കണ്ണൂർ ജില്ലാ ലൈബ്രറി കൗൺസിൽ ഒക്ടോബർ 25 മുതൽ 28 വരെ കളക്ടറേറ്റ് മൈതാനിയിൽ സംഘടിപ്പിക്കുന്ന പുസ്തകോത്സവം-24 ന്റെ ലോഗോ പ്രകാശനം ഒക്ടോബർ ഒമ്പതിന് ഉച്ചക്ക് 12ന്  ജില്ലാ കളക്ടർ അരുൺ കെ വിജയൻ നിർവ്വഹിക്കും.

ഉന്നതവിജയം നേടിയ ഹരിതകർമസേനാംഗങ്ങളുടെ മക്കൾക്ക് അനുമോദനം

മൃഗസംരക്ഷണ വകുപ്പിൽ അംഗീകാരമുള്ള വളണ്ടിയർമാരാകാനുള്ള എ ഹെൽപ്പ് പരിശീലനം പദ്ധതി വഴി മൃഗസംരക്ഷണ മേഖലയിൽ ചുവടുറപ്പിക്കാനൊരുങ്ങുകയാണ് ജില്ലയിലെ കുടുംബശ്രീ പ്രവർത്തകർ. പരിശീലനം ലഭിച്ച 11 കുടുംബശ്രീ പ്രവർത്തകർക്ക് ജില്ലാ മിഷൻ കോ ഓർഡിനേറ്റർ എം.വി ജയൻ സർട്ടിഫിക്കറ്റുകൾ വിതരണം ചെയ്തു. സുൽത്താൻ ബത്തേരി, കണ്ണൂർ ലൈവ് സ്റ്റോക്ക് മാനേജുമെന്റ് ട്രെയിനിങ് സെന്ററുകളിലെ പതിനാറു ദിവസത്തെ റെസിഡൻഷ്യൽ പരിശീലനം, എഴുത്തു പരീക്ഷ, പ്രായോഗിക പരീക്ഷ എന്നിവയ്ക്കു ശേഷമാണ് എ ഹെൽപ്പ് വോളണ്ടിയർ സർട്ടിഫിക്കറ്റ് ലഭിക്കുന്നത്.

സാക്ഷരതാമിഷൻ തുല്യതാപഠനകേന്ദ്രത്തിന്റെ നേതൃത്വത്തിൽ ഐറിസ് അക്കാദമി ആൻഡ്് ഐ കെയറിന്റെ സഹകരണത്തോടെ നേത്രപരിശോധന ക്യാമ്പ്.

സിവിൽ സർവീസ് പരീക്ഷയ്ക്കാവശ്യമായ പരിശീലന പരിപാടിയിലേക്ക് അപേക്ഷ ക്ഷണിച്ചു. അപേക്ഷകർ പട്ടികവർഗ വിഭാഗത്തിൽപ്പെട്ടവരും 30 വയസ്സിന് താഴെയുള്ളവരും കുറഞ്ഞത് 50 ശതമാനം മാർക്കോടെ ബിരുദം പൂർത്തീകരിച്ചവരും ആയിരിക്കണം. കുടുംബ വാർഷിക വരുമാനം രണ്ടര ലക്ഷം രൂപയിൽ കവിയരുത്. അവസാന സെമസ്റ്റർ ഫലം കാത്തിരിക്കുന്നവർക്കും അപേക്ഷിക്കാം. സെമസ്റ്റർ സമ്പ്രദായത്തിൽ ബിരുദ പഠനം നടത്തിയവരാണെങ്കിൽ അവസാന സെമസ്റ്ററിനു തൊട്ടു മുമ്പു ഫലം പ്രഖ്യാപിച്ച സെമസ്റ്റർ പരീക്ഷകളിലെല്ലാം 50 ശതമാനം മാർക്കോടെ വിജയിക്കണം. 2023-2024 വർഷം സിവിൽ സർവീസ് പരീക്ഷാ പരിശീലനം ലഭിച്ചവർ അപേക്ഷിക്കേണ്ടതില്ല.

എടക്കാട്-കണ്ണൂർ സൗത്ത് റെയിൽവെ സ്റ്റേഷനുകൾക്കിടയിലുള്ള എൻ.എച്ച് -നടാൽ (നടാൽ ഗേറ്റ്) ലെവൽ ക്രോസ് ഒക്ടോബർ എട്ടിന് രാവിലെ ഒമ്പത് മുതൽ ഉച്ചക്ക് രണ്ട് വരെ അറ്റകുറ്റ പണികൾക്കായി അടച്ചിടും.

എംപ്ലോയ്‌മെന്റ് എക്‌സ്‌ചേഞ്ചിൽ പേര് രജിസ്റ്റർ ചെയ്ത 21 മുതൽ 45 വയസ്സ് വരെ പ്രായമുള്ളവരും വ്യക്തിഗത വാർഷിക വരുമാനം ഒരു ലക്ഷത്തിൽ കവിയാത്തവരുമായ തൊഴിൽ രഹിതർക്ക് സ്വയം തൊഴിൽ കണ്ടെത്തുന്നതിന് അപേക്ഷ ക്ഷണിച്ചു. എംപ്ലോയ്‌മെന്റ് എക്‌സ്‌ചേഞ്ച് മുഖേന പത്ത് ലക്ഷം രൂപ 25 ശതമാനം സബ്‌സിഡിയിൽ വായ്പ നൽകുന്ന മൾട്ടിപർപ്പസ് സർവീസ് സെന്റേഴ്‌സ്/ ജോബ് ക്ലബ് പദ്ധതി പ്രകാരമാണ് അവസരം. താൽപര്യമുള്ളവർക്ക് തലശ്ശേരി ടൗൺ എംപ്ലോയ്‌മെന്റ് എക്‌സ്‌ചേഞ്ചിൽ അപേക്ഷാ ഫോറം ലഭിക്കും. ഫോൺ: 04902327923
 

സംസ്ഥാന ഭൂജല വകുപ്പ് 'നീരറിവ്' എന്ന മൊബൈൽ ആപ്പ് ഉപയോഗിച്ച് നടത്തുന്ന ഭൂജല സ്രോതസ്സുകളുടെ വിവര ശേഖരണത്തിന് ജില്ലയിൽ തുടക്കമായി. നാഷണൽ ഹൈഡ്രോളജി പ്രോജക്ടിന്റെ ഭാഗമായി കുടുംബശ്രീ മിഷന്റെ സഹകരണത്തോടെയാണ് വിവരശേഖരണം. വരൾച്ച പ്രതിരോധം, പ്രളയക്കെടുതികളെ അതിജീവിക്കൽ, ജലസംരക്ഷണം വഴി കാർഷിക മേഖലയുടെ വളർച്ച തുടങ്ങിയ ലക്ഷ്യങ്ങൾ കൈവരിക്കുന്നതിന് വിവരങ്ങൾ ശേഖരിക്കുകയാണ് ലക്ഷ്യം.

തുല്യതാപഠിതാക്കൾക്കായി നേത്രപരിശോധന ക്യാമ്പ് സംഘടിപ്പിച്ചു