* പൂജാ ബമ്പർ ലോട്ടറി മന്ത്രി പ്രകാശനം ചെയ്തു

ഭിന്നശേഷിക്കാരായവരെ  സഹായിക്കുന്ന എൻ.എസ്.എസ്/എൻ.സി.സി/എസ്.പി.സി യൂണിറ്റുകളെ ആദരിക്കുന്ന സാമൂഹ്യനീതി വകുപ്പിന്റെ സഹചാരി പദ്ധതിയിലേക്ക് അപേക്ഷിക്കാം. ഭിന്നശേഷിക്കാരുടെ ഉന്നമനത്തിനു വേണ്ടി പ്രവർത്തിക്കുന്ന സന്നദ്ധ സംഘടനകൾ, എൻ.ജി.ഒ സാമൂഹ്യ പ്രവർത്തകർ, സ്വകാര്യ സ്ഥാപനങ്ങൾ എന്നിവർക്ക് അപേക്ഷ സമർപ്പിക്കാവുന്നതാണ്. തെരുവിൽ കഴിയുന്ന ഭിന്നശേഷിക്കാരുടെ പുനരധിവാസ പ്രവർത്തനങ്ങൾക്കും സേവനങ്ങൾക്കും മികച്ച പ്രവർത്തനം കാഴ്ച വെയ്ക്കുന്നവർക്കും ഈ പദ്ധതിയിൽ ഉൾപ്പെടുത്തി അവാർഡ് നൽകും.

        സെന്റർ ഫോർ കണ്ടിന്യൂയിംഗ് എജുക്കേഷൻ കേരളയുടെ കീഴിൽ പ്രവർത്തിക്കുന്ന കേരള സ്റ്റേറ്റ് സിവിൽ സർവ്വീസ് അക്കദമിയുടെ തിരുവനന്തപുരം, കൊല്ലം, ആലുവ (എറണാകുളം), പാലക്കാട്, ഐ.സി.എസ്.ആർ (പൊന്നാനി), കോഴിക്കോട്, കല്യാശ്ശേരി എന്നീ കേന്ദ്രങ്ങളിൽ സിവിൽ സർവ്വീസ് പരീക്ഷയ്ക്ക് തയ്യാറെടുക്കുന്ന വിദ്യാർഥികൾക്കായി പ്രിലിംസ് ടെസ്റ്റ് സീരീസ് ആരംഭിക്കുന്നു.

        കേരള സർക്കാർ സ്ഥാപനമായ കെൽട്രോൺ വഴുതക്കാട് കെൽട്രോൺ നോളജ് സെന്ററിൽ നടത്തുന്ന ഹ്രസ്വകാല തൊഴിലധിഷ്ഠിത കോഴ്സായ സർട്ടിഫിക്കറ്റ് ഇൻ അഡ്വാൻസ്ഡ് ലാന്റ് സർവ്വെ/ സിവിൽ ആർക്കിടെക്ചർ ഡ്രാഫ്റ്റ്സ്മാൻ കോഴ്സുകളിലേക്ക് അപേക്ഷ ക്ഷണിച്ചു.

       2024-25 അധ്യയന വർഷത്തിലെ ബിരുദാനന്തര ബിരുദ നഴ്സിങ് (പിജി നഴ്സിങ്) കോഴ്സുകളിലേക്കുള്ള ഒന്നാംഘട്ട കേന്ദ്രീകൃത താൽകാലിക അലോട്ട്മെന്റ് ലിസ്റ്റ് www.cee.kerala.gov.in ൽ പ്രസിദ്ധീകരിച്ചു.

അന്തര്‍ദേശീയ ബാലികാദിനം ആചരിക്കുന്നതിന്റെ ഭാഗമായി 17 വയസ്സ് വരെ പ്രായമുള്ള പെണ്‍കുട്ടികള്‍ക്ക് ഒക്‌ടോബര്‍ 11 ന് ജില്ലാതല ചെസ് ടൂര്‍ണമെന്റ് സംഘടിപ്പിക്കുന്നു. ആലപ്പുഴ ജില്ലാ വനിതാ ശിശു വികസന വകുപ്പ് ജില്ലാ ചെസ് അസോസിയേഷന്റെ സഹകരണത്തോടെ നടത്തുന്ന ടൂര്‍ണമെന്റ് ബേഠി പഠാവോ ബേഠി ബെച്ചാവോ എന്ന കേന്ദ്ര ഗവണ്‍മെന്റ് പദ്ധതിയിലൂടെയാണ് നടപ്പിലാക്കുന്നത്. കളര്‍കോടുള്ള റിലയന്‍സ് മാളില്‍ വെച്ച് ജില്ലാ കളക്ടര്‍ അലക്സ് വര്‍ഗ്ഗീസ് രാവിലെ 9.30ന് ടൂര്‍ണമെന്റ് ഉദ്ഘാടനം ചെയ്യും. പങ്കെടുക്കുന്നതിന് ഒക്ടോബര്‍ 9 ബുധനാഴ്ച രാത്രി 10 മണിവരെ ഓണ്‍ലൈനായി രജിസ്റ്റര്‍ ചെയ്യാവുന്നതാണ്.

സംസ്ഥാന ഹജ്ജ് കമ്മിറ്റി മുഖേന ഈ വര്‍ഷത്തെ ഹജ്ജിന് തിരഞ്ഞെടുക്കപ്പെട്ടവരുടെ രേഖകള്‍ സ്വീകരിക്കുന്നതിന് കൊച്ചി, കണ്ണൂര്‍ എമ്പാര്‍ക്കേഷന്‍ പോയിന്റുകളില്‍ പ്രത്യേകം കൗണ്ടറുകള്‍ പ്രവര്‍ത്തിക്കും. എറണാകുളത്ത് ഒക്ടോബര്‍ 19-ന് രാവിലെ 10 മുതല്‍ വൈകീട്ട് അഞ്ച് വരെ കലൂര്‍ വഖഫ് ബോര്‍ഡ് ഓഫീസ് കോണ്‍ഫറന്‍സ് ഹാളിലും  കണ്ണൂരില്‍ ഒക്ടോബര്‍ 20-ന് രാവിലെ 10 മുതല്‍ വൈകീട്ട് അഞ്ച് വരെ കണ്ണൂര്‍ കളക്ടറേറ്റ് കോഫറന്‍സ് ഹാളിലും രേഖകള്‍ സ്വീകരിക്കും. കൂടാതെ എല്ലാ പ്രവൃത്തി ദിവസങ്ങളിലും കരിപ്പൂര്‍ ഹജ്ജ് ഹൗസിലും കോഴിക്കോട് പുതിയറ റീജ്യനല്‍ ഓഫീസിലും രാവിലെ 10 മുതല്‍ വൈകീട്ട് അഞ്ച് വരെ രേഖകള്‍ സ്വീകരിക്കും.

ബാലസൗഹൃദ ഭവനം എന്ന മുദ്രാവാക്യത്തിന്റെ ഭാഗമായി ചൈല്‍ഡ് വെല്‍ഫയര്‍ കമ്മിറ്റി ജില്ലാ ശിശുസംരക്ഷണ യൂണിറ്റിന്റെ സഹകരണത്തോടെ സംഘടിപ്പിച്ച നിലമ്പൂര്‍ ബ്ലോക്ക് - മുനിസിപ്പല്‍ തല അദാലത്ത് നിലമ്പൂര്‍ ബ്ലോക്ക് പഞ്ചായത്ത് ഹാളില്‍ അസിസ്റ്റന്റ് കളക്ടര്‍ വി.എം.ആര്യ ഉദ്ഘാടനം ചെയ്തു. ചൈല്‍ഡ് വെല്‍ഫയര്‍ കമ്മിറ്റി ചെയര്‍മാന്‍ എ സുരേഷ്  അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് പുഷ്പവല്ലി മുഖ്യാതിഥിയായി. ചൈല്‍ഡ് വെല്‍ഫയര്‍ കമ്മിറ്റി മെമ്പര്‍ രാജേഷ് പുതുക്കാട് ക്ലാസെടുത്തു. മെമ്പര്‍മാരായ പി.ജാബിര്‍, സി. ഹേമലത, നിലമ്പൂര്‍ എ.ഇ.ഒ പ്രേമാനന്ദന്‍ എന്നിവര്‍ സംസാരിച്ചു.