ശ്രീകൃഷ്ണപുരം സര്‍ക്കാര്‍ എഞ്ചിനീയറിങ്ങ് കോളേജിലെ സിവില്‍ എഞ്ചിനീയറിങ് വിഭാഗത്തിലേക്ക് സിമന്റ് /അഗ്രിഗേറ്റ്/ബ്രിക്സ് എന്നിവ വിതരണം ചെയ്യുന്നതിന് ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ ഒക്ടോബര്‍ നാലിന് ഉച്ചയ്ക്ക് രണ്ട് മണിക്ക് സമര്‍പ്പിക്കണം. ഒക്ടോബര്‍ ആറിന് വൈകീട്ട് മൂന്നിന് ക്വട്ടേഷനുകള്‍ തുറന്ന് പരിശോധിക്കും. ക്വട്ടേഷന്‍ നമ്പര്‍: 2/2526. കൂടുതല്‍ വിവരങ്ങള്‍ www.gecskp.ac.in  ല്‍ ലഭിക്കും. ഫോണ്‍ 0466 2260565.

ശ്രീകൃഷ്ണപുരം സര്‍ക്കാര്‍ എഞ്ചിനീയറിങ് കോളേജില്‍ സിവില്‍ എഞ്ചിനീയറിങ് വിഭാഗത്തിലേക്ക് മര ഉരുപ്പടികള്‍ വിതരണം ചെയ്യുന്നതിന് ക്വട്ടേഷനുകള്‍ ക്ഷണിച്ചു. പൂരിപ്പിച്ച ക്വട്ടേഷനുകള്‍ സെപ്റ്റംബര്‍ 29ന് ഉച്ചയ്ക്ക് രണ്ട് മണിക്ക് മുമ്പായി ലഭ്യമാക്കണം. ക്വട്ടേഷന്‍ നമ്പര്‍: 4/2526. സെപ്റ്റംബര്‍ 30 വൈകീട്ട് മൂന്നിന് ക്വട്ടേഷനുകള്‍ തുറന്ന് പരിശോധിക്കും. കൂടുതല്‍ വിവരങ്ങള്‍ www.gecskp.ac.in  ല്‍ ലഭിക്കും. ഫോണ്‍: 0466 2260565.

കിഴക്കഞ്ചേരി ഗ്രാമപഞ്ചായത്തില്‍ ഹരിത കര്‍മ്മസേനക്കായി വാങ്ങിയ വാഹനത്തിന്റെ ഫ്‌ളാഗ് ഓഫ് ആലത്തൂര്‍ ബ്ലോക്ക് പഞ്ചായത്ത് പ്രസിഡന്റ് രജനി ബാബു നിര്‍വഹിച്ചു. ഗ്രാമപഞ്ചായത്ത് സെക്രട്ടറി വത്സല താക്കോല്‍ ഏറ്റുവാങ്ങി. ബ്ലോക്ക് പഞ്ചായത്തിന്റെ 2024-25 വാര്‍ഷിക പദ്ധതിയില്‍ ഉള്‍പ്പെടുത്തി 4,62,000 രൂപ  ചെലവഴിച്ചാണ് വാഹനം വാങ്ങി നല്‍കിയത്. ഗ്രാമപഞ്ചായത്തിന്റെ മാലിന്യസംസ്‌കരണ പ്രവര്‍ത്തനങ്ങള്‍ സജീവമാക്കുന്നതിന്റെ ഭാഗമായാണ് പിക്കപ്പ് വാന്‍ വാങ്ങി നല്‍കിയത്.

പോഷകബാല്യം പദ്ധതിയുടെ ഭാഗമായി ആലത്തൂര്‍ അഡീഷണല്‍ ഐസിഡിഎസ് പ്രൊജക്ട് ഓഫീസ് പരിധിയിലുള്ള നാല് ഗ്രാമപഞ്ചായത്തുകളിലെ 121 അങ്കണവാടികളിലേക്ക് മുട്ടയും 100 അങ്കണവാടികളിലേക്ക് പാലും വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ സെപ്റ്റംബര്‍ 22 ഉച്ചയ്ക്ക് ഒരു മണി വരെ ഓഫീസില്‍ സ്വീകരിക്കും. ഫോണ്‍: 04922 254007

പാലക്കാട് ബ്ലോക്ക് പഞ്ചായത്ത് 2025-26 ലെ പദ്ധതി പ്രകാരം പഠനമുറി ലഭിച്ചവരുടെ ഗുണഭോക്തൃ സംഗമം സംഘടിപ്പിച്ചു. ബ്ലോക്ക് പഞ്ചായത്ത് പ്രസിഡന്റ് വി. സേതുമാധവന്‍ പരിപാടി ഉദ്ഘാടനം ചെയ്തു. സ്പില്‍ ഓവര്‍ പദ്ധതിയില്‍ ഉള്‍പ്പെടുത്തിയാണ് പഠനമുറി ലഭ്യമാക്കിയത്. ബ്ലോക്ക് പഞ്ചായത്തില്‍ 15 കുടുംബങ്ങള്‍ക്കാണ് പഠനമുറി നല്‍കിയത്.

ജില്ലയിലെ കുഴല്‍മന്ദം പൊലീസ് സ്റ്റേഷന്‍ വളപ്പില്‍ വീണുകിടക്കുന്ന തേക്ക് മരം ലേലം ചെയ്യും. താല്‍പര്യമുള്ളവര്‍ ഒക്ടോബര്‍ ആറിന് പകല്‍ 11 ന് പൊലീസ് സ്റ്റേഷന്‍ പരിസരത്ത് എത്തണമെന്ന് ജില്ലാ പൊലീസ് മേധാവി അറിയിച്ചു. നിരതദ്രവ്യം 1000 രൂപ. ഫോണ്‍-0491 2536700.