കൊട്ടാരക്കര സര്‍ക്കാര്‍ ടൗണ്‍ യു.പി സ്‌കൂളിലെ പുതിയ കെട്ടിടത്തിന്റെ ശിലാസ്ഥാപനവും വര്‍ണകൂടാരത്തിന്റെ ഉദ്ഘാടനവും  നഗരസഭാ ചെയര്‍പേഴ്‌സണ്‍ ഉണ്ണികൃഷ്ണമേനോന്‍ നിര്‍വഹിച്ചു. സ്‌കൂളിലെ സ്മാര്‍ട്ട് ക്ലാസ് റൂം ഉദ്ഘാടനം കൗണ്‍സിലര്‍ എസ് ആര്‍ രമേശ് നിര്‍വഹിച്ചു. വൈസ് ചെയര്‍പേഴ്‌സണ്‍ ബിജി ഷാജി അധ്യക്ഷയായി.  എസ് എസ് കെ ഉദ്യോഗസ്ഥന്‍ ജി.കെ ഹരികുമാര്‍ പദ്ധതി വിശദീകരിച്ചു.  നഗരസഭാ അംഗങ്ങള്‍, പി.ടി.എ ഭാരവാഹികള്‍, അധ്യാപകര്‍ തുടങ്ങിയവര്‍ പങ്കെടുത്തു.
 

സ്വച്ഛത ഹി സേവ 2025 ക്യാമ്പയിന്റെ ഭാഗമായി 'ശുചിത്വോത്സവം' ലോഗോ പ്രകാശനം ജില്ലാ കലക്ടര്‍  എന്‍ ദേവിദാസ് നിര്‍വഹിച്ചു.  തദ്ദേശ സ്വയംഭരണ വകുപ്പ്  ജോയിന്റ് ഡയറക്ടര്‍ എസ്. സുബോധ്, ശുചിത്വ മിഷന്‍ ജില്ലാ കോര്‍ഡിനേറ്റര്‍ കെ അനില്‍കുമാര്‍, ഐ.ഇ.സി കോര്‍ഡിനേറ്റര്‍ ശ്രുതി, പ്രോഗ്രാം ഓഫീസര്‍ ഷാനവാസ്,  ഇന്റര്‍നാഷണല്‍ ഇന്‍സ്റ്റിറ്റ്യൂട്ട് ഫോര്‍ ഓഷ്യാനോഗ്രഫി സംഘടനകളുടെ പ്രതിനിധികള്‍ തുടങ്ങിയവര്‍ പങ്കെടുത്തു.  സ്വച്ഛത ഹി സേവാ ക്യാമ്പയിനുമായി ബന്ധപ്പെട്ട പ്രവര്‍ത്തനങ്ങള്‍ സമയക്രമം പാലിച്ച് എല്ലാ തദ്ദേശ സ്വയംഭരണ സ്ഥാപനങ്ങളിലും മാര്‍ഗനിര്‍ദ്ദേശപ്രകാരം  നടത്തണമെന്ന് ജില്ലാ കലക്ടര്‍ നിര്‍ദേശിച്ചു.
 

കൊല്ലം കോര്‍പറേഷന്റെ വാര്‍ഷിക പദ്ധതിയില്‍ ഉള്‍പ്പെടുത്തി കോളജ് ഡിവിഷനില്‍ നിര്‍മിച്ച ഡേ കെയര്‍ സെന്റര്‍, വായനശാല- കമ്മ്യൂണിറ്റി ഹാള്‍ എന്നിവ മേയര്‍ ഹണി ബെഞ്ചമിന്‍  ഉദ്ഘാടനം ചെയ്തു. പറങ്കിമാംവിളയില്‍ നടന്ന ചടങ്ങില്‍ ഡെപ്യൂട്ടി മേയര്‍ എസ്. ജയന്‍ അധ്യക്ഷനായി. സ്ഥിരംസമിതി അധ്യക്ഷരായ എസ് ഗീതാകുമാരി, എം.സജീവ്, സജീവ് സോമന്‍, എസ്.സവിത ദേവി, കൗണ്‍സിലര്‍ എ നൗഷാദ് തുടങ്ങിയവര്‍ പങ്കെടുത്തു.
 

വനിതകളുടെയും കുട്ടികളുടെയും ക്ഷേമത്തിനും ഉന്നമനത്തിനുമായി ചിറ്റുമല ബ്ലോക്കില്‍ ജാഗ്രതസമിതി. സ്ത്രീകള്‍നേരിടുന്ന പ്രശ്‌നങ്ങള്‍ക്ക് പരിഹാരംകണ്ടെത്തി സുരക്ഷ ഒരുക്കുകയാണ് ലക്ഷ്യം. പഞ്ചായത്ത്-ബ്ലോക്ക്തലങ്ങളില്‍ ജാഗ്രതസമിതികളും ശിശുസംരക്ഷണസമിതിയും മൂന്നുമാസത്തില്‍ ഒരിക്കല്‍ പ്രവര്‍ത്തനങ്ങള്‍ വിലയിരുത്തും.  

യുവജനങ്ങള്‍നേരിടുന്ന പ്രശ്‌നങ്ങള്‍ക്ക് പരിഹാരങ്ങള്‍ ലഭ്യമാക്കുന്നതിനുള്ള സൗജന്യനിയമസഹായത്തിനായി 18001235310 ടോള്‍ഫ്രീ നമ്പര്‍ ഒരുക്കിയിട്ടുണ്ടെന്ന് കലക്ടറേറ്റ് കോണ്‍ഫറന്‍സ് ഹാളില്‍ നടത്തിയ സിറ്റിങില്‍ യുവജന കമ്മീഷന്‍ ചെയര്‍പേഴ്‌സണ്‍ എം.ഷാജര്‍. വിദേശ തൊഴില്‍ തട്ടിപ്പുകള്‍ കൂടിവരുന്ന സാഹചര്യത്തില്‍ ജാഗ്രതവേണം. യുവജനങ്ങളുടെ മാനസികാരോഗ്യം ഉറപ്പാക്കാനും ലഹരിക്കെതിരായി നടക്കുന്ന ക്യാമ്പയിനുകളില്‍ പരമാവധി പങ്കാളിത്തം അനിവാര്യമെന്നും പറഞ്ഞു.
22 പരാതികള്‍ പരിഹരിച്ചു. 42 പരാതികളാണ് പരിഗണിച്ചത്. 20 എണ്ണം അടുത്ത സിറ്റിങ്ങിലേക്ക് മാറ്റി. പുതുതായി ആറ് പരാതികള്‍ സ്വീകരിച്ചു.

2025 പരിശീലന വർഷത്തെ സർക്കാർ, പ്രൈവറ്റ് ഐ ടി ഐ കളിൽ പ്രവേശന തീയതി സെപ്റ്റംബർ 30 വരെ നീട്ടി.

തിരുവനന്തപുരം ജില്ലാ എംപ്ലോയ്‌മെന്റ് എക്‌സ്‌ചേഞ്ചിനു കീഴിലുള്ള എംപ്ലോയബിലിറ്റി സെന്ററിൽ സെപ്റ്റംബർ 20 രാവിലെ 10 ന് രണ്ട് സ്വകാര്യ സ്ഥാപനങ്ങളിലെ വിവിധ ഒഴിവുകളിലേക്ക് അഭിമുഖം നടക്കും.

തിരുമല - തൃക്കണ്ണാപുരം റോഡ് വീതി കൂട്ടി നവീകരിക്കുന്ന പ്രവർത്തികൾ നടക്കുന്നതിനാൽ സെപ്റ്റംബർ 19 മുതൽ ഒക്ടോബർ 18 വരെ തിരുമല - തൃക്കണ്ണാപുരം ഭാഗത്തേയ്ക്ക് സർവ്വീസ് നടത്തുന്ന പ്രൈവറ്റ്, കെ.എസ്.ആർ.ടി.സി ബസ്സുകൾ കുന്നപ്പുഴ ജങ്ഷൻ വരെ സർവ്വീസ് നടത്തി തിരിഞ്ഞു പോകണമെന്ന്  അസിസ്റ