തളിപ്പറമ്പ് മണ്ഡലത്തിലെ വിവിധ വികസന പദ്ധതികളുടെ നിർവഹണ പുരോഗതി എം.വി ഗോവിന്ദൻ മാസ്റ്റർ എംഎൽഎയുടെ നേതൃത്വത്തിൽ അവലോകനം ചെയ്തു. കലക്ടറേറ്റ് കോൺഫറൻസ് ഹാളിൽ ജില്ലാ കലക്ടൻ അരുൺ കെ വിജയന്റെ അധ്യക്ഷതയിലായിരുന്നു യോഗം.

 
പാപ്പിനിശ്ശേരി ആസ്ഥാനമായി പ്രവര്‍ത്തിക്കുന്ന പൊതുമേഖലാ സ്ഥാപനമായ കെ.സി.സി.പി ലിമിറ്റഡിന് കീഴില്‍ കഞ്ചിക്കോട് കിന്‍ഫ്രാ പാര്‍ക്കില്‍ ആരംഭിക്കുന്ന പെട്രോള്‍  പമ്പിന് ശിലയിട്ടു. കഞ്ചിക്കോട് നടന്ന പരിപാടിയില്‍ പുതുശ്ശേരി ഗ്രാമപഞ്ചായത്ത് പ്രസിഡന്റ് എന്‍. പ്രസീത ശിലാസ്ഥാപനം നിര്‍വ്വഹിച്ചു. കെ.സി.സി.പി.എല്‍ മാനേജിങ് ഡയരക്ടര്‍ ആനക്കൈ ബാലകൃഷ്ണന്‍ അധ്യക്ഷത വഹിച്ചു.

ചാലിശ്ശേരി പൊലീസ് സ്റ്റേഷന്‍ പരിസരത്തെ ഉപയോഗ ശൂന്യമായ പഴയ പൊലീസ് സ്റ്റേഷന്‍ കെട്ടിടം പൊളിച്ചു മാറ്റി സാധനസാമഗ്രികള്‍ നീക്കം ചെയ്യുന്നതിനുള്ള ലേലം ഒക്ടോബര്‍ 16 ന് രാവിലെ 11 മണിക്ക് പൊലീസ് സ്റ്റേഷന്‍ പരിസരത്ത് നടക്കും. പങ്കെടുക്കാന്‍ ആഗ്രഹിക്കുന്നവര്‍ ലേല സമയത്ത് നേരിട്ട് ഹാജരാവണം. ലേലത്തിന് ഒരു മണിക്കൂര്‍ മുമ്പായി 5000 രൂപ നിരതദ്രവ്യമായി കെട്ടിവെക്കുകയും വേണം. ദര്‍ഘാസ് നല്‍കുന്നവര്‍ നിരതദ്രവ്യം അടച്ചതിന്റെ ഡി.ഡി സഹിതം 'പൊലീസ് ഡിപ്പാര്‍ട്ട്‌മെന്റ് വക കെട്ടിടങ്ങള്‍ ലേലം ചെയ്തു വാങ്ങുന്നതിനുള്ള ദര്‍ഘാസ് ' എന്ന് രേഖപ്പെടുത്തിയ കവറില്‍ പാലക്കാട് ജില്ലാ പൊലീസ് ഓഫീസില്‍ സമര്‍പ്പിക്കണം.

'അഭ്യസ്തവിദ്യരായ പട്ടികജാതി യുവജനങ്ങള്‍ക്ക് സര്‍ക്കാര്‍ സ്ഥാപനങ്ങളില്‍ പരിശീലനം' എന്ന ജില്ലാ പഞ്ചായത്ത് പദ്ധതി പ്രകാരം അഭ്യസ്തവിദ്യരായ യുവജനങ്ങള്‍ക്ക് വിദ്യാഭ്യാസ യോഗ്യതയ്ക്കനുസരിച്ച് ജോലി നേടുന്നതിനുള്ള പ്രവൃത്തിപരിചയം ലഭ്യമാക്കുന്നതിന് പട്ടികജാതി വികസന വകുപ്പ് അപേക്ഷ ക്ഷണിച്ചു. പ്രതിമാസ സ്‌റ്റൈപ്പന്റോടു കൂടിയാണ് പരിശീലനം.

പാലക്കാട് ജില്ലയില്‍ ഹോംഗാര്‍ഡുകളുടെ നിലവിലുള്ള ഒഴിവുകളിലേക്കും രണ്ടു വര്‍ഷത്തിനുള്ളില്‍ വരുന്ന പ്രതീക്ഷിത ഒഴിവുകളിലേക്കുമുള്ള നിയമനത്തിനായി 2024 ആഗസ്റ്റിലെ വിജ്ഞാപന പ്രകാരം അപേക്ഷ സമര്‍പ്പിച്ചവര്‍ക്കായുള്ള കായികക്ഷമതാ പരിശോധനയും സര്‍ട്ടിഫിക്കറ്റ് പരിശോധനയും ഒക്ടോബര്‍ 16 ന് രാവിലെ ആറു മണിക്ക് പാലക്കാട് മുട്ടിക്കുളങ്ങര കെ.എ.പി-രണ്ട് ബറ്റാലിയന്‍ ക്യാമ്പില്‍ നടക്കും. നിയമനത്തിനായുള്ള വിജ്ഞാപനത്തില്‍ പറഞ്ഞിരിക്കുന്ന, സേനാ വിഭാഗങ്ങളില്‍ നിന്നും വിരമിച്ച, 10-ാം ക്ലാസ്സ് പാസ്സായവര്‍ക്കും ആര്‍മി മെട്രിക്കുലേഷന്‍ അടക്കം തത്തുല്യ യോഗ്യതയുള്ളവര്‍ക്കുമാണ് പരിശോധന നടക്കുക.

ലോക മാനസികാരോഗ്യ ദിനാചരണത്തിന്റെ ജില്ലാതല ഉദ്ഘാടനം പാലക്കാട് ബ്ലോക്ക് പഞ്ചായത്ത് ഹാളില്‍ പാലക്കാട് ബ്ലോക്ക് പഞ്ചായത്ത് വൈസ് പ്രസിഡന്റ് പി.ആര്‍ സുഷമ നിര്‍വ്വഹിച്ചു. ഡെപ്യൂട്ടി ജില്ലാ മെഡിക്കല്‍ ഓഫീസര്‍ ഡോ. കാവ്യ കരുണാകരന്‍ അധ്യക്ഷത വഹിച്ചു.  ജില്ലാ മാനസികാരോഗ്യ പദ്ധതി നോഡല്‍ ഓഫീസര്‍ ഡോ.സുവിന്‍ ആനന്ദ് ദിനാചരണ സന്ദേശം നല്‍കി. 'തൊഴിലിടങ്ങളിലെ മാനസികാരോഗ്യം മുന്‍ഗണന നല്‍കാന്‍ സമയമായി ' എന്നതാണ് ഈ വര്‍ഷത്തെ ദിനാചരണ സന്ദേശം.

പട്ടികവർഗ വികസന വകുപ്പിന് കീഴിൽ കുറ്റിച്ചലിൽ പ്രവർത്തിക്കുന്ന ജി.കാർത്തികേയൻ മെമ്മോറിയൽ (സി.ബി.എസ്.ഇ) മോഡൽ റസിഡൻഷ്യൽ സ്‌കൂളിലെ വിദ്യാർത്ഥികളേയും ജീവനക്കാരെയും കളിക്കളം 2024 കായിക മേളയിൽ പങ്കെടുപ്പിക്കുന്നതിന് എൽ.എൻ.സി.പി.ഇ ക്യാമ്പസിലേക്ക് കൊണ്ടുപോകുന്നതിനും തിരികെ സ്‌കൂളിൽ എത്തിക്കുന്നതിനും ഒരു വാഹനം ലഭ്യമാക്കുന്നതിനായി ക്വട്ടേഷൻ ക്ഷണിച്ചു. 35 സീറ്റിങ് കപ്പാസിറ്റിയുള്ള വാഹനമാണ് വേണ്ടത്. ഒക്ടോബർ 28,29,30 തിയതികളിലാണ് കായികമേള നടക്കുന്നത്.

* സഭാ ടിവി എക്സ്‌ക്ലൂസീവിന് തുടക്കമായി

സർക്കാർ കോളേജുകളിലെയും സ്വാശ്രയ കോളേജുകളിലെയും 2024-25 വർഷത്തെ എം.ബി.ബി.എസ് / ബി.ഡി.എസ് കോഴ്‌സുകളിലേയ്ക്കുളള മൂന്നാംഘട്ട ഓപ്ഷൻ കൺഫർമേഷൻ നടപടി ആരംഭിച്ചു. എം.ബി.ബി.എസ്/ബി.ഡി.എസ് കോഴ്‌സുകളിൽ നിലവിലുള്ള ഹയർ ഓപ്ഷനുകൾ മൂന്നാംഘട്ട അലോട്ട്‌മെന്റിലേക്ക് പരിഗണിക്കുന്നതിന് വിദ്യാർഥികൾ ഓൺലൈൻ കൺഫർമേഷൻ നൽകണം.