എസ്.എസ്.കെയിൽ ഒഴിവ്
കോട്ടയം: സമഗ്രശിക്ഷ കേരള (എസ്.എസ്.കെ.) കോട്ടയം ജില്ലയിൽ ബ്ലോക്ക് പ്രോജക്ട് കോർഡിനേറ്റർ, ബി.ആർ.സി. ട്രെയിനർ തസ്തികകളിലേക്ക് പൊതുവിദ്യാഭ്യാസ വകുപ്പിൽ ജോലി ചെയ്യുന്ന സ്ഥിരം അധ്യാപകർക്ക് അന്യത്രസേവന വ്യവസ്ഥയിൽ അപേക്ഷിക്കാം. അപേക്ഷ, ബയോഡേറ്റ, ഫോം നമ്പർ 144 (കെ.എസ്.ആർ പ്രകാരം നിർദ്ദിഷ്ട മാതൃകയിൽ) ബന്ധപ്പെട്ട വിദ്യാഭ്യാസ ഉപഡയറക്ടറുടെ നിരാക്ഷേപപത്രം എന്നിവ സഹിതം അപേക്ഷകൾ 2024 ഒക്ടോബർ 25ന് വൈകിട്ട് അഞ്ചുമണിക്കുമുമ്പായി സമഗ്രശിക്ഷ കേരളം കോട്ടയം ജില്ലാ കാര്യാലയത്തിൽ നൽകണം. ഫോൺ:0481 2581221.

ജവഹർലാൽ പബ്ലിക് ലൈബ്രറി ആൻഡ് റിസർച്ച് സെൻററിന്റെ ആഭിമുഖ്യത്തിലുള്ള ജവഹർ ലിറ്റററി ഫെസ്റ്റ് 2024 സംഘാടക സമിതി രൂപീകരണ യോഗം ഒക്‌ടോബർ 14 തിങ്കളാഴ്ച വൈകീട്ട് നാല് മണിക്ക് ജവഹർ ഓഡിറ്റോറിയത്തിൽ നടക്കും.

കേരള, ലക്ഷദ്വീപ് തീരങ്ങളിൽ ഒക്‌ടോബർ എട്ട് മുതൽ 12 വരെ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാൽ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കർണാടക തീരങ്ങളിൽ ഒക്‌ടോബർ എട്ടിനും 11നും മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാൽ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.

എം ടെക് സ്‌പോട്ട് അഡ്മിഷൻ

കോട്ടയം: രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ടെക്‌നോളജിയിൽ എം ടെക് കോഴ്‌സിൽ നിലവിലുള്ള ഒഴിവുകളിലേക്ക് ഒക്‌ടോബർ ഒൻപതിന് സ്‌പോട്ട് അഡ്മിഷൻ നടക്കും. രജിസ്‌ട്രേഷൻ രാവിലെ ഒൻപതുമണി മുതൽ 11 മണിവരെ. വിവരങ്ങൾക്ക് ഫോൺ:.9061240232  വെബ്‌സൈറ്റ്: www.rit.ac.in
 

സ്‌കൂളുകൾക്ക് സ്പോർട്സ് കിറ്റുകൾ നൽകും- ജില്ലാ പഞ്ചായത്ത് പ്രസിഡന്റ്

ക്വട്ടേഷൻ
കോട്ടയം: ഗവ. മെഡിക്കൽ കോളജിലെ ഗാസ്‌ട്രോ എൻട്രോളജി വിഭാഗത്തിലേക്ക് ഹൈട്രജൻ ലാക്ടലോസ് ബ്രെത്ത് അനലൈസർ വിതരണം ചെയ്യുന്നതിന് ക്വട്ടേഷൻ ക്ഷണിച്ചു. ഒക്ടോബർ ഒൻപതു ഉച്ചയ്്ക്കു 12 മണിവരെ ക്വട്ടേഷൻ സ്വീകരിക്കും. ഉച്ചകഴിഞ്ഞു രണ്ടുമണിക്ക് ക്വട്ടേഷൻ തുറക്കും. ഫോൺ: 0481-2597279, 2597284.

ക്വട്ടേഷൻ *
കോട്ടയം: പായിപ്പാട് ഗവ. എച്ച്.എസ്.എസ്. സ്്കൂളിൽ മാലിന്യനിർമാർജനത്തിനുവേണ്ടിയുള്ള സംവിധാനം ഒരുക്കുന്നതിനായി ക്വട്ടേഷനുകൾ ക്ഷണിച്ചു. ഒക്‌ടോബർ 10 വരെ ക്വട്ടേഷനുകൾ സ്വീകരിക്കും. ഫോൺ: 9495354575.

അപേക്ഷ ക്ഷണിച്ചു

കോട്ടയം: കേന്ദ്ര  സർക്കാർ   സംരംഭമായ   ബിസിൽ  ട്രെയിനിംഗ്  ഡിവിഷൻ ഒക്‌ടോബറിൽ ആരംഭിക്കുന്ന രണ്ടുവർഷം, ഒരു വർഷം, ആറു മാസം ദൈർഘ്യമുള്ള മോണ്ടിസ്സോറി , പ്രീ - പ്രൈമറി, നഴ്‌സറി ടീച്ചർ ട്രെയിനിംഗ് കോഴ്സുകൾക്ക് ഡിഗ്രി, പ്ലസ് ടു,എസ്.എസ്.എൽ.സി. യോഗ്യതയുള്ള വനിതകളിൽനിന്ന് അപേക്ഷ ക്ഷണിച്ചു. വിശദ  വിവരങ്ങൾക്ക്   ബിസിൽ ട്രെയിനിംഗ് ഡിവിഷൻ. ഫോൺ:: 7994449314

ഉന്നതവിജയം നേടിയ ഹരിതകർമസേന അംഗങ്ങളുടെ മക്കളായ വിദ്യാർത്ഥികൾക്ക് ക്ലീൻ കേരള കമ്പനി നടത്തിയ അനുമോദനചടങ്ങ്് ജില്ലാ പഞ്ചായത്ത് പ്രസിഡന്റ് കെ.വി ബിന്ദു ഉദ്ഘാടനം ചെയ്യുന്നു.
 

സമഗ്രശിക്ഷാ കേരളയുടെ സ്റ്റാർസ് പദ്ധതിയിൽ ഉൾപ്പെടുത്തി ജില്ലയിലെ 12 വിദ്യാലയങ്ങളിൽ ആരംഭിക്കുന്ന സ്‌കിൽ ഡെവലപ്‌മെന്റ് സെന്ററുകളിലേക്ക് കരാറടിസ്ഥാനത്തിൽ സ്‌കിൽ സെന്റർ കോ-ഓർഡിനേറ്റർമാരെ നിയമിക്കുന്നു. എം.ബി.എ/എം.എസ്.ഡബ്ല്യൂ/ബി.എസ്.സി അഗ്രികൾച്ചർ/ബി.ടെക് യോഗ്യതയുള്ളവർക്ക് അപേക്ഷിക്കാം. പ്രായപരിധി: 20 മുതൽ 35 വയസ് വരെ. ഉദ്യോഗാർഥികൾ സർട്ടിഫിക്കറ്റുകളുടെ അസൽ, കോപ്പി സഹിതം ഒക്ടോബർ 14 ന് രാവിലെ 10.30 ന് സമഗ്രശിക്ഷാ കണ്ണൂർ ജില്ലാ പ്രോജക്ട് ഓഫീസിൽ അഭിമുഖത്തിന് എത്തണം. ഫോൺ: 04972707993.