക്ടോബര്‍ 5 ന് രാവിലെ 9.30 ന്് എംപ്ലോയബിലിറ്റി സെന്ററില്‍ നടക്കും. രണ്ടു കമ്പനികളിലായി 36 ഒഴിവുകള്‍ ഉണ്ട്.  പ്ലസ്ടു, ബിരുദം, ഡിപ്ലോമ, ഐ.ടി.ഐ ഇലക്ട്രീഷ്യന്‍ എന്നിവയാണ് വിദ്യാഭ്യാസ യോഗ്യത. നിശ്ചിത യോഗ്യതയുള്ളവരും എംപ്ലോയബിലിറ്റി സെന്ററില്‍ പേര് രജിസ്റ്റര്‍ ചെയ്തവരുമായ 18 നും 35 നും ഇടയില്‍ പ്രായമുള്ള തൊഴില്‍ പരിചയമുള്ളവര്‍ക്കും ഇല്ലാത്തവര്‍ക്കും പങ്കെടുക്കാം. സ്പോട്ട് രജിസ്‌ട്രേഷന്‍ ഉണ്ടാകും. കൂടുതല്‍ വിവരങ്ങള്‍ക്ക് ഫോണ്‍: 0477 2230624, 0477 2230626, 8304057735.